Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Adem ZAPLLUZHA

NË PREHRIN E PEMËVE

Poezi

Librin me poezi të autorit Adem Zaplluzha, "Në prehrin e pemëve"  mund ta shkarkoni falas në sektorin

„Literaturë“

Shfrytëzoj sërish rastin që ta falënderoj krijuesin e palodhur në fushën e letërsisë, Adem Zaplluzhën, për kontributin e dhënë në shpërndarjen e rrezeve të arta të dritës së dijës, pa asnjë kushtëzim duke u ofruar të gjithë dashamirësve të fjalës së shkruar, pasurinë e tij shpirtërore  -  librat e botuar,  për shkarkim falas.

NËPËR RRUGË VËRSHUAN RRUGËT

Sivjet i tërë dimri ishte pranverë

Nuk u ankuan as pemët

Që posa i mbollëm

Nga rrënjët e luleve era shtrydhi pikëllimin

Pritëm edhe dy stinë të tjera

Nëpër rrugë vërshuan rrugët

Kambana dhe ezani

Asnjëherë nuk pushuan sivjet

Pak më vonë erdhi një tjetër kohë

Nëpër shëtitore vrapuan të reshurat

Një nga një filluan  njerëzit

T’i stivojnë ëndrrat për dimrat që na presin

ETJA

Jam i etur

Dua të jetoj duke pirë ujë

Asnjë gllënjkë nuk pikon

Nga çatia e rrënuar e kujtesës

Ju erdhët e shuat etjen

Dhe u larguat pa zë

Çfarë i mbeti mbretëreshës

Pasi që u verbuan kuajt

Një zë i lashtë

Shtrydhi tërë pezmin e gjetheve

Deri në mëngjes protestuan rrënjët

 Me lotin e vesës era i lagi buzët e thara

Prishtinë, 7 gusht 2014

I THËRRAS TË RESHURAT E VJESHTËS

Veshin e djathtë ia afrova tokës

Kudo rrapëllojnë hapat e tu

Ajo muzikë e mistershme e ecjes

M’i shpon shqisat e të dëgjuarit

Gjethet lëvizin ngadalë

Çmendurisht ngadalë lëviz celuloidi

Në dorën e zgjatur të tokës

Aparati fotografik i shkrep dritat e shkyçura

Ti askund nuk je

Por dëgjohen hapat e tu si ato të erës

Trokasin në mendjen time

Trokasin deri në alivanosjen e barit

Qëndroj mbi një gur të murrmë

Kokën dhe veshin mbështes në ajrin

E turbullt

Asgjë s’dëgjohet në këto çaste

Përpos ecjes tënde nëpër gjakun tim të dehur

I thërras të reshurat e vjeshtës

Mistershëm më afrohen hapat e tu

Pemët stepen si drurët e shkretëtirës

Rëra nën këmbët e mia lëviz si dinozaur

NJËRI ANDEJ HARRESËS E TJETRI KËNDEJ KUJTESËS

Nuk di vallë

Athua unë dëgjova zërin e arsyes

Ose ti e dëgjove zërin tim në mua

Si në ëndrrën e vjeshtës

Lëvizin ngadalë mështeknat

Unë sot nuk di

Se cila është kjo stinë

Që fshihet në xhepat e erës

Është dimri i acartë

Ose po qan pranvera e hershme

Mbase nuk është asnjëra

Jemi mes dy stinëve asnjanëse

Unë këndej kujtesës i thyer përfundimisht

Kurse ti

Andej harresës lëviz kah ikja

Ku janë duart dhe ëndrrat tona

Kur i kapnim zogjtë në fluturim

E sot

Kemi mbetur diku në askundësi

Njëri andej harresës e tjetri këndej kujtesës

BURON PASIONI I PASHËRUAR I IKJES

Për çdo ditë po kthehem nga pak

Në ëndrrën time të largët

Kurse ti largohesh

Po aq nga pak nga unë

Sa që kurrsesi të na puqen rrugët

Unë nisem diku nga lindja

E silueta e jote

U bënë hije qiparisave

Në perëndimin e largët

Edhe më larg largohet një hijet

Ku do ta gjejmë pikëtakimin tonë

Mua nuk më ka mbetur më

Asnjë fjalë e gjallë

Kurse te ty

Si llava e çmendur e shpirtit

Buron pasioni i pashëruar i ikjes

Poezi nga libri i sapo botuar "Në prehrin e pemëve"