Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

NIKOLLË KËRHANAJ

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

NIKOLLË KËRHANAJ

            Hyrje

         Nikollë Kërhanaj u lind në Zym të Hasit më 05 dhjetor 1943. Shkollën fillore e kreu në vendlindje, Normalen në Prizren ndërsa Fakultetin Filozofik, Dega Gjuhë dhe Letërsi Shqipe në Prishtinë. Gjithë jetën punoi në arsim.

            Krahas  punës me mbledhjen e krijimtarisë popullore e kulturën tradicionale materiale-shpirtërore në përgjithësi, kryesisht në Has, andaj edhe është bashkëpunëtor i jashtëm i Institutit Albanologjik në Prishtinë. Herë pas here paraqitet edhe në shtypin e përditshëm, në gazetat “Bota Sot”, ”Koha Ditore” e “Zëri” si dhe në revistat periodike “Fidani”- Prizren, “Drita” -Prizren, “Bashkësia Jonë” - Gjakovë (tash e ndërprerë) me punime publicistike.

            Është veprimtari  jetës kulturore e arsimore në Zym e Has. Bashkëthemelues i Klubit letrar “Shtjefën Gjeçovi” dhe SHKA-së “Katarina Josipi” në Zym, i redaksisë së fletushkës “Zëri i Hasit” i revistës rajonale “Etja” të Hasit dhe “Zëri i Malësorit” në Gjonaj. Është kryetar i shoqatës “Kolping” -Kosovë me seli në Prizren. Merret edhe me poezi.

            Deri më tash ka botuar këto vepra:

            -“Zymi i Hasit” -fletë palesë me bashkautor Frrok Kristajn, botim i Klubit letrar “Sh. Gjeçovi”, Zym, 1996;

            -“Abetarja e Zymit” -monografi e shkollës fillore “Shtjefën Gjeçovi” në Zym, shtypur në “Drita” Krushë e Madhe, 1997;

             -“Zoja e Hasit” - monografi e kishës në Zym me bashkautor At Ndue Kajtazin, botues Kuvendi Françeskan në Gjakovë, shtyp në “Nova Makedonija”, Shkup, 2000;

            -përmbledhje vjershash “Zana e Pashtrikut” -shtëpia botuese “Bogdani-Pashku”, Prishtinë 2003;

            - “Zëri i Zymit” -buletin informative-kisha katolike e Zymit me don Albert Krista, Zym, 2006;

             - “Zymi i Shtatë Kodrave” -monografi e fshatit, botimi,  Klubit letrar “Shtjefën  Gjeçovi” shtypur në BAF- Grafik, Prizren, 2008; “;

            -“Kisha e Zojës së Hasit” -Historik i shkurtër-fletë palesë, Zym, 2010;

             -“Tempulli i Librit” - monografi e bibliotekës “Pjetër Bogdani” në Zym, Klubi letrar “Sh. Gjeçovi” në Zym, shtyp në BAF- Grafit, Prizren, 2010; ,

            -“Takimet e Gjeçovit 1971-2006” me bashkautorë, botim i Klubit, shtypi “TIMEGATE” -Prishtinë, 2007; në vazhdim almakakët: “Takimet e Gjeçovit 2007’8’9 e 10, 11, 12, 13, 14 e 2015” me bashkautorë, “Timegate” – Prishtinë

            -“Zymi i Hasit” – guide turistike me bashkautorë. U shtyp në “Dukagjini” - Pejë, 2011.

            -  “Kronistoria e shkollës në Zym”, Zym, 2014

            Është redaktori  disa monografive, veprave në prozë e në poezi.

            Nikollë Kërhanaj është anëtar i Lidhjes së Shkrimtarëve të Kosovës nga viti 2001.

            U pensionua në dhjetorin e 2008-tës dhe jeton në vendlindje.

MESAZHI I PAVARËSISË

Si të gjithë, ashtu edhe unë,

Pyesja profesorin,

Ç’vlon në shpirtin tim?

Profesori i sociologjisë heshtte,

Peshonte situatën me kokë - ulur,

Vështronte horizontalisht,

Mendonte e thellohej vërtikalisht’

Matëte globin tokësor.

- Është skeptik,

Heshtje për meditim.

…

Unë e shaloj atin e atkisë

Vrapoj  rrafshit e brisë

…

Në Ditën e Shenjtë të Dymijë e Tetës

Marr mesazhin prej Gjermanisë:

Nga miku Valter Dissinger:

- Urime - Ditën e Pavarësisë!

Prej së largu i lidhim

Mendimet e shikimet

- Thyhet heshtja e skepticizmit,

Përfundon meditimi

Në mesin tonë lulëzojnë horizontet

Përqafimet vazhdojnë me fjalët:  

- Urime, urime!

NËNË E BOTËS

Nga sytë,

Lotët shprehin dashuri.

Nga goja,

Fjalët pikojnë mjaltë.

Dhembja,      

Zemrën ia gdhendë si me daltë.

Nënë e Botës,

Shpirtmadhe e zemër gjerë.

Trupin dhe vetveten,

Për të gërbulurit,

E shtrydhi si limonin,

Ia fali të varfërve.

Tokës ia la një grusht eshtra,

Shpirtin ia fali gjithësisë,

Vendlindjes e Dardanisë,

Famën Perëndisë

Mbeti vetëm emër:

- Nënë e Dashurisë.

PAK DITË NË KURBET

Unë e puthja pragun e derës

Kur nisesha për kurbet.

Ti nënë, vështroje pragun,

Puthe të puthurën time.

Sa here të bie ndërmend

Për mua - djalin tënd të vetëm

Drejtojë  sytë në prag të derës

Aty takohet dashuria jonë.

Edhe Ju nga unë

I keni drejtuar sytë

Të takohen shikimet

Diku në mes të rrugës.

Tri herë trokit në xham

Do të lajmërohem n’oborr

Veshur me mantel të bardhë

Për të dëftuar se jam duke ardhë.

Aty, në mes të rrugës

Shkrepin shkëndijat

Për ritakim familjar.

GJEÇOVI  LIGJËRON

Fuqia e mendjes

Fjalës dhe pendës

Ishte ligjërimi i Gjeçovit

Në Kanunin e Dukagjinit.

Aty ku shkriu talentin

Fuqinë e trimit e guximit

Grumbulluar në shpirtin e Tij

Nga parimi për drejtësi,

Për liri në Shqipëri

Nderë, besë, burrëri e liri

Mbledhur në Gomsiqe,

- kur ishte i ri...

EMOCIONI I PASTËR

Nuk jam ithtar i dhunës

Kur flet dikush për paqe,

Unë derdhi lot gëzimi.

Kur dikush më donë me zemër

Emocionet më gufojnë

Unë derdhi lot nga shpirti.

Edhe për të bijtë që i kam për emër

E për vajzën që e kam për zemër

Unë derdhi lot nga shpirti.

Janë lotët në mbrojtje të tyre.

Qofshin të bekuara

këto troje stërgjyshore,

Të bekuar qofshim

Edhe ne që mbrojmë,

I bekuar qoftë çdo atdhetarë

Unë derdhi lot se jam shqiptarë.

Emocionet shpërthejnë nga një

skutë e thellë e shpirtit

Për të derdhur lot mallëngjimi.

E di që vaji s’është i burrave,

Këta s’janë lot për mort’e zi

Janë lot nga shpirti human

Që trimat e burrat bëhen edhe “kurban”.

Emocioni - vullkan që s’shuhet

Me vullnet as me dhunë

Me të shpreh:

Dashuri,

Mirësi,

Miqësi,

Mirëqenie e

Respekt

Për çdo njeri!