Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Nevin SHOSHI

 Nga revista "Mjellma"

Rekuiem për ata që lindën

"NJERËZIT NUK LEXOHEN SI ROMANET -  KUPTOHEN PA U LEXUAR"

      ...e Historia, kjo e tanishmja, madhështorja, kjo që nuk është e natyrës por që është e shoqërisë, të paktën kështu e kam mësuar në shkollë, edhe pse kjo shkollë është bërë ashtu çfarë po e shihni edhe ju e edhe më tej e komentuar po ashtu nga ju, mundohet të na e tregojë se kush, sa, prej kujt...

            ...e "Testamenti", ai i shkruar para vdekjes, i lexuar shumë e shumë kohë më parë para se të vijë radha e të përmendet tani në këto momente kur po bëhet edhe një betejë shkronjash, rreshtash, e fletësh, thoshte: "... e shtagën priftit t'i rrahë të pafetë... e kokën dashit të luftojë me të tjerët... lapsin çoban­it të mos mësohet të shkruajë... orën kohës të matet me të... unazën s'pat kujt t'ia japë - e shiti për ta blerë qefinin..." e sot më komentohet nga koka ime, nga boshësia e saj, se athua "Testamenti" ishte autentik, në mos shkronjësi apo ata që flasin De Jure - përpiluesi e kishte me gjithë mend, apo edhe ai shkrues - për­pilues në mos e kishte kokën e zbrazët, thjeshtë edhe nuk kishte kokë fare, apo kishte kokë - por e kishte të vetën, e edhe bëri çfarë e lexuat edhe ju, shkroi "Testamentin", e nënshkroi para vdekjes, e ai... ai lexon këto rreshta që mezi po shkruhen, mezi po përpilohen e mezi u gjetën që kujt t'u dedikohen, e mezi po munden të kuptohen edhe nga ata që u dedikohen këto rreshta...

            ...e Historia, kjo e tanishmja, madhështorja, kjo që nuk është e natyrës por që është e shoqërisë, të paktën kështu e kam mësuar në shkollë, edhe pse kjo shkollë është bërë ashtu çfarë po e shihni edhe ju e edhe më tej e komentuar po ashtu nga ju, mundohet të na e tregojë se kush, sa, prej kujt... e cilët janë ata që e bënë fajin e fshehën dorën, se një e një shumë herë edhe nuk mblidhen, të na tregojë kësaj here nuk mundet edhe nëse don, se nga filloi sherri, nga u nis fitili i kallur i fesatit, këtij fesati që edhe më në çdo anë edhe më rri i kallur, jo që të bëjë dritë t'u rrëfejë të humburve në kohë e hapësirë pirgun e aterrimit, e as t'ua tregojë vazhdimin e rrugëtimit atyre të sapo aterruarve...

            ...ndërsa madhështorja, kjo e tanishmja, të paktën si të tillë dëgjova se quhej, thirrej, në mos edhe është Ripagëzuar, sepse një pagëzim nga ata që morën botën në sy, apo ia vurën surin botës, edhe e kishte marr, pa kontestim, pa hidhërime, të paktën ashtu thuhej në pjesën zyrtare edhe pse ata rreth madhështores bënin poterat e llojit të vet e çonin pluhurat përpjetë sikurse në një kohë kur çohej uji nga fontanat e Gjenevës, e se a çohet tani mund ta dijnë ata me sy e në sy, ndërsa ata madhështorët, sa shpejt e morën dhe e fituan këtë titull janë bërë për t'i radhitur në "Testamentin" e përpiluesit në fjalë, "Testament" i cili edhe më tej është prezent, gjallëron, pa na rrëfyer se si i shkon halli, ai më i madhi, se ç'u bë me lapsin, atë magjepsin e ndërtuar nga dy pjesët e natyrës së gjallë e asaj të vdekur, ç'u bë me shkruesin e shumë gjërave, dëshmitarin e vetëm në mes katër syve, u fal apo u dhurua në mënyrë solemne duke u përqafuar e duke u puthur në të dy faqet me atë solemnitetin e paparë e të organizuar me pompozitet e me repertuarin përplot e me një pot­puri duartrokitjesh, apo u gjuajt në mënyrën më të thjeshtë, mu sikurse ndërti­mi e përbërja e tij në stilin: ho, merre, ja pafsh hajrin, ç'u bë me kokën, atë boshen edhe pse e kishte destinuar që t'ia falte trimit të maleve, atij që ia kishte turbulluar ujin ujkut mu nga poshtë, andej nga fundi i lumit, me orën këtë frika­caken që vetëm ngarend mbushur brekët pa pasur e pa ja mbajtur që të ndalet e të paktën njëherë sagllam ta dëgjojë Sky Radion e emisionin "Good morning - good night", e shtagën, krijesën e krijuar në parajsë, atë mjeshtëroren e botës shpirtërore, shtagën, e cila shumë e shumë herë na ka vënë buzë historisë, kësaj që po e përjetojmë edhe më, që po gjallërojmë edhe po mundohemi që të gje­jmë fillin e gjithë asaj që edhe më tej i mundon ata, por na mundon edhe neve mjeshtërve të çoroditjeve, vazhduesve, nxënësve, apo më drejtë e më mirë imi­tatorëve të veprave që bëjnë historinë, atë shoqëroren, të merret me të dhe të vazhdojë e të kërkojë fajtorin diku larg atje nga lindja e së pari të kërkojë papirusin e më vonë edhe ta fajësojë vet Kinën që ua mundësoi edhe letrën, këtë të sotmen që duron e duron e që edhe më të shkruhen e të krijohen vepra të mjeshtërores, atë që e filluan në të madhërishmen e me fjalët: jemi bërë të mëdhenj, e të vazhdojnë, të kenë jetë, trashëgim e bardhësi...