|
Parapsikologjia, edhe pse një ndër lëmenjtë më të vjetër në
historinë e njerëzimit, mjerisht, në hierarkinë e shkencës empirike, ende
nuk radhitet në vendin që meriton. Megjithatë, paraqitja e fenomeneve të
ndryshme enigmatike, lë hapësirë që pushteti i sajë të ndjehet gjithkund,
bile edhe tekë më skeptiket ! Hipnoza është njëra ndër degët e shumta në
lëmin e parapsikologjisë, e cila është edhe si urë lidhëse mes shkencës
empirike (hipnoza njihet edhe si degë shkencore) edhe asaj alternative, si
edhe një ndër fenomenet më bindëse për ekzistimin e veprimeve dhe ndikimit
të sferës mistike. Dhe, pikërisht, ky libër që keni në duar, i autorit S.
Basha, shpalosë në mënyrë transparente vetitë e përgjithshme të pushtetit të
hipnozës, të pushtetit të forcës së dijës, pra, të pushtetit të
parapsikologjisë, në vetë qenien-njeri, si dhe rrethin në përgjithësi.
Libri në fjalë, është edhe një thesar shumë i
çmuar në pasurinë e vogël që posedon literatura shqipe në këtë lëmë, por
njëkohësisht edhe libër, që do të jetë frymëzues për shumë autor të rinj;
libër që do t`i ngjallë shpresat e shumë të pashpresëve; libër që do t`ua
ngritë besimin atyre që e kanë humbur…
Autori S. Basha është munduar që në mënyrë
kronologjike ta paraqes përvojën e vet shumëvjeçare, që e ke arritur përmes
formave të ndryshme, si tek ne në Kosovë, ashtu edhe në perëndim (ku që disa
vite edhe gjendet me qëndrim). Përmes rasteve konkrete, autori sqaron në
hollësi hapat e parë të tij në këtë lëmë deri tek sukseset e shumta që ka
arritur në shërimin e shumë sëmundjeve për të cilat mjekësia aktuale është
treguar e pa suksesshme, gjë që e vërtetojnë vetë pacientet e shëruar. Është
shumë e rëndësishme të cekët, se të gjitha rastet janë rastet autoktone e jo
të marr si shembuj nga autorët e huaj, që i hasim te shumë libra tjerë. Pra,
janë raste konkrete, si ato eksperimentale, ashtu edhe ato me efekt mjekues,
edhe me informacione të mjaftueshme, si për vendin edhe kohën e procesit,
gjithashtu edhe për vetë identitetin e pjesëmarrësve, gjë që ia ngritë
madhështinë e këtij libri. Gjithashtu, autori S. Basha, është përpjekur që
gjatë shkrimit të këtij libri ta përdorë një gjuhë sa më burimore, që të
jetë sa më e kapshme për secilin, duke mos harruar që në fund të librit të
jep edhe një fjalorth të fjalëve të huaja për ta zbërthyer sa më mirë
kuptimin e secilit term që përdorët në brendi të këtij libri.
Edhe pse titulli i librit lë të kuptohet se kemi
të bëjmë me lëmin e hipnozës nga përvoja e vet autorit edhe nga shembujt
praktik që i ka aplikuar ai, në lexim e sipër, lexuesit i ofrohet mundësia
që të pasurohet edhe me njohuri të shumta të misticizmit në përgjithësi, të
cilat autori i sqaron me një sens të posaçëm në rastet e duhura, për të
cilat lexuesi do të bindet vet.
Pasi që autori, S. Basha, posedon njohuri të
thella në lëmin e parapsikologjisë (që e vërtetojnë edhe mirënjohjet,
certifikatat e diplomat e shumta që i ka nga shumë institucione evropiane),
njohuri të cilat i ka brumosur me eksperiencë të gjatë praktike, shpresojmë
se në të ardhmen do t`i përkushtohet edhe më shumë penës dhe do t'i pasuroj
bibliotekat tona me njohuri të reja të parapsikologjisë që konsiderohen
shumë të rëndësishme, si për individin në veçanti, ashtu edhe për shoqërinë
në përgjithësi, si dhe do t`u kontribuojë institucioneve të ardhshme
përkatëse të këtij lëmi, që shpresojmë se së shpejti do t`i kemi edhe ne
shqiptarët.
Librin mund ta shkarkoni në sektorin
„Literaturë“
|
