Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

Përktheu dhe përgatiti: Valdet VETAHU

OSHO PËR QESHJEN SI NJË MEDITIM

Kur ju me të vërtetë jeni të qeshur, papritmas mendimi zhduket. Dhe e tërë Zen metodologjia është se si të shkohet në jo-mendje – qeshja është një nga dyert më të mira për të hyrë në këtë.

OSHO – Qeshja sjell forcë. Tash edhe shkenca mjekësore thotë se qeshja është ilaçi më i mirë të cilën natyra ia ka dhuruar njeriut. Nëse mund të qeshni kur jeni të sëmurë ju do ta ktheni shëndeti tuaj shumë më shpejtë. Nëse ju nuk mund të qeshni, madje edhe nëse jeni të shëndosh, herët a vonë ju do ta humbni shëndetin dhe do të sëmureni.

Qeshja sjell një energji nga burimi juaj i brendshëm në sipërfaqen tuaj. Energjia fillon të rrjedhë, duke e përcjellë qeshjen si një hije. A e keni shikuar atë? Kur jeni me të vërtetë të qeshur, për ato pak çaste ju jeni në një gjendje të thellë meditative. Mendimi ndalet. Është e pamundur të qeshni dhe të mendoni njëkohësisht. Ato janë diametralisht të kundërta. Përndryshe ju mund, ja të qeshni, ja të mendoni. Nëse ju me të vërtetë qeshni, të menduarit ndalet. Nëse ju jeni ende duke menduar, qeshja do të jetë gjysmake, ajo do të jetë vetëm gjysmë, e izoluar mbrapa. Ajo do të jetë qeshje e gjymtë.

Kur ju me të vërtetë jeni të qeshur, papritmas mendimi zhduket. Dhe e tërë Zen metodologjia është se si të shkohet në jo-mendje – qeshja është një nga dyert më të mira për të hyrë në këtë. Aq sa e di unë, vallëzimi dhe qeshja janë më të mirat, natyrale, dyer lehtë të arritshme. Nëse ju me të vërtetë vallëzoni, mendimi ndalet. Ju vazhdoni e vazhdoni, rrotulloheni e rrotulloheni, dhe bëheni një vorbull – të gjitha kufijtë, të gjitha ndarjet humbin. Ju nuk e dini madje as ku trupi juaj mbaron dhe ku ekzistenca fillon. Ju shkriheni në ekzistencë dhe ekzistenca shkrihet në ju; është një mbivendosje kufijsh. Dhe nëse ju me të vërtetë vallëzoni – ju nuk e udhëhiqni atë por i lejoni që ajo t’ju udhëheqë - nëse jeni të pushtuar nga vallëzimi, mendimi ndalet.

E njëjta ngjanë edhe me qeshjen. Nëse jeni të pushtuar nga qeshja, mendimi ndalet. Dhe nëse i mësoni disa momente të jo-mendimit, këto paraqitje të shkurtra do t’ju premtojnë shumë shpërblime të cilat do të vijnë. Ju vetëm do të bëheni, gjithnjë e më shumë, lloj i kualitetit të jo- mendjes. Gjithnjë e më shumë, mendimi ka për të rënë.

Qeshja mund të jetë një hyrje e bukur në gjendjen e jo të menduarit. Ka metoda - për shembull, ju mund të përqendrohen në një flakë ose në një njollë të zezë, ose ju mund të përqendrohen në një mantra, por mundësia më e madhe është që me kohë mendja është duke u zhdukur, ju do të filloni të ndiheni të përgjumur, ju do të bini në gjumë. Sepse, para se mendja të zhduket ka hapur dy alternativa: fle - sushupti - dhe samadhi: fle dhe satori.

Kur të menduarit zhduket, këto janë dy alternativa: ose ju hyni në satori - një ndritje e plotë, gjendje e pa mendimit ose një gjumë i plotë, gjendje e pa mendimit - flenë. Dhe gjumi është më i natyrshëm, sepse ju e keni praktikuar atë gjatë. Nëse jetoni gjashtëdhjetë vjet, njëzet vjet ju keni qenë në gjumë. Ky është aktiviteti më i madhe që ju keni bërë, një e treta e jetës suaj është shpenzuar në gjumë. Në asnjë detyrë tjetër nuk keni shpenzuar aq shumë kohë dhe aq shumë energji.

Kështu  që  nëse  jeni  duke  medituar  me  llojin  TM (meditim transcendental), duke e përsëritur një mantra, deri me një kohë matra ju ndihmon të mosmendoni, përnjëherë gjumi do t’ju pushtojë. Për këtë arsye unë TM e quaj një lloj qetësuesi. Dhe kjo është apel në Amerikë për Maharishi dhe metodën e tij, sepse Amerika është i vetmi vend që vuan aq shumë nga pagjumësia. Pagjumësia thuaj se është bërë e zakonshme.

Në qoftë se pas dyzetave ju nuk keni filluar të vuani nga pagjumësia, kjo thjesht do të thotë se ju jeni një dështak, se ju nuk mund të jeni të suksesshëm - në biznes, në politikë. Në pushtet ju nuk mund të keni sukses, ju jeni një dështim. Gjithë njerëzit e suksesshëm vuajnë nga pagjumësia, duhet të vuajnë. Ata vuajnë nga ulcera, duhet të vuajnë. Pra mos harroni:, pagjumësia, ulcerat dhe gjëra të tilla nuk janë asgjë tjetër përveç se certifikata suksesi - se ju ia keni dalë.

TM ka një apel për mendjen amerikan, sepse duke përsëritur një Mantra - monotone, të njëjtën gjë përsëri e përsëri - mendja humb interesin në të, fillon të bie në gjumë. Kjo është bukuria e të qeshurit: ju nuk mund të bini në gjumë. Të qeshur, si mund të flini? Ajo sjell një gjendje të jo-mendjes dhe jo-mendimit, dhe nuk ju lejon që të bini në gjumë.

Në disa Zen manastire, çdo murg e fillon mëngjesin me të qeshura, dhe ka për ta përfunduar natën me qeshje – gjëja e parë dhe e fundit! Provoni këtë. Kjo është shumë e bukur. Kjo do të duket paksa e krisur - mm? - Për shkak se kaq shumë njerëz serioz janë gjithandej. Ata nuk do ta kuptojnë. Nëse ju jeni të lumtur, ata gjithmonë pyesin pse. Pyetja është e pamend! Nëse ju jeni të pikëlluar, ata kurrë nuk pyesin pse. Ata këtë e konsiderojnë si dhuratë – nëse jeni të pikëlluar, kjo është në rregull. Çdokush është i pikëlluar. Çfarë është e re në këtë? Edhe nëse ju doni t’iu tregoni atyre, ata nuk do të jenë të interesuar sepse ata i dinë të gjitha për të, ata vetë janë të pikëlluar. Kështu që çfarë është qëllimi për t’iu treguar një tregim të gjatë? – shkurtoni atë!

Por nëse qeshni pa ndonjë arsye, atëherë ata bëhen vigjilent – diçka ka shkuar keq. Ky njeri duket se është pak i çmendur, sepse vetëm njerëzit e çmendur kënaqen në qeshje, vetëm në çmendinë do të gjeni njerëz të çmendur duke qeshur. Kjo është për keqardhje, por kjo është ashtu. Kjo do të jetë e vështirë, nëse ju jeni burrë apo grua do të jetë e vështirë që papritmas  të  qeshni  në  mëngjes.  Por  provoni  këtë,  kjo  shpaguhet jashtëzakonisht. Kjo është një nga disponimet më të mira për t’u zgjuar me të, për t’u ngritur nga shtrati me të.

Pa asnjë arsye! sepse nuk ka arsye. Thjesht, ju jeni përsëri atje, ende të gjallë - kjo është një mrekulli! Duket qesharake! Pse ju jeni gjallë? Dhe përsëri bota është atje. Gruaja juaj është ende duke gërhitur, dhe të njëjtën dhomë, dhe të njëjtën shtëpi. Në këtë botë vazhdimisht të ndryshueshme – të cilën hindusët e quajnë “Maja”- të paktën për një natë asgjë nuk ka ndryshuar? Çdo gjë është aty: ju mund ta dëgjoni shitësin e qumështi dhe trafiku ka filluar, dhe zhurmat e njëjta - ia vlen të qeshet me këtë!

Një ditë ju nuk do të zgjoheni në mëngjes. Një ditë shitësi i qumështit do të trokas në derë, gruaja do të gërhas, por ju nuk do të jeni aty. Një ditë, vdekja do të vijë.

Dhe shikoni të gjitha me qeshje: përsëri e filloni ditën njëjtë, ju keni për t’i bërë të gjitha gjërat e njëjta, përsëri e përsëri gjatë gjithë jetës. Përsëri do t’i mbathni pantoflat tuaja, të nxitoni në banjë – për çka? T’i lani dhëmbët, të bëni dush – për çka? Ku po shkoni? Përgatiteni për të shkuar askund! Visheni, nxitoni për në zyrë – për çka? Vetëm për t’i bërë gjërat e njëjta të nesërmen?

Shikoni qeshjen në tërësi – dhe do të jetë një qeshje e mirë. Mos i çelni sytë akoma. Në momentin kur ndjeni se gjumi iku, së pari filloni të qeshni, mandej çelni sytë – dhe kjo do të jetë një prirje për gjithë ditën. Nëse ju mund të qeshni herët në mëngjes, ju do të qeshni gjithë ditën. Ju keni krijuar një efekt zinxhiror, një gjë të çon tek tjetra. Qeshja të çon në qeshje më të madhe.

Dhe pothuajse gjithmonë i kam parë njerëzit duke bërë gjëra të gabuara. Nga mëngjesi i hershëm sa janë në shtrat ata janë ankues, të ngrysur, të pikëlluar, depresiv, të mjerë. Pastaj një gjë të çon tek tjetra – dhe për asgjë. Dhe ata zemërohen… kjo është shumë e keq sepse kjo do të ndryshojë disponimin tuaj për gjatë gjithë ditës, dhe kjo do të vendos një model për gjithë ditën. Njerëzit e Zen-it janë shumë më të arsyeshëm. Në marrëzinë e tyre ata janë më të arsyeshëm se ju.

Ata e fillojnë me qeshje… dhe mandej ju për gjatë gjithë ditës e ndjeni gurgullimën e qeshjes, rrymimin e qeshjes. Ka aq shumë gjëra qesharake që ndodhin në përgjithësi! Zoti duhet të vdes nga qeshjet e Tij, inate për shekuj, me përjetësinë, duke shikuar gjërat qesharake në këtë botë, njerëzit të cilët Ai i krijoi... dhe të gjitha këto absurditete – kjo është me të vërtetë një komedi. Ai me siguri qesh.

Nëse bëheni të heshtur pas qeshjes suaj, një ditë do ta dëgjoni Zotin gjithashtu duke qeshur, do ta dëgjoni tërë ekzistencën duke qeshur – pemët, gurët dhe yjet me ju. Dhe Zen murgu shkon prapë në gjumë me qeshje. Dita përfundoi, drama u mbyll përsëri – me qeshje ai thotë: “Mirupafshim, dhe në qoftë se unë zgjohem përsëri, nesër në mëngjes do t’ju përshëndes përsëri me qeshje.”

Provoni këtë! Filloni dhe përfundoni ditën tuaj me qeshje, dhe ju do ta shihni, nga mëngjesi deri në mbrëmje, në mes të këtyre dyjave qeshja fillon të ngjajë shumë e më shumë. Dhe sa më shumë që jeni të qeshur, aq më shumë bëheni religjioz.

Pjesë nga "Përmbledhje kapitujsh mbi shakan dhe qeshjen"