Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Nga: Hysen S. DIZDARI 

Studiues i Filatelisë Shqiptare

PORTRETI I GJERGJ KASTRIOTIT-SKËNDERBEUT, NË 2 MILION E 950 MIJË COPË PULLA, SHËNON PULLËN POSTARE ME TIRAZHIN MË TË LARTË NË HISTORINË 110 VJEÇARE TË FILATELISË SHQIPTARE.

Kushtuar 580-vjetorit të ngritjes së Flamurit Shqiptar në kalanë e Krujës nga Gjergj Kastrioti -Skënderbeu: 28 Nëntor 1443 - 28 Nëntor 2023

Pjesë nga Libri: ”Gjergj Kastrioti-Skënderbeu në pullat shqiptare 1913-2017”, botuar nga autori i këtij shkrimi në vitin 2018, Vlerësuar me 6 (gjashtë) Çmime (medalje) në ekspozitat Ndërkombëtare të Librit filatelik në vitet 2018-2022.

Pulla e parë shqiptare me figurën e heroit tonë kombëtar, Gjergj Kastriotit-Skënderbeut, u emetua me datën 1 Dhjetor 1913, nga Qeveria e patriotit Ismail Qemali dhe është emisioni i gjashtë i pullës postare shqiptare. Ky emision me pulla postare është i përbërë nga 6 pulla, me vlera të ndryshme të cilat kanë të vendosur, portretin e Gjergj Kastriotit-Skënderbeut. Portreti i Skënderbeut në këtë pullë sipas John Fipps në librin: “Pullat dhe postat e Shqipërisë dhe Epirit 1878-1945” i cili thekson ne faqen -121: “Schappach, thotë se modeli është bërë prej një piktori nga Praga Hainez Kautcsh.” Por J. Fipps në librin e mësipërm thekson, që ky portret i Skënderbeut ka mundësi të jetë porosi e Qeverisë Shqiptare për medaljon, dhe me qenë se ishte i gatshëm, u vendos në emisionin e pullës të emetuar me datën 1 Dhjetor 1913. Portreti i Skënderbeut ngjason shumë me një nga portretet të Skënderbeut i cili nga disa autorë të veprave mbi Skënderbeun është cilësuar si më origjinali dhe është vepër e piktorit, Kristofano Altissimo. Ky portret sot ruhet në galerinë “Uffici” Firence, Itali.

Portreti i zgjedhur në këtë pullë është madhështor, tërheqës, i bukur nga ana artistike dhe përbën një nga portretet më të arrira të heroit tonë kombëtar, Gjergj Kastriotit-Skënderbeut, prandaj ka tërhequr vëmendjen dhe interesin e artistëve të arteve figurative shqiptare dhe të huaj.

Në dokumentet e kohës të qeverise së patriotit Ismail Qemalit e deri në sot nuk është zbuluar një dokument i cili hedh drite se përse dhe kush vendosi që pikërisht ky portret të përzgjidhet për të vendosur në pullën e parë shqiptare me Skënderbeun. Ky portret ka shumë mundësi të jetë zgjedhur nga ministri i kohës i Postës-Telegraf -Telefonave, intelektuali dhe patrioti nga Elbasani Lef Nosi. Por edhe informacioni që jep, John Fipps në librin e mësipërm për emrin e autorit të portretit të Skënderbeut në këtë pullë e ka shkruar me gabime ortografike emrin e autorit Heinrich Kautsch (ai e ka shkruar-Heinz Kautsch) dhe, siç thekson vetë J. Fipps, e ka marrë nga një tjetër studiues i filatelisë Helmut Schappach në libri “Shqipëria vendi i pullave të mistershme”-f.-27. Por emri i saktë i autorit të pullës me portretin e Skënderbeut, të emetuar me 1 dhjetor 1913 është: Heinrich Kautsch (1859-1943), një Skulptor dhe medalist i njohur lindur ne Pragë të Çekisë në vitin 1859, i cili jetoi dhe punoi në Austri (vdiq në vitin 1943).

Veçoria tjetër e këtij emisioni me pulla për Skënderbeun është se sasia e përgjithshme e pullave të emetuara sipas John Fipps është 2.950.000 (sipas disa studiuesve është 2.878.000 copë), një nga sasitë më të mëdha të botuara mbi 110 vjet të historisë së pullës shqiptare. Por një sasi prej 250.000 copë pulla të kësaj serie u përdoren për kartolina të ndryshme. Por arritja me madhja e emisionit te parë me pullën postare me portretin e Skënderbeut është se data 1 dhjetor 1913 shënon në historinë e pullës shqiptare, datën e vendosjes të sistemit të ri monetar shqiptare, i cili filloi të përdoret në vendosjen e vlerat monetare të pullave postare shqiptare. Ky sistem i ri u bazuar tek sistemi monetar Francez, ku 1 Frangë ishte i barabartë me 100 Qintar.

Kjo seri me pulla u shtyp në Torino të Italisë sipas standardit ndërkombëtar të shtypjes së pullave postare të kohës. Pulla me portretin e Skënderbeut, të emetuar me 1 dhjetor 1913 gjatë viteve 1914-1920, është mbishtypur disa herë, dhe u përdorë për pulla postare dhe për pulla takse. Pulla postare të këtij emisioni kanë vlera nominale si më poshtë vijon: 2 Qint, 5 Qint, 10 Qint, 25 Qind, 50 Qint, 1 Fr. dhe janë njohur dhe pasqyruar në katalogët e mëdhenj Evropian dhe botërore me të dhënat e mëposhtme:

Data e emetimit, 01.12.1913

-Katalogu Michel AL 29-34

-Katalogu Yvert et Tellier AL 25-30

-Katalogu Stanley Gibbons AL 27-32

Pasqyrimi dhe përfshirja e këtij emisioni të rëndësishëm mbi Heroin tonë Kombëtare Gjergj Kastrioti-Skënderbeu, në katalogët e mëdhenj të nivelit Evropian dhe botërore tregon për vlerën e madhe që kanë pullat postare shqiptare si gur kilometrik të dokumentimit të ngjarjeve  historisë dhe si “ambasadorë”, në njohjen dhe përhapjen e vlerave tona kulturore, historike në të gjitha kontinentet dhe shtetet e botës, nëpërmjet udhëtimit të letrave të kartolinave, dhe pullave postare, derë në derë, nga qyteti në qytet dhe nga shteti në shtet, nga kontinenti në kontinent.

Tirane me, 28 Nëntor 2023

LIBRAT

CERTIFIKATAT