Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Poezi nga Agron JASHARI

POEZI NGA

AGRON JASHARI      

KUR TI U NISE PËR ATJE LARG... 
 
Sikur u zbraz i tërë qyteti
pardje, për atje larg, kur u nise ti
njerëz kishte plot, gjithandej
e më dukej se s’kish mbet njeri
 
Në mbrëmje dola, të shëtisja rrugëve
por kokën anash më nuk e ktheja
fytyrën tënde më s’e kërkova
s’e e dija se s’mund ta gjeja
 
Ndalova në terasën e kafenesë
e piva kafe me miqtë e mi
po matanë në tavolinën përballë
këtë herë s’ishe, e ulur ti
 
Dhe si ç’vështronim qiellin bashkë
tani n’ballkon kam dal ta shoh
po për at’ Zot që më mban në jetë
ylli është, por hëna jo
 
Qepallat veq sa s’më janë puthur
po mendja s’po m’le të bëj gjumë
m’thotë ti atje do puthësh një tjetër,
një tjetër këtu do puth unë...!
 
 30.08.2010 Pak para mesnate
 
 

DIKUR S'KAM PAS TË KALUEME
 
Dikur s'kam pasur të kalueme
Edhe po te doja ta ktheja kokën prapa,
s'mundja, ishte një mur,
Gjithçka çfarë mund të kishte pas atij muri,
E mësoja nga të tjerët....
 
Dikur kam pasur veç të ardhme,
Kam shikuar veç përpara,         
Edhe bjeshkët i merrja për kokrra rëre,
Edhe të fluturoje s'më dukej e pamundur,
Njerëzit ishin vetëm ashtu, si unë doja
Ah sa e mrekullueshme ishte ajo kohë,
Kam jetuar si një zog,
Kam jetuar si një lule
 
Dikur s'kam pasur asnjë hallkë zinxhiri
që tërhiqja zvarrë,
as njolla, as gabime, as pendime,
Dikur s'kam ditur të dashurojë,
As të tradhtojë, as të lëndojë,
E jam skuqur para se të gënjejë,
Ndryshe nga sot, kur nuk skuqem as pasi t'kem gënjyer
 
Dikur lotët më bënin bukurosh,
i thaja me një të gudulisur,
Sot, lot më stërkeqin,
e vetëm mund të ngrihen, se nuk thahen
 
Dikur gjithçka ka qenë lumturi,
e vuajtje vetëm një e zëne në thua,
Dikur kanë ditur vërtetë të më duan,
kam ditur vërtetë të dua
 
Dikur s'kam pasur fare kujtime,
Vetëm vizione,
Dikur s'kam pasur të kalueme...
 

24.08.2010
 

ZOTI NUK ËSHTË KOMUNIST
 
Kush je ti që me ke futur frikën në palcë,
që m’ke bërë të trembëm edhe kur marr frymë
Se mos vallë po frymojë në mënyrë të mëkatshme
 
Kush je ti që imagjinatën ma helmove,
me zjarr, me katran, me lëkura te regjura,
me djaj, me shtriga, me vampirë,
që më bëre që në fantazinë time
ta provojë se si shuhet etja me ujë të valë
 
Kush je ti që shtrembëron,
fjalët e Muhamedit, Jezusit, Moisiut,
Kush je ti që më flet në emër të Zotit
më me kompetencë se sa vet të dërguarit e tij,
e Zotin vet, Mirësinë e Butësinë e pambarim
e paraqet si që je vet ti,
si  komunist, si shtypës, zjarrvënës, torturues, hakmarrës
 
Shko bre në ferr bashkë me djallin, po deshe,
merri me vete edhe mjekrat e qarçafët që mban
edhe kryqet edhe statujat
edhe fesat edhe zylyfet,
s’ke nevoje të më transmetosh fjalët e Zotit
Zoti më flet drejtpërdrejtë
Zoti është me mua dhe në mua
Dhe ti s'mund t’me ndash prej tij
 
 
Kush ta jep atë të drejtë ty,
t’më thuash mua se s’jam me Zotin
ti që lëndon e derdh gjak në emër të Atij,
që gjakderdhjen ka ndaluar,
ti që merr jetë në emër të Atij që jetë fal,
ti që urren në emër të atij qe urrejtjen, urren
 
Ik bre se ma ke lodhur shpirtin,
me kërcënime e shantazhe,
po a di ti një fjalë të ëmbël ?
 
Po ik, ik,s’dua as fjalë të ëmbla nga ti
kam Zotin tim kudo me vete,
Ai është në gjakun tim,
Ai është në shpirtin tim,
flas vet me të,
s’kam nevojë për ndërmjetim.
 
Gusht, 2010
 

NJERIU PA INAT

Bota ec përpara,nuk e ndal marshimin
njeriu shpejton hapin, vrapon
ai në vend numëron,
e vatrat hemoragjike hulumton!
 
Nga pak e për ditë,
specializohet për parazit!
 
Nga ndjenjat njerëzore,
pothuaj tërësisht është zhveshur
karakteri në të, më nuk jeton
plotësisht i ka vdekur
 
Ambicien, që moti e ka varrosur,
ankesat e tij asnjëherë nuk kanë të sosur
lotët përherë i mban gati,
që të rrëshqas në kurthën e tij,i pafajshmi dhe i pafati
 
Arsye gjithmonë ka
pse dështimi e vuajtja ne jete nuk ju nda,
fajet asnjëherë si ka vet
të tjerët që i bëjnë shumë të padrejtë
 
Lute Zotin të të mos përpiqen udhët
me atë të paudh,
po u përballe me të, mos ki mëshirë
ndryshe do të të thith si shushunjë
 
Veç një grumbull mbeturinash pa vlerë
është njeriu pa inat,
është njeriu pa karakter
 
30.08.2010

 

 
MEDIOKRIT E PRARUAR
 
Kur turma e verbuar
i duartroket,
nuk mendojnë
se janë bërë mbret,
shkojnë më larë, se s’kanë kufi
kujtojnë se janë bërë perëndi

S’janë veç triumfues pa vlerë,
që ekzaltohen
kur të tjerët i brohorasin
s’duhet shumë,
janë si flluska
pak ti fryesh edhe pëlcasin


 

SOT JETO
 
Ka rënë nata,ka rënë terri
Unë në ballkon rri vështrojë
Yjet këndshëm vezullojnë
Them dhe këtë çaste ta jetojë

Mbisundon heshtje vdekjeje
Veç gjinkallat po këndojnë
Sikur më thonë një mesazh
Ta jetojnë jetën, njerëzit harrojnë

Dhe ndjeva zërin e Heraklitit
Dhe Kahjami më foli shumë
I thashë orës ti mos u ndal
Po dhe për mua sot s’ka gjumë

Miku im çohu mos fli
shijoje sa më mirë këtë çaste
a s’e di që vdekja e gjumi
kanë dallim fare pak

Është shumë e bukur kjo jetë
e mrekullueshme është kjo botë
miku, sot mos fli fare
se këtë çast më s’e zë dot

Dhe mos thuaj se jeta ka trishtim
se shpesh duhet derdhur lotë
loti është dëshmitar i lumturisë
ndaj dhe ai s’është i kot

Lëri të vdekurit të flenë të qetë
asnjë breng mos e mendo
vetëm vdekjen lëre për nesër
dhe gjithçka tjetër sot jeto

 

 
N'VERI, N'SHIPNI
 
Ku burrnia ka fole,
Ku dashninë me pare s’mundesh me ble,
Ku n’t’paqin than mik,
t’falin veshkën pa merak,
Ku pa mendu dy here, t’falin plumbin,
pa të drejtë në i paq’ hy n’hak

Ku i keqi sun ban ven,
Ku hallexhiu pritit
qysh sun e merr me men,
Ku i miri e i ndershmi s’dalin kurrë hups,
Në një ven plot male, n’Shipni
I thonë Veri, i thonë Kuks

Ku kan gra t’dlira e çika t’mira
Si ato te dikur motit
Ne sy plot mirësi, ne shpirt veq nder
Qysh i ka kriju fuqia e Zotit

Aty t’flasin edhe malet
Per shumë gjëra të tregojnë
Qysh mes fukarallekut,shtypjes e mjerimit
Burrnin burrat e dëshmojnë

Për më ditë qysh duhet vatani
E qysh vdes burri për dhe t’vet
Veq ngri kokën nga ato bjeshkë
Secila për këtë punë të flet

E Qysh njeriu rrëzohet,përbuzët, sakatohet
E prap gjen forc e n’kambë t’veta qohet
Per këtë banja pyetje drinit të zi
Se mbrenda vetes fsheh shumë histori,
Se shumë histori në vete ka
Se shumë djers e lotë e gjak t’ktyre njerëzve ka la

Se fisnikria e vlerat e njeriut
Nuk matën as me armë,as me bukë as me flori
E aq më pak me gjeografi,
Ta dëshmojnë n’Veri
N’SHIPNI

10.07.2010