Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Nijazi BASHA

PRODUKTET E BLETËVE, VLERAT DHE PËRDORIMI I TYRE

         Poleni është i terur (në forma të kokrrave të terura) dhe ngjyrat i ka të shumëllojshme . Këtë produkt mund ta përdorim, pothuajse gati gjithkund: në mjaltë (përzihet mjalti dhe poleni nga e cila krijohet një shije të veçantë), në gjella ushqimore, në supë, në çajë, në qumësht etj., me rëndësi është që secili të bëhet mjek i vetvetes, pra ta përdorë si është më së miri për të.

            Poleni

            Poleni është pluhur i luleve. Përmes polenit, bimët në lulet e veta, e bëjnë procesin e fekondimit- prei asaj mashkullore, në femërore. Kokrrat e polenit, tek lulet e bimëve, e kryejnë procesin e formimit të fryteve.

            Lulet e bimëve që i bartin në veti kokrrat e polenit, ngjyrat i kanë të lloj-llojshme. Secila bimë i ka ngjyrat e përshtatura sipas lules së vet. Ka ngjyra të kuqe, të zezë, të verdh, të kaltër të mbylltë etj. Llogaritet të jenë mbi 10 lloje të ngjyrave.

            Secila kokërr e polenit e ka shijen e veçantë - ka shije të ëmbël por edhe të ithtë, djegës, pak të tharbtë e edhe të njelmët.

            Kokrrat e polenit, që është shumë interesant, përmbajnë në veti shume lloje të aromave, edhe atë, deri  në 150 lloje!

            Poleni është maja e mjaltit. Falë tij, mjalti bëhet më i shijshëm.

            Vetëm me polen prodhohet qumështi i amës, me të cilin ushqehet ama (nëna e bletëve) dhe larvat e bletës.

            Ajo çka është më e rëndësishmja për ne, është se  poleni ka veti shëruese, është i ushqyeshëm dhe, po ashtu, ka efekte të mira për kozmetik.

            Si ta përdorim polenin?

            Poleni është i terur (në forma të kokrrave të terura) dhe ngjyrat i ka të shumëllojshme . Këtë produkt mund ta përdorim, pothuajse gati gjithkund: në mjaltë (përzihet mjalti dhe poleni nga e cila krijohet një shije të veçantë), në gjella ushqimore, në supë, në çajë, në qumësht etj., me rëndësi është që secili të bëhet mjek i vetvetes, pra ta përdorë si është më së miri për të. Unë (autori i këtyre rreshtave)  e përdori polenin ashtu si është - të terur, në forma të kokrrave. Për mua është mjaft i shijshëm dhe, çka është më rendësi, polenin kur merret në  këtë formë është më i shëndoshë.

            Çka përmban në veti poleni dhe sa është i dobishëm për shëndetin?

            Poleni përmban: vitamina, minerale, flavonoide etj. Të gjitha këto komponentë janë tejet të rëndësishme për organizmin e njeriut.

            Karbohidratet e polenit kanë shumë lloje të sheqernave të pemëve si dhe një sasi të celulozës e të pektinës. Të gjitha këto substanca njeriut ia ndihmojnë ose ia lehtësojnë jashtëqitjen, sepse në  zorrën e trashë i zhvillojnë bakteret e dobishme.

            Proteinat dhe aminoacidet janë shumë të rëndësishme, në radhë të parë për bletët, e pastaj për njeriun. Organizmi i njeriut nuk prodhon aminoacide dhe përmes polenit ne mundemi ta kompensojmë këtë mungesë.

            Enzime dhe yndyrat e polenit i ndihmojnë qelizave që të zhvillohen më mirë.

            Vitaminat i ndihmojnë sistemit imun.

            Mineralet i ndihmojnë funksionimit të mirë të sistemit nervor dhe zhvillimit te eshtrave, dhëmbëve dhe rruazave të gjakut.

            Flavonidet janë materie të rralla në ushqime tjera dhe askund nuk gjinden si në polen. Këto materie ushqyese i ndihmojnë shumë atyre që kanë problemë me prostatën, tumor ose kancer, arteriosklerozës e kolesterinë.

            Sa duhet të hamë polen?

            10-15 gr në ditëm, kurse fëmijët banë të përdorin gjysmën e kësaj sasia (6-7gr).

            Dylli i bletëve

            Dylli është një produkt i rëndësishëm për bletarinë, për industrinë, për kozmetikën si dhe për ëmbëlsira. Ka do lloje të sheqerkave që bëhen me dyllin e bletëve. Ka shumë industri farmaceutike që e përdorin këtë produkt për prodhimin e pomadave dhe kremrave të ndryshme etj., kurse bletarëve u duhet për të prodhuar qirinj si dhe për të prodhuar baza të hojeve.

            Dylli i bletëve mund të hahet edhe me mjaltë. Shumë blerës e parapëlqejnë mjaltin me dyllë. Mjaltë me vojshtinë - i thotë populli ose mjaltë me hoje.

            Propolisi

            Propolisi është drejtpërsëdrejti materie dezinfektuese por edhe shëruese. Propolisi ka substanca mbrojtëse për organizmin e njeriut të cilat i ndihmojnë lëkurës që të rigjenerohet. Propolisi i ka rreth 200 lloje të substancave dhe të alkoolit.

            Propolisi përdoret në industri farmaceutike, përgjithësisht për dezinfektime, por edhe si krem etj.

            Në kohërat e hershme, propolisin është përdorur edhe për balsamimin e mumieve. Këtë sistem, popujt e lashtë, me siguri e kanë huazuar nga përvoja e bletëve, pas edhe bletët, viktimën e tyre (miun apo ndonjë brejtës tjetër) e balsamojnë brenda në koshere.

            Qumështi i amës (zhelle rojall)

            Ky produkt më së shumti i nevojitet vet bletëve, pasi ëma ushqehet vetëm me këtë  qumësht. Po ashtu, edhe larvat gjatë zhvillimit të tyre, kanë nevojë për të. Qumështi përdoret edhe për ushqim të njeriut... mund të përzihet me mjaltë dhe ka efekte shëruese për shumë probleme të njeriut.

            Ka bletar që e prodhojnë këtë produkt dhe e shesin në treg.

            Helmi i bletës

            Çdo bletë e vjetër e prodhon këtë helm për tu vetëmbrojtur. Ky prodhim është i rëndësishëm, në veçanti për farmacinë por dhe për mjekësin popullore ose të ndonjë natyre të ngjashme. Një thumbim i bletës liron rreth 1.5 volt rrymë. Helmi i bletës është i pasur me substanca të shumta dhe me minerale. P.sh.: histamin, dopanin, noradrenalin, fosfolipide, feromone, molitin, procamin, apamin etj.

            Helmi i bletës është shumë i dobishëm për reumatizëm, për tension të lartë, për rregullimin e rruazave të gjakut, përmirësimin e tyre, për zemrën, aneminë (pagjakësinë), dhimbjen e kokës etj, etj.

            Mjekësia alternative, por edhe ajo klasike, e praktikon me sukses këtë mjekimin tek shumë pacientë. Këtë metodë mund ta praktikoj secili person që ka dëshirë ta mësoj këtë mjekësi popullore shumë të vjetër por dhe shumë efikase. Çdo bletar i mirë e njeh këtë lloj mjekimi.

            Si përdoret thumbimi si terapi?

            Bletët që janë jashtë koshares, kapen për flatra, dhe në këtë moment, vetë bleta reagon për të thumbuar, pra thumbon. Thumbin duhet mbajtur në lëkurë afro një minutë, deri sa të lirohet helmi i bletës tërësisht nga thumbi. Terapitë e këtij mjekimi bëhen varësisht prei llojit të sëmundjes - sa ma e rëndë që është sëmundja, aq më shpesh duhet të bëhet terapia.

            Terapitë me thumbim të bletës unë i kam bërë sipas nevojës dhe mundësisë së pacientit. P. sh., thumbimin e kamë përdor për dhimbjen e nyejve të këmbëve dhe shpinës, nga tri thumbime në vendin e dhimbjes, me nga 3 seanca në javë edhe atë, fillimisht, vetëm një muaj, por pandërprerë, e pastaj në bazë të dëshirës së pacientit, sepse pacienti vet do ta kërkoj thumbimin e bletës, pasi bindet për rëndësinë e kësaj terapie kaq të mirë.

            Terapitë e tilla bëhen jo vetëm te sëmundjet e rënda, por edhe te sëmundjet e lehta...  edhe nga dëshira e individit për ruajtjen e shëndetit.

            Alergjia nga helmi dhe poleni

            Alergjinë e vërtet mund ta ketë një person në njëmijë vetë. Këta njerëz janë të pafat, pasi një thumbim i bletës ose i grerëzës, mjafton që gjuha dhe gjaku të trashet brenda një kohe shumë të shkurtë. Duhet urgjentisht të merret serum kundër këtij helmi, pasi i prekuri rrezikohet seriozisht për jetë - vetëm nga një thumbim!

            Alergjia e lehtë mund ta atakoj shumëkënd, por është e kalueshme dhe pa rrezik për jetë. Kjo manifestohet me të kruar të trupit dhe të skuqurit e fytyrës. Në të vërtet duhet të kemi durim, sepse është e kalueshme dhe nuk është mirë të bëhet ndonjë lloj paniku.

            Poleni krijon alergji shumë rrallë. Manifestohet me teshtitje dhe kjo është fazë e  lehtë, kurse ka edhe individ të atillë që iu duhet trajtim mjekësor.

            Alergjia shërohet me të njëjtin helm; ku pacienti duet të jetë shumë i interesuar për ta bërë këtë terapi. Bletarët profesionist e thumbojnë pacientin në thembrën e këmbesë, ku lëkura është më e trash dhe helmi stacionohet me dozë të vogël, nga ku pastaj, gradualisht gjaku fillon të imunizohet, por ka edhe shumë metoda të tjera.