Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU

PSE JU I RRËFENI SHAKATË

            Ju përmes qeshjes do të arrini tek Zoti – sepse ajo është e vetmja përmes më të lartës që është në juve me të cilën mund të arrini përfundimisht. Qeshja ka për t’u bërë urë. Qeshja është rruga juaj tek Zoti. Unë nuk po them lutja është rruga juaj tek Zoti, unë po ju them qeshja është rruga juaj tek Zoti.

            Pyetje: Pse ju i rrëfeni shakatë? Dhe pse nuk qeshni me shakatë tuaja?

            OSHO: Së pari, Religjioni është një shaka e komplikuar. Nëse ju nuk qeshni me të gjitha ju e keni humbur kuptimin; nëse ju vetëm qeshni ju e keni humbur kuptimin përsëri. Kjo është një shaka shumë e komplikuar. Dhe e gjithë jeta është një shaka e madhe kozmike. Ajo nuk është një fenomen serioz - merrne seriozisht dhe ju do të vazhdoni ta humbni atë. Ajo është e kuptueshme vetëm përmes qeshjes.

            A nuk e keni vërejtur se njeriu është e vetmja kafshë që qesh? Aristoteli thotë se njeriu është kafshë racionale. Kjo nuk mund të jetë e vërtetë - për shkak se milingonat janë shumë racionale dhe bletët janë shumë racionale. Në fakt, në krahasim me milingonat, njeriu duket pothuajse i paarsyeshëm. Dhe një kompjuter është shumë racional - në krahasim me një kompjuter, njeriu është shumë i paarsyeshëm.

            Definicioni im për njeriun është se njeriu është kafshë që qesh. Nuk ka kompjuter që qesh, nuk ka milingonë që qesh, nuk ka bletë që qesh. Nëse ju afrohet një qen duke qeshur ju do të tmerroheni! Ose një buall befas qesh: ju mund të pësoni sulm në zemër. Është vetëm njeriu ai që mund të qesh, ajo është maja më e lartë e rritjes.

            Dhe kjo është se ju përmes qeshjes do të arrini tek Zoti – sepse ajo është e vetmja përmes më të lartës që është në juve me të cilën mund të arrini përfundimisht. Qeshja ka për t’u bërë urë. Qeshja është rruga juaj tek Zoti. Unë nuk po them lutja është rruga juaj tek Zoti, unë po ju them qeshja është rruga juaj tek Zoti. Nëse ju mund të qeshni ju do të jeni në gjendje të dashuroni. Nëse ju mund të qeshni ju do të jeni në gjendje të relaksoheni. Qeshja relakson si asgjë tjetër.

            Kështu që të gjitha shakatë për mua janë lutje – kjo është arsyeja pse unë i tregojë ato. Dhe ju më pyetët: PSE JU NUK QESHNI ME SHAKATË TUAJA? sepse i kam dëgjuar ato më herët.

            Është marrë nga libri i Osho-s“Revolucioni”

            Pyetja: I dashuri Osho, cili është sekreti i një shakaje?

            OSHO: Rrotullim i shpejtë i papritur, ky është sekreti i një shakaje – rizbulim. Ju jeni duke pritur diçka dhe kjo nuk ndodhë, ajo që ndodhë është kështu krejtësisht absurde dhe ende ka një logjikë të saj… ajo është qesharake dhe ende jo e palogjikshme. Kjo është ajo e papritura që bëhet qesharake për ju. Ju e shihni qesharaken e saj, dhe gjithashtu logjikën e saj. Ajo është e papritur - në qoftë se ajo është e pritur, atëherë ajo nuk do të sjellë qeshje për ju. Nëse ju e dini shakan, atëherë kjo nuk do të sjellë të qeshura për ju, sepse tash ju e dini, çdo gjë pritet.

            Dy insekte jetonin në një varrezë. Njëri i tha tjetrit: “Dëshiron të çosh dashuri në Ernestin e vdekur sonte?”

            Tash, Ernesti i gjorë i vdekur…!

            Një anglezë në udhëtimin e tij të parë në Amerikë për të parën herë shkoi në ato stand-up comic (stil i komedisë ku artisti performon direkt para publikut) klub nate. Pasi i çoi disa gota dritat iu turbulluan dhe Heni Jangmen (Henny Youngman) plote energji nën dritën e prozhektorit dhe duke e përshëndetur publikun me shenjën e tij dalluese, shakan: “Merrne gruan time… ju lutem.”

            Publiku filluan të qeshin. Anglezi ishte i impresionuar. “Oh Zot!” tha ai në vete, “Unë duhet ta mbaj mend këtë dhe të përpiqem me nofulla të kthehem në shtëpi.”

            Tash, kur dikush thotë: “Merrne gruan time”, ju jeni në pritje se ai do të thotë “si shembull”. “Merrne gruan time, si shembull.” Por ai është duke thënë “Merrne gruan time” dhe mandej heshtje, pushim i shkurtër… “ju lutem. ” Kjo është e papritur. Disa javë më vonë, kthehet në Londër, ai me zë të thekshëm para mikrofonit në mbledhi në klubin e tij, me vetëbesim të plotë, thërret: “Merrne shembull gruan time. Ju lutem.”

            Tash i gjithë fakti është humbur. Vetëm një fjalë e vetme e bënë atë të bukur. Sekreti i shakasë është që ajo t’ju çoj në një pikë ku ju jeni duke e pritur, pritur, pritur që kjo të ndodhë, mandej kjo nuk ndodhë. Dhe ajo që ndodhë është aq e papritur… dhe për shkak se keni qenë duke pritur diçka ju jeni ardhë në një tensionim, dhe mandej papritmas diçka tjetër ndodhë, dhe tensionimi ka ardhur deri në atë kulm saqë ai ka shpërthyer. Të gjithë ju jeni qeshje. Ky është një çlirim i madh, ky është një meditim i madh.

            Nëse mund të qeshni plotësisht, kjo do t’ju jep një moment të jokohës, jo-mendjes. Mendja jeton logjikisht me të pritshmën, qeshja është diçka që vjen nga e përtejmja. Mendja gjithmonë supozon se çfarë do të ndodhë. Dhe ndodhë diçka e cila absolutisht është në kundërshtim me pritjet e saj: ajo thjesht ndalet për një çast. Dhe ky është momenti kur mendja ndalet, kur qeshja vjen nga barku juaj. I gjithë trupi juaj shndërrohet në një vrull, kjo është orgazmike. Një qeshje e mirë është jashtëzakonisht medituese.

            Një anglez zotëri shkon tek kirurgu i tij dhe i thotë: “Mik i vjetër, unë e kam këtë dëshirë të mallkuar të jem irlandez. A mund t’i kryesh disa operacione të më bësh të tillë?” “Paj”, u përgjigj kirurgu, “kjo është një punë mjaft e rrezikshme, e dini. Ne duhet ta heqim 90% të trurit tuaj.” “Bëje”, u përgjigj anglezi.

            Kur ai u zgjua nga operacioni e pa veten të shtrirë në shtrat dhe i rrethuar nga mjekët me fytyra të brengosura. Kirurgu i tij iu afrua duke i thënë: “Miku im, më vjen shumë keq, por gjatë operacionit brisku i vjetër rrëshqiti dhe ne aksidentalisht e hoqëm 100% të trurit tuaj.” “Ah, mos u mërzit për atë shkërdhat miku im!”

            Pyetje: Osho, shumë nga shakatë tuaja unë s’mund t’i marrë. Çfarë të

bëj?

            OSHO: Anand Magdalena, Ju duhet të jetë shumë serioze. Kur unë them se unë jam shumë serioz në lidhje me shakatë, jam tallur! Ju nuk duhet të më dëgjoni mua në të gjitha! Me qenë i vëmendshëm, me qenë vigjilent. Unë nuk jam njeri në të cilin mund të mbështetesh gjithmonë. Nuk ka nevojë të marrësh shakan – shakaja do të merr ty! Ju thjesht relaksohuni – ju thjesht pushoni.

            Ju jeni duke u përpjekur t’i gjeni ndonjë kuptim, ndonjë domethënje të fshehtë, diçka esoterike në të. Kjo thjesht është një shaka! Por kjo është se si kemi qenë të kushtëzuar për shekuj: për të marrë gjithçka seriozisht. Unë dua ta shkatërroj seriozitetin tuaj. Kjo është arsyeja pse unë i gjurmoj të gjitha këto shaka të marra, vetëm për ta shkatërruar seriozitetin tuaj!

            Në fakt, kjo është shumë e mundimshme për mua. Do të ishte më e lehtë për mua të mos ju tregoj asnjë shaka. Edhe duke ju treguar këto shaka ju vazhdoni t’i kapni me seriozitetin tuaj. Ju jeni në përpjekje për t’iu gjetur ndonjë kuptim.

            Jeta nuk ka kuptim. Gëzohuni! Ajo nuk ka domethënje. Vallëzoni, këndoni, kënaquni! Ajo nuk ka kuptim. Nuk keni nevoj të jeni serioz. Ajo është një shaka kozmike! Çka ka aty për t’u marrë? Por mendja arrimtare (që kërkon vetëm të arrijë diçka) gjithmonë përpiqet për të marrë diçka, madje edhe prej një shakaje. A nuk mund të relaksoheni fare? A nuk mundeni

thjesht të dëgjoni dhe të qeshni?

            Kur keni për ta kuptuar atë dhe rëndësinë e saj dhe kuptimin e saj të fshehtë, atëherë ju do të qeshni? Deri atëherë shakaja përfundon – ju e keni gabuar qëllimin. Qëllimi thjesht ka qenë për t’u relaksuar, por ju do të jeni shumë serioz për këtë, ju duhet të jeni.

            Unë kam dëgjuar… Jezusi, e huba këtë përsëri! Unë nuk kam dëgjuar asgjë, asnjë fjalë! A po e shihni? Madje edhe pa shaka njerëzit e marrin atë! Kështu që nëse doni ta merrni atë merrne, shaka apo pa shaka! Unë nuk kam dëgjuar. Nuk ju kam treguar, dhe ju e keni marrë atë! Kjo është një pyetje për relaksim.

            Është marrë nga libri i Osho-s “Udhëheqja Shpirtërore” kapitulli i 15

            Nga libri "Përmbledhje kapitujsh mbi shakan dhe qeshjen si teknika meditimi dhe të rritjes shpirtërore", përkthyer nga Valdet Fetahu, të cilin e falënderoj përzemërsisht për punën e madhe, që ka bërë dhe po e bën, në përkthimin e kësaj literature të mrekullueshme inspirative, dhe atë, pa asnjë kushtëzim, me qëllimin e vetëm - SHPËRNDARJEN E FARËS SË DRITËS SË DIJES.