|
Reiki është term japonez që ka domethënie “energji
universale jetësore” ose ndryshe “energji e Perëndisë”.
Çdo gjë që jeton: njerëzit, shtazët, bimët kanë
nevojë për këtë energji; ajo gjendet kudo përreth nesh, në atmosferë.
Tibetanët qysh para mijëra vjetësh e kanë
kuptuar thellë rëndësinë e kësaj energjie, të cilën e kanë përdorur për ta
shëruar trupin, për ta harmonizuar shpirtin dhe për ta ruajtur vetëdijen.
Kjo dituri më vonë është përhapur në Indi, Japoni, Kinë, Egjipt dhe në disa
vende të tjera të botës.
Në mbarim të shekullit XIX, dr. Mikao Usui
(japonez) është njeriu i parë që, pas sa vitesh, i ka zbuluar sekretet e
kësaj energjie për shërimin e sëmundjeve. Këtë energji e quajti REIKI, që ka
domethënie REI (fuqi, sekret) dhe KI (energji). Ai zbuloi
gjithashtu simbolet dhe domethënien e tyre. I krijoi metodat dhe rregullat e
aplikimit të Reikit për shërimin e sëmundjeve të ndryshme.
Dr. Usui filloi të aplikoj metodën e Reikit për
shërimin e njerëzve që lëngojnë nga sëmundjet e ndryshme. Në Japoni filloi
të qarkullojë dhe me vete merr një grup nxënësish që t’i aftësoj dhe t’i
mësoj me këtë metodë të mjekimit.
Nga nxënësit më të dalluar, si njeri të dytë, e
bënë mjeshtër dhe mësues dr. Chujiro Hayashin. Ky koncentrohet në një vend
në Tokio, ku e themeloi një klinike, dhe njerëzit këtu shëroheshin vetëm me
aplikimin e Reikit.
Havajo Takata, një grua nga Havajet, me
prejardhje japoneze, ishte e sëmurë nga kanceri dhe erdhi në Japoni për tu
operuar. Para se të shtrohej në spital, dikush i preferon fatin e mjekimit
në klinikën e dr. Hayashit. Ajo i shtrohet mjekimit në këtë klinik dhe, pas
një kohe, kanceri zhduket tërësisht e ajo shërohet plotësisht. Metoda e
shërimit me Reiki atë e befasoi pa masë dhe ia zgjoi interesimin ta mësojë
këtë fshehtësi të mjekimit. Pas lutjeve të shumta, dr. Hayashi e lejoi të
mësoj dhe të punoj në këtë klinik. Pas disa vitesh mësimi dhe punë në
klinikë, dr. Hayashi e bënë mjeshtër dhe mësues të Reikit. Ky është personi
i tret me këtë titull. Ajo kthehet në Havaje dhe filloi menjëherë të aplikoj
Reikin.
Havajo Takata, gjatë punës së saj, e merr si
nxënës mbesën e vet, Fillis Lei Furumato, së cilës ia trashëgon këtë sekret
dhe e bënë mjeshtër e mësues të ardhshëm. Kjo e vazhdon punën e gjyshes së
vet, por i lind ideja që të krijojë më tepër mjeshtër dhe mësues të rinj. Më
1981 themeloi shoqatën “Reiki Alliance” që numëronte vetëm 21 mjeshtër dhe
mësues. Secili person, për ta fituar këtë titull, është dashur të paguaj
15.000 dollarë amerikanë. Gjerë në vitin 1989 numri i mjeshtërve dhe
mësuesve të Reikit rritet gjer në 300 persona e prej tyre 120 nga Evropa.
Vitet e fundit numri i mjeshtërve dhe i mësuesve të Reikit rritet, por numri
i saktë nuk dihet.
Secili mësues përbetohet që, për tu bërë
mjeshtër dhe mësues i ri, ai duhet të ketë aftësi të mrekullueshme dhe t’i
plotësoj të gjitha kushtet që kërkohen sipas dr. Usuit.
Në Kosovë unë jam njeriu i parë që kam filluar
të aplikoj bioenergjinë për shërimin e sëmundjeve të ndryshme. Gjatë punës
sime shumëvjeçare, kam shëruar njerëz me sëmundje të rënda që për mjekësin e
rëndomtë kanë qenë të pashërueshme. Jam njoftuar edhe me shumë metoda të
mjekimit me bioenergji, por ndër të gjitha më ka interesuar metoda e Reikit.
Nga kureshtja u bëra nxënës tek një mjeshtër dhe mësues i Reikit, këtu në
Zvicër. Më 4.12.1996 arrita ta fitoj këtë titull, i cili më mundëson të
kualifikoj nxënës dhe mjeshtër të rinj nga trevat shqiptare si dhe për ata
që gjenden nëpër Evropë.
Reiki është një metodë e mjekimit që mund ta
mësoj secili njeri, pavarësisht nga profesioni dhe interesimi që ka për këtë
lëmi. Por, para se të filloni mësimin, duhet ta gjykoni veten se a mund tu
përmbaheni pesë rregullave të dr. Usuit, e këto janë:
-Prej sot vendos të jem i ndërgjegjshëm;
-Prej sot vendos të mos mërzitëm për asgjë;
-Prej sot vendos të mos hidhërohem për asgjë;
-Prej sot vendos të punoj me ndërgjegje;
-Prej sot vendos ta shuaj urrejtjen dhe dua t’i
respektoj të gjithë dhe çdo ditë.
Reiki posedon katër grada (shkallëzime). Fuqia
shëruese e Reikit mund të përçohet te nxënësi vetëm përmes mjeshtrit -
mjeshtrit të Reikit, i cili duke përsosur sekretet e trashëguara sipas dr.
Usuit, bënë incizimin apo hapjen e kanaleve energjetike. Pas kësaj
procedure, këto kanale lidhen automatikisht me kozmosin dhe mbeten të hapura
gjatë tërë jetës. Po në atë moment lind aftësia shëruese te personi i
incizuar. Personi i caktuar bëhet kanal dhe energjia jetësore, kalon përmes
kokës dhe lirohet përmes shuplakave të dorës për shërimin e të sëmurëve.
- GRADA I
Gjatë kursit të parë, mjeshtri mësues bënë katër
incizime (hapje të kanaleve) tek nxënësit. Nga ky moment rriten aftësitë
fizike dhe psikike të nxënësit dhe ai fiton diçka shumë të vlefshme “duart
shëruese”. Por, mos harroni se ju jeni vetëm kanal. Aftësitë tuaja janë
gjer 30% , por ka dallime nga nxënësit, dikush mund të arrijë më tepër e
dikush e pak. Pra, mund të punoni në ditë, prej dy deri në pesë persona. Në
këtë kurs mësoni:
-autoterapinë, aplikimi i Reikit në persona të
tjerë;
-terapia e shpejtë;
-si t’i ndihmosh vetes, familjes se ngushtë,
farefisit, shokëve dhe shoqeve e të tjera.
Të gjitha këto mësohen në këtë kurs.
-GRADA II
Për ta kaluar kursin e gradës së dytë duhet të
kalojnë gjashtë deri në dymbëdhjetë muaj, e kjo kohë varet nga kualiteti i
punës së nxënësit. Gjatë kësaj kohe nxënësi duhet t’i ushtroj dhe të punoj
me sukses që të mund t’i përsos dhe t’i ngritë aftësitë e tij. Kur i
plotëson të gjitha kushtet që i kërkon mësuesi, atëherë mund t’i nënshtrohet
kursit të gradues së dytë.
Çfarë ndryshimi ka grada I nga ajo II? Këtu,
përpos incizimit, mësohen simbolet dhe domethënia e tyre. Rritet
niveli i vibracioneve të energjisë në trupin fizik dhe në atë psikik.
Zgjohet intuita dhe disa qendra të trurit punojnë si antena për marrjen dhe
dhënien e ngacmimeve. Aktivizohet syri i tret dhe ngacmimet përcillen në
mënyrë telepatike. Zëri i intuitës zgjon qetësin dhe harmonin shpirtërore.
Mençuria juaj thellohet dhe zgjerohet.
Aftësia shëruese rritet gjer në 60% në këtë
gradë dhe kohëzgjatja e punës me një pacient është 10 gjer 15 minuta. Ndërsa
nxënësit me gradën e parë i nevojiten 45 gjer 60 minuta të punoj me një
pacient, por efekti i shërimit është i njëjtë. Nxënësi me gradën II mund të
punoj 15 gjer në 50 persona në ditë e që varet nga aftësitë personale të
nxënësit. Si në kursin e gradës së parë ashtu edhe në të dytin, nxënësit
mësojnë pozitat e vendosjes së duarve në trupin e të sëmurit. Dallimi nga
ajo e para, nxënësi i gradës së dytë mëson pozitat e vendosjes së duarve,
por duke i kombinuar me aplikimin e sekretit të simboleve.
Pas mësimit të simboleve lind aftësia e shërimit
në largësi dhe mendja juaj s’ka kufij. Duhet të jeni të vetëdijshëm se këtu
s’kemi të bëjmë me magji ose me ndonjë fenomen mbinatyror, por keni të bëni
me sekretet e simboleve që i zbuloi dr. Usui. Simbolet e krijojnë urën
përmes së cilës përcillet energjia. Incizimet e zgjojnë egon tuaj, të cilën
nuk e keni gjetur gjer më tani dhe filloni një jetë krejtësisht të re.
GRADA III DHE IV - E MJESHTRI DHE MËSUESIT
Për ta arritur gradën “Mjeshtër i Reikit”,
nxënësi me gradën e dytë duhet të ketë aftësi të mrekullueshme, të cilat
fitohen me kohë, duke medituar dhe aplikuar Reikin. Në këtë gradë aftësitë
shëruese rriten gjer në 100%. Pas incizimit nxënësi njoftohet me simbolin e
mjeshtrit dhe nga ky moment bëhet mjeshtër i Reikit. Kur mësuesi kupton se
mjeshtri i ri e ka arritur shkallën më të lartë të ndërgjegjes, atëherë ia
bënë të mundshme të bëhet mësues dhe ia mëson teknikën dhe mënyrën për t’i
mësuar nxënësit e rinj.
Autori është Fizioterapeut i diplomuar dhe
njëkohësisht edhe mjeshtër dhe mësues i Reikit.
|
