Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

REXHEP PNISHI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

REXHEP PNISHI

            Hyrje

            U lind në Damjan më 25.5.1965. Shkollën fillore e kreu në vendlindje më 1982. Të mesmen në Gjakovë, në OBPB - Shkencat ekonomiko shoqërore natyrore ”Hysni Zajmi” të degës   Ekonomiko - Komerciale, të profesionit Teknik kontabiliteti, më 16.9.1986. Shkollën e Lartë Ekonomike - Komerciale në Pejë, më 21.4.1990, në degën - AF. Komercial të ndërmarrjes dhe fiton titullin profesional ekonomist. Shkollën e Lartë Pedagogjike në Gjakovë, më 29.4.2001, në degën gjuhë dhe letërsi shqipe dhe merr titullin arsimtar i gjuhës dhe i letërsisë shqipe, kurse më 25.4.2014 kryen Programin për Avancimin e Kualifikimit të Mësimdhënësve – AKM, në Fakultetin e Edukimit në Gjakovë.

        Me poezi merret që nga fëmijëria dhe herë pas here krijimet e tija i ka publikuar edhe nëpër faqet e periodikut letrar, sidomos në revistën regjionale “Etja” që botohej në Has para luftës.

            Ka të botuar edhe librin me poezi “Më lini t`ju flas”, më 1997. Është prezantuar edhe në Panoramën Letrare të krijuesve hasjanë “Rigon e rrjedh nëpër Has” të Besim Muhadrit, më 1997. Po ashtu është prezantuar edhe në Antologjinë për Çlirimtarët Ilaz Kodra e Antigona Fazliu të Ajet Shalës dhe në Antologjinë Idealit të dëshmorit Sejdi Kralani “Ballisti”, po ashtu të autorit Ajet Shala. Aktualisht jeton dhe vepron në vendlindje, punon në Shkollën Fillore të Mesme të Ulët “Pjetër Bogdani” në Damjan.

POPULLIT TIM

Ejani pranë flamurit
Si dikur rreth Kastriotit
Te Kulla e Adem Jasharit
Te Kulla e dhembjes dhe e barotit.

T’i lëmë me një anë ndarjet
Të punojmë për bashkimin kombëtar
Kudo ku fluturojnë shqiponjat
Me force t’i dëbojmë këta barbar.

Ejani te Lidhja Shqiptare
Të lidhim prapë një besë
Për gjakun e dëshmorëve
Çdo hasmëri ta qesim në harresë.

Zgjohu populli im
Të mbyllim plagën e vjetër
Një ideal na bashkon
Si dje,si sot,si nesër.

Me shpatën e Gjergj Kastriotit
Ta shkëpusim çdo tradhti
Me guximin e Adem Jasharit
Ta bëjmë një Shqipëri.

MERRE ZEMREN TIME

Merre zemrën time,

Pranë detit pastroje në vale,

Ndofta ujë me kripë,

Do të mi shëroj këto plagë.

Zemrën po ta la në besë,

Si të parët që e kanë pas zakon,

Ma largo atë helm,

Se shpirti po vuan s’po duron.

Mbaje pranë zemrës sate,

Se ajo është e pastër si flori,

Aty ka vend për çdo dallëndyshe,

Për ata që kanë besë dhe urtësi.

Merre zemrën time,

Se shpërndan dritë dhe dashuri,

Po mos ia lejo hajdutëve,

Se po shpeshtohen në shqiptari.

Mos lejo me ma shlye emrin,

Zemrën mos të ma vjedhin me dinakëri,

S’prish punë poezitë le t’i marrin,

Le t’i shërojnë sytë dhe shpirtin me dashuri.

MË THE

Më the më pritë

Se do vi me valën e Drinit të Bardhë

Si një dallëndyshe shtegtare

Që udhëtimi i gjatë e ka lodhë.

Të prita siç pret shqiptari

Zemrës sime ia vura një gurë

Në fushë të hapur tek burimi

Atje ku dashurin e kalitë çdo burrë.

Pritja ime ishte e kotë

Ti erdhe dhe u zhduke si vetëtimë në shi

Atëherë kur erret qielli

Natyrës për t’i dhuruar freski.

Më the se do të vija

Me rrezet e diellit për pushime në verë

Atëherë kur të më mundoj vapa

Të më freskoje te Gurra si një erë

Dallëndyshen askund s’e shikova

Si në ëndërr përkëdhela folenë e saj

Nga gjoksi im burojë llava

Që shpirtin ma përvëloj.

Më the se do të vi,andaj të prita

Si Konstandinin motra Doruntinë

Ti s’erdhe me gjokun e bardhë

As në Gjakovë,as në Prishtinë.

MA FAL NJË VEND NË ZEMËR

Në zemrën tënde e dua një vend,

Horizontet e jetës të t’i ndriçoj,

Për t’i harruar dhembjet,

Dhe virusin që i shkaktoj.

Dua të fle i qetë,

Në zemrën tënde,

Në shtratin e dashurisë,

Në këto ditë vjeshte,

Me fillimin e shiut.

Për ty dua ta qetësoj qiellin,

Kur erret të mos bubulloi,

Dritën e vetëtimës t’ia pakësoj,

 Për të mos e zgjuar engjëllin,

Dhe shpirtin tënd të vrarë.

Në zemrën tënde e dua një vend,

Jetën të ta ëmbëlsoj,

Për të punuar si bleta,

Derisa lulja të ekzistoi.

Për të krijuar nektarin,

Perëndit s’do t’i këshilloj,

Do të rebelohem si Prometeu,

Jetën të ta zbukuroj.

Me lule,me rreze dielli,

Përherë pranverë të ekzistoi,

Andaj ma fal një vend,

Dashurisë t’i vëmë kurorë..

MOS MA SKUQNI PLAGËN

Mos ma skuqni plagën

Se flaka e janarit do t’iu përpi

Aty do të takoni Jusuf Gërvallën

Martirët dhe nënat me duar në gji.

Mos ma dërgo Bajlozin

Na leni të qetë në liri

Se zgjohet Bajram Syl Kurpali

Dhe i madhi Gjergj Elez Ali.

Mos ma shkelni token

Kthemi vëllezërit në shtëpi

Ju s’keni pse luteni Ikni atje në Siberi.

Jetoni me pinguinët

Turpin ndofta akulli ka me ua ngri

Këtu ka vend vetëm për dardanët

Për martirët që na i fshihni në Serbi.

Mos ma skuqni plagën

Nënat mos mi helmo përsëri

Ne s’e duam vdekjen as dhunën

Por e mbrojmë të vërtetën me çiltërsi.

Kriminelët e skuqur

Në qytetin tonë sjellin tragjedi

S’na lejon Meja as Çabrati

Ju të na flisni për drejtësi

LULE NË GURË

Lulet e rralla në gurë

Me dashuri i rritë Hasi

Ato marrin freski në burime

Atje ku ujë është si akulli.

Lulet e gurit s’vyshken

Janë të rralla në shqiptari

Ato e imitojnë Rozafatin

Në Shkodër dhe në Dri.

Te Guri i Bardhë

Bogdani ju fletë dhe i frymëzon

Për t’i shpërndarë rrënjët në çdo fshatë

Ku hasjani me djersë jeton.

Lulet në gurë

I frymëzojnë të rinjtë me dashuri

Ato flasin me gjuhën e engjëjve

Me sibilat ngrihen në lartësi.