Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

RIZA GREIÇEVCI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

RIZA GREIÇEVCI

            Hyrje

          BIOGRAFI

            Riza Greiçevci u lind në Flamuras, (ish-Sankoc) të Drenicës, 1948.

            Me shkrime nisi të merrej që nga klasa e gjashtë e fillores, të cilat i botoi në gazetën e  shkollës “ Penda e re “. Në faqet e revistës “Pionieri”, në gazetën “ Rilindja për fëmijë “. 

            Mbaroi Fakultetin Filozofik – Gjuhë dhe  letërsi shqipe në Prishtinë.

            Tri vjet punoi mësues në shkollën fillore “Luigj Gurakuqi” të vendlindjes, pastaj gazetar i rregullt në gazetën e vetme për ditore shqipe “Rilindja“.

            Merret me poezi, prozë, dramaturgji, publicistikë, humor.

Riza ishte ushtar i komandantit të lavdishëm të UÇK-së, Fehmi Lladroci, për të vazhduar deri në përfundim të Luftës Çlirimtare, në:

Zyrën për Informim të UÇK-së, Zona Operative e Veriut – Shqipëri, me seli në Kukës, nën udhëheqjen e  komandantit, gjeneral Xheladin Gashi, Dëshmor i Kombit.

Gjatë Epopesë  Çlirimtare të UÇK-së, Riza shkroi e botoi tri vepra letrare:

“Po vjen Drenica”, l998, poemë, kushtuar Epopesë së Jasharëve, pastaj shkroi dhe botoi veprën:

 “Lis me degë”,  l998, me poema, po ashtu krejtësisht me motive nga Lufta Çlirimtare e  UÇK-së.

Që të dyja këto vepra i botoi gjatë Luftës Çlirimtare, me ndihmën e shkrimtarit të mirënjohur Odhise Grillo, në Tiranë.

Në veprën letrare “ Lis me degë”, gjendet e botuar edhe drama:

“Dasmë në male”,

kushtuar veprimtarëve për çështje kombëtare dhe për çlirimin e Kosovës, komandantit të UÇK- së, Fehmi e Xheva Lladroci (bashkëshortes së komandanti Fehmi), apo siç e mori epitetin meritor gjatë luftës së UÇK-së, Shotë Drenica.

            Në përfundim të Luftës Çlirimtare dhe fitores së saj historike, Riza shkroi librin po ashtu me poema:

            “Të fala Tirana“.      

            Deri me tash Riza botoi 75 vepra letrare, nga të cilat, duhet veçuar mbi  28 (njëzet e tetë) vepra  gjinish të ndryshme  letrare nga Lufta Çlirimtare e UÇK-së.

            Mu për këtë arsye u nderua me epitetin:

             SHKRIMTAR I LUFTËS!

            Kompleksi përkujtimor “Adem Jashari” nga Prekazi i Skënderajt, Riza Greiçevcin e nderoi me:

            Mirënjohje për Kontribut  për afirmimin e vlerave të Luftës Çlirimtare, ashtu  siç e nderoi me Mirënjohje edhe Kuvendi Komunal i Skënderajt, dhe Kuvendi Komunal i Drenasit,  për publikimin e veprave  me motive historike  të Epopesë së lavdishme të UÇK-së, por edhe për afirmimin e vlerave të Luftës Çlirimtare të Kosovës.

            Është anëtar Lidhjes së Shkrimtarëve të Kosovës.

            Jeton dhe punon në Prishtinë.

VEPRA TË BOTUARA DERI ME TASH

1. “Gugumani”, l981

2. “Ylberja”, 1984

3. “Flamur nga Drenica”, l990

4. “Kosovë nga Bujanoci deri në Çamëri”

5. “Lugu i Dafinës”, 1995

6. “Bubulina”, 1995

7. “Po vjen Drenica”, “Onufri”

8. “Lis me degë”,“Rilindja”,Tiranë

9. “Të fala nga Tirana”, 1999

10. “Baladë për djepin”, 2000

11. “Krismat e Prekazit”, 2000

12. “Pushka”, 2000

13. “Tringa e Prekazit”, 2000

14. “Procesi G”, dramë, 2001

15. “Ju jeni të lodhur”, 2001

16. “Gjergji në tokën e Gjergjit”

17. “Gala e Galani”, 2002

18. “Kaladardha”, 2003

19. “Qesh e qan Kosova”, 2003

20. “Oso Kuka i Prekazit”, 2003

21. “Bibla e dashurisë”, 2004

22. “Ti matanë, unë këtanë”, 2004

23. “Gjergji i Maleve të Shalës”, 2004

24. “555 aforizma”, 2004

25. “Të Shpella e Dhive”, 20

26. “Limaj - çeliku i paqes”, 2004

27. “Poeti që hyri në përmendore”

28.  Fazli Greiçevcit, mësues dëshmor

29. “Legjenda në zemër”, 200

30. “Falë shëndet dashurisë”, 2005

31. “Nuse e Maleve Shota”, 2005

32. “Xha Neza në udhëkryqet e ilegales” 2006

33. “Ezopore “,2006

34. “Flakadan Artim Jashari “ , 2007

35. “Hasan Hajzer Bajraktari”, 2007

36. “Krismë “, 2007, Prishtinë

37. “Fi-Fi Guri”, 2007, Prishtinë

38. “Sonte ka dhembje koke Adem Jashari”

39. “Vallja e Pavarësisë”, 2008

40. “Hysni Dërguti”, 2008

41. “Gisht për gisht me pavarësinë”

42. “Malet e Pajtimit”, 2008

43. “Xhemail Murat Aruçi” 2009

44. “Procesi G”

45. “Një trini në Dardani”, 2009, Prishtinë

46. “S’harron zemra e nënës”, Prishtinë, 2010

47. “Prushimë malli” , 2009, Prishtinë

48. “Edhe malet janë shqiponja”, 2010

49. “Zogmali”, 2010

50. “Deri në vdekje”, 2011,

51. “Urtësi nga më të shquarit e kombit” – 1

52. “Një tokë, një kokë” –  2

53. “Gjaku gatoi lirinë” –3, Prishtinë

54. “100 vjet Shqipëri ”,  2012

55. “Shqipe ishim, shqipe jemi”

56. “Teuta në Prekaz-Gjenerali Pirro” 2012

57. “Kështu ka thanë Xhemail Abria”, 2012

58. “Motra jemi, Abetare”, 2014.

59. “Male me duvak”, tregime,Shkup, 2014.

60. “Poeti që u shkri në diell, Monografi, 50 vjet nga rënia e Fazli Greiçevcit

61. “S’me ha palla për kopalla”, Prishtinë, 2015

62. “Nusja me duvak”, Prishtinë, 2014.

63. “Malet e pajtimit”, novelë, 2008, Prishtinë

64. “Non bis in idem” – publicisikë - 1, Prishtinë

65. “Tri motra me një vëlla”, Prishtinë, 2010

66. “Gisht për gisht me pavarësinë”, 2008

67. “Lisa me plisa”, Prishtinë, 2015-05-14

68. “Me jetue shqip” – 2, publicistikë, faqe 412

69. “Fëmijët e Globit janë të një nane”,poemë 

70. “Matanë ylberit”, poezi, 2016, Prishtinë

71. “Shqiporja”, roman, 2015,Prishtinë

73. “ Azem Bejta u kthye n’Galicë”, 2016

74. “Tungjatjeta, AntonÇetta” , roman , 2016

LUMOSJE

gladiator veshur me lëkurë engjëlli

shuguruar në racë biblike

brendapërbrenda perandori djalli

jo, jo!

as patat s’e pushtuan Romën

as goma s’e fshiu Dodonën...

gladiator lumosur me fitoren e Pirros

kasnec urtësie:

“Kur zogu është i gjallë, i ha krimbat,

kur ngordh zogu, krimbat e hane atë!”

VONË...

e piu ujët e deteve

s’u ngop!

e  gëlltiti gjeografinë e botës

s’u ngop

e shteroi dashurinë e njerëzimit

s’u ngop

e kafshoi qiellin me gjithë yje

s’u ngop

iu shfaq para syve një hije

fare s’e honepsi

një gogësimë ia mbufati fytin

u ngop

vonë...

...vdiq

LYPËSI DHE MBRETI

ja që ta them,

atë që s’ta thashë deri më sot

dhe mbeti e  pathënë:

Më mirë do të ndjehesha një lypës

se të isha një mbret

cullak në sheshe të Çarshisë

i sëmurë mëndësh

duke  brohoritur:

“Jam mbreti!”

LAHET GJAKU ME GJAK?

thonë: u lind, kur u lind djalli

djalli mori shpirtin, ti luleballin...

“sa e ke grykën e ke nafakën”

për dy gishta fytyrë, për dy fjalë

vritet baba me djalë...

qëkur u linde me gjak s’u ngope

kulla...qefin...lot të nënës loke...

 sherri sebep gjakun e bën bela

shekuj n’ koka tona –  “merhaba”

pushkë gjakmarrje, heu:

lahet gjaku me gjak?

“kush çon dorë për me vra

në hak me Zotin ka me ra”!

NATA...

e kafshoi dritën

rrodhi gjak Dielli

e kafshoi fjalën

rrodhi gjak njeriu

e kafshoi dheun,

unë jam Lis Gjaku

e kafshoi plisin

or ti, jam stërgjyshi...

e kafshoi terrin

rrodhi gjak futë

heu

kushedi pse

nata, natë e do ditën...