Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Getoar KRASNIQI

RRUGA DREJT VETËNJOHJES

       Ekzistojnë shumë shtigje që të qojnë deri te vetënjohja, por njëri është tek të gjitha shtigjet i njëjtë, pikërisht - SINQERITETI. Sinqeriteti luan rolin parimor tek të gjitha shtigjet. Vetëm ai njeri që është i sinqertë me vetveten, arrin ta gjej edhe vetënjohjen.

            Njeriu, i pakapshëm, i paarritshëm, i pamatshëm, i  pastudiuar... e megjithatë të lë përshtypje sikurse gjithçka në lidhe me të është e sqaruar! E vërteta megjithatë është, se njeriu assesi nuk  është një qeni e thjesht. Kompleksiteti i një qenie njerëzore është aq shumë i zgjeruar, mu sikurse edhe vet Universi, pra, gjithsesi i pafund. E vetmja gjë që njeriu mund ta matë, mund ta kapë, është ana materiale, ana e dukshme, trupi i tij. Por njeriu nuk përbëhet vetëm nga mishi dhe gjaku, por edhe nga shpirti dhe mendja, që së bashku e formojnë ose modelojnë njeriun. Ne dëshirojmë ta trajtojmë anën jo materiale, e cila edhe pasqyron karakterin e një njeriu. Dhe për t’iu afruar karakterit një hapë më afër, duhet që njeriu ta kërkoj vetveten, ku edhe përballet me kërkimin që nuk merr fund. Aq pak sa njeriu mund ta vështroj universin, po kaq pak ai mundet  ta vështroj edhe karakterin tij. Pra, ne duam të nisemi të kërkojmë në “sistemin diellor” të karakterit tonë.

            Ekzistojnë shumë shtigje që të qojnë deri te vetënjohja, por njëri është tek të gjitha shtigjet i njëjtë, pikërisht - SINQERITETI. Sinqeriteti luan rolin parimor tek të gjitha shtigjet. Vetëm ai njeri që është i sinqertë me vetveten, arrin ta gjej edhe vetënjohjen.

            Personalitetit i një njeriu është sikurse një rebus prej copëzave të kartonit (Puzzle), që njeriu, ngadalë, por për atë edhe  intensivisht , copë pas cope i vendos së bashku. Njeriu duhet këto copëza  rebusi t’i kërkoj, t’i rendis drejt dhe atëherë paraqitet një fotografi më e zgjeruar e personalitetit  individual, njëkohësisht, kjo shërben edhe si ndihmë, edhe si mbështetje edhe si një lehtësim për kërkimin e mëtutjeshëm të copëzës tjetër të radhës. Copëzat e rebusit, lidhur me personalitetin tonë, mund të jenë elemente të lloj-llojshme. Mund të jenë p.sh. përvojat, ndjenjat, parapëlqimi, muzika, fotografitë, filmat, librat, aromat, njerëzit ose edhe ndodhitë e harruar që moti. Gjithçka që formon personalitetin individual, mundet të ketë kuptimin e një copëze rebusi, që njeriu duhet ta gjejë dhe ta vendos në vendin e caktuar. Por në disa raste, këto copëza rebusi dalin vetë në sipërfaqe (na vijnë të gatshme), e njeriu vetëm duhet ta shfrytëzoj këtë rast dhe t’i kap ato; njeriu duhet këto gjëra t’i merr seriozisht dhe në to të fokusohet. Por, mjerisht, ka njerëz që nga kjo renditje e copëzova të rebusit kanë hequr dorë, por dhe të tjerë që mendojë se e dinë se kush janë, por për fat të keq, ata nuk e vërejnë se fokusimi i tyre është i orientuar në gjëra të tjera në jetë dhe me këtë, këto copëza rebusi, i lënë anash ose gjithnjë i largojnë nga vetja. Të tjerët i rrënojnë ato që i kanë ndërtuar vetë dhe të tjerë që këto u rrënohen nga të tjerët.

            Situatat, aktivitetet, ndodhitë  e kështu me radhë, janë të gjitha përjetime në jetë për të cilat njeriu duhet të mendoj që të mund ta zgjeroj personalitetin e tij. Këtë ai e arrin vetëm përmes sinqeritetit, përmes marrjes me vetveten, përmes gjurmimeve në thellësi të unit të vet. Gjithçka që nuk është kompatibel me personalitetin individual,  njeriu duhet ta lë prapa tij - ta refuzoj, vetëm atë që përputhet me personalitetin individual, duhet ta afroj - ta pranoj, përndryshe, përmes copëzave të gabuar të rebusi ndërton një fotografi me përmbajtje të deformuar, që nuk ka asnjë kuptim, e që përmes kësaj kompozohet edhe një personalitet i falsifikuar; njeriu humbet në këtë kompozim dhe nuk e di më se kush, në të vërtet, është ai. Mirëpo, për ta njohur këtë dukuri, njeriu duhet të gjurmojë, ai duhet të ballafaqohet me të. Njeriu, megjithatë, nuk duhet që në fillim t’i mohoj të gjitha, ai duhet t’i provojë gjërat e reja, t’i pranoj ato dhe tek pastaj të vendos, se a i përshtatën ato atij, apo jo.

            Tek fëmija, rebusi i karakterit është shumë më i dukshëm dhe më i madh se sa tek një i rritur, për këtë arsye është shumë e rëndësishme që njeriu të zhvendoset në atë kohë - në kohën e fëmijërisë, dhe atje t’i kërkojmë copëzat e rebusit  të karakterit të tij, sepse atje i kanë rrënjët. Në këtë mënyrë njeriu mundet të vije deri tek karakteri i mirëfilltë, pasi që karakteri i një fëmije është i vërtet dhe i pa falsifikuar.

            Vetënjohja absolute

            Pikë së pari duhet të dimë se personaliteti është një hukatje nga Zoti, dhe me këtë  është e vetëkuptueshme, që njeriu qenies së tij  t’i qaset që nga zanafilla,  sepse  Zoti dëshiron që ne të jemi ata që vërtet jemi. Ai dëshiron, që ne të jemi ata që Ai na ka krijuar.

            Njerëzit që personalitetit të vet i qasen nga zanafilla dhe përmes kësaj e arrijnë vetënjohjen, bëhen pashmangshëm optimist në jetë. Ata e arrijnë edhe lumturinë, edhe paqen edhe qetësin; bëhen më të sigurt në vete dhe përmbushën me mirësi. Ata heqin dorë nga ligështitë dhe në çdo veprim të tyre veprojnë gjithnjë me maturi, pasi çdo veprim që njeriu nuk e bënë kundër personalitetit të vet, si rrjedhim është gjithnjë i drejt.

            Por, siç e përmendëm edhe më herët, njeriu nuk arrin asnjëherë në këtë jetë deri te një vetënjohje absolut, kjo ndodh vetëm atëherë, kur Zoti të na pranoj në gjirin e tij. Vetëm atëherë kur ne të kalojmë në parajsë do të kompletohet rebusi në tërësi, dhe atë pa ndërmarr asgjë, dhe atëherë shpaloset personaliteti ynë i vërtet dhe absolut.

            Atëherë ka ardhur koha, në të cilën ne kemi një jetë të vërtete dhe të amshueshme.