Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

SHABAN PLLANA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

SHABAN PLLANA

            Hyrje

           U lind në fshatin Halabak , më   01 nëntor 1949, në një familje të ardhur në këtë fshat nga Pllana e Madhe afër Prokuplës. Familja e tij erdhi në këtë fshat, më 1878, atëherë kur ushtria serbe i dëboi nga vatrat e tyre shqiptarët nga më se 720 fshatra e disa qytete.

            Katër klasat e shkollës fillore i mbaroi në fshatin e lindjes, në Halabak, kurse klasat e tjera të fillores i mbaroi në Luzhan. Më pas mbaroi shkollën Normale në Prishtinë në vitin 1971. Menjëherë pas kryerjes së Normales filloi të punojë  si mësimdhënës në vendlindje dhe, në të njëjtën kohë, pa shkëputje nga puna mbaroi studimet në Fakultetin Filozofik - Dega:  Gjuhë shqipe e letërsi.

            Është mbledhës i pasionuar i krijimtarisë popullore në trevën e Llapit. Gjer më tani nga kjo lëmi ka botuar katër libra:

            1. Këngë popullore të Llapit, 1998

            2. Lojëra popullore të Llapit, 2002

            3. Anekdota popullore të Llapit, 2004

            4. Fjalë të urta popullore të Llapit, 2007

            Ka botuar gjithashtu edhe librat:

            5. „ Tercina”, poezi.

            6. „Monografinë e shkollës Normale të Prishtinës - gjenerata e maturantëve të vitit 1971” Prishtinë, 2011, bashkautor me Hamdi Thaçin

            7. „Monografi  Familja Pllana  Halabaku”, 2011

            8. “Buzëqeshja e shkronjave”, 2013

            9. ”333 Tercina”, 2016

            Në dorëshkrim ka një numër të konsiderueshëm poezish e tregimesh, të cilat presin për t’u botuar.

            Shaban Pllana, tash si pensionist, pas më se 43 vjet pune në arsim, jeton në Besianë me familjen e tij të ngushtë.

DASMA  E  DREQIT

Krushku i parë

Me bajrak në dorë

Na paskësh qëlluar pa tlina

I ishin shqyer tirqit

Në vend të keq

I dukeshin …

Gratë shikonin

Nëpër bira gardhi

Bërtitnin

Uh qyqe?!...

Çka po shohim ne!

A e sheh mori nusja?!

Kështu e ka

Dasma e dreqit.

NË NJË SHPAT

Në një shpat

Grigja e deleve

Kullot hirin

Na qesin hi syve

Mos ta shohim ujkun.

Bariu

Që të mos ndihet i sëmurë

Pi  me hurbë vetveten .

Me sy të çakërdisur

I bie fyellit ujkut

Në atë shpat mali

Grigja e deleve

Vazhdon të kullosë.

JA HURIN  JA  TIRQIT

Nxitojnë

Kufomat prijnë.

Ecin në maja të gishtërinjve

Qetësia prishet.

Kali allxh

Potkonjtë vathë në veshë.

Në shpinë

Kasneci që s`është nisur.

Tirqit

Varur në hu gardhi.

Ja hurin ja tirqit.

TING  TANG

Ting  tang

Ting  tang

Ting tang

Farkëtari i vjetër

Farkon ëndrra.

Nën hijen e tyre

Pushon në lodhjen e kohës

E ka zënë gjumi.

Ting  tang

Ting  tang

Ting tang

Farkëtari i ri

Zbrazët i bie kudhrës me çekan.

Të merret i riu

Të farkojë të paktën

Ëndrrat e ardhmërisë...

VERBOHET  LUMI

Vargje,  vargje

Poetët s`ndalen kurrë.

Turren

Sy zgurdulluar.

Macet qentë ujqit

Kruhen.

Zgjeba

I ka rënë fushës.

Variola vera

Kërdi bën në male.

Verbohet lumi

Poetët njomin vargjet e thata.