Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

SHAIP EMËRLLAHU

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

SHAIP EMËRLLAHU

            Hyrje

            U lind më 13 prill 1962, në Trebosh, Tetovë. Fakultetin Filologjik, Degën Gjuhë dhe Letërsi Shqipe e mbaroi në Universitetin e Prishtinës. Magjistroi në letërsi në Universitetin e Tiranës, në temën “Struktura e poezisë së Azem Shkrelit”. Është doktorantë i Letërsisë në Tiranë. Ai, është mësimdhënës në Universitetin e Tetovës.

            Botoi vëllimet me poezi “Pagëzimi i viteve” (1994), “Projekti i thyer” (1997), “Vdekja e paktë” (2001). Më vitin 2001, “Akademia Orient - Oksident” e Bukureshtit ia botoi në gjuhën shqipe dhe rumune vëllimin me poezi “Vdekja e paktë / Putina moarte”. Në vitin 2004, PEN-i kroat dhe Shoqata e Shkrimtarëve Kroatë ia botoi vëllimin dygjuhësh kroatisht/shqip, me titull “Poezi”. Në vitin 2004, sh.b.“Feniks” nga Shkupi ia botoi në gjuhën maqedone librin me poezi të zgjedhura “Dvorski son”. Në vitin 2000, në bashkautorësi botoi librin me dëshmi të masakrave në Kosovë “...edhe ne dëshmojmë / We Witness”, sh.b. “Ditët e Naimit” (shqip-anglisht). Në vitin 2009, shtëpia botuese italiane “La stanca del poeta – 57”, ia botoi vëllimin me poezi “Stracci di vita”, ndërkaq, po atë vit i botohet në gjuhën angleze libri poetik “Life‘s Rags”. Më 2014, i botohet në gjuhën frenge librin me poezi "Les Albanian marathon". Në Japoni, Junpa books ia boton poezinë në një libër me titull "Duet of Roads" (dialog poetik -Taro Aizu). Ndërkaq, sivjet në Taivan i botohet në gjuhën kineze (mandarin) dhe në ate angleze libri “Life‘s Rags”.  Cikle poetike të tij janë botuar edhe në gjuhën spanjolle, hebraike, suedeze, arabe, rumune, ukrainase, induse, turke, polake, bullgare, boshnjake, maqedonase etj. Poezia e tij është përfshirë në disa antologji ndërkombëtare. Ka marrë pjesë në festivale poetike ndërkombëtare dhe ata vendore.

            Është lauruar me çmime letrare kombëtare dhe ndërkombëtare, si; çmimin letrar për kreativitet “Naji Naaman”, në Liban, 2003, çmimin letrar “Ali Ben Ghadem”, të Festivalit Ndërkombëtar të Poezisë në Tunis, 2003, çmimin letrar “Lyra e liqenit”, në Festivalin e Poezisë në Pogradec (2003) dhe çmimin letrar “Skampini” në Festivalin e Poezisë “Lulet e Verës”, 2002, Elbasan, (Shqipëri),  çmimin letrar të Radio Ulqinit në Festivalin e Poezisë “Kalimera poetike”, në Mal të Zi (2001), etj.

            Ministria e Kulturës e Republikës së Bullgarisë i ndan Mirënjohjen e lartë "GRAMOTA" për ngritjen e urave të komunikimit të kulturës shqiptare dhe asaj bullgare. Në Greqi, nderohet për punën e tij shumvjeçare për promovimin e letërsisë, kulturës dhe artit nga UNESKO - Dega e Pirreut dhe merr gjithashtu Medaljonin e praruar në ar "Aleksandri i Madh".

            Ka punuar gazetar në mediumet elektronike dhe të shkruara, brenda dhe jashtë vendit. Në Berlin e themelon dhe punon kryeredaktor i Radiotelevizionit "Zëri i Shqiptarëve". Për disa vite ka punuar redaktor i Rubrikës së Kulturës në të përditshmen “Flaka”.

            Është themelues dhe drejtor i Festivalit Ndërkombëtar të Poezisë ‘Ditët e Naimit’.

MOLLËT E TETOVËS

nëpër koncerte shekujsh

i krasiste e ujiste Tetova

Mollët e veta

si kokë kripe

të vjen të pëlcasësh

kur i sheh tutje

si i grin dhëmbi i keq

fundja

hëngrën aq

sa t’u mpihen dhëmbë

UDHA E SHQIPËRISË

Sadudin Gjurës

ndiqte diellin e udhës

qençe i dukej

jeta e falë

ngutej të linte

ç’kishte për të lënë

ikte

diellin e udhës

e kishte një pëllëmbë

bora

i shtrihej në ëndrrën

e shprishur

ecja

e dëgjonte lartësive

LULEPLUMBASH ÇELTE QIELLI

dy violina jete

para nesh u thyen nga plumbi

e tingullin ia vodhëm

e jeta

jeta e bukur ishte mbi Tetovë

ishte zoti vet

natën te frëngjia më ftonte

kur luleplumbash çelte qielli

njerëzve ç’sylirie u jepte

sylirie që i qorruam vetë

RILINDI PAS FITORES

Azem Shkrelit

kthesave të ashtit të historisë

shtatvargjesh sogjonte shpërndarë

njërendi

në psalmin Kosovë

i fjalshëm feniks rilindi

etshëm pas fitores

vdekjen e vet të bukur

ilirisht ta tallë

fitorja

hise e atij

që di të rilindet A.P.

KUR DUKJA SHEMBËLLEN VALLËZIMIN E YLLIT

lajmi i rëndë për Poezinë, për shqiptarët

… vdiq POETI

kur tërmet ju merr shpirti

e thehen leqet nga kjo idhtësi ikjepoeti

çelni një poezi,

me zë…

Poeti do ta ndijë oshëtimën e saj

meteorshi do të shfaqet

në hapsirën e meskalimit

Lamtumirën duhet thënë

kur mungon

te shendi i poezisë, … (në Lodeve)

orëve të mbrame na përgatit për kumtin…

për vdekje poetike

Lamtumirën duhet thënë

kur zbret mbrëmjejeta

poeti ikën larg

ku dukja e shembëllen yllin

dhe vallëzon… me Lumin

Lamtumirë!

TROJA E KALIT

me thikat kafshuar

zgjerohet gjeografia e trokut

të kalit të Trojës

pëlcet

e s’ta kap ajo e vockla mendje

si e hamë karemin

kur hijet na e veshin trupin

pashë e më pashë me Trojën e kalit

e na bëhet më e bardhë se bora

shkuma e gojës

tavolinat na i mbushë

askush s’ia turbullon koklës së qejfit

ç’na mbet nga Troja

përveç kalit

me hingëllimën e hiles

MARATONA SHQIPTARE

Tiranën

më parë se

maratonisti spartan

Athinën

do ta shkeli atë ditë

kur lajmin e rënies

së Mesjetës së ngelur

do ta shpie

vdekjen maratone do ta sfidojë

etja e madhe për të soditur

kurorën aq të pritur

tek lëshohet pas

mbi visin tim

sa vjen e provokohet

në këtë krah

Maratona shqiptare

BREZI IM

ende pa të pushuar

tambli të të rrjedhë,

qimet e flokëve

filluan të të zbardhen

ç’fat paske

o Brezi im?!

KAH PO SHKOJMË

bishti i natës

mbeti për çerdhe buklash

gjethi i mëngjesit

plasi me zor

kah tash?!

UDHA E DRENICËS

viktimave të Masakrës së Drenicës

gjithmonë

kur jetës vendos

t’i  japësh vertikalen tënde

i bie udhës së Drenicës

ecja

është lapidare

Arbëria preket

edhe pas vdekjes