Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Daut DEMAKU

SHENJAT PARA KTHESAVE

(pjesa e dytë)

       Jam përpjekur, lexuesi im, që secila prej këtyre “piklave” të jetë shenjë buzë rruge, posaçërisht para kthesave, për ty dhe për të gjithë ata që duan t’ia kujtojnë e t’ia ringjallin vetvetes diturinë dhe potencialin e pafund që gjendet në qeniet e tyre.

            Pse po këmbëngul në këtë përcaktim: të marrim rrugën e mendimit të disiplinuar, të kultivojmë mendimin pozitiv, të përcaktohemi për një shkallë më të lartë të vetëdijesimit.

            Përgjigjen më të fortë do ta gjejmë në këto tri thënie, në këto tri konstatime, të mendimtarëve të urtë, librat e të cilëve janë përkthyer  në më shumë se pesëdhjetë gjuhë të botës. Lexoni me vëmendje dhe, ju lus, t’i mbani si vetullën mbi sy (vetulla e mbron syrin, siç e mbron e vërteta vetëdijesimin):

            Aureli: Jeta e secilit prej nesh është e tillë çfarë e bëjmë ne me të menduarit tonë!

            Shelbah: Mendimet negative sjellin sëmundjen, varfërinë, vuajtjen dhe fatkeqësinë. Mendimet pozitive sjellin shëndet, begati, sukses dhe lumturi.

            Marfi: Mund të manipulohet edhe me një popull të tërë, në qoftë se ai popull nuk i njeh ligjet e mendjes!

            ***

            Ndërtuesit e mendimit të ri botëror i drejtohet individit.

            Individët e fuqishëm sjellin kthesa të mëdha.

            Cilën kthesë po e gjakojmë ne?

            Kthesën më të lehtë dhe më të thjesht: të kthehemi me fytyrë nga vetvetja, të ndryshojmë veten tonë dhe ky ndryshim, pastaj, le të vazhdojë të zgjerohet në familje, në rrethin e ngushtë, në rrethin e gjerë, në tërësinë kombëtare dhe, më në fund, t’i dhurojmë edhe njerëzimit, sepse gjithë bota nuk është asgjë tjetër, përveç një fshat i madh global.

            Ky kthim nga vetvetja sjell të mira konkrete: për shëndetin në tërësi, për rinimin, për bukurinë e jashtme e të brendshme, për suksesin, për plotësimin e dëshirave, për lumturinë e plotë.

            Do të ketë edhe të tillë që nuk e pranojnë Mendimin e Ri Botëror, ani, le të ketë. Të gjithë ata që do të vonohen në këtë  rrugë, do t’i vjelin, me dëme të mëdha, frytet e vonesës. Sepse, fundja, njeriu krejt çka bën në jetë, e bën për veten e vet, ose, siç do të thoshte Franklini: Kush të ka mashtruar më shpesh sasa ti vetveten! Le të vazhdojnë ta mashtrojnë (me mosbesim) veten e tyre, e kjo është e drejt e tyre, ata vetë janë përgjegjës për vetveten. Por, le ta dinë se: jeta nuk buzëqesh kurrë, në qoftë se ti nuk i buzëqesh jetës i pari!

            ***

            Derisa po shkruaj, parasysh po më dalin shumë njerëz që e kanë humbur shijen e jetës, që janë strukur diku në qoshet e dhomave të tyre, që dridhen si thupra në ujë prej frike, që i ndërtojnë deri në pafundësi kullat e ndryshme të dyshimeve..., që (O Zot, çfarë telefonatash kanë pasur në orët e vona të natës) e kanë vrarë vetëbesimin dhe nuk kanë kurrfarë sigurie në jetë, që e kanë humbur dashurinë ndaj vetvetes dhe ndaj njerëzve në tërësi, që ua hapin rrugën sëmundjeve e mjerimit të pafund, që...

            Të gjithëve do t’u drejtohem me një fjali e do t’u them zëshëm: mos u dorëzoni! Kurrë mos e përdorni fjalën “nuk mundem”.

            T’i bini me gomë, me shqelma, fjalës “nuk” dhe le të mbetet fjala “mundem”, sepse: për të gjallin kurrë nuk mbyllen të gjitha dyert e jetës!

            Sepse: trupin e njeriut, makinën më të përsosur në botë, mendjen e njeriut, kompjuterin më të fuqishëm në botë; shpirtin e njeriut, potencialin më të madh të energjisë së pastër në botë - nuk e ka bërë ndonjë farkëtar i varfër i skajeve të qytetit, por e ka krijuar mençuria universale, ose thënë me gjuhën më të vjetër: I Madhi ZOT!

            Të ecim jetës me vendosmëri, me vetëbesim, me dashuri, me guxim, me shpresë e me besim të thellë në synimin tonë të lartë.

            *

            Jam përpjekur, lexuesi im, që, nëpërmjet këtyre “piklave”, të krijoj mozaikun themelor të mendimit pozitiv,

            jam përpjekur, lexuesi im, që secila prej këtyre “piklave” të jetë shenjë buzë rruge, posaçërisht para kthesave, për ty dhe për të gjithë ata që duan t’ia kujtojnë e t’ia ringjallin vetvetes diturinë dhe potencialin e pafund që gjendet në qeniet e tyre,

            jam përpjekur t’i rikujtoj të njohurat e amshueshme, duke shpresuar që edhe  Ti, aq sa ke mundësi, do t’u dhurosh të tjerëve zgjim nga gjumi gjysmëhipnotik dhe nisje rrugës së vetëdijesimit,

            jam përpjekur... dhe të kam thënë me fjalë “të dua shumë”, por të jesh thellësisht i bindur se ajo që të kam thënë nuk e shpreh as të një miliontën pjesë të asaj dashurie që ndjej për Ty, për Ju të gjithë të gjuhës e të gjakut tonë.

            ...dhe çka të them në fund? Asgjë më shumë se një urim: I realizofsh të drejtat e tua njerëzore! E të drejtat tua themelore janë: të jesh i shëndoshë, i lirë, i suksesshëm, i pasur dhe shumë-shumë i lumtur!

            Vazhdon...

          Pjesë nga libri i Daut Demakut, “SHENJAT PARA KTHESAVE”

           Autori është themelues dhe udhëheqës i “Qendrës së Mendimit Pozitiv”në Prishtinë.

           dautdemaku@yahoo.com

           mendimipozitiv@yahoo.ccom