Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

OSHO - Bhagwan Shree Rajneesh

Përktheu:Valdet FETAHU

SI E DINI SE DIKUSH ME TË VËRTETË JU DO?

            Poetet e artistët dine të dashurohen gati çdo ditë. Dashuria e tyre është si trëndafili, dhe derisa është aty, ajo është aq e aromatike, aq e gjallëruar, dhe vallëzon me bukurinë e saj në erë, në shi e në diell. Por kur vjen mbrëmja, ajo edhe mund të kalojë, dhe asgjë nuk mund të bëni për ta ndaluar. Kjo dashuri e thellë e zemrës është si goditje ere e cila hynë në dhomë, sjell freski, dhe shkon. Nuk mund ta ndalni erën me duar.

            Ekzistojnë tri nivele në njeriun: trupi fiziologjik – trupi psikologjik, mendja – dhe qenia e tij, esenca e tij e përhershme. Dashuria mund të ekzistojë në të tri nivelet, por cilësia e dashurisë mund të jetë e ndryshme. Në nivelin fiziologjik, trupor – ajo është vetëm seks. Mund ta quani dashuri, sepse fjala dashuri tingëllon poetikisht dhe bukur; 99% e njerëzve seksin e quajnë dashuri. Seksi është biologjik, fizik. Kimia juaj, hormonet tuaja – gjithçka materiale është e përfshirë në të. Dashuroheni në femër apo mashkull. A mund ta përshkruani saktë se me çfarë ajo femër ju ka joshur? Sigurisht se nuk mund ta shihni qenien e saj, se nuk e njihni as qenien tuaj. Nuk mund ta njihni as psiken e saj, sepse t’ia lexosh dikujt mendimet nuk është fare e lehtë. Pra, çfarë keni parë në atë femër? Diçka fizike, kimike, diçka në hormonet tuaj është tërhequr nga ana e hormoneve të femrës, fizika dhe kimia e saj. Kjo nuk është çështje dashurie, por kimie.

            Mendoni edhe njëherë. Femra në të cilën jeni dashuruar shkon te mjeku dhe ndryshon gjininë, dhe tani i rritet mjekra. A do ta doni tutje? Asgjë nuk ka ndryshuar, vetëm kimia, vetëm hormonet. Ku është tash dashuria juaj?

            Vetëm 1% e njerëzve kanë hyrë pak më thellë. Poetët, piktorët, muzikantët, këngëtarët e valltarët kanë mjaft ndjeshmëri të ndjejnë atë që e tejkalon truporen. Ata mund ta ndjejnë bukurinë e Shpirtit, ndjeshmërinë e Zemrës, sepse edhe vetë jetojnë në atë nivel.

            Mbajeni mend këtë si rregull të përgjithshëm: Nuk mund të shihni më larg se aty ku banoni vetë. Nëse jetoni në trupin tuaj dhe mendoni se jeni vetëm trup, atëherë mund të jeni të joshur vetëm nga trupi i dikujt tjetër. Ky është niveli trupor. Por, muzikanti, piktori, shkrimtari apo poeti jeton në nivelin tjetër. Ai nuk mendon, ai ndjen sepse jeton me zemër dhe mund ta ndjej zemrën e personit tjetër. Kjo shpesh është quajtur dashuri. Kjo është e rrallë – them ndoshta 1% e rasteve – por kohë pas kohe ndodh.

            Pse shumica njerëzish nuk shkon në nivelin e dytë ku është aq bukur? Këtu qëndroni problem: gjithçka është bukur, por është gjithashtu shumë e ndjeshme. Nuk është e punuar prej çekani, por nga xhami lehtë i thyeshëm, e kur pasqyra bie e thyhet, nuk ka mënyrë që prapë të ngjitet. Njerëzit frikësohen të mos kurthohen shumë thellë. Të mos i prekin nivelet e brishta të dashurisë, sepse në këtë nivel është pabesueshëm bukur por edhe pabesueshëm e ndryshuar. Ndjenjat nuk janë si shkëmbinjtë, ato janë si petalet e trëndafilit. Më mirë është të keni trëndafil prej plastike, sepse gjithmonë do të jenë aty dhe mund ta lani me ujë për çdo ditë dhe të duket i freskët. Gjithashtu, mund ta spërkatni me parfum francez. Nëse ngjyra i zbehet, prapë mund ta ngjyrosni. Plastika është një nga gjërat më të pashkatërrushme në këtë botë, është stabile dhe e qëndrueshme. Për këtë arsye njerëzit qëndrojnë në nivelin fizik të dashurisë. Kjo është sipërfaqësore, por stabile.

            Poetet e artistët dine të dashurohen gati çdo ditë. Dashuria e tyre është si trëndafili, dhe derisa është aty, ajo është aq e aromatike, aq e gjallëruar, dhe vallëzon me bukurinë e saj në erë, në shi e në diell. Por kur vjen mbrëmja, ajo edhe mund të kalojë, dhe asgjë nuk mund të bëni për ta ndaluar. Kjo dashuri e thellë e zemrës është si goditje ere e cila hynë në dhomë, sjell freski, dhe shkon. Nuk mund ta ndalni erën me duar.

            Te paktë janë ata që janë të guximshëm t’i lëshohen jetës e cila përditë ndryshon. Për këtë arsye vendosin të dashurohen në mënyrë të sigurtën në atë që e dinë se është e besueshme. Nuk e di se cilin lloj të dashurisë ju e njihni – ndoshta llojin e parë, ndoshta të dytin, Dhe jeni të frikësuar.  Kur arrini tek qenia juaj. Çfarë do të ndodhë me dashurinë tuaj? Sigurisht se do të zhduket – por s’do të humbni thuajse asgjë. Lloji i ri i dashurisë do të ngritët, ajo që paraqitet një në një milion njerëz. Kjo dashuri mund të quhet “plotësim me dashuri”

            Llojin e pare të dashurisë duhet quajtur ‘seks’. Llojin e dytë duhet të quhet ‘dashuri’. E lloji i tretë do të duhej të quhet ‘plotësim me dashuri’ – kjo është cilësi që nuk iu është drejtuar askujt – nuk është posesive dhe nuk e pranon se dikush tjetër ju posedon. Një dashuri e tillë është aq rrënjësore, revolucion (radikal), sa që vështirë e kam ta prezantojë. Gazetarët më pyesin: “Përse këtu ka aq shumë femra?” Dukshëm pyetje e rëndësishme dhe befasohen kur iu them – “Unë jam mashkull.” Atëherë më kanë shikuar me dyshim. Iu kam thënë: “Është e qartë se këtu do të ketë edhe shumë më shumë femra për arsyen e thjeshtë – sepse gjatë jetës së tyre kanë mësuar vetëm seksin, dhe në raste të rralla pak çaste dashurie. Por nuk kanë mësuar TË DUASH! Madje edhe meshkujt që i shihni këtu kanë zhvilluar vetitë femërore që bartin me vete dhe që kanë qenë të ndrydhura nga shoqëria rreth tyre.”

            Që nga fillimi ju i thuani djalit: “Ti je djalë e jo vajzë. Sillu si djalë. Vajzat qajnë, ti mos. Sillu si burrë.” Dhe kështu çdo djalë fillon t’i hedhë vetitë femërore të tij. E krejt çfarë është e bukur është femërore. Në fund mbesin vetëm mbetjet barbare shtazore. I vetmi funksion i mbetet të lindë fëmijë. Vajzat nuk guxojnë të kenë veti mashkullore. Nëse duan të ngjiten ne pemë, menjëherë i ndalojnë: “Kjo është për djem e jo për vajza.” Çuditshëm! nëse vajza dëshiron të ngjitet në pemë kjo vetvetiu është arsye për ta lejuar atë.

            Në të gjitha shoqëritë gjatë historisë, për burra dhe gra, janë punuar veshje të ndryshme. Kjo nuk është e drejtë, sepse çdo mashkull është gjithashtu edhe femër. Sepse është krijuar nga dy burime: babai të tij dhe nënës së tij. Të dytë kanë kontribuar në krijimin e tij. Dhe çdo femër gjithashtu është edhe mashkull. Ne i kemi shkatërruar që të dytë. Femrat trimërinë, aventurën, gjykimin dhe logjikën e tyre e kanë humbur, sepse është besuar se këto janë veti mashkullore, e meshkujt kanë humbur simpatinë e tyre, ndjeshmërinë e tyre, ngushëllimin dhe gjentilitetit dhe të dy gjinitë ekzistojnë përgjysmë. Ky është problem më i madh që duhet zgjidhur – sa i përket çështjes së njeriut.

            Sanjasinët e mi duhet të jenë të dyja, gjysmëmashkull dhe gjysmëfemër, dhe kjo i pasuron. Atëherë i keni të gjitha karakteristikat që janë të qasshme për njeriun, e jo vetëm gjysmës. Duke arritur tek pika e Qenies ju rrethon vetëm një veti e dashurisë – si aromë.

            Gazetarët më kanë pyetur: A e do Shillën?” Iu kamë thënë: “natyrisht, por unë  dua aq shumë femra sa nuk ua di emrat. Dhe jo vetëm femrat, unë i dua edhe meshkujt, sepse janë gjysmëfemra.” Me një milion sanjasinë nëpër gjithë botën, unë nuk mund të bëj me gisht vetëm në një person e të them: “Unë e dua këtë njeri.”, unë mund vetëm të them: “Unë dua!”. Kush është i gatshëm të pranojë dashurinë time, le ta merr – ajo është aty. Për këtë arsye mos keni frikë, brenga juaj është e arsyeshme. Ajo që mendoni se është dashuria do të zhduket, por ajo që do zë vendin e saj është shumë e madhe dhe pafund. Do të mund të dashuroni duke mos u lidhur. Do të mund të doni shumë njerëz, sepse nëse dashuroni vetëm një njeri, do të mbeteni të varfër. Vetëm një person do të mund t’ju jap një përvojë dashurie, por shumë njerëz dashurojnë. Do të mahniteni kur çdo person t’u jep ndjenjë të re, këngën e re, formën e re të dalldisë. Për këtë arsye unë jam kundër martesës. Në vizionin tim martesën si institucion duhet ndërprerë. Njerëzit mund të jetojnë bashkë nëse dëshirojnë, por kjo nuk është e kushtëzuar ligjërisht. Duhet të kemi lirinë e lëvizjes sa më shumë që është e mundur, përvojën e dashurisë. nuk duhet të jeni posesiv, dëshira për posedim e shkatërron dashurinë. Dhe nuk duhet të lejoni që dikush t’ju posedoj, sepse edhe kjo njëjtë e shkatërron dashurinë.

            Të gjithë njerëzit e meritojnë të jenë të dashuruar. Nuk keni nevojë të lidheni për një person gjithë jetën. Kjo është një nga arsyet përse njerëzit në gjithë botën mërziten. Përse nuk mund të qeshin si ju, nuk mund të vallëzojnë si ju? Ata janë të lidhur me zinxhirë të padukshëm: martesa, familja, burri, gruaja, fëmijët. Janë të stërngarkuar me obligime, përgjegjësi, flijim. E ju dëshironi të qeshni, të vallëzoni, këndoni dhe të jeni të lumtur? Prisni të pamundurën! Lirojeni dashurinë nga posesiviteti. Por kjo mund të ndodhë vetëm nëse në meditimin tuaj zbuloni thelbin tuaj. Nuk ka trajnime - unë ju them: “Për ushtrime, shko sonte tek femra tjetër.” Asgjë nuk do të fitoni, vetëm mund ta humbni gruan tuaj! Në mëngjes do të jeni pahijshëm të befasuar. Nuk qëndroni fakti tek ushtrimi, por tek zbulimi i qenies suaj. Me zbulimin e qenies suaj krijohet “plotësimi i dashurisë” jo egoiste. Atëherë thjesht dashuron. Dhe kjo vazhdimisht zgjerohet; së pari njerëzit pastaj kafshët, pemët, malet, yjet. Dhe do të vijë dita kur i gjithë universi do të bëhet dashnorja juaj. Ky është potenciali juaj. Dhe kush nuk e shfrytëzon këtë kot e ka shpenzuar jetën.

          Po, do të duhet të humbni disa gjëra, por ato janë të pavlerë. Aq shumë do të fitoni saqë nuk do të mendoni për ato që keni humbur. “Plotësimi i dashurisë” i pastër, që depërton në thelbin e çdo qenie njerëzore – kjo krijohet nga cilësia e meditimit të heshtur dhe depërtimit të thellë në qenien tuaj. Unë vetëm po përpiqen t’ju detyroj. Mos keni frikë të humbni atë që keni.