Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Leotrim MAVRAJ

TË MENDOSH ME ZEMËR

            O njeri i madh, pjesë e botës se mendjes, pse nuk ndalesh e të hapësh zemrën tënde? Vetëm ndalu për një moment, e ai moment është i artë! Në momentin kur ti hap zemrën, portat e mundësive do të hapen, zemra jote lejon brenda ca rreze drite e ajri i freskët futet në brendësin tënde dhe të gjithë njerëzit, e i gjithë universi, do të sillet rreth teje. Ti je mbret i çastit.

            Te dashurit e mi,

            I ulur sot këtu në një trotuar të ngushtë, në një rrugë te New York-ut, i vetëm, shikoj për rreth dhe mendja ime seç është ngadalësuar dhe është futur ne një meditim për të gjithë këto që kam rreth vetes. Gishtat e mi po shtypin tastet e laptopit tim të vogël e mendja ime seç po gërmon thellë në të gjithë atë për të cilën ajo di, e sytë e mi zënë të shohin të gjithë këto ndërtime për rreth meje, fytyra të njerëzve, ca të mërzitur e ca të dehur nga gëzimi, zhurma e automjeteve dhe zërave seç gumëzhin për rreth por, për çudi, zemra ime ndihet aq e qet në këtë moment. Zemra seç ka një lloj ndenje të rehatisë dhe gëzimit që nuk ka fjale të shpjegohet por, vetëm një dridhje e lehte në gjoks, dhe të duket se e gjithë bota po sillet rreth teje. Është ky moment kur njeriu ndalet për një çast dhe, e kaluara dhe e ardhmja, tashmë nuk ekzistojnë e as që kanë rëndësi, e gjitha është tani, e tani ndihem i lumtur.

            Të dashurit e mi, mendoni për këtë moment me zemër e do të shihni se ju keni momente të shumta të këtilla, çdo ditë, vetëm thjesht ndaluni e mendoni me zemër. Eh, thuhet njeriu lind dy herë në këtë jetë - një herë nga nëna e të dytën herë lind atëherë kur e kupton arsyen e lindjes së pare.

            Ajo që thuhet sot është se kë duhet ta dëgjosh?! Aq shumë mësues e njerëz të “ditur”, aq shumë filozof e “besimtar”, aq shumë llomotitje e diskutim koti, por vjen një moment e thua: po kënd të dëgjoj unë i mjeri kur të gjithën çka unë dua është pak mirësi në këtë zemër, pak nektar në këtë botë llomotitëse?

            Kam kaluar, studiuar e mësuar, lexova qindra libra, kalova male e oqeane e bisedova me mijëra njerëz në këtë jetë. Kam provuar gjëra nga me të ndryshmet, kam dëgjuar e parë gjërat nga më të çuditshmet, por tani, në këtë moment, i ndalur e i ulur këtu në këtë karrige, dhjetë vitet e fundit po i përmbledh me disa fjalë të shkurtra - disa momente të bukura, dhe kaq! I jam mirënjohës çdo personi që me foli ne këtë jetë, çdo personi qe më përshëndeti, madje edhe me një fjalë, të gjithë ata ishin mësuesit e mi. Jam aq me fat se kisha mijëra mësues, e sa të tjerë do t'i kem në këtë jetë... ndihem shumë mirënjohës. Ndihem mirënjohës për çdo gjë që u shfaq para syve të mi dhe e begatoi jetën time qoftë edhe një zog apo lule, apo një vajzë e bukur, apo edhe një pemë apo mal, faleminderit te gjithëve, u ndihem mirënjohës.

            Unë, nga një fshat në skaj të Kosovës, gjendesha në një tempull besimi të ashtuquajtur Mormon në një qytezë të vogël e të thjesht në Hawaii dhe aty, një vajzë trupshkurtër me flokë të zeza e sy të bukur aziatik e ngjyrë kafeje, më tha: - ndihem mirënjohëse që u bëre pjesë e jetës time! Haha sa e mrekullueshme është jeta e sa të mahnitshme janë momentet në çdo ditë e sekondë që ne jemi. Duke i shprehur tani këto ndjenja nga zemra ime një zë i bukur me foli nga ana tjetër e telefonit, mijëra kilometra larg, matanë oqeanit, më thërriti e me tha: - faleminderit dhe jam mirënjohëse për ty. Po unë asgjë nuk bëra që ta meritoj mirësinë e saj, asgjë nuk i dhashë, asgjë!

            Unë kuptoj këtë: ajo zemër që ti mban në gjoks mund të ndjej, e ajo ndjenjë kaplon të gjithë globin e universin dhe tërheq të gjithë zemrat e njerëzve të tjerë për rreth teje, ajo është ndjenja e se mirës, ndjenja e dashurisë, ndjenja e mirënjohjes, ndjenja e vetës tënde. O Zot, po sa e mrekullueshme është gjithçka që ti ke krijuar, sa bukur na ke përsosur me këtë trup, mëndje e shpirt e na e ke vendosur trurin tonë me të cilin mendojmë, e zemrën në qendër të gjoksit që të ndjejmë. Falënderim i sinqertë për ty Zoti im!

            Ndoshta disa nga ju ende pyesni veten për atë qe dëshiroj të them përmes këtij shkrimi. Realisht unë nuk mësoj askënd! Kush jam unë të mësoj një krijesë te të gjithëditurit? Kush jam unë të ndihmoj një krijesë te të gjithëfuqishmit? Si mund ta mësoj e ndihmoj atë që në brendësi ka fuqinë të shkund malet, qe në zemrën e vet ka fuqi të ndryshoj të gjithë botën. Do të ishte injorancë për mua të mundohem ta mësoj ndokënd! Jo, atë që kam mësuar nga jeta është që secili person është master i jetës së vet, është mësuesi më perfekt i vetvetes, e di ose jo ai këtë. Po ti e dashura ime je e përsosura e botës, je fuqia e fjetur që pret për dorën shkundëse që të zgjohet, je drita verbuese që pret të ndizet, je krijimtaria që përbën yjet e galaktikat, je ti e dashura ime, TI. E kush jam unë të mësoj ndokënd, i ulur këtu ende pas dy orësh, dhe mendja ime s'ka të ndalur e zemra po ndjen aq shumë. Nuk e di se pse sot ato duan të shprehin këtë, nuk e di arsyen se pse ato po duan të ju tregojnë ju tani atë që ato ndjejnë, por unë jam vetëm një lajmëtar, vetëm një përcjellës i asaj çka zemra thotë.

            Shoh për rreth meje disa fytyra të mërzitura, shoh edhe një person që qan atje... por a nuk e shohin ata se çfarë mrekullie ata janë, se sa të lirë ata janë dhe se sa të mrekullueshëm ata janë? Jo! Kam përshtypjen se nuk e shohin, sepse mendja e tyre llafazane flet e flet e flet marrëzira e ju tregon atyre se sa të mjerë që janë, se sa dështak që janë, se sa të këqij që janë, dhe zemra e shkretë është mbyllur e ata nuk e ndjejnë... nuk e ndjejnë vetveten, nuk e ndjejnë momentin, nuk e zënë çastin, ata jetojnë në të kaluarën e largët të tmerrshme dhe në të ardhmen e pashpresë. Ata jetojnë në mendjet e njerëzve të tjerë që u lejojnë t'ua vjedhin lumturin nga duart. Jetojnë në sytë e atyre që u fusin friken e që jetojnë nga frika e tyre. O njeri i madh, pjesë e botës se mendjes, pse nuk ndalesh e të hapësh zemrën tënde? Vetëm ndalu për një moment, e ai moment është i artë! Në momentin kur ti hap zemrën, portat e mundësive do të hapen, zemra jote lejon brenda ca rreze drite e ajri i freskët futet në brendësin tënde dhe të gjithë njerëzit, e i gjithë universi, do të sillet rreth teje. Ti je mbret i çastit. Ti arrin pikun, në atë moment ti jep komandën për atë që do, dhe ajo do të filloj të ec në drejtimin tënd. Në atë moment qetësie, kur zemra jote e ndjen dashurinë e të tashmes, truri yt është i detyruar të transmetoj frekuencën e asaj që ti do dhe bumm - ai tërheq atë sikur një pikë mjaltë që tërheq insektet nga një distancë e largët sepse ato e ndjejnë atë, ato nuk e shohin por e ndjejnë që diçka po vjen në dobi të tyre dhe ato e gjejnë.

            Oh jo, tani me duket se fillova të jap leksion e ai nuk është qëllimi im. Qëllimi im është të ju tregoi atë që dashuria e zemrës time po mundohet ta transmetoj. Zemra mban një lidhje të pashkëputshme me të panjohurën, të padukshmen, me atë që të shtyn të ecësh para, që të jep kurajë, që të motivon, qe ta vendos atë energji brenda që nuk ka kush që mund ta ndalë. Ashtu siç i madhi OSHO tha: “Të kesh kurajë, do të thotë, të jesh në një lidhje dashurie me të panjohurën”. Po në një lidhje dashurie!

            Tani këtu po ndihem më mirë, me mirë pasi që thash atë që kam përbrenda. Unë nuk dua që ju të më dëgjoni mua, nuk dua që të më ndiqni mua, mos më pyesni mua, mos më falënderoni e çmoni mua. Kush jam unë t'i meritoj këto o ju që posedoni universin. Thjesht, hapeni zemrën, ndaleni kohën, ndaleni mendjen e shikoni për herë të parë në jetën tuaj se kush jeni ju, dhe do të befasoheni nga ajo që keni për ta gjetur! Nuk dua të jem shembulli i guruve që të ju motivojnë me një shkrim e pasta nga ju të krijojnë “idiot të motivuar”! Ata nuk ia kanë idenë se çfarë bëjnë. Si mund të komandohet zemra njerëzore? Ky është krim, kjo është shkelje e ligjit të vet universit. Thjesht personi që dëgjon një here zemrën e tij do të jete personi më i mirë në botë, sepse ashtu edhe është.

            Lutem që bukuria dhe dashuria e universit të jete e juaja - ju krijesa të të madhit Zot, ju të zotët e mendjes, ju të mrekullueshmit e planetit te kaltër. Mos e mbyllni zemrën, mos ia zini vetës rrugën. Lejoni bukurinë dhe dashurinë, që keni brenda, të kaploj shtetet, malet, oqeanet dhe të gjithë universet dhe ju do zbuloni se kush në të vërtet jeni. Pyetni masterin tuaj, e ai do ju tregoj... ai është duke ju pritur, aty brenda jush.

            Vetëm Zoti e di se sa shumë ju dua e ju jam mirënjohës që ekzistoni, këtu, dhe Ti që lexove këto shkronja.

Me dashuri,

Leotrimi