Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Përgatiti: Shefki OLLOMANI

Pjesa e dytë

UFO-t / JASHTËTOKËSORËT (3)

          Mbetet për të kuptuar tashmë nëse zgjedhja lidhet me mundësinë “Teoria e përshtatjes me fenomenin ndiqet nga shumë qeveri të vetëdijshme, jo gjithçka është thënë”, deklaron CUN. Frika është tek shoku kulturor që mund të shkaktojnë informacione të tilla. Ndërkohë, në gjithë botën rritet dëshira për alienët.

            Mënyrat e komunikimit me alienët

            CETI (Communication with Extraterrestrial Intelligence – Komunikimi me Inteligjencën Jashtëtokësore) është një degë e institutit SETI (Search for  Extra Terrestrial Intelligence – Kerkimi per Inteligjenca Jashtëtokësore). “CETI” fokusohet në kompozimin dhe deshifrimin e mesazheve që mund të kuptohen teorikisht nga qytetërime të tjera teknologjike. Eksperimenti më i njohur i “CETI” ishte mesazhi i Arecibos në vitin 1974. “CETI” fokusohet në tre fusha komunikimi: gjuhët matematike, sistemet e ilustruara me figura, dhe sistemet e algoritmit të komunikimit: “Astraglossa”

            E publikuar në vitin 1953 nga Lancelot Hogben, përshkruan një sistem të kombinimit ët numrave në disas seri pulsimesh të shkurtra dhe të gjata. Në sistemin e Hogbenm pulsimet e shkurtra përfaqësojnë numrat ndërsa pulsimet e gjata shenjat e Lincos (Gjuha kozmike) “Lincos: Skicimi i një gjuhe për komunikim kozmik”, i publikuar në vitin 1960 nga Hans Freudenthal është një zgjerim i “Astraglossa” për të krijuar një gjuhë me qëllim të përgjithshëm që buron nga simbolet e matematikës bazë dhe logjikës.

            Mesazhet e ilustruara me figura

            Sistemet e komunikimit të ilustruar me figura synojnë të përshkruajnë koncepte matematikore apo fizike nëpërmjet diagrameve të thjeshtuara. Këto mesazhe nënkuptojnë se marrësit kanë të njëjtat aftësi vizuale dhe mund të kuptojnë matematikën dhe gjeometrinë bazë. Një kritikë e zakonshme e këtyre sistemeve është se ato pretendojnë një kuptim të përbashkët të formave specifike, të cilat nuk mund të jenë të tilla për speciet me vizion të ndryshëm.

            Shtatë rastet më të bujshme të shfaqjes së UFO-ve: 

            Nga incidenti i Teksasit tek ai i Rosuellit

            Hetuesit e UFO-ve shohin referencat ndaj anijeve raketë, alienëve dhe astronautëve që shkojnë në ditët kur njeriu i parë vuri daltën dhe penelin në shkëmb. Më shumë se 6.000 vjet më vonë, objektet që janë të panjohur – së paku në të parë – vazhdojnë të shfaqen në qiell dhe të gjenerojnë zhurmë. Merrni, për shembull, zjarri rrotullues që u shfaq në qiellin norvegjez në dhjetor 2009. Pamja shkaktoi spekulime se alienët ishin duke dërguar një sinjal tokësor. Studiues të tjerë hipotezuan – dhe më vonë ushtarakët rusë konfirmuan – se një raketë kishte dështuar. Analisti i hapësirës James Oberg thotë se incidenti i përshtatet një tradite të gjatë të shfaqjeve të disqeve fluturuese mbi Rusinë që janë shkaktuar nga sekreti ushtarak dhe aktivitetet e hapësirës. Edhe kur ka një shpjegim prozaik për shfaqjet, ato mund të japin informacion të dobishëm rreth aktiviteteve të fshehta. Por kush janë shtatë rastet më të bujshme të shfaqjes së UFO-ve? Këtë e ka bërë të mundur një studim i televizionit të njohur amerikan MSNBC.

            Viti 1897: A ka pasur një përplasje anijesh në Teksas?

            Në 1800, shenjat e para të UFO-ve, të quajtur balona, u transmetuan nëpër të gjithë Shtetet e Bashkuara, sipas Mark Easter, një studiues në terren dhe drejtor ndërkombëtar i marrëdhënieve me publikun për rrjetin e UFO-ve, ose MUFON. Shumë prej këtyre shfaqjeve të UFO-ve janë shpjeguar si balona ajri, të cilat ishin duke u bërë një modë atëherë. Një përplasje UFO-sh, raportuar në Aurora, Teksas, megjithatë, mbetet pa u shpjeguar ashtu siç duhet, sipas një raporti nga grupi. Ndër dëshmitë e rekuperuara gjatë hetimeve të MUFON është një pjesë e pazakontë prej metali me pronësi kompatibile me një ulje aksidentale. Çfarë ka më tepër, mbetjet e pilotit të huaj thuhet të jenë varrosur në varrezat lokale. Kërkesat për gërmimin e varrit, megjithatë, kanë qenë mohuar. Pse?

            Viti 1947: Shfaqja e ”diskut fluturues”

            Më 24 qershor, 1947, ish-pilot Luftës së Dytë Botërore, Kenneth Arnold ishte në fluturim pranë malit Rainier në shtetin e Uashingtonit, kur ai pa një zinxhir prej nëntë objektesh në formë gjysëm hëne që ai tha se kërcënin në ajër ajër si pjata. Gazetarët e gazetave, në mënyrë të gabuar, i quajtën ato “disqe fluturues”. “Fraza ‘disqet fluturuese’ të cilat supozohet se janë të rrumbullakët si një pjatë, është e përhapur në mënyrë kaq të shpejtë saqë njerëzit filluan të shohim atë që ai nuk e pa, por atë që gazetarët kishin treguar gabimisht,” tha Oberg. Përshkrimi teknik i Arnold ka qenë raportuar rrallë herë, shtuan analistët e hapësirës. Studiues të tjerë, sipas të Easter të MUFON, i vënë shfaqjet e UFO-ve në kontekstin historik të programit të armëve bërthamore të pas Luftës së Dytë Botërore.

            Viti 1947: Incidenti i Rosuell-it

            A ka pasur një përplasje UFO-sh në shkretëtirë jashtë Rosuellit, New Mexico, në korrik 1947? Sipas linjës zyrtare të ushtrisë amerikane, përgjigja është jo. Në atë kohë, fragmente të çuditshme mbeturinash të mbledhura nga një ranger lokal u shpjeguan si një tullumbace eksperimentale e motit shkuar shtrembër. Në 1994, ushtria ndryshoi historinë e vet, duke thënë se tullumbacja ishte në të vërtetë pjesë e projektit Mogul, një operacion i fshehtë për të monitoruar shpërthimet bërthamore sovjetike. Oberg është i kënaqur me këtë shpjegim, por disa anëtarë të komunitetit Ufologjik e shohin shpjegimin ushtarak si një mbulim të një tjetër lloji. Easter i MUFON, për shembull, beson për një teori që një e shtënë ushtarake ka hedhur poshtë dy anijet kozmike që ishin duke kontrolluar armët bërthamore në fazë zhvillimi dhe testimi në Nju Meksiko. Njëri prej vendeve të përplasjes ishte pastruar deri para se ta zbulonte shtypi

            Viti 1952: UFO-t vizitojnë Uashingtonin

            Nga 1952, sipas MUFON, ethet e disqeve fluturuese ishte në tone aq të larta sa raportet e shfaqjes filluan të bllokonin rrjetet telefonike. Gumëzhitja arriti kulm gjatë dy fundjavëve të njëpasnjëshme në korrik me një seri shfaqjesh vizuale dhe radarësh mbi Uashington, DC. Ushtarakët shpjeguan valën e shfaqjeve në një konvertim temperature, e cila mund të shkaktojnë interferenca me dritën dhe radarët. Anëtarët skeptikë të komunitetit të UFO-ve, megjithatë, e shohin kornizën e kohës si fillimet e misionit të orkestrimit të qeverisë për asgjësimin e fenomenit UFO duke bërë shaka me njerëzit të cilët raportuan këtë gjë. Oberg thotë se qeveria ishte e shqetësuar për ortekun e thirrjeve – kjo kishte ndërhyrë me komunikimet. Ekspertët e sigurisë e arsyetuan këtë se armiqtë mund të përhapin panik për disqet fluturuese me qëllim që të lidhin linjat e komunikimit, ashtu si edhe hedhjen e bombave në qytetet e SHBA.

            Viti 1967: Qëndra e raketave Malmstrom shuhet

            Disa studiues thonë se shfaqja e një disku fluturues në një qendër të raketave bërthamore pranë bazës Malstrom Air Force, mars 1967, forcon çështjen e një lidhjeje mes zhvillimit të armëve bërthamore dhe UFO-ve. Sipas një hetim MUFON në këtë çështje, kapiteni në pension, i Forcave Ajrore Robert Salas, i cili ishte stacionuar në vend, tha shfaqja e UFO-ve me pulsantin e dritave të kuqe u pasua nga një mbyllje e shpejtë e sistemit të raketave. Ushtarakët pranuan mbylljen që u verifikua, por hetimet e tyre arritën në përfundimin se shfaqja e diskut fluturues ishte një thashethem. Oberg thotë se ai do të donte të dinte më shumë për ngjarjet që rrethojnë këtë incident. Ai vë në dukje se tregimi tingëllon i ngjashme me një rast në Rusi, në të cilin zyrtarët e UFO-ve e përdorën si një justifikim për të shpjeguar pse pajisjet bërthamore ishin difektoze.

            Viti 1980: Një diamant në qiell

            Në dhjetor 1980, Betty Cash, Vickie Landrum dhe nipi Vickie Colby po kërkonin për një lojë Bingo në Teksas, kur një diamant në formë disku fluturues u shfaq në qiell. Momente më vonë, UFO-ja duket se po shoqërohej nga një flotë helikopterësh – disa të ngjashëm me një tip të përdorur nga ushtria amerikane, sipas tregimeve të ndryshme të incidentit të UFO-s i njohur si rasti i Cash-Landrum. Pas incidentit, Cash dhe Landrums raportuan simptoma të tilla si përzierje dhe djegie që disa ekspertë besojnë se janë helmim nga rrezatimi. Cash kaloi më shumë se dy javë në spital. Trioja paditi qeverinë amerikane për kompensim, por çështja u kthye prapa sepse një lidhje e qeverisë me incidentin nuk mund të tregohet dhe gjendja shëndetësore e viktimave të dyshuara para incidentit mbeti e mbyllur sipas ligjeve për tutelën e privatësisë.

            Viti 2008: A ndoqën avionët luftarak UFO-t në Teksas?

            Dhjetra njerëz në zonat rurale të Teksasit pranë Stephenville njoftuan se panë një objekt të madh me dritat e ndritshme duke fluturuar ulët dhe shpejt në qiell më 8 janar 2008, me sa duket i ndjekur nga avionët luftarakë F-16. Në fillim, Forcat Ajrore mohuan se ata kishin avionët në zonë në atë kohë. Dy javë më vonë, ushtria pranoi se ka pasur vërtet avionë në zonë, dhe sugjeroi se banorët mund të kenë ngatërruar një prej avionëve si një disk fluturues. Pranimi kënaq disa njerëz si një shpjegim të arsyeshëm. Shumë shfaqje të tilla rezultojnë të jenë operacione ushtarake. Të tjerë, megjithatë, mbeten të pabindur se objekti i madh është shpjeguar në mënyrë adekuate. Oberg thotë se edhe ai ka qenë mashtruar nga fluturimet e xhet-ëve. Kur vija e avionëve kalon lart, dritat kryesore të xhet-it mund të shihen gjatë para se zëri të arrijë nga ai.

            Angli – korrik 2008

            Në korrik të vitit 2008 ka qenë radha e Anglisë për të hapur dosjet. UFO-t dhe ufologjia vazhdojnë të jenë aktualitet, ndaj duhet pranuar se ato nuk kanë dalë kurrë nga moda. Hapja e dosjeve vjen me hapat e ndërmarrë nga qeveritë e ndryshme për deklasifikimin e dosjeve “X”, që kanë lidhje me çështjen. Në korrik të këtij viti ishte radha e Britanisë së Madhe, por në 2008-ën i ka hapur dosjet Franca dhe Ekuadori. Dokumentet më interesante janë ato që kanë lidhje me raportet e ish-KGB-së (127 faqe të dhënash për ngjarjet jonormale), si dhe një dëshmi që arrin në Ekuador. Në kufi të 44 rasteve të deklasifikuar, një zyrtar, Ulliam Salgago pranon pa asnjë hije dyshimi se “ka objekte fluturuese me origjinë jashtëtokësore në atmosferën tonë dhe se duhet të ndajmë hapësirën tonë me qenie të botëve të tjera”. Po pse këto qeveri po hapin dosjet në këtë kohë? “Fenomeni UFO është kthyer në një fenomen masiv, ka nevojë për një përgjigje”, shprehet Enrico Baçarini, drejtues i Qendrës Ufologjike Kombëtare (CUN) në Itali. Dhjetëra studime nga qeveri të ndryshme botërore, kanë prodhuar më shumë pyetje se përgjigje.

            Mbetet për të kuptuar tashmë nëse zgjedhja lidhet me mundësinë “Teoria e përshtatjes me fenomenin ndiqet nga shumë qeveri të vetëdijshme, jo gjithçka është thënë”, deklaron CUN. Frika është tek shoku kulturor që mund të shkaktojnë informacione të tilla. Ndërkohë, në gjithë botën rritet dëshira për alienët. Kjo ndodh, jo vetëm për përbërësit e jashtëzakonshëm të fenomenit, por edhe për faktin se po rritet gjithnjë e më shumë vetëdija se jeta nuk është pronë ekskluzive e tokës.

            11. UFO-t e nisura drejt Tokës - NASA fsheh të dhënat

            Tre disqe gjigande UFO-sh janë drejtuar drejt tokës. Është ky lajmi që ka publikuar në një reportazh gazeta “Pravda” ku sipas saj tre disqe, më i madhi prej tyre më gjërësi 242 km i shoqëruar nga dy anije të vogla, janë identifikuar pas orbitës së Plutonit.

Akoma më e pabesueshme nga të gjitha faktet e paraqitura në reportazhin e gazetës “Pravda”, është se anijet e Alien-eve jane identifikuar nga NASA përmes programit HAARP, program ky që është marrë me studimin e fenomenit të Aurorës në Polin e Veriut në Alaskë.

            Ndërkohë, NASA, hesht!

            Të vetmit që kanë ngritur zërin janë kinezët, të cilat kanë akuzuar amerikanët për mbulim dhe fshehje faktesh persa i përket ekzistencës së jashtëtokësorëve dhe vizitave të tyre në Tokë.

            Gazeta e famshme “Pravda”, arsyeton reportazhin e saj, duke e lidhur ate me “burime të mirë informuar dhe të sigurt, nga programi jo-fitimprures, i njohur ndërkombetarisht Hulumtim mbi Ekzistencen e Jetes Jashtetokesore; SETI (Search forExtraterrestrial Intelligence)”, duke shtuar se tre anijet do të diktohen dhe do të shihen nga teleskopet optike kur t’i afrohen planetit Mars!

            12. UFO-t

            Në librin e tij, Alfredo Lisson, eksploron për ne sekretet e misteriozes Area 51, shtetit të 51-të të Shteteve të Bashkuara, strumbullarit të të gjitha mistereve të teknologjisë aliene; rindërton operacionet debunking (diskredituese) dhe cover up (fshehjeje) të presidentëve amerikanë nga Trumani tek Bushi Junior (i riu); zbulon prapaskenat e incidentit ajror në Walesville, që e bëri qeverinë hije amerikane të armatosej kundër alienëve dhe të nënshkruante në vitin 1955 një pakt shumë të fshehtë bashkëpunimi antialien me “armikun”, Bashkimin Sovjetik.

            A ekziston një konspiracion botëror i prirur për të fshehur fenomenin e UFO-ve? A është e vërtetë se qeveria amerikane e njeh të vërtetën lidhur me alienët dhe madje u studion shkencën nëpërmjet një operacioni “inxhinierie së prapthi”, por tenton të prishë provat e kalimit të vizitorëve mbi Tokë për të mos humbur autoritet?

            Përgjigjja është pohuese dhe na shtohet nga rindërtimi i hollësishëm dhe i saktë i historisë “sekrete” të ufologjisë, i bërë për herë të parë nga Alfredo Lissoni dhe i karakterizuar nga dokumente dhe prova të okultuara nga grupe misterioze pushteti me emra tejet magjepsës: Majestic 12, Men in Black, Revealers.

            Pas një kërkimi të filluar më 1993 dhe të zgjatur për 9 vjet të mira, autori vë së bashku copërat e një mozaiku gjigant që ka parë ndërtimin në vitin 1947 dhe pas rënies së një UFO-je në Roswell të New Mexico-s e komisioneve të para studimore amerikane, si publike, ashtu dhe sekrete. Nëpërmjet një serie studimore “Projects”, qeveria amerikane tentoi që të fusë në dorë teknologjinë e jashtëtokësorëve dhe ia arriti.

            Në këtë libër, Alfredo Lissoni eksploron për ne sekretet e misteriozes Area 51, shtetit të 51-të të Shteteve të Bashkuara, strumbullarit të të gjitha mistereve të teknologjisë aliene; rindërton operacionet debunking (diskredituese) dhe cover up (fshehjeje) të presidentëve amerikanë nga Trumani tek Bushi Junior (i riu); zbulon prapaskenat e incidentit ajror në Walesville, që e bëri qeverinë hije amerikane të armatosej kundër alienëve dhe të nënshkruante në vitin 1955 një pakt shumë të fshehtë bashkëpunimi antialien me "armikun", Bashkimin Sovjetik.

            Akoma do të shqyrtohen, më së fundi do të shpjegohen dhe do të futen në një kontekst logjik disa prej mistereve më shqetësues ufologjikë të dekadave të fundit: gjymtimet e kafshëve, vdekjet misterioze të shkencëtarëve, “zbulimet” e pilotuara të inteligjencës, letërkëmbimet sekrete të siguruara nëpërmjet Aktit mbi Lirinë e Informimit (X-files e vërtetë), rrëzimet e UFO-ve, disqet fluturues tokësorë, Rendi i Ri Botëror, taktika në formë pike (që alienët të mos shfaqen publikisht).

            E gjitha kjo duke ndjekur fillin e manipulimeve dhe të konspiracioneve të urdhëruara nga grupe pushteti në hije: Trilateral, Bildeberg, CFR, MJ-12, CIA, UFO Study Group. Një libër alarmues, që falë malit të dokumenteve të pakundërshtueshme, më së fundi hedh një dritë të re mbi konspiracionin botëror të CIA-s lidhur me disqet fluturuese. Ky libër u kushtohet të gjithë kërkuesve në fushën e ufologjisë dhe të mbrojtjes hapësinore, të cilët kanë ndërruar jetë në rrethana misterioze.

             Fund i pjesës së dytë

            Nga libri në dorëshkrim "UFO-t dhe lufta e Dulçes"

(1)     (2)