Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shqipëroi: Lille VENN

UNGJIJTË SIPAS THOMAIT, JUDËS DHE FILIPIT

Ekskluzivisht për www.sa-kra.ch dhe www.syri3.com

Përmbledhjen e shqipëruar nga Lille Venn "Ungjijtë sipas Thomait, Judës dhe Filipit" mund ta shkarkon falas në sektorin

„Literaturë“

            Ungjilli sipas Thomait

            Këto janë fjalët e fshehta që foli Jezusi i gjallë, dhe Thomai i kopjoi.

            1 - Dhe ai tha: “Kushdo që do të dijë t’i interpretojë këto fjalë, nuk do ta njohë vdekjen.”

            2 - Jezusi tha: “Ata që kërkojnë, le të kërkojnë derisa të gjejnë. Kur të gjejnë, do të turbullohen. Kur përbrenda të ndihen të turbulluar, atëherë do të mahniten dhe do të mbretërojnë mbi gjithçka. (Dhe pasi të kenë mbretëruar, ata do të prehen)”

            3 - Jezusi tha: “Nëse udhëheqësit tuaj do t’iu thonë: “Shikoni, Mbretëria (e Atit) është lart në qiell!”, atëherë zogjtë e qiellit do të mbërrijnë para jush. Nëse do t’ju thonë: “Mbretëria ndodhet në det!”, atëherë peshqit do të mbërrijnë para jush. Sepse, në fakt, Mbretëria është brenda jush po aq sa edhe jashtë jush.

            Kur ta njihni veten, do t’ju njohin edhe cilët jeni, dhe do ta kuptoni që jeni fëmijët e Atit të gjallë. Por, nëse nuk do ta njihni veten, atëherë do të jetoni në mjerim, dhe do të jeni mjerimi vetë.”

            4 - Jezusi tha: “I moshuari nuk do të hezitojë ta pyesë fëmijën e sapolindur se ku ndodhet vendi i jetës, dhe ky i moshuar do të jetojë.

            Sepse shumë nga të parët do të jenë të fundit, dhe do të bëhen një gjë e vetme.”

            5 - Njiheni çfarë ndodhet para syve tuaj, dhe atëherë do t’ju zbulohet çfarë qëndron e fshehur.

            Sepse nuk ka asgjë të fshehur, që nuk do të zbulohet (Dhe nuk ka asgjë të varrosur që nuk do të ngrihet).”

            6 - Dishepujt e pyetën: “Do që të agjërojmë? Si duhet të lutemi? A duhet të japim lëmoshë? Çfarë ushqimi nuk duhet të hamë?”

            Jezusi u tha: “Mos gënjeni, e mos bëni një gjë që nuk doni ta bëni, sepse çdo gjë është e zbuluar para qiellit. Në fund të fundit, nuk ka asgjë të fshehur që nuk do të zbulohet, dhe nuk ka asgjë të mbuluar që nuk do të zbulohet.

            7 - Jezusi tha: “Lum luani që do të hahet nga njeriu, sepse ai luan do të bëhet njeri. Por mjerë njeriu të cilin do ta hajë luani, pasi luani do të bëhet gjithsesi njeri.”

            8 - Dhe ai tha: “Puna e njeriut është si puna e peshkatarit të mençur që hodhi rrjetën në det dhe e nxorri nga deti plot me peshq të vegjël. Midis tyre gjeti edhe një peshk të madh shumë të mirë. Peshkatari i zgjuar i hodhi prapë në det të gjithë peshqit e vegjël, në mënyrë që ta gjente me lehtësi peshkun e madh. Kush ka veshë, le të dëgjojë!

            9 - Jezusi tha: “Shikoni si është puna! Mbjellësi doli që pa zbardhur dita dhe hodhi farën. Disa fara ranë përtokë dhe zogjtë i hëngrën. Disa të tjera ranë mbi gurë, prandaj nuk hodhën rrënjë. Disa fara ranë në shkurre, dhe ferrat ua zunë dritën dhe krimbat i hëngrën. Por disa ranë në tokë të mirë e dhanë prodhim të mirë, disa 60% e disa të tjera 120%.”

            10 - Jezusi tha: “Erdha t’i vë zjarrin botës, keni për ta parë, do të kujdesem derisa të ketë marrë flakë mirë.”

            Pjesë nga përmbledhja "Ungjijtë sipas Thomait, Judës dhe Filipit"