Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Përktheu: Valdet FETAHU

URTËSITË SUFISTE

Ekskluzivisht për www.sa-kra.ch dhe www.syri3.com

Librin  "Urtësitë sufiste", mund ta shkarkoni falas ne sektorin

 „Literaturë“

E falënderojmë përzemërsisht përkthyesin Valdet Fetahu

            PËRPJEKJET

            Rumi: Lidhi dy zogj. Nuk do të mund të fluturojnë edhe pse do t’i kenë dy parë krahë.

            MIRËSIA E VËRTETË

            Shabistiri ka thënë: Më mirë është me qenë me ata që me të vërtetë janë të mirë, sesa të mendosh se je i mirë.

            - Më keq është me qenë me ata që janë të këqij, sesa me bë keq.

            HAJNI DHE PLAFI

            Hynë hajni në shtëpinë e një sufisti dhe nuk gjen asgjë. Dervishi e vëren dëshpërimin e tij dhe duke u larguar, dervishi ia jep plafin me të cilin ka qenë i mbështjellur hajnit, që mos të del duarthatë.

            BARBARI DHE PËRKRAHËSI

            Dervishi me emrin Barbari, duke u shtirur si nxënës, rregullisht ka shkuar në ligjërimet javore të një sufi përkrahësi, i cili ka imagjinuar se e ka studiuar rrugën e Vërtetë.

            Çdoherë, dervishi paraqitej në tubime dhe parashtronte pyetje qesharake kuazi sufistit.   Pasi që e kishte qortuar me qindra herë, kuazi mësuesi iu kishte drejtuar Barbarit:

            - Prej dymbëdhjetë vjet vjen këtu dhe të gjitha ato pyetjet e tua absurde janë vetëm varietete të asaj që pak më herët pyete!

            - Po, e di, tha Barbari, por gëzimi, të cilin ma ofron shikimi në hutinë dhe zemërimin tënd, është i vetmi ves i imi i keq.

            ANDAKI

            E kanë pyetur Andakin:

            - Kuptueshmëria dhe mirësia janë udhërrëfyes në Rrugën e Sufizmit. Përse atëherë duhet të ekzistoj edhe diçka tjetër përpos dashurisë dhe bukurisë, përse duhet të ekzistojnë, për shembull, kalimi i kohës dhe gjëra të tilla siç janë skepticizmi dhe qortimi?

            Ai u përgjigj:

            - Pjeshkës së pjekur i nevojitet dielli dhe uji. E nuk e keni parë se çfarë ngjanë kur dielli i bekuar rrezon shumë gjatë apo shumë fortë? Ai bëhet shkaktar i shkatërrimeve. Kur i ujitni bimët ngadalë uji për to do të jetë i bekuar. Ujitni jashtë mase dhe bimët do të kalben dhe do të sëmuret nga sëmundja që është shenjë se uji nuk ka qenë i bekuar, por instrument i shkatërrimit të tyre.

            - Ofroj njeriut atë që ai e quan mirësi pandërprerë dhe do të dobësohet aq shumë sa që nuk do të jetë i lumtur. Të mos e kritikosh në çastin kur kritika do të kishte pasur ndikim të caktuar në të ti veç ke gabuar. Dhe të gjithë ju po qe se refuzoni t’i pranoni këto gjëra si këshilla, në të vërtetë, nuk parashtroni pyetje në të cilat me të vërtetë keni menduar!

            HASANI NGA BASRA

            Hasani nga Basra rrëfen:

            - E kam bindur veten se jam njeri i përkulur si ne veprime ashtu edhe në mendime ndaj të afërmve të mi. Kështu një ditë duke ndenjur në bregun e lumit e pash një njeri duke ndenjur atje. Pranë tij kishte qenë një femër dhe para tyre kishte qenë një shishe me verë. Unë mendova: sikur të kisha mundur këtë njeri ta ndryshoj dhe ta bëj siç jam unë vetë në vend se siç është tash person i degjeneruar.

            Në atë moment e pash barkën në lum e cila veç kishte filluar të fundosej.

            Ai burrë përnjëherë kërceu në lum ku fundoseshin shtatë persona, dhe i nxori në breg gjashtë prej tyre dhe atëherë m’u afrua dhe më tha:

            - Hasan nëse je njeri më i mirë se unë për hir të Zotit, shpëtoje atë njeriun e fundit që ka mbetur.

            Përpjekja ime qe e kotë, personi i shtatë ishte fundosur. Atëherë shpëtimtari më tha:

            - Kjo femër këtu është nëna ime. Në këtë shishe të verës ka vetëm ujë. Ja sesi ti gjykon dhe çfarë je ti!

            Unë i rashë në gjunjë dhe fillova të qajë:

            - Siç i shpëtove ata të gjashtit, më shpëto edhe mua nga prepotenca e cila është fshehur nën faskën e meritës!

            E DREJTA DHE OBLIGIMET

            Një fakir e shikon dervishin duke u larguar ngadalë nga teqja e mësuesit të madh Arif Halimit. Ai e pyet rojtarin çfarë mund të jetë arsyeja e dëshpërimit të këtij burri.

            Rojtari përgjigjet kështu:

            - Ka kërkuar të merrë pjesë në tubimin e të së Vërtetës Popullore. Por, Populli e ka refuzuar, sepse ata që kanë drejtë të marrin pjesë nuk kërkojnë, e ata që kërkojnë nuk mund ta fitojnë. Nxënësit nuk kanë nevojë të flasin, sepse Prisi e di sipas qëndrimeve të tyre se a kanë ardhur të mësojnë apo të bëjnë pazarllëk!

            Pjesë nga libri "Urtësitë sufiste"