Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Sokol DEMAKU

VETËVRASJET NJË FENOMEN BRENGOSËS PËR KOMBIN

      Duke u nisur nga aspektet jetësore dhe mendimet pozitive të jetës së njeriut sot, në ditët bashkëkohore ”vetëvrasja” nuk mund të justifikohet me asgjë, mirëpo në anën tjetër kjo sot është mjaft aktuale në botë në shekullin XXI, por edhe në trojet tona jetike.

            Por është shumë më rëndësi të dihet se kush janë sot me të rrezikuarit nga vetëvrasja?

            Njerëzit me moral të ulët, njerëzit me depresion, njerëzit tek të cilët mungon shpresa për jetën, për të ardhmen dhe lumturinë në jetë, alkoolistët, ata të cilët abuzojnë llojet e ndryshme të narkotikëve dhe drogës, ndikimi negativ i familjes, sëmundjet psikike, humbja e vlerësimit për jetën, për vetveten, humbja e pozitës shoqërore ose edhe ndjenja e pasigurisë ose edhe me kriza personale të individëve.

            Nëse njeriu ndalet dhe mendon këto mund të merren si shkaqet kryesore të cilat kanë ndikim shumë të madhe dhe negativ në ditët e sotme në këtë fenomen negativ në shoqërinë bashkëkohore.

            Kjo është një tragjedi bashkëkohore, moderne, kjo është një epidemi që nuk duket por e ka kapluar mbar njerëzimin fatkeqësisht.

            Nëse njeriu ndalet dhe bënë pak analizë dhe ve gishtin e mendon pothuajse nuk ka vend në rruzullin tokësor sot që nuk është prekur nga kjo e keqe e njerëzimit. Por në anën tjetër deri më sot shumë pak është bërë në parandalimin e saj.

            Depresioni dhe gjendja e rënduar emocionale e psikike në 90 për qind të rasteve të vetëvrasjeve dhe tentativave për vetëvrasje është shkak. Por arsyet që kanë çuar në këto vetëvrasje kanë qenë të gjitha të lidhura me stresin, vështirësitë ekonomike dhe sociale, dështimet në lidhjet dashurore të adoleshentëve, tradhtitë në martesa e kështu me radhë. Shkaqet që çojnë një person drejt vetëvrasjes janë të shumta dhe të larmishme, por të gjitha lidhen me gjendjet depresive.

            Ndërkohë, pjesa më e madhe e viktimave të vetëvrasjeve kanë qenë persona të cilët kanë vuajtur më parë nga depresioni. Sipas statistikave zyrtare, vetëm një në dhjetë persona arrin të mbijetojë pas tentativës për t‘i dhënë fund jetës.

            Vetëvrasja, fenomeni që njeh rritje ashtu si edhe shkaqet e saj.

            Statistikat tregojnë se përveç viktimave që janë shtuar nga vetëvrasjet, edhe tentativat kanë pësuar një rritje në numër. Femrat regjistrojnë numrin më të lartë të vetëvrasjeve, ndërsa meshkujt kryesisht të moshës mbi 40 vjeç janë më të paktë. Sipas disa statistikave meshkujt kanë përdorur metoda më të ashpra për t‘u vetëvrarë. Meshkujt kanë përdorur kryesisht mbytjen në ujërat e lumenjve, apo vetëvrasje me armë të ftohta si dhe varjen.

            Sigurisht që te arrish deri ne këtë pikë logjikimi, nuk është një formë e të arsyetuari prej njeriu me shëndet te mirë mendor. Por, nga ana tjetër, nuk është aspak e vërtetë që njerëzit te cilët kryejnë një akt të tillë kanë pasur detyrimisht probleme mendore ne te kaluarën e tyre ose disa arsyetime të cilat edhe nuk mund të zënë vend në skajrime, por çka ti bësh sot është kësisoj e presim se nesër do jetë më mirë.

            Shpesh është vetëm një situate e izoluar e cila çon ne këtë zgjedhje extreme.

            Por në përgjithësi këta individ janë të natyrës së qetë por në anën tjetër këta janë te paintegruara në jetë e bëjnë akte të tilla, këta lloj individësh me një botë të mbyllur shpirtërore të cilët kanë probleme me përditshmërinë e jetës dhe fatit e kanë të vështirë jetën. Këta shkojnë drejt fatalitetit dhe dallojnë shumë me tepër defekte në trupin e tyre se sa njerëzit me një kapacitet shpirtëror normal. Mjafton rrjedhimisht një ngacmim i vetëm shume i fuqishëm që ti thyeje plotësisht këto karaktere delikate të këtyre individëve. Ky është shpjegimi me i mirë që mund të përdoret sot për sot lidhur me këtë të keqe njerëzore bashkëkohore.

            Individët të cilët mendojnë në vetëvrasje shpesh janë njerëz të vetmuar dhe janë të tërhequr.

Disa naga ata nganjëherë flasin për planet e tyre për të kryer vetëvrasje.

            Mirëpo ka edhe raste apo më mire të themi se ne shumicën e rasteve ata janë të mbyllur dhe nuk të japin me kuptuar parashenja që ai ose ajo është gati të vras veten.

            Kjo e keqe bashkëkohore ka zënë rrënjë edhe tek të rinjtë.

            Vetëvrasjet tek të rinjtë janë shpesh të papritura për mjedisin.

            Ata shpesh kanë probleme të llojeve të ndryshme të cilat probleme në ta dhe përt ta kanë ekzistuar për një kohë të gjatë dhe se është një problem në vete tek të rinjtë se ata sikur edhe të tjerët nuk janë në gjendje të kërkojnë ndihmë për të shpëtuar nga kjo e keqe.

Prandaj: Mos hezitoni të kërkoni ndihmë.

            Jeta është e mbushur plot me te mira dhe te këqija, plot me sfida përballë të cilave Zoti na ve ne si njerëz me vetëdije!

            Ajo që duhet të bëjmë është vetëm të ruajmë vetën në momente të liga, në ato momente kur duket se nuk ka me rrugëdalje dhe nuk ia vlen me te jetosh.

            Por këto janë vetëm momente kritike në jetën e individit , janë momente të cilat mund ti marrin jetën dikujt, pra janë momente vendimtare për vazhdimin e jetës apo...

            Pra mendo ashtu si duhet, vepro ashtu si duhet dhe vazhdo jetën ta jetosh, kjo është kënaqësia e shpirtit, jeta është virtyt i njeriut me mendje të shëndoshë dhe pozitive.

            Jeta duhet të ketë kuptimin e sajë!

            Dhe nëse në të vërtetë jeta e këtyre individëve ka arritur në një pikë të tillë kulminante,

a është vetëvrasja një "zgjidhja" e vërtetë një zgjidhje e lumtur?!!!

JO, JO! ! !

            Mos vallë individi që kryen një akt të tillë u jep fund njëherë e përgjithmonë problemeve të tij? Apo ndoshta dikush mendon se ky është fillimi i shumë e shumë problemeve jetësore të atyre që ky individ ka lënë pas, sidomos familja e cila me siguri se e ka dashur aq shume.

            Pra nëse merret realisht kjo nuk qenka një zgjidhje reale, por kjo qenka një katastrofë, njerëzore, familjare dhe shoqërore e cila siç thamë edhe në fillim po merr përmasa shume të mëdha edhe në popullatë tone e cila ishte shumë e shëndosh në këtë aspekt deri në vonë.

            Pra duhet të mendojmë që jetën ta jetojmë së bashku me të afërmit dhe njerëzit e dashur në jetë.