Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Raif KASI

ZBULIMET E ÇUDITSHME

(pjesa e parë)

       Sipas ligjeve të fizikës, lëvizja me laps në letër, nuk mund të kryhet pa mbetur gjurmë e gropëzave të shkrimit edhe pse në një shkallë me të lartë nuk është plotësisht e pamundur (diçka njëjtë keni pasur rastin ta shihni me iluzionet e magjistarit të njohur, amerikani Dejvid Koperfild). Është çështje krejtësisht tjetër që gjasat për dukuri janë shumë të vogla dhe ndodhin shumë rrallë, prandaj edhe është shumë vështirë t’i regjistrojmë.

            Nuk e di a ju ka rënë në dorë libri i shkencëtarit dhe popullarizuesit të shkencës, francezit Kamill Fllaorionit, personazhi kryesor i të cilës, pas luftës së Vaterloas, me një shpejtësi prej 400.000 km/sek., e lëshon fushëbetejën, duke e tejkaluar edhe shpejtësinë e rrezeve të dritës që burojnë nga fushëbeteja, në mënyrë që ta vërtetojë rrjedhën e luftës në renditjen e vetë të kundërt: sulmuesit tërhiqen, të vdekurit zgjohen, kurse plumbat kthehen në tytat e armëve!

            “Çmenduri e paskrupullt, marrëzi e pabesueshme” - klithi Ajnshtajni kur e pyetën se çka mendon për librin. Nuk jam i sigurt se çka do të mendonit ju për këtë, por Ajnshatjni ka konsideruar se shpejtësia e dritës është absolute - 300.000 km/sek., prandaj është i kuptueshëm reagimi i tij në këtë hipotezë tejet të guximshme. Por, qysh në vitin 1960 qëndrimin e Ajnshtajnit mbi shpejtësinë e dritës e vë në dyshim fizikani Sovjetik, Jakov Terlecki, duke prezantuar tezën se ekzistojnë disa thërrmija me masë të paparamenduar, të cilat lëvizin me një shpejtësi edhe më të madhe se ajo e dritës. Supozimi i tij ishte, se kjo shpejtësi e dytë, është e panjohur. Shtatë vite më vonë, amerikani Fajnber, i quan këto thërrimja si “TAHJONE” nga fjala greke “tahis” -shpejtësi.

            Aftësia e forcë së të menduarit

            Prej këtij momenti, shkenca fillon të përparoj me një shpejtësi edhe më të madhe, duke hyrë në thellësinë e mikro- botrave, ku shumë njohuri i kundërvihen botëkuptimeve dhe ligjshmërive tani të njohura fizike.

            Në mikro-botra, siç konstaton Tarlecki, pasoja shpeshherë tejkalon shkakun, ndërsa fizikani amerikan, Pol Shonka thotë: “Përparësia që i jep njerëzimi rendit të ngujuar logjik se shkaku e përcakton pasojën, është çështje e shprehisë dhe se nuk është larg mendjes që të gjitha ngjarjet që kanë ndodhur dhe duhet të ndodhin në të ardhmen, t’i shkaktojë dikush tjetër. Kështu fizika me hapa të pakthyeshëm hynë në fushën e Metafizikës”.

            Sipas ligjeve të fizikës, lëvizja me laps në letër, nuk mund të kryhet pa mbetur gjurmë e gropëzave të shkrimit edhe pse në një shkallë me të lartë nuk është plotësisht e pamundur (diçka njëjtë keni pasur rastin ta shihni me iluzionet e magjistarit të njohur, amerikani Dejvid Koperfild). Është çështje krejtësisht tjetër që gjasat për dukuri janë shumë të vogla dhe ndodhin shumë rrallë, prandaj edhe është shumë vështirë t’i regjistrojmë.

            E njëjta gjë është me të ashtuquajturat “fenomene parapsikologjike”. Edhe përpos të gjitha dyshimeve në autentitetin e tyre, edhe përpos regjistrimit dhe evidentimit të shumë dëshmive bindëse, edhe më tej nga shkenca zyrtare, klasifikohen si kontradiktore me ligjet e njohura të shkencës bashkëkohore. Sipas shumë mendimeve, fenomeni i telepatisë është në listë i pari. Komunikimi që vendoset me lidhje jashtë - trupore, me kontakt jo - verbal dhe jashtë - shqisorë, shikuar nga këndi i teorisë së  informacionit, është çudi e barabartë me leximin e mendimeve të të vdekurve. Edhe përpos këtij mendimi dominues, qysh në vitet e tridhjeta është zbuluar se trupi bënë transmetimin e valëve elektromagnetike. Këtë më së miri e kanë dëshmuar eksperimentet e bëra nga ana e shkencëtarëve amerikanë në qendrën “Vatson” - bazë e njohur ushtarake ajrore  “Rajt -Peterson” në Dejton (SHBA), ku është vërtetuar se valët elektromagnetike trupore mund t’i lëvizin grimcat në simulatorin e fluturimit si dhe kursorin në ekranin e kompjuterit. Vrojtuesve, pas qafe, u janë instaluar dy elektroda speciale, ndërsa e treta ka qenë e kyçur si përtokësim. Truri rrezatonte sinjale shumë të dobëta (njëmilionta pjesë e voltit), që përforcoheshin me një aparat special, dhe të njëjtat, transmetoheshin në kompjuter. Kompjuteri, duke dalluar qartë valët e trurit, sinjalin e shndërronte në urdhëresë për motorin i cili lëvizte simulatorin.

            E gjithë kjo, që deri më dje dukej fantazi, e pabesueshme, mistike, të cilës shkenca zyrtare me rreptësi ju është kundërvënë si sharlatanizëm, tani, duke ju falënderuar zbulimeve të reja, bëhet më pak e pabesueshme. Kësaj i kontribuon edhe lajmi sensacional i botuar në gazetën amerikane “Filadelfia” në vitin 1933: “Teslla punon dhe paralajmëron se në kuadër të eksperimenteve të veta në fushën magnetike, është shumë afër zbulimit të fotografimit të mendimeve të njeriut”!

            Asgjë e pabesueshme këtu. Ky veprim bazohet në konceptin e gjerë të ndarjes së energjisë kozmike e cila udhëheq me tërë universin. Energjia është kudo rreth nesh me sasira të pakufizueshme. Teslla, në të vërtetë, e ka ditur këtë, por nuk ka mundur ta vërtetoj.

            Para më së 100 vjetësh, inxhinieri skocez Xhon Skot Rasl, ka vërtetuar se valët, në një kanal special, lëvizin në të kundërtën me ligjet natyrore; me kilometra kanë qenë të madhësisë dhe formës së njëjtë kurse largësia fare nuk ka ndikuar në zhdukjen e tyre. Sot, fizikanët francezë vërtetojnë se impulset e dritës në gypin optik të qelqit, mund të prodhojnë këto valë të quajtura “Soleton”, e me ndihmën e soletonit, kapaciteti i transmetimit të të dhënave në rrjetin e sotëm optik mund të rritet për 100 herë, që do të thotë se edhe shpejtësia shumë më e madhe e transmetimit të lajmeve informative.

            A nuk funksionin pra edhe telepatia me një princip të njëjtë, dhe atë jo vetëm tek personat me prirje të caktuara, pasi që shkencëtarët nga Vedaforti dhe Raht-Peterson, kanë vërtetuar se nuk ka njeri normal,  cili nuk mund të mësojë këtë teknikë të telepatisë për të manipuluar me komandat në ekranin e kompjuterit? Transmetimi  “pa tel”, ose transmetimi fluid nga larg, është tejet i mundshëm  dhe kryhet në nivele energjetike përmes transmetimit të valëve nga truri, në formë të “soletonit”, të cilat, pranuesit, në rrethana të caktuara, i shndërrohet si informacion, prejardhja e të cilave është ende “enigmatike” dhe e panjohur. Porosit e ndryshme, neve të gjallëve, që na vijnë nga dimensionet e tjera - prej të vdekurve, atëherë kur personat tanë  të dashur gjenden në rrezik, apo në ndonjë situatë të jashtëzakonshme, kontestohen si pamundësi të vështirësisë së tyre, prandaj edhe interpretohen si: “halucinacione”, “koincidenca” apo “lajthitje”, edhe pse shikuar realisht ato janë ekzistuese.

            Sqarimin për këtë fenomen dhe shumë të tjerë, duhet kërkuar në thellësitë e mikro-kozmosit ku pushojnë të vlejnë ligjet natyrore të cilat ne i njohim, p.sh.: tajhonet të cilat lëvizin prej pikës A kah pika B, do të jenë të pranuara, ende pa u transmetuar nga transmetuesit, e që do të thotë se pasoja tejkalojnë shkakun, ndërsa koha rrjedh në kahje të kundërt. Ose një thërrmijë e tillë mund të projektohet në një pllakë me dy zgavra dhe në kohë të njëjtë të kalojë në te dy vrimat! Paramendoni pra, se si do të vepronin mendimet tona në këtë plan dhe çfarë ndikim do të shkaktonin në të ashtuquajturin “makro - kozmos”?!

            Në vazhdimin tjetër, ndër të tjera mund të lexoni:

            -Ç’domethënë “Thërrmija e dymbëdhjetë”?;

            -A mund të mendoj materia? etj.