Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Agron JASHARI

       ZEMRA E NJË NËNE, FLET NGA PARAJSA!

            Bija ime e dashur,

            Biri im i shtrenjtë !

            Unë mund të lumturohem dhe krenohem përsëri nga ju, edhe këtu ku jam, sepse dashuria, mirësia dhe butësia depërtojnë kudo, qoftë edhe mes dy jetëve dhe botëve të ndryshme. Unë këtu mund ta dëgjoje çdo të qeshur tuajën. Ju lutem qeshni sa më shumë - kjo vërtetë më lumturon.

            Bija ime e dashur,

            Biri im i shtrenjtë !

            Unë tanimë nuk jam në mesin tuaj, unë tanimë kam kaluar në përjetësi, unë tanimë di atë që ju nuk e dini, shoh atë që ju nuk mund ta shihni dhe përjetoni, atë që ju ende s’mund ta kuptoni.

            Unë jam në parajsën e përjetshme dhe të mrekullueshme. Gjithçka këtu është e përkryer dhe ideale. Këtu nuk ekziston padrejtësia, sëmundjet, uria, dhimbja as vuajtjet, veçse një rend i paimagjinueshëm Hyjnor.

            Bija ime e dashur,

            Biri im i shtrenjtë !

            Këtu në parajsën qiellore ekziston një dritare nga ku unë mund të ju shoh. Unë mund të ju shoh vetëm në dy situata:

            -sa herë, që për çfarëdo arsye, ju ndiheni të lumtur, të hareshëm dhe të qeshur, unë mund të ju shoh, dhe kjo ma shton lumturinë aq shumë, sa me fjalë nuk e përshkruaj dot dhe,

            -sa herë që ju të ndiheni të mërzitur dhe të trishtuar për shkakun tim!

            Dhe ta dini se kur ju shoh kështu po më bëni të ndihem shumë në siklet, në një mënyrë po mi mohoni kënaqësitë e parajsës.

            Bija ime e dashur,

            Biri im i shtrenjtë !

            Ju lutem, për hir të Zotit mëshirë plot e shpërblyes shumë, për hir të së vërtetës, ma plotësoni një amanet. Qeshuni sa më shumë e bëhuni të lumtur, se kjo më bën të lumtur mua! Më kujtoni ashtu siç isha në çastet e lumtura e të hareshme. Asnjëherë nuk dua të më kujtoni në rastet kur kam qenë keq apo kur kam vuajtur. Ju nuk e dini atë që e di unë këtu në parajsë! Ju nuk e dini se për çdo vuajtje a mundim që kam pas në atë jetë, jam shpërblyer miliona fish, me shumë të mira që mendja e truri juaj nuk ka aftësi dhe mundësi t'i imagjinoje dhe kuptojë. Edhe për çdo gjemb trëndafili që më ka shpuar sado pak, pa dashje, unë jam shpërblyer pafundësisht. Kështu janë ligjet e të Mirit Zot! Kur shoh shpërblimet e të mirat që dhurohen edhe për dhimbjen më të vogël në atë botë, them shpesh; ’’po si nuk vuajta pak edhe unë në atë botë’’, sepse një hiç janë ato që unë dikur, apo ju sot, i quajtëm vuajtje, në krahasim me të mirat që dhurohen në shpagim të tyre, këtu në përjetësi.

            Bija ime e dashur,

            Biri im i shtrenjtë !

            Nuk dua të ju shoh tek sa mërziteni për mua, kjo më bën keq edhe këtu ku jam. Ju e dini se zemra e nënës të gjitha i bën hallall por edhe ta dini se mërzitja juaj e tepruar dhe sikleti për mua më dhëmbin edhe këtu. Nuk ju bëj me faj pse s’i ndaloni lotët tek sa po lexoni fjalët e mia, por e kam të vështirë të ju fal nëse, pasi ta lexoni plotësisht amanetin tim, nuk e besoni me gjithë zemër dhe nuk qeshni me gjithë shpirt, siç bënim shpesh së bashku; nëse nuk bëheni të lumtur, nëse nuk luteni me shpirt për mua dhe për të gjitha zemrat e nënave dhe nëse nuk e falënderoni Zotin e Mirë me tërë qenien tuaj për këto mirësi pa fund që na ka dhënë. Për asgjë mos e fajësoni vetën. Asnjëherë mos e torturoni vetën e të thoni se u sollët keq me mua apo se nuk bëtë për mua atë që është dashur ta bëni. Ju bëtë për mua shumë, shumë, të tërën atë çfarë kam dashur e çfarë kam pasur nevojë. Zemra e nënës ju thotë nga zemra këto fjalë. Ju bëtë shumë më shumë se sa kam bërë unë për prindërit e mi dhe bëtë shumë më pak gabime se sa kam bërë unë, prandaj zemra e nënës ua bën hallall të gjitha, sepse ju e meritoni këtë ashtu siç unë e di se ju ma bëtë hallall gjithë atë kujdes e butësi që ma dhuruat sa herë që kisha nevojë.

            Bija ime e dashur,

            Biri im i shtrenjtë !

            Ndonjëherë, kur e ndjej se ndjeheni keq pse unë kalova në përjetësi, më bëni të mendojë për vetën time. Edhe unë dikur përcolla për në përjetësi nënën time. Mu pat dukur se mu shkëput gjysma e trupit tim, mu pat dukur se ndaloi forca që më pomponte, mu pat dukur se shteroi uji që sillte gurin e mullirit që prodhonte lumturinë time. Ishin fjalët e nënës sime që më bënë shpejt ta rimerrja vetën e t'i kthehesha arsyes. Kur ajo kaloi në përjetësi ma dorëzoi mua stafetën e jetës dhe unë duhej të gjeja forcë që ta mbaja këtë stafetë. Zoti i madh një ditë ma bëri dhuratë trupin tuaj. Tek ju unë gjeta përsëri gjysmën time, gjeta forcën pompuese, burimin e ujit, gjeta shumë gjëra. Zoti i Madh e pajisi universin me ligje të përsosura që asnjëherë nuk arrijmë t'i kuptojmë plotësisht, prandaj kur erdhi koha që unë t'ua dorëzoja juve stafetën, unë duhet ta bëja këtë, dhe unë e bëra këtë, sepse ligjet e Zotit janë të pandryshueshme dhe se kishte ardhur koha që unë ta shijoja parajsën hyjnore, bukuritë dhe mrekullitë e së cilës nuk përshkruhen dot. Kishte ardhur çasti të bëhesha bashkë me të dashurit e mi që dikur i kisha përcjell dhe që më pritën mua të lumtur, ashtu siç unë, një ditë, kur ju të bëheni pleq dhe kur ta kryeni misionin tuaj në atë botë, do të ju pres. Por mos harroni se ju ke një mision atje, ta mbani gjallë stafetën e jetës ta rrisni e ta edukoni gjenin tonë pasardhës e të ndiheni të lumtur dhe krenar me frytin tuaj ashtu siç  u ndjeva e lumtur dhe krenare edhe unë me ju.

            Bija ime e dashur,

            Biri im i shtrenjtë !

            Unë mund të lumturohem dhe krenohem përsëri nga ju, edhe këtu ku jam, sepse dashuria, mirësia dhe butësia depërtojnë kudo, qoftë edhe mes dy jetëve dhe botëve të ndryshme. Unë këtu mund ta dëgjoje çdo të qeshur tuajën. Ju lutem qeshni sa më shumë - kjo vërtetë më lumturon.

            Unë këtu mund ta dëgjojë çdo këngë tuajën. Ju lutem këndoni sa më shumë, sepse këngët e juaja më bëjnë të lumtur, bëni sa më shumë vepra të mira, sepse unë e di këtë, sa herë që ju bëni një vepër të mirë, çoftë edhe një vizitë tek një i sëmur apo një përkëdhelje flokësh të një jetimi, mua engjëjt me sjellin dhurata të shumta, dhe kur unë i pyes prej nga vijnë këto, ata më përgjigjen; ’’nga stafeta jote e jetës që ke lënë në atë botë’’.

            Një ditë keni për ta kuptuar se vdekja është fjalë e gabuar dhe se vdekja nuk ekziston! Një ditë keni për ta kuptuar se ndarjet janë të përkohshme dhe se ata që dikur u ndan do bashkohen përsëri.

            Bija ime e dashur,

            Biri im i shtrenjtë !

            Shpërndani dhe përhapni këto fjalë nga ju tek të tjerët dhe thoni të tjerëve t'i shpërndajnë tek të tjerët, sepse këto janë fjalët e të gjitha zemrave të nënave që në parajsën e mrekullueshme shijojnë përjetësinë, e që u transmetuan nga zemra e një nëne përmes Mençurisë së pafund, deri tek një njëri i vdekshëm,  për t’ju treguar ju një të vërtetë. Përktheni  këto fjalë në gjuhët që dini dhe thoni të tjerëve që t'i përkthejnë në gjuhët që dinë dhe t’ua transmetojnë të gjithë bijave dhe bijve, sepse zemrat e nënave këtu nuk dallojnë, as për nga gjuha, as për nga ngjyra, as për nga feja dhe as për nga ndonjë cilësi tjetër - të gjitha zemrat e nënave këtu janë të mira, të bukura, të bardha, të pastra, të pasura!

            Tani zemra e nënës suaj, që ju do shumë, ju përshëndet. Ma plotësoni amanetin tim, gjithmonë dhe tani. Tani fshini lotët, besoni pa dyshime se këto që ua thashë janë të vërtet. Qeshni nga fundi i zemrës dhe nisjani këngës më të bukur që dini…  hajt bëjeni… tani... unë po ju vëzhgojë… qetësohun, relaksohuni, qeshni, këndoni… tani dhe përherë… Të jeni të sigurt, sa herë të bëni kështu, me lejen e Zotit të mirë, unë do të ju jap një shenjë se më kënaqet…. dhe ju vërtetë po më kënaqni… më kënaqet… sa jam krenare për ju...

            …Këto fjalë u diktuan nga zemra e një nëne që gjendët në parajsë për bijën dhe birin e saj dhe janë fjalët e të gjitha nënave të parajsës dërguar të gjithë bijave dhe bijve të tyre në këtë botë.

SHPËRNDAJENI SA MË SHUMË

            agron.jashari@hotmail.com