Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Shakti GAWAIN 

 Përktheu: Avni K. KËPUSKA

PARAFYTYRIMI KREATIV (2)

       Është e rëndësishme që thellësisht të jeni të qetë, kur filloni të mësoni ta aplikoni parafytyrimin kreativ. Kur trupin dhe mendjen e keni thellësisht të relaksuar, valët e trurit ju ndërrohen dhe ju ngelin të ngadalshme. Ky nivel i thellë e i ngadalshëm quhet alfa nivel (ndërsa gjendja jonë, e zgjuar, quhet beta nivel) dhe në jehonë janë shumë kërkime shkencore të ndikimeve dhe të vetive të tij.

            Ushtrim i thjeshtë në parafytyrimin kreativ

            Ky ushtrim është bërë në teknikën themelore të parafytyrimit kreativ.

            Së pari mendoni diçka që e dëshironi, për këtë ushtrim zgjidhni diçka të thjeshtë në mënyrë që më lehtë të mund të paramendoni për të përfituar. Kjo do të mund të ishte gjë të cilën e dëshironi, ngjarje që do të përjetoni, situatë ku dëshironi të ndodheni, ose kërkesë për disa kushte përmirësuese në jetë.

            Uluni apo shtrihuni në pozitë të përshtatshme, në vendin ku nuk do të keni shqetësime. Plotësisht trupin ta keni të qetë. Mendoni në relaksim të çdo muskuli individualisht, duke filluar nga gishtërinjtë e këmbëve e deri te koka, pastaj lejoni që t'ju "rrjed­hë" e gjithë ndeja. Merrni frymë thellë e ngadalë nga stomaku. Numëroni nga 10 deri në 1, duke përkuj­tuar tërë këtë të pushuar për çdo numër.

            Kur ndjeheni plotësisht të relaksuar, filloni të mendoni atë që dëshironi mu ashtu siç e dëshironi. Po qe se është ndonjë lëndë, mendoni vetëm në lëndë, se si e përdorni, se si e bëni atë të mrekul­lueshme, se si e përjetoni, se si ua tregoni miqve. Po qe se kjo është situatë a ngjarje, veten e paramendoni në vendin e ngjarjes dhe kjo ngjarje t'ju ndod­hë ashtu siç e keni dëshiruar. Mund të paramendoni se çka do të flasin njerëzit, ose cilatdo detaje që do t'jua bëjnë figurën reale.

            Mund të shfrytëzoni relativisht pak kohë apo disa minuta për të paramenduar këtë -  veproni ashtu siç ju përgjigjet! Përjetojeni atë! Kjo do të duhej t'ju bëhet përvojë mjaft e mirë, sikurse fëmija i zgjuar kur ëndërron për atë që do të marrë për ditëlindje.

            Tani, duke iu përmbajtur ende idesë a pasqyrës shqisore, thuajini vetes diçka mjaft pozitive e afir­mative (me zë a në vete, se si ju përgjigjet) për atë, si përshembull:

"E shoh veten në vikendin e bukur në bjeshkë".  "Çfarë pushimi i shkëlqyer?!" Ose: "Tani kam mar­rëdhënie të jashtëzakonshme e të rregulluara me___________. "Në të vërtetë mësojmë për të kuptuar njëri-tjetrin".

            Këto deklarime pozitive, të quajtura afirmime, janë pjesë të rëndësishme të parafytyrimit kreativ, të cilat më vonë, në mënyrë të zgjeruar, do t'i kup­tojmë.

            Gjithnjë përfundojeni kreativitetin me deklarim të fortë në vete:

            "Kjo a diçka më e mirë, tash manifestohet për mua mënyrë të kënaqshme dhe të pajtueshme, për të mirat e ne të gjithëve".

            Kjo do të lërë hapësirë për diçka ndryshe, bile për diç edhe më të mirë sesa që keni menduar më parë, dhe ju përkujton se ky proces funksionon në të mirë të të gjithëve.

            Po qe se ju paraqiten dyshime a mendime kon­tradiktore, mos tentoni t'u rezistoni a t'u pengoni. Kjo do t'u jepte forcë të cilën as që e kanë. Lejojuni t'ju kalojnë përmes vetëdijes suaj, si dhe kthejuni deklarimeve dhe figurave tuaja pozitive.

            Këtë proces zbatojeni vetëm derisa këtë e përje­toni ose derisa ju është interesante. Kjo mund të zgjasë 5 minuta ose një gjysmë ore. Përsëriteni për çdo ditë, mundësisht sa më shpesh.

            Siç e shihni, procesi themelor është relativisht i thjeshtë. Që me të vërtetë ta aplikoni me efikasitet, zakonisht është e nevojshme më shumë mirëkuptim dhe ushtrime.

            Me rëndësi është të qetësoheni

            Është e rëndësishme që thellësisht të jeni të qetë, kur filloni të mësoni ta aplikoni parafytyrimin kreativ. Kur trupin dhe mendjen e keni thellësisht të relaksuar, valët e trurit ju ndërrohen dhe ju ngelin të ngadalshme. Ky nivel i thellë e i ngadalshëm quhet alfa nivel (ndërsa gjendja jonë, e zgjuar, quhet beta nivel) dhe në jehonë janë shumë kërkime shkencore të ndikimeve dhe të vetive të tij. Është konstatuar se alfa niveli është një gjendje mjaft e mirë e vetëdijes, për shkak të ndikimit të pushueshëm të trupit dhe të mendjes. Dhe, ç'është veçanërisht interesante, kjo gjendje është konfir­muar si më efikase nga beta niveli në krijimin e ndërrimeve të vërteta në të ashtuquajturën botë objektive, përmes aplikimit të parafytyrimit. Për aplikimin tonë praktik kjo do të thotë se, po qe se do të mësoni që thellësisht e të qetë të aplikoni parafy­tyrimin kreativ, do të mund të realizoni ndërrime efektive në jetën tuaj, sesa sikur këtë do ta kishit bërë duke paramenduar, duke u brengosur, duke planifikuar ose duke tentuar që të manipuloni me sende dhe njerëz.

            Po qe se e keni zhvilluar ndonjë mënyrë të cak­tuar për t'u bërë të lirshëm a për të arritur gjendje të qetë e meditive, për çdo rast shfrytëzojeni atë metodë. Në të kundërtën, ndoshta do të dëshironit të shfrytëzonit metodën që e kam përshkruar në pjesën time paraprake - frymëmarrje e thellë, por ngadalë, duke liruar çdo muskul individualisht dhe duke numëruar ngadalë nga 10 deri në 1. Në qoftë se keni vështirësi rreth arritjes së gjendjes së lirë fizike, ndoshta do të kishit mundur të mësoni jogën ose meditimin, për çka kjo do t'ju ofronte ndihmë. Mirëpo, me vetëm pak ushtrime të lira do të arrini përsosmëri.

            Natyrisht, mirëqenia nga e gjithë kjo është, pra, se veprimi i thellë dhe i lirshëm do të jetë i frytshëm për shëndetin fizik e atë mendor.

            Veçanërisht është rekomanduese që parafy­tyrimin kreativ ta praktikoni në mbrëmje para fjet­jes, ose në mëngjes menjëherë posa të zgjoheni, sepse atëherë mendja dhe trupi thellësisht janë të receptuar. Më praktike është që këtë ta bëni të shtrirë në shtrat, por nëse keni tendenca për kotje, atëherë më së miri është që të uleni në skajin e shtratit apo në karrige -  në pozitë të përshtatshme. Kurrizi i drejtë ndihmon rrjedhjen e energjisë dhe lehtëson të arriturit e thellë të alfa valës.

            Periudha e shkurtër e meditimit dhe e parafytyrimit kreativ në mesditë do t`jua qetësojë dhe do t'jua pushojë edhe pjesën tjetër të ditës, e cila do t'ju kalojë më rehat.

            Si të parafytyroni?

            Shumë pyesin ç'do të thotë fjala "parafytyrim". Disa janë të brengosur se kur i mbyllin sytë dhe ten­tojnë të parafytyrojnë, nuk e shohin pasqyrën shqisore.

            Mos lejoni që t'ju hutojë termi "parafytyrim". Përgjithësisht nuk është e nevojshme që me mend të shihni pamje. Disa thonë se, kur i mbyllin sytë, shohin me mprehtësi mjaft pamje. Të tjerët ndjejnë se në të vërtetë nuk "shohin" asgjë, por se në një mënyrë "paramendojnë" ose mendojnë të vështrojnë atë pamje, ose mbesin ndjesi të vetëdijshme ndikuese. Kjo, gjithsesi, është në rregull. Ne të gjithë, gjithnjë e përdorim imagjinatën; është e pamundur të mos e përdorni, kështu që është i mirë çdo proces që do të mund të aplikoni atëherë kur imagjinoni (paramendoni).

            Po qe se nuk jeni të sigurt se ç'do të thotë parafytyrimi, lexoni çdo ushtrim të ardhshëm, tani mbyllini sytë dhe tentoni:

            Mbylli sytë dhe lirohuni! Paramendoni në ndonjërin lokal sikurse është dhomë juaja e fjetjes a e ditës. Përkujtojeni disa detaje të njohura nga ajo, siç është: ngjyra e tepihut, renditja e mobileve, ndriçimi i saj. Paramendoni se si po hyni në atë lokal, se si po uleni në karrige komode dhe si po shtrihen, në shtrat të rehatshëm.

            Tani përkujtoni ndonjë çast të mirë që e keni përjetuar disa ditë të kaluara, posaçërisht ndonjë çast të ndjesive të këndshme fizike, siç është dreka e shijshme, merrni ndonjë porosi, të magjepsur me ujin e këndshëm e të ngrohtë, ose duke çuar dashuri. Përkujtojeni atë përvojë mundësisht sa më mirë, si dhe dëfrehuni përsëri në ato ndjesi të bukura.

            Tani paramendoni veten në një ambient të rehatshëm fushor, ndoshta duke pushuar në bar të njomë e të gjelbër para lumit të pastër ose duke shëtitur në pyllin e dendur e të bukur. Ky mund të jetë vendi ku dikur veçse keni qenë ose vendi ideal ku do të donit të shkonit. Paramendojini detajet dhe paramendojeni atë vend ashtu siç e dëshironi në jetë.

            Metoda që e keni aplikuar duke paramenduar këto shfaqje, paraqet mënyrën tuaj të parafytyrimit.
            Ekzistojnë dy mënyra të parafytyrimit kreativ: njëra është e pranueshme (receptive) e tjetra është aktive. Në mënyrë receptive thjesht lirohemi dhe lejojmë që pamjet dhe përshtypjet të na mbushen pa paramendim të posaçëm të detajeve të tyre - pranojmë atë që do të arrijë. Në mënyrë aktive, të vetëdijshëm, e zgjedhim dhe e krijojmë atë që dëshirojmë të shikojmë a të paramendojmë. Pra, se këto procese janë pjesë e qenësishme të parafytyrimit kreativ, është me rëndësi që zotësitë aktive dhe receptive t'i përforconi gjatë ushtrimeve.

            Problemet e posaçme të parafytyrimit

            Kohë pas kohe njeriu e bllokon zotësinë e tij të parafytyrimit a të imagjinimit sipas dëshirës së tij dhe ndjen se "kurrsesi nuk mundet". Ky bllokim kryesisht paraqitet nga frika dhe mund të tejkalo­het, nëse njeriu këtë e dëshiron.

            Zakonisht njeriun e bllokon zotësia e tij për të shfrytëzuar parafytyrimin kreativ nga frika prej asaj që mund të hasë kur "shikon" nga brenda në vetvete - frikë nga emocionet dhe ndjesitë e veta personale. Për shembull, një nxënës imi kurrsesi nuk ka mundur të parafytyrojë dhe gjithnjë ka ëndërruar në kohën e meditimit. Me një rast është konstatuar se ka përjetuar një përvojë mjaft emocionale, gjatë parafytyrimit ka qenë i frikësuar se do të jetë i pakëndshëm, po qe se do të jetë emocional para të tjerëve.

            E vetmja e vërtetë është se në ne nuk ka asgjë që do të mund të na lëndonte; vetëm frika nga për­jetimet e ndjenjave tona personale mund të na mbajë të mbyllur.

            Po qe se do t'ju paraqitet diçka e pazakonshme dhe e papritur gjatë meditimit, më së miri është që këtë ta shqyrtoni, ta mbani dhe të përvetësoni sa më tepër, do të konstatoni se do ta humbë tërë fuqinë negative ndaj jush. Frikësimet tona paraqiten nga sendet me të cilat nuk ballafaqohemi. Posa të jemi të përgatitur për t'u kacafytur plotësisht me burim­in e frikës, ajo atëherë e humb fuqinë e vet.

            Për fat këto probleme të parafytyrimit janë të rralla. Sipas rregullit, parafytyrimi kreativ vjen natyrshëm dhe sa më shumë që ta ushtroni do të keni më lehtë.

            Vazhdon...

(1)                   (3)       (4)