Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Intervistoi: Sabir KRASNIQI

E Premte, 13 gusht 2010

Ekskluzivisht për www.sa-kra.ch - bisedë me Qefsere Sokolin – Mësuese e diplomuar e Mendimit Pozitiv.

NXËNËSJA DHE FEMRA E PARË SHQIPTARE,  DHE E VETMJA, MBI DIPLOMËN E SË CILËS NËNSHKRUAN BABAI I MENDIMIT POZITIV DAUT DEMAKU

(pjesa e dytë)      

            Bazuar në ligjet e dialektikës, thuhet se: "Dija kur shpërndahet ose shkëmbehet, ajo rritet, shumëzohet..." Është edhe kjo pjesë e kësaj  fryme të re të mendimit  pozitiv?

            Q. Sokoli: Gjithsesi se po! Nëse unë kam një çokollatë dhe po e ndaj me ju, natyrisht se zvogëlohet, më mbetet vetëm gjysma, sepse është materiale, ndërsa tek rritja shpirtërore funksionon ligj tjetër, në qoftë se unë ju dhashë një buzëqeshje edhe ju buzëqeshët, më bëtë mua që të ribuzëqeshem, pastaj unë riktheva buzëqeshjen dhe kështu vazhdon rritje pa numërim. Pra, tek shpirtërorja nuk vlen  matematika që gjithmonë dy dhe dy bëjnë katër.

            Në literaturën inspirative thuhet se mendimi pozitiv, është "Çelës i artë, që hap portat e lumturisë..." Një thënie e urtë thotë: "Nuk ka vlerë krevati, qoftë ai edhe prej diamanti, nëse në të nuk të merr gjumi!!!" Dihet se për të qenë njeriu i lumtur, duhen t'i gëzoj, pothuajse, të gjitha të mirat: edhe pasurinë shpirtërore edhe pasurinë materiale. Është e vërtet se përmes këtij "çelësi të artë", njeriu e përqafon lumturinë?

            Q. Sokoli: Gjithmonë duhet ta kemi parasysh baraspeshën: edhe horizontalen edhe vertikalen, edhe shpirtëroren edhe materialen. Nëse shtrati është nga diamanti, por nuk të zë gjumi është njëanësore, por nëse ke shumë gjumë dhe nuk e ke shtratin, prapë është njëanësore, dualitete këto që në një kombinim të vetëdijshëm do të sillnin frymë tokësore dhe hyjnore. Pra, nëse rri larg zjarrit ngrihesh – nëse  rri afër tij digjesh! Prandaj "Mendimi Pozitiv është "Çelës  i artë" që të hap derën e dritës  dhe të vetëdijeson që gjumin e qetë ta bësh në shtratin e diamantit"      

            Përveç  si Asistente dhe Mësuese e Mendimit Pozitiv në Qendër, ka gati një vit që  punoni edhe për Administratën e "American School of Kosova", aty, ku siç kemi informatë, ju quajnë me një titull mjaft të bukur - "Miss Pozitiv"! Dihet se aty është një numër i madh i nxënësve dhe stafit - si janë raportet me nxënësit dhe personelin e shkollës dhe a shpërndani edhe këtu energji pozitive?

            Q. Sokoli: Mendimin Pozitiv e shfrytëzoj që ta derdhi në "American School...", ku më pastaj, kjo shpërndarje e energjisë, më kthehet e shumëfishuar. Unë, për çdo ditë gjatë orarit të punës, jap dhe marrë shumë pozitivitet, jap dhe marrë shumë buzëqeshje, jap dhe marrë shumë përqafime. Tanimë, qindra nxënësit që i takoj gjatë ditës, nuk kam tjetër përshëndetje me ta përveç përqafimit. Shumica nga ta, pothuajse i kanë reduktuar, që siç i quaj unë, "tri puthjet në ajër" gjatë përshëndetjes, ata tani hapin duart dhe dhurojnë dhe marrin vetëm përqafime, të përcjella me fjalët: "Përshëndetje  Pozitive".  Prandaj personeli dhe nxënësit e shkollës më quajnë  "Miss Pozitiv".

            Dua ta them këtë: njëri nga mjekët ne Klinikën UCLA dr. Bresler, nuk jep më receta të zakonshme barnash, por shkruan receta që thonë, "Katër përqafime në ditë"!  Njerëzit thonë se është i çmendur! "Oh, jo" - përgjigjet ai. "Një përqafim në mëngjes, një në drekë, një në mbrëmje dhe një para se të shkoni të flini dhe do të shëroheni. Ndërsa psikiatri Harold Falk ka thënë: "Një përqafim mund të largoj depresionin, mund të ndikoj që mbrojtja imunitare e organizmit të përmirësohet". Përqafimet u transmetojnë një jetë të re trupave të lodhur, ju bëjnë që të ndiheni më të rinj dhe më reagues, mund të forcojnë lidhjet dhe të zvogëlojnë në mënyrë të dukshme tensionet dhe, nëse doni të jeni të shëndetshëm, duhet të ju përqafoj dikush që e doni. Prandaj unë jam e lidhur  shpirtërisht  me nxënësit, ata, tani më, tejkalojnë shumë sfida jetësore dhe adoleshente përmes Mendimit Pozitiv, dhe unë gjithmonë jam e gatshme dhe e hapur në ndihmë ndaj tyre. Ata mund ta vizitojnë edhe "Qendrën e Mendimit Pozitiv" zyrat e së cilës ndodhen po në këtë shkollë.

            Përkrah punës që po bëni, ju jeni edhe autore e një emisioni, "Mendo Pozitivisht", që transmetohet çdo të diel në "Relax", në TV21. Sa është interesimi i shikuesve për ta përqafuar këtë frymë të "Mendimit të Ri Botëror"?

            Q. Sokoli: Gjatë viteve që jam në Qendër, shumë nga njerëzit që na bënin vizitë, pa ndërprerë kërkonin që diku, të ishim në ndonjë emision televiziv. Ishin të etur që ne të ishim prezent diku. Kishim shumë kërkesa... Kështu që unë diplomova dhe u mbusha me energji pozitive, dhe këtë energji dëshiroja ta ndaja me të gjithë fansat e Mendimit Pozitiv. Përgatita një rubrikë javore të quajtur:  "Mendo Pozitivisht", pas të cilës fshihet zëri im dhe autorësia ime, por jo pamja ime, e cila rubrikë ka karakter argëtues - relaksues dhe edukues.

            Pse në këtë mënyrë? Për arsye se unë dëshiroja që shikuesit të fokusoheshin në atë se çfarë po them unë, e jo si po dukem. Kështu që vendosëm që kjo  rubrikë t’i ketë katër komponentë: zëri im me afirmime pozitive, i shoqëruar me fotografi të përshtatura afirmimeve, titrat afirmativ dhe të gjitha këto të përcjella me muzikë relaksuese. Pra, "Mendo Pozitivisht" emetohet çdo të diel në emisionin "Relax", në TV21 në 16:30, pas mysafirit të parë, duke filluar nga 13 qershori i këtij viti, i cili po pritet shumë mirë. E dija që emisioni është i shikuar nga shumë e-mail-a dhe telefonata  që merrnim çdo ditë dhe pritej shumë mirë, mirëpo këtë e kuptova edhe më shumë kur një ditë për shkaqe teknike rubrika nuk u transmetua atë të diele, dhe neve na vërshuan aq shumë e-mail-a, sms dhe telefonata me pyetjen: "Përse emisionin e kishim ndërprerë"?!  Kështu që jam shumë e kënaqur që këtë të mirë po e ndaj me shikuesit, pastaj ajo po bëhet shumëfish më e mirë.

            Desha tua bëjë edhe një pyetje rreth një fenomeni interesant  me të cilin ju jeni e lidhur shumë fuqishëm - pikërisht me numrin 13! Pothuajse gjithkund ky numër, veçanërisht kjo datë, kur bie të premten, konsiderohet si ditë tejet fatkeqe, dhe sjelljet e njerëzve janë shumë të kujdesshme por edhe të kufizuara... ndërsa tek ju është e kundërta - ju keni arritur që këtë ditë (të konsideruar fatkeqe) ta transformoni, me forcën e mendimit pozitiv, në një ditë fatlume, që u sjell vetëm suksese dhe gëzime. Pikërisht edhe kjo intervistë po realizohet sot, m'u të premten e 13 gushtit 2010! Është kjo rastësi, pjesë e shkruar e rrugëtimit tonë jetësor apo fuqi e mendimit pozitiv që arrin  të transformoj edhe natyrën e energjisë?

            Q. Sokoli: Asgjë në botë nuk ndodh rastësisht, madje as 13-shi im me siguri? Kishte vite që  kisha lexuar për këtë datë të ashtuquajtur fatkeqe, derisa një ditë e pashë se ngjarjet e mia koincidonin dhe kishin marrë kahjen shumë pozitive dhe shumë negative po në këtë datë. Dikur fillova të prisja që më 13 do të më ndodhi diçka shumë e mirë, apo diçka shumë e keqe. 13-shi nuk më lente në gjysmë të rrugës, shumë pozitiv apo shumë negativ, kështu që 13-shat gjithmonë më ndiqnin nga pas dhe shumë nga ngjarjet e mia interesante ndodhnin në datë 13 -  si shumë të mira, ashtu edhe shumë të këqija - derisa mësova që nga pas t’i ndjek unë. Me kalimin e viteve kur dhe hyra në oqeanin e pa fund të ngritjes shpirtërore dhe kur kuptova që energjia as nuk është negative as nuk është pozitive, por një energji e vetme si e tillë, mirëpo varet nga ne se si e përdorim - në polin pozitiv apo negativ të saj (pavarësisht që ne për t’u kuptuar e quajmë energji pozitive apo energji negative).

            Kështu që, përveç kësaj, kuptova edhe ligjin e tërheqjes, përmes së cilit ne tërheqim këtë energji dhe e vëmë në funksion mendimin tonë  dhe pastaj jeta e secilit prej nesh bëhet e tillë çfarë e kemi mendimin për të. Fillova ta krijoj filmin tim mental që nëpër 13-sha po më ndodhin vetëm ngjarje të mira dhe pozitive. Mendimi Pozitiv funksionoj dhe nuk mund të mos e përmendi, ku për herë të parë Mësuesin tim e dëgjova me datë 13 në emision! Po ashtu, me 13 rifilluam punën e "Qendrës së Mendimit Pozitiv", 13-shi na solli shumë herë befasi të mira në Qendër.

            Madje, provën e parë që e filluam për përgatitjen e kurseve në Qendër, pa planifikuar orën më parë, ora veç sa na kishte marrë në 13:13 - shin e saj! ! Kur fansat e Mësuesit tim kishin arritur numrin 11.913, në faqen e tij, kjo ndodhi me datë 13, edhe 13 minuta para se te ikte ora 13!!!

            Kështu që unë fillova ta krijoj filmin tim mental, që me një datë 13 do të nisi me  emisionin tim, dhe kudo ku shkoja e imagjinoja që emisioni po ndodh në datë 13. Meqenëse kisha dëshirë që emisioni im të ishte pjesë e "Relax"-it, gjatë tërë 52 të dielave sa kishte në këtë vit, vetëm njëherë, në një datë 13, i binte e diel. E krijova filmin tim mental që emisioni veçse  po ndodh në këtë datë të 13 qershorit, ku unë kam të veshur diçka të bardhë... e kur unë akoma aq që kisha biseduar me televizionin. Dhe në fundvitin që shkoj, isha për pushime ne Zvicër dhe kërkoja bluzën e bardhë të filmit tim mental nëpër dyqanet e Fribourgut. Motra ime i merrte për gjepura fjalët e mia, por lutja ime shkoi në vend dhe gjeta bluzën e bardhë të cilën e ëndërrova, edhe pse ishte stina e dimrit ku janë të reduktuara veshjet e verës. I thash motrës që këtë bluze do ta kem të veshur në emision kur do të filloj me 13 qershor. Më ktheu "peshku në det tigani mbi zjarr".  Por ndërdija nuk u ndal, ajo punoj, dhe ndodhi siç ndodhi, u bë siç u bë, dhe emisioni im filloj me 13 qershor, ku pata të veshur pikërisht bluzën time të bardhë! Me këtë dua të them se asgjë në botë nuk është vetëm e mirë ose vetëm e keqe, varet nga ne se si e kemi perceptimin për të.  Pra, gjithçka është edhe e mirë edhe e keqe. Kështu që 13-shi im u shndërrua në atë që unë kisha dashur të më ndodhte. Dhe ne po bashkëbisedojmë prapë në një 13-sh shumë special që vetëm këtë të premte, gjatë këtij viti, i bie data 13. Pra, të mos fokusohemi kurrë në gjërat që nuk kishim dashur të na ndodhin, por në atë që kishim dashur të na ndodhte. Atëherë ndryshoni kahjen dhe vini tek e mira.

Gjatë ligjërimit të mësuesit Daut Demaku në "Qendrën e Mendimit Pozitiv" në Prishtinë

            Pas kësaj historie shumë interesante por dhe shumë të veçantë, a mund të na thuash, me çka bëhet Qefserja e lumtur?

            Q. Sokoli: Me gjëra të thjeshta për t’u bërë - të çmuara për t’u marrë. Më lumturon një përshëndetje e thënë me dashuri, një shikim pozitiv, një shtrëngim dore, një telefonatë, një letër klasike, një përqafim i dashurisë pa kusht.

            Cilat janë planet e Qendrës dhe Qefserës për të ardhmen, apo janë të përbashkëta?

            Q. Sokoli: Qendra, Mendimi Pozitiv dhe Qefserja si duket janë një treshe me koalicion të fort që vështirë ndahen. Përveç emisionit, seancave  dhe ligjëratave nga kjo sferë, kemi edhe një sërë plan-projekte për të cilat do të flasim në momentin që do të ndodhin. Ndërsa mund të zbuloj se të gjithë fansat e Mendimit Pozitiv (nga të cilët kemi pasur shumë kërkesa) së shpejti, në këtë vjeshtë, do të kenë të shpallur ofertën për  kurset e Mendimit Pozitiv (ku mund të na bashkëngjiten) e që do të mbahen ne "American School of  Kosova", ku edhe do të certifikohen.

            Ku më saktësisht mund të ju gjejnë të interesuarit dhe çka ofron "Qendra e Mendimit Pozitiv"?

            Q. Sokoli: Qendra e Mendimit Pozitiv ndodhet ne "American School of Kosova", tek "Pallati i Rinisë në Prishtinë" e që ofron: kurse, ligjërata, seanca, literature të Mendimit Pozitiv (nga autorë të huaj dhe të Mësuesit tim po ashtu), pastaj CD, DVD, kaseta dhe CD-speciale ne Beta-Valë, çdo ditë pune, ndërsa bashkatdhetarëve dhe atyre që janë larg Kosovës, ua dërgojmë përmes postës klasike.  

            Disa herë gjate intervistës e përmendët Mësuesin tuaj Daut Demakun, si do ta përshkruanit  me një fjali?

            Q. Sokoli: Me një fjali! Vështirë por do të përpiqem. Do të them diçka nga letra e parë që i kam shkruar Mësuesit tim: Një Baba, një Babagjysh dhe një Stërgjysh i Mendimit Pozitiv në Universin shqiptar. Një Mësues ideal i cili më mësoj të shkoj drejt rrugës së njohjes, më dha dorën t’i kaloj këto ura përtej dhe pastaj, kur e pa se i kisha kaluar, u tërhoq ngadalë i kënaqur duke më nxitur njëkohësisht që edhe unë të ndërtoj ura tjera të reja, për ata dhe ato që do vijnë më pas, sikur që kisha ardhur edhe unë.

            Çka do të na thoni për fund të kësaj interviste të mrekullueshme, çfarë mund t'u preferoni lexuesve tejet të nderuar të kësaj web faqeje?

            Q. Sokoli: Mos u frikësoni nga dëshirat!  Kërkoni, Besoni dhe patjetër do ta Merrni?      Pafund përqafime, siç themi zakonisht ne në Qendër - me shpejtësinë e dritës!

            Faleminderit që ishit pjesë e dritartës sonë!

            Q. Sokoli: Faleminderit që ekzistoni! Përqafime Pozitive!

            Qefsere Sokoli

            Qendra e Mendimit Pozitiv

            American School of Kosova – Prishtinë

            mendopozitivisht@gmail.com

            044 679 009

 (lexo pjesën e parë)