Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Hydajet BYTYÇI

Shëndeti është edhe çështje banimi      

KULTURA THEMELORE MBI MEDICINËN E BANIMIT (2)

        Sa u përket mjeteve të cilat njeriu i përdori gjatë historisë së zhvillimit të vet për zbulimin e rrezatimeve të padukshme, ato sot mund të jenë të ndryshme. Por dikur janë përdorur vetëm thupra drunjsh të ndryshëm me të cilat njeriu i lashtë i ka zbuluar ujërat nëntokësore.

            Pasojat patologjike të rrezatimeve negative

            Ato provokojnë shtangime në shpinë, qafë, pas koke. Dhembje në kafazin e kraharorit, pa shkaqe të njohura nga aspekti medicinal. Shkaktojnë migrena këmbëngulëse. Ushtima në vesh. Marramendje të pashpjegueshme. Pagjumësi, pa shkaktarë të justifikueshëm nga aspekti medicinal. Shkaktojnë lodhje të përhershme. Dobësim të shëndetit, çrregullime të rëndomta funksionale, shqetësime, dridhje, ndjenja se po bie në çastin kur hyn në gjumë, ndjenja e shpeshtë se ke nevojë me urinue, shputat e ftohta, shuplakat e duarve të ftohta, rrahjet e zemrës të çrregulluara, ëndrrat e trishtueshme, kërcitjet e dhëmbëve natën, zgjimet e hershme, ndjenja e rrejshme se po të rrahë era, lodhja e papërcaktuar...

Mund të ketë edhe çrregullime tjera funksionale, siç janë: Astma, djersitja e tepruar pa shkak, depresioni i fortë nervor, neuralgjitë, sëmundjet e rënda apo shumë të rënda, si: Shkatërrimi i veshkave, atakimi i sistemit nervor qendror si dhe i atij vegjetativ, që është viktima më e ndjeshme e zonave patogjene.

            Dhe kjo nënkupton molisjen, shterjen totale, nervozën e pashmangshme, lodhjen kronike, dhembjen e ijeve etj.

            Grindjet permanente, pa ndonjë shkak të arsyeshëm. Mungesat permanente të disponimit. Pagjumësia (pa shkaqe të justifikueshme). Të gjitha këto, e të tjera, mund të jenë pasoja tipike të zonave të ashtuquajtura patogjene, në të cilat flemë apo qëndrojmë për një kohë të gjatë...

            Fëmijët e vegjël janë fort të ndijshëm në zonat patogjene. Ata nëse nuk janë të lidhur, i japin zor, shkëpurdhin pa ndërprerë për t’u larguar nga ajo pikë gjeopatogjene, në të cilën ndodhet pa fajin e tyre, por nga mosnjohja njerëzore. Thjesht, fëmija i vogël në vendet e tilla, nuk rehatohet, nuk qetësohet, s’mund të jetë i qetë; shkëpurdhin, qajnë dhe nuk rehatohen.

            Domethënë, në ato raste kur njeriu është i atakuar nga rrezatimet e dëmshme e negative, njeriu është i sëmurë, por nuk dihet pse, nuk dihet se çfarë ka. Ndikimi është i padukshëm, në planin subtil. Lufta kundër të keqes së padukshme duhet të bëhet, por barnat janë të pafuqishme. Natyrisht, duhet mënjanuar shkaqet e padukshme, gjë që nënkupton se çdo person me shëndet të dobët, të cilit nuk i ndihmon as shërimi më i mirë i mundshëm, duhet të kërkojë ndihmën e radiestezistit kompetent. Sepse trupi ka arsyet e veta për të cilat arsyeja nuk di.

            Ne pa dyshim se jemi në shtjellë rrezatimesh të ndryshme, qofshin të mira apo të këqija; por ne shpesh mund të jemi shënjestra agresionesh dinake, ku shëndeti ynë mund të bie viktimë e tyre, e ne të mos jemi fare të vetëdijshëm. Prandaj, nuk guxojmë ta injorojmë rëndësinë e njohjes së ambientit. Domethënë, është shumë me rëndësi ta njohim ambientin e shëndoshë, nga i cili në mënyrë korelative të shumëfishtë varet jeta jonë.

            Kjo kërkesë imediate nuk është gjë e re, megjithatë. Këto preokupime i kishin edhe në kohët e lashta, njerëzit e lashtë. Çdo gjë mund të jetë burim i së keqes, ashtu siç mund të jetë burim i së mirës. Edhe në popullin tonë janë dëgjuar plakat e hershme të thonë “ ruana Zot, toka është pllamë-pllamë”.

            Prandaj, duhet të kemi parasysh

            Pra, duhet ta kemi parasysh sidomos ndërtimin e shtëpive – si dhe me çfarë materiali po e ndërtojmë. Duhet t’i kemi në konsideratë sidomos pozicionet e mureve, që të jenë në harmoni të plotë natyrore magnetike. Duhet ta kemi në konsideratë formën e objektit; deformimet e formës shkaktojnë rrezatime jo të mira. Duhet ta kemi në konsideratë materialin nga i cili po ndërtohet shtëpia. Për shembull, betoni – qoftë si betonarme apo vetëm beton, është për jetën njerëzore material jo shumë i dobishëm në kuptimin e shëndetit. Por, sot, ai, pak nga pak, po e mbulon mbarë rruzullin tokësor. Këto kthina tonat, mbase të tmerrshme në kuptimin shëndetësor, çrregullojnë në vazhdimësi shëndetin e trupit dhe ekuilibrin e shpirtit. Siç thotë njohësi i mirë i këtyre gjërave, Zhak La Maja, ndërtesat prej betoni dhe çeliku veprojnë si kafazi i Faradejit. 

            Duhet të kihet kujdes në elemente të ndryshme komfori, të cilat mund të emitojnë rrezatime jo të mira.

            Ka, pra, këtu njëfarë loje, që është e padukshme, por e pranishme. Pra, shëndeti ynë apo sëmundja jonë është edhe çështje e banimit.

            Si mund t’i ndihmojmë vetes?

            Duke i pasur parasysh të gjitha këto, ne mund t’i ndihmojmë vetes në planin preventiv. Ka raste kur një ndërrim i thjeshtë i vendit të krevatit, në të cilin flemë, apo i vendit të punës ku rrimë për kohë të gjatë, ta zëmë ku e kalojmë një të tretën e ditës, mund ta ndryshojnë jetën tonë.

            Në vendet e zhvilluara të botës, njerëzit gjithnjë e më tepër i besojnë radiestezisë dhe konsultohen, thjeshtë bashkëpunojnë me radiestezinë.

            Kjo veprimtari ka edhe dimensionin e vet shoqëror. Sepse, kur njerëzit flenë dhe rrinë në vende të përshtatshme, ata më rrallë ose më pak do të sëmuren; domethënë janë më të shëndoshë, prandaj janë edhe më të dobishëm në aspektin shoqëror.

            Çfarë nënkupton shtëpia jo e shëndoshë  nga aspekti radiestezik?

            Ajo mund të jetë e kthyer gabimisht, jo në harmoni me polet natyrore magnetike. Bodrumin mund ta ketë të lagësht, pa rrymim të duhur ajri. Mund të jetë e ndërtuar nga materiali jo i shëndoshë; e thamë se armatura metalike e shndërron atë në kafaz të Faradejit. Forma e ndërtimit të shtëpisë mund të jetë asimetrike dhe jo e rregullt. Trafostacioni i rrymës elektrike mund të jetë në afërsi. Largpërçuesit e rrymës elektrike kalojnë mbi kulmin e vendbanimit tonë. Deformimet e formës së mureve, të kulmit, po ashtu mund të shkaktojnë rrezatime jo të mira. Ua shto këtyre edhe betonarmenë, shumësinë e gypave (sidomos ata nga bakri apo plumbi), kabllot e rrymës, kabllot televizive, aparatet elektrike, ekranet televizive, mobilet e vendosura në disharmoni me hapësirën, unazat e ndryshme, gurët e çmueshëm të lashtë etj.

            Materialet sintetike, dhe plastika në përgjithësi, krijon elektricitet statik – nuk është material fare i dobishëm për shëndetin tonë. Po ashtu, gurët e çmueshëm mund të jenë akumulatorë tejet të fuqishëm të energjisë, shkaku i rëndësisë që u kanë kushtuar njerëzit tjerë; ata akumulojnë energji gjatë shekujve. Rrezatimi i tyre mund të jetë mirëbërës apo keqbërës, varësisht nga energjia që kanë akumuluar.

            Paramendojeni tash një tempull zen-budistësh, bërë vetëm nga guri e druri, vendosur në vendin e duhur, në harmoni me polet natyrore magnetike, pa betonarme, pa elektrondotje – çfarë qetësie të lartë shpirtërore do të na sillte!

            Nga të gjitha format e kulmit të shtëpisë, kulmi në formë piramide është tepër bamirës, i shëndetshëm. Nga materiali ndërtimor, për shembull, është hequr pothuajse tërësisht druri dhe guri, dy materialet themelore të dikurshme dhe shumë të shëndosha. Ka mbijetuar, si të thuash, vetëm tulla.

            Duhet t’iu kthehemi pëlhurave natyrore, leshit, pambukut etj., të atyre materialeve të veshmbathjes që i kishim dikur, por që për arsye të ndryshme janë në eliminim e sipër. Por, edhe këto materiale të mira veshmbathjeje, mirëbërëse si t’u themi, mund të jenë të ‘ulura’ në rrezatime të dëmshme, të cilat i ka emituar ndonjë person i sëmurë rëndë, nëse i ka mbajtur para nesh. Këtu nuk është fjala për mikrobet, por për aurën e njeriut, e cila e mbushë objektin e caktuar me energji të ligë, qoftë për të gjithë, qoftë vetëm ndaj personave caktuar.

            Zbulimi i rrezatimeve – si bëhet ai?

            Ka shumë mënyra për zbulimin dhe njohjen e rrezatimeve negative. Dy janë kryesoret: me anë të shtazëve, shpezëve dhe insekteve apo me anë të mjeteve të ndërtuara nga mendja dhe dora e njeriut.

            Për shembull, nga praktikat radiestezike është e njohur se qeni dhe disa lloje shtazësh të tjera, largohen nga vendi me rrezatime negative.

Lejlekët dhe dallëndyshet sistematikisht gjurmojnë rrezatimet e mira, bamirëse, miradashëse, për jetën dhe shëndetin e krijesave të gjalla.

            Sakaq, milingonat, sidomos milingonat e mëdha, të zeza, më shumë i preferojnë vendet me rrezatime të negative, të pavolitshme për njeriun.

            Pothuajse të gjitha bimët reagojnë në rrezatimet e dëmshme. Ato vdesin ngadalë në agoninë e tyre të qetë nën ndikimin e këtyre pushtuesve të padukshëm, por të vërtetë.

            Gati të gjitha shtazët ikin nga zonat patogjene: dhentë, lopët, kuajt, qentë, minjtë. Përjashtim bëjnë macet, të cilat, sipas radiestezistëve, zgjedhin pikërisht vendet e tilla. Lepujt dhe pulat në zonat patogjene janë shumë të ndjeshëm. Lepujve, për shembull, iu bien qimet, lëvizjet i kanë të ngathëta. 

            Sa u përket mjeteve të cilat njeriu i përdori gjatë historisë së zhvillimit të vet për zbulimin e rrezatimeve të padukshme, ato sot mund të jenë të ndryshme. Por dikur janë përdorur vetëm thupra drunjsh të ndryshëm me të cilat njeriu i lashtë i ka zbuluar ujërat nëntokësore. Sot, mjetet themelor mund të merren: lavjerrësi dhe thuprat metalike, të cilat përdoren me sukses për zbulimin e rrezatimeve të ndryshme të padukshme.

            Puna me lavjerrës dhe thupra metalike është metoda më e mirë dhe më e përshtatshme për zbulimin e rrezatimeve -  qofshin ato të mira apo negative, respektivisht të zonave patogjene.

            Thuprat metalike janë të përshtatshme më tepër për punë në terren, kurse puna me lavjerrës mund të aplikohet edhe në terren, por është e përshtatshme sidomos në tavolinë, për punën në plane e skica të terrenit të bëra enkas për hulumtim radiestezik.

            Puna me plane shpeshherë është më precize dhe më e përshtatshme për hulumtime të ndryshme përgjithësisht.

            Sa lloj rrezatimesh negative kemi?

            Kemi dy lloj rrezatimesh negative:

            Rrezatimet negative konkrete, e që nënkuptojnë të gjitha rrezatimet që kanë një burim konkret; domethënë, rrjedhin nga “diçka” , ta zëmë rrezatime që burojnë nga rrjedhat e ujërave nëntokësore, nga largpërçuesit e tensionit të lartë të rrymës, nga damari i xeherores, nga boshësitë nëntokësore e tjera e tjera.

            Rrezatimet negative abstrakte, të cilat, për dallim prej të parave, nuk burojnë prej “diçkahi”, por prej dikujt. Kush është ai dikushi? Natyrisht, siç mund të nënkuptohet ai është person i mbushur urrejtje, zemërim, mllef ndaj teje.     

            Cilat do të ishin masat mbrojtëse nga rrezatimet negative?

            Në radhë të parë mund të përmendim vullnetin e fuqishëm sugjestiv, në kuptimin e afirmimit të paqes, gëzimit, shëndetit, harmonisë. Por, kur jemi tek afirmimet pozitive, duhet të theksohet se gjithmonë sugjestioni duhet të jetë i formuluar pozitivisht, me përmbajtje pozitive; për shembull nuk do të duhej të thuhej  “nuk po i pranoj rrezatimet e dëmshme”, ta zëmë, por më mirë do të duhej të thuhej: “pa ndalë po marr rrezatime bamirëse, të mira, të dobishme...”

            Mandej, mendimi konstruktiv dhe dashuria për çdo krijesë të gjallë është neutralizimi më i mirë i rrezatimeve të dëmshme, negative, që quhen rrezatime abstrakte, e që vijnë nga njerëzit që nuk na e donë të mirën dhe që, ndonjëherë, të koncentruar fuqimisht, me vetëdije apo pa vetëdije, na dërgojnë rrezatime të këqija të cilat mund të ndikojnë shumë në qenien tonë. Ato sa më tepër që të na atakojnë, aq më shumë na sjellin fatkeqësi.

            Ç’duhet të dimë sa i përket pozicioni të shtratit

            Koka duhet të jetë e kthyer kah veriu, por kjo vlen për personat e shëndoshë. Për personat e sëmurë, apo të dobët nga shëndeti, preferohet që - kur binë – kokën ta ketë të kthyer ka lindja. Besojmë se duhet t’i kemi parasysh këto kërkesa, pasi që na është të gjithëve i njohur fakti se së paku një të tretën e jetës sonë e kalojmë pikërisht në shtrat. Prandaj, për të bërë gjumë të qetë, të thellë, të këndshëm – duhet të mos i injorojmë edhe rrezatimet e dëmshme – konkrete e abstrakte – e as pozicionin e krevatit.

            Pra, mundësisht duhet të jemi të vendosur në zonën neutrale të rrezatimeve. Koka mundësisht, për aq sa na lejojnë kushtet e rrethanat, duhet të jetë i kthyer kah veriu apo lindja, jo kah jugu e aq më pak kah perëndimi. Shtrati mundësisht duhet të ketë sa më pak apo aspak materiale metalike. Në dhomën e fjetjes mundësisht duhet të kemi sa më pak apo aspak elemente metalike, sidomos pranë shtratit, respektivisht pranë kokës. S’duhet të kemi kurrfarë aparatesh elektromagnetike pranë shtratit apo nën shtrat. S’duhet të kemi masa metalike pranë krevatit apo nën krevatin tonë. Të mos kemi pranë shtratit kurrfarë aparati të kyçur elektrik. Të mos jetë shtrati i vendosur mbi rrjedhën e ujit nëntokësor. Gypat e nxemjes qendrore të mos kalojnë nëpër dhomën e gjumit...

            E prej të gjitha këtyre, nëpër dhomat tona apo pranë shtratit tonë kemi nga të gjitha nga pak, prandaj edhe shkruhen libra e mbahen ligjërata të këtilla.

            Mjetet absorbuese të rrezatimeve negative  që më së shumti mund të ndihmojnë

            Element i mrekullueshëm absorbues është vaji i ngrënies. Pastaj, shkumësi, kripa e detit, që po ashtu është absorbues i mirë. Këto, qoftë si të veçanta, qoftë të kombinuara, mund të vendosen mbi rrezatimet vertikale. Duhet të përcaktohet mirë vendi, pikat gjeopatogjene, dhe të përcaktohet saktë sasia e absorbuesve. Mandej ka metale fisnike të cilat i absorbojnë rrezatimet e dëmshme e negative. Ato mund të ndërtohen apo të blihen të gatshme.  Për këto duhet të kujdeset radiestezisti.    

            Për çdo gjë, gjithmonë, gjendet zgjidhja, vetëm në qoftë se ajo me këmbëngulje kërkohet, - thonë të urtit. Nuk mund të gjejë zgjidhje vetëm ai që nuk do. Fjala e urtë thotë: “S’është askush më i shurdhër, sesa ai që nuk dëshiron të dëgjojë; dhe s’është askush më i verbër sesa ai që nuk do të shohë.”

            Nga libri “Libër mbi shpirtin dhe mendjen - çelësi i përndritjes”

 (1)