Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Hydajet BYTYÇI

Shëndeti është edhe çështje banimi      

KULTURA THEMELORE MBI MEDICINËN E BANIMIT (1)

       Dihet se njeriu, dhe përgjithësisht çdo krijesë e gjallë, nuk është vetëm një gëzhojë e thjeshtë fizike që ne shohim. Organizmi i njeriut është një përbërje shumë e ndërlikuar. Ai paraqet një makinë të gjallë shumë të përsosur, shumë harmonike, por shumë të ndjeshme...

            A jemi të vetëdijshëm për rrezatimet e padukshme dhe  elektricitetin statik

            Mirësi dhe rreziqe shëndetit tonë mund t’i vijnë edhe nga rrezatimet e padukshme, që vijnë nga burime të ndryshme, të panjohura për ne, e të cilat – kur kontaktojnë me ne – e përmirësojnë ose e çrregullojnë qarkullimin e energjisë dhe shëndetin e organizmit tonë.

            Pse flemë?

            Natën, siç dimë, ndodh furnizimi i trupit me energji të reja, thjeshtë ndodh një fuqizim që mund të krahasohet me mbushjen e baterive të cilat e furnizojnë me rrymë organizmin. Por, kurrë s’e dimë se çfarë në të vërtetë ndodh gjatë atij procesi që i themi gjumë! Pse duhet të flemë? Dikush mund të thotë se është proces fiziologjik ku bëhet ripërtëritja e fuqive të harxhuara të organizmit gjatë ditës... Mirë, por pse duhet të flihet gjithnjë? Ta zëmë, të provojmë të mos i harxhojmë fare energjitë tona: Të mos bëjmë asgjë që na i harxhon energjitë. Të rrimë, të shtrihemi, të hamë gjithë të mirat, të pimë gjithë të mirat, të mos bëjmë asnjë veprim fizik dhe të mos lodhemi fare, thjesht ta ruajmë energjinë dhe të mos flemë asnjë minutë për disa ditë me radhë!

            Po bëmë një provë të tillë, do të shihnim se ka diçka në procesin e gjumit që është më e thellë sesa ajo që dimë ne, e të cilën rëndom nuk e kemi fare parasysh. Ka diçka më të rëndësishme në këtë proces, thellësisht e panjohur për ne, me të cilën qenia jonë duhet të kontaktojë pandërprerë, përndryshe është fare e pamundur të ekzistojmë – e ky është kontakti ynë, për çdo natë, me të pavetëdijshmen tonë. Domethënë, domosdoshmërisht duhet të kontaktojmë me të pavetëdijshmen tonë, përndryshe nuk mund ta mbajmë jetën.

            Dhe, çfarë duam të themi me këtë?

            Me këtë paraqesim rëndësinë e gjumit si një proces pa të cilin nuk bën. Edhe po i patëm të gjitha të mirat, pushimin e vazhdueshëm maksimal, ushqimet më të mira, megjithatë pa këtë proces të domosdoshëm, nuk është e mundur ekzistenca jonë fizike. 

            A mund të ketë çlodhje të mirëfilltë pa fjetur?

            Trupi ynë çlodhet tërësisht vetëm pas gjumit të mirë. Duhet të flemë mirë, po deshëm të kemi ditë të mbarë, të mirë dhe të suksesshme. E nuk mund të bëjmë gjumë të mirë po qe se natën, natyrisht, pa vetëdijen tonë, iu ekspozohemi rrezatimeve të dëmshme të cilat mund të vijnë nga burime të ndryshme dhe mund të na e rrënojnë gjumin tonë – kurrë pa qenë të vetëdijshëm se çfarë dëmi mund t’i bëjnë gjumit tonë, respektivisht shëndetit tonë përgjithësisht; sepse nga gjumi ynë varet shumë shëndeti ynë i përgjithshëm.

            Ndërdija jonë i ndien rrezatime negative mu siç ne ndjejmë fizikisht korrentin që ‘na zë’ kur nuk është i bërë tokëzimi i rrymës dhe kur pajisjen elektrike e prekim me duart e lagura. Njësoj shpirti ynë është nën ndikimin e një korrenti të tillë, po qe se iu ekspozohet rrezatimeve të dëmshme të çfarëdo burimi qofshin. Prandaj, në mëngjes njeriu është, në vend se i pushuar, i lodhur, i paripërtëritur, ndihet keq, është i ndjeshëm, nervoz, me emocione të këqija, i mungon vullneti për punë dhe nisjativë etj.

            Çfarë nënkupton radiestezia?

            Ne gjatë jetës sonë, në realitetin fizik, jemi mësuar zakonisht që t’u besojmë vetëm trajtave të dukshme të realitetit, të cilat janë të prekshme, të kapshme dhe të verifikueshme shkencërisht. Por, përpos këtyre trajtave të vrazhda në të cilat na paraqitet realiteti, e me të cilat ne jemi mësuar të bashkëjetojmë, realiteti paraqitet edhe në qindra e mija trajta të padukshme, të cilat – ose i njohim fare pak ose s’i njohim fare.

            Është detyrë jona, të bëjmë përpjekje ta njohim realitetin sa më gjithanshëm: Jo vetëm trajtat e tij të dukshme, por edhe atë që është e padukshme dhe e pakapshme për shqisat tona. Shpeshherë mu manifestimet e tilla të padukshme të realitetit luajnë rol vendimtar në jetën tonë. Në jetën tonë dhe të gjallesave tjera.

            Këto fenomene të botës së padukshme janë shumë larg syve të njerëzve të cilët, gjatë gjithë jetës së vet, kriteret për njohje i kanë mbështetur vetëm në shqisa, por më së largu janë nga ata që të vërtetën nuk duan ta shohin dhe para tyre i mbyllin sytë. Një fjalë e urtë thotë: “Nuk ka më të verbër sesa ai i cili nuk dëshiron të shoh”.

            Një nga mundësitë e komunikimit tonë me të padukshmen është radiestezia. Forma më e lashtë e radiestezisë është zbulimi i ujit me anë të thuprave të njoma të cilat merreshin prej drunjsh të caktuar. Thjesht, nocioni radiestezi nënkupton zbulimin dhe identifikimin e rrezatimeve të pakapshme për perceptimin e zakonshëm të njeriut.       

            Ç’ mund të thuhet për rrezatimet  e padukshme ?

            Dihet se njeriu, dhe përgjithësisht çdo krijesë e gjallë, nuk është vetëm një gëzhojë e thjeshtë fizike që ne shohim. Organizmi i njeriut është një përbërje shumë e ndërlikuar. Ai paraqet një makinë të gjallë shumë të përsosur, shumë harmonike, por shumë të ndjeshme, funksionimin e mirë të së cilës e mundëson shëndeti psikofizik dhe harmonia e trupit dhe shpirtit, që janë përbërësit themelorë të gërshetuar pothuajse pazgjidhshmërisht në mes veti.

            Funksionimi i mirë i kësaj makine të mrekullueshme të quajtur trup i gjallë, mund të jetë në çdo çast i çrregulluar e i destabilizuar qoftë nga sëmundje të brendshme, të ashtuquajtura psikosomatike, të cilat burimin e kanë në brendësinë tonë (në shkaqet psikosomatike), qoftë nga shumë probleme tjera të cilat shfaqen në makinën tonë të gjallë si probleme “që organizohen nga armiku i jashtëm” nëse do të mund të shërbeheshim kështu me një shprehje të konsumuar gjer në diskreditim nga ish-sistemet “komuniste”.

            E ndër armiqtë e jashtëm që ndikojnë dinakërisht në përmasat më delikate të qenies sonë janë edhe rrezatimet e dëmshme të të gjitha llojeve.

            Mund të jemi, dhe jemi, aq shpeshherë në shënjestër të rrezatimeve të ndryshme, të shumëllojshme, natyrash të ndryshme, saqë po t’i kishim parasysh këto, do të befasoheshim sesa të pafuqishëm dalim ne “shtazët e urta” të natyrës para trajtave të padukshme të realitetit sfidues, saqë thjesht do të mund të konstatonim se jemi vetëm statistë të thjeshtë, madje të pavetëdijshëm edhe se deri ku shtrihet kufiri midis të mundshme dhe të pamundshmes sonë.

            Nuk do të duhej nënçmuar assesi rëndësinë e ambientit të shëndoshë. Ai është një mirësi për ne, për jetën tonë. Ambienti i shëndoshë është një nga kushtet për jetë të mirë. Njeriu mund të jetë i shëndoshë vetëm në ambientin e shëndoshë.

            Por sa jemi të ndërgjegjësuar për këtë?

            Fare pak jemi të ndërgjegjësuar se ambienti ku ne jetojmë mund të jetë edhe i dëmshëm. Dhe ky fakt nuk është gjë e re. Me këso çështjesh janë marrë edhe në kohët e lashta. Tash duhet edhe më me kompetencë t’i njohim e t’i definojmë, t’i zbulojmë e t’i mënjanojmë gjërat e këqija nga ambienti ynë, për aq sa kjo është e mundur. Sepse ashtu, duke e bërë ambientin ku jetojmë sa më të shëndoshë, ia krijojmë vetes kushtet që të bëjmë jetën sa më të shëndoshë, respektivisht që vetë ne të jemi sa më të shëndoshë. Gjithkah dhe gjithkund mund të jemi të rrethuar nga burime rrezatimesh të mira, ashtu siç mund të jemi të rrethuar edhe me burime rrezatimesh të këqija, negative. Sepse çdo gjë mund të jetë burim i së mirës, ashtu siç mund të jetë edhe burim i së keqes njëkohësisht.  

            Cilat mund të jenë burimet e rrezatimeve të dëmshme?

            Burimet e rrezatimeve të dëmshme mund të jenë të ndryshme. Në radhë të parë rrjedhat e ujit – mbitokësore, por sidomos ato nëntokësore. Mandej, të çarat gjeologjike. Zbrazëtitë e ndryshme nëntokësore. Puset e minierave. Sidomos puset e mineraleve radioaktive. Kënetat e dikurshme. Humnerat dhe çdo gjë që krijon boshësi. Me një fjalë: rrezatime negative, përpos rrjedhave mbitokësore e nëntokësore të ujërave të ndryshme, mund të krijojnë edhe të gjitha dallimet në potencialin e pranisë materiale, si dhe çdo gjë që krijon asimetri.   

            Burime tjera rrezatimesh negative janë edhe kanalizimet, si ato në përdorim, si ato të mbetura dhe të dala jashtë përdorimit. Bunarët, qofshin ata funksionalë, qofshin ata të vjetër, që tashmë kanë dalë jashtë përdorimit. Varrezat. Bodrumet e mbyllura në të cilat nuk qarkullon ajri. Largpërçuesit e rrymës elektrike, sidomos ata të tensionit të lartë. Aparatet e ndryshme elektrike. Sidomos ekranet televizive. Frigoriferët. Aparate për rrezatimin rëntgenologjik. Pastaj blloqet e radarëve. Instalimet nukleare etj.

            Konkretisht: i sëmurë është çdo ambient ku është çrregulluar baraspesha natyrore. Pastaj, çdo gjë që i takon natyrës elektrike ndikon në ne, qoftë në aspektin pozitiv apo negativ. Të gjithë përçuesit dhe aparatet e ndryshme elektrike mund ta jonizojnë ajrin përreth. Ekrani televiziv emiton rreze alfa, beta dhe gama, prandaj rrezatimi i tij është posaçërisht i rrezikshëm për gratë shtatzëna. Distanca në mes të ekranit televiziv dhe nesh duhet të jetë më së paku 5 metra. (Sa për ilustrim, mund të përmendim se, sipas hulumtimeve të bëra, në qoftë se në një vend të lënë pas dore ku ka minj, e vendosim TV-në, do të ikin të gjithë minjtë prej aty. Kjo është shumë domethënëse sesa mund t’iu pengojë krijesave të gjalla një aparat televiziv).

            Tapetat përmbajnë ngjyra biologjikisht jo të shëndosha. Trajtat jo të rregullta dhe josimetrike të shtëpive, sidomos kulmet jo të rregullta, ku bëhen thyerjet drastike të simetrisë, mund të luajnë rol të dëmshëm në shëndetin dhe jetën tonë.

            Objekte që rrezatojnë fuqimisht janë edhe largpërçuesit, sidomos ata të tensionit të lartë. Në qoftë se dëshirojmë të dimë se çfarë elektriciteti ekziston nën largpërçuesit e tensionit të lartë, këtë lehtë mund ta zbulojmë duke kaluar nën ta me një llambë fluorishqente në dorë. Ajo ka për të shndritur pa bateri dhe pa kurrfarë burimi tjetër rryme.

            Të gjitha këto, në qoftë se ndodhen në ndonjë farë gërshetimi a bashkëveprimi me njëri-tjetrin, e edhe mund të jenë, ndikimi i tyre mund të jetë shumëfish më i dëmshëm. 

            Çfarë ndihmon këtu radiestezia?

            Radiestezia ndihmon për t’i zbuluar e për t’i njohur dhe për t’u mbrojtur pikërisht prek këtyre rrezatimeve të dëmshme, të cilat ndikojnë në aspektet tona psikike dhe fizike. Ato ndikojnë në shëndetin tonë shpirtëror, në vitalitetin tonë, në imunitetin organik, në disponimin tonë dhe në fund të fundit – në lumturinë dhe në fatin tonë.

         Vazhdon...

    (2)