Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

Shqipëroi: Hasan HAMËZBALAJ

DASHURIA (1)

     Dashuria e cila varet nga dikush tjetër është dashuri e varfër. Dashuria e cila është krijuar në ju, dashuria të cilën e krijoni nga qenia juaj, është energji e vërtetë. Atëherë lëvizni nëpër atë oqean i cili ju rrethon dhe do të ndjeni se të gjithë që ju ofrohen njëkohësisht janë nën ndikimin e llojeve të ndryshme të energjisë.

Meditimi është zbritja në zemër, e kur zbritni në zemër lind dashuria. Dashuria gjithmonë vjen pas meditimit, e kundërta është po ashtu e vërtetë. Dashuria dhe meditimi shkojnë së bashku. Ato janë e njëjta energji, jo dy. Po medituat, do të bëheni dashnor i madh; do të mbusheni me dashuri të madhe, e cila do të rrjedhë gjithkund rreth jush, dashuria do të derdhet prej jush. Apo, bëhuni dashnor dhe do të zbuloni atë vetëdije që quhet meditim, në të cilën zhdavariten mendimet, të menduarit më nuk e turbullon qenien tuaj, më nuk ju rrethon mjegulla e gjumit – ka aguar, jeni zgjuar, jeni bërë Budë.

Ekzistojnë dy mënyra të zbulimit: njëra është meditimi – vetë e kërkoni thellësinë.

E dyta është dashuria – me njeriun tjetër e hulumtoni thellësinë.

            DASHURITË E SHPIFURA DO TË ZHDUKEN

Kur jeni në udhëtimin e brendshëm, energjitë lëvizin kah brenda, po ato të njëjtat energji që më parë kanë lëvizur kah jashtësia, dhe befas zbuloni se vetë jeni si ishulli. Vështirësitë lindin shkaku i asaj, se në të vërtetë nuk jeni të interesuar të jeni në lidhje me të tjerët. Më tepër jeni të interesuar të jeni ata që jeni ju vetë, e secila lidhje me të tjerët duket si varësi, robëri. Por kjo është fazë kalimtare, mos bëni prej kësaj qëndrim të përhershëm. Herët apo vonë, kur prapë rrënjëzoheni në vetvete, do të jeni përplot energji dhe do të dëshironi që përsëri të lidheni me të tjerët.

Prandaj kur mendja për të parën herë ju bëhet meditative, dashuria ju duket si robëri. Dhe kjo në masë të caktuar është e saktë, pasi që mendja e cila nuk është meditative nuk mund të dashurojë.

Dashuria e tillë është e rrejshme, iluzore; ajo më tepër është dalldisje sesa dashuri. Por këtë nuk mund ta krahasojmë me asgjë gjithnjë derisa kjo vërtet nuk ndodh. Prandaj, kur fillon meditimi, dashuria false, pak nga pak, shpërbëhet, zhduket. Para së gjithash, mos u demoralizoni. Pastaj, mos të ju bëhet kjo qëndrim i përhershëm; këto janë dy mundësi.

Nëse demoralizoheni shkaku se jeta dashurore po ju zhdavaritet, e ju nuk jeni në të, do të jetë kjo pengesë në udhëtimin tuaj të brendshëm. Pranojeni faktin se tash energjia juaj kërkon rrugë të re dhe se disa ditë nuk do të jetë në dispozicion për lëvizje kah jashtësia për aktivitet.

Nëse dikush është krijues dhe mediton, i tërë kreativiteti përkohësisht do të zhduket. Po qetë piktor, befas nuk do të jeni më. Mund të vazhdoni, por pak nga pak nuk do të keni as energji as entuziazëm. Po qetë poet, do të pushojë frymëzimi poetik. Nëse keni qenë të dashuruar, ajo energji thjesht ka për t’u zhdukur. Nëse patjetër do ta vazhdoni marrëdhënien, të jeni UN-i juaj i vjetër, ai detyrim i vetvetes do të jetë tepër, tepër i rrezikshëm. Me atë rast bëni diçka kontradiktore: më njërën anë provoni të hyni brenda, në tjetrën provoni të dilni.

Kjo është njësoj sikur vozitni veturën dhe trusni njëkohësisht edhe papuçen e gazit edhe frerët. Kjo mund të jetë katastrofë, se bëni njëkohësisht dy gjëra të kundërta.

Meditimi është vetëm kundër dashurisë së rrejshme. E rrejshmja do të zhduket, e kjo është kushti themelor që të lajmërohet e vërteta.

E rrejshmja duhet të shkojë, e rrejshmja duhet të ju lë plotësisht, vetëm atëherë jeni të hapur ndaj së vërtetës.

E dyta, që po ashtu është rrezik i madh, është ajo, që prej saj mund të krijoni stilin tuaj të të jetuarit. Kjo iu ka ndodhur shumë njerëzve. Nëpër manastire – murgjit e vjetër, njerëzit religjiozë ortodoksistë, kanë krijuar prej asaj që të mos e donë askënd, stilin e vet jetësor. Ata mendojnë se dashuria është kundër meditimit, e se meditimi është kundër dashurisë, gjë që nuk është e vërtetë. Meditimi është kundër dashurive të rrejshme, por është plotësisht për dashurinë e vërtetë.

Njëherë kur të jeni stabilizuar në vete, kur në atë rrugë më nuk mund të shkoni më tutje, keni arritur gjer tek vetë esenca e qenies suaj, gjer tek vetë fundi, bëheni të qendërzuar. Përnjëherë energjia është e pranishme, por tashmë askund nuk duhet të shkojë. Udhëtimi kah jashtësia është ndërprerë kur keni filluar të meditoni, kurse tash edhe udhëtimi i brendshëm ka përfunduar. Jeni të qetë, keni arritur në shtëpi përplot energji, si rezervuari i plotë. Po çfarë tash?

Kjo energji do të zërë të derdhet. Kjo është një lloj krejtësisht tjetër i lëvizjes, kualitetin e ka tjetër fare, se nuk ka motivacion. Më parë tjerëve u jeni qasur me qëllim, të motivuar, tashmë kjo nuk ekziston. Thjesht do t’u qaseni, sepse keni shumëçka për të ndarë me ta.

Më parë u jeni qasur ngjashëm me lypsarin, tash u qaseni si perandor. Jo për të kërkuar lumturi prej ndokujt –  se atë veçse e keni. Tashmë e keni me bollëk. Reja shibartëse është aq e stërmbushur saqë dëshiron të derdhet. Lulja është aq e stërmbushur jetë saqë dëshiron me aromën e vet t’i dorëzohet erës dhe të depërtojë gjer tek pjesët më të largëta të botës. Kjo do të thotë ta ndash vetveten. Ka lindur lloji i ri i marrëdhënieve. Nuk është e drejtë këtë ta quajmë marrëdhënie, pasi që kjo më edhe nuk është marrëdhënie, kjo në të vërtetë është gjendje e qenies. Tashmë nuk dashuroni, veçse jeni dashuri.

            Rrezatoni dashuri

Dashuroni. Gjersa rrini vetë në dhomë, jini përplot dashuri. Rrezatoni dashuri. Tërë dhomën mbusheni me energjinë tuaj të dashurisë. Ndjejeni, sesi vibroni me një frekuencë të re, valëzoni si të ishit në oqeanin e dashurisë. Krijoni vibracione të energjisë së dashurisë rreth vetes. Dhe befas do të ndjeni se diçka po ndodh – diçka po ndryshon në aurën tuaj, diçka po ndryshon rreth trupit tuaj; përreth trupit tuaj po grafullon ngrohtësia... ngrohtësia e ngjashme me orgazmën e fuqishme. Bëheni më të gjallërishëm. Diçka e ngjashme me ëndrrën zhdavaritet. Diçka e ngjashme me vetëdijen lind. Tejvalëzohuni nëpër atë oqean. Vallëzoni, këndoni, le të jetë dhoma juaj e tejmbushur me dashuri.

Në fillim kjo duket shumë e çuditshme. Kur për të parën herë ia dilni që ta mbushni tërë dhomën tuaj me energji dashurie, me energjinë tuaj, e cila bie nga ju, derdhon e ju kthehet dhe ju bën aq të lumtur, do të filloni të pyeteni: “Mos vallë unë po e hipnotizoj vetveten? Mos vallë po vetëmashtrohem? Çfarë po ndodh kështu?” pasi që gjithmonë keni menduar se dashuria vjen prej dikujt tjetër.

Meditimi është tepër, tepër i rëndë për njerëzit të cilët kurrë nuk kanë dashur.

Ka qenë e nevojshme nëna që të ju dojë, babai, vëllai, burri, gruaja, fëmija – gjithmonë dikush ka qenë i nevojshëm.

Dashuria e cila varet nga dikush tjetër është dashuri e varfër. Dashuria e cila është krijuar në ju, dashuria të cilën e krijoni nga qenia juaj, është energji e vërtetë. Atëherë lëvizni nëpër atë oqean i cili ju rrethon dhe do të ndjeni se të gjithë që ju ofrohen njëkohësisht janë nën ndikimin e llojeve të ndryshme të energjisë.

Njerëzit do të ju shikojnë me sytë më të hapur. Do të kaloni përskaj tyre, dhe ata do ta ndjejnë që përskaj tyre ka kaluar flladi i një energjie të panjohur; do të ndjeheni më të freskët. Po e mbajtët në dorë dorën e dikujt, i tërë trupi i tij do të fillojë të pulsojë. Thjesht rrini në afërsinë e dikujt dhe ai pa kurrfarë arsye do të fillojë të ndihet tejet i lumtur. Këtë mund ta vëreni.

Atëherë bëheni të gatshëm ta ndani veten. Atëherë gjejeni dashnorin, atëherë gjejeni pranueshmërinë e vërtetë për vete.

Osho e ka dhënë këtë meditim për çiftet që ndiejnë se marrëdhënien e tyre po mbyten në baltë – e që energjitë e tyre duhet të lirohen e të shkrihen.

Thjesht, uluni, me fytyrat e kthyera kah njëri tjetri në natë dhe mbahuni për duarsh në mënyrë të kryqëzuar. Dhjetë minuta shikojeni njëri-tjetrin në sy, e nëse trupi zë të lëvizë e të luhatet, lejojeni këtë. Mund t’i dridhëroni sytë, por vazhdoni ta shikoni njëri-tjetrin në sy. Po e filloi trupi luhatjen – e do ta fillojë – ia lejoni. Mos ia lëshoni duart njëri-tjetrit, more çfarëdo që të ndodhë. Këtë nuk guxoni ta harroni.

Pas dhjetë minutash, të dytë mbyllini sytë dhe lejojeni atë luhatje edhe dhjetë minuta. Atëherë ngrihuni dhe luhatuni së bashku, duke u mbajtur për duarsh, dhjetë minuta. Kjo ka për ta përzier fuqishëm energjinë tuaj.

Ju nevojitet edhe pak shkrirje... shkrirje në njëri-tjetrin.

            Vazhdon...

   (2)