recetaperdhim2

Sakras Art Gallery

Sekuenca filmike

Vegëza

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkencë - RECETAT ME TË FUNDIT PËR TË KURUAR DHIMBJET... (2)

http://www.tiranaobserver.al

RECETAT ME TË FUNDIT PËR TË KURUAR DHIMBJET E KOKËS GJATË VERËS (2)

Në rast se ditën e nisni me dhimbje koke atëherë shkaku kryesor i saj mund të jetë ndonjë problem psikologjik dhe në rastet më shqetësuese depresioni. Nuk është aspak çudi që dhimbjet e kokës të jenë shenjat e para të stresit apo një gjendjeje depresioni, një lidhje jo rastësore ekziston midis dhimbjes së kokës që shfaqet në mëngjes dhe çrregullimeve që vijnë gjatë gjumit. Simptoma më e shpeshtë neurologjike është dhimbja e kokës.

1. Mbani një listë të detajeve për dhimbjen e kokës

Provoni të mbani një listë rreth detajeve të dhembjes së kokës. Përveç se do të ndihmojë mjekun tuaj t’i identifikojë më lehtë arsyet dhe llojin e dhimbjes, kjo mund t’iu ndihmojë edhe juve. Për shembull: lloje të caktuara të ushqimit, stresi, cikli menstrual, drita e madhe, madje edhe ndonjë lloj parfumi mund t’iu shkaktojë dhembje koke. Në fillim nuk keni ide pse keni dhembje, por nëse i keni shkruar detajet e ndryshme atëherë shumë lehtë mund të vini tek arsyet. Kjo këshillë vjen direkt nga mjekët e njohur amerikane.

2. Shikoni me kujdes se çfarë po konsumoni

Ushqimi i caktuar shpesh mund të jetë shkaktar i paraqitjes së dhembjes së kokës. Dr Lisa Mannix, neurologe, ka thënë se shumë lloje të ushqimeve mund të përbëjnë elemente që tek njerëzit mund të ndikojnë negativisht. Ajo gjithashtu ka shtuar se vetëm 20 deri 30 për qind të njerëzve mund të identifikojnë llojin e ushqimit, i cili iu shkakton dhembjen e kokës. Por ajo preferon që njerëzit të fillojnë të dyshojnë në disa lloje ushqimesh të cilat njihen si shkaktues të problemeve. Vera e kuqe është një nga pijet që radhitet si shkaktare e dhembjes, pastaj vijnë edhe ushqimet që përmbajnë sodium nitrate, etj.

3. Konsumoni mjaftueshëm magnez

Magnezi relakson tensionin e gjakut dhe qetëson migrenën, kurse të dyja këto zvogëlojnë mundësinë e paraqitjes së dhembjes së kokës. Shtesat nga magnezi janë të preferuara. Nëse vëreni përmirësime filloni të konsumoni sa më shumë magnez: konsumoni perime të gjelbra, të cilat përmbajnë magnez.

4. Hani në mënyrë të rregullt

Vetëm ngrënia e rregullt e vakteve gjatë ditës mund të parandalojë paraqitjen e dhembjes së kokës. Mos i kaloni vaktet e ushqimit pa ngrënë sadopak. Kjo rekomandohet për arsye së truri juaj funksionon nga dy gjëra: oksigjeni dhe sheqeri i mjaftueshëm, i cili në tru arrin nga ushqimi i konsumuar. Kur sheqeri tretet, truri juaj ka nevojë për ushqim. Nëse shpesh ngriheni në mëngjes nga dhimbja e kokës, mjekët preferojnë të konsumoni ndonjë frutë para se të shkoni në shtrat në mbrëmje, sepse ajo do t’u ndihmojë të mos iu paraqiten dhimbjet e mëngjesit.

5. Kujdes me përdorimin e kafeinës, alkoolit e duhanit

Këto janë tri gjëra, të cilat ndihmojnë që dhembja e kokës të zhvillohet dhe të shtohet. Alkooli, sidomos vera e kuqe, janë ndër shkaktarët e dhembjes.

6. Bëni gjumë të rregullt

Të flini rregullisht mjaftueshëm dhe në kohë të duhur, madje edhe fundjavave, mund t’iu ndihmojë t’i mënjanoni dhembjet e kokës. Mjekët këshillojnë pacientët e tyre që të shkojnë në shtrat dhe të zgjohen në të njëjtën orë çdo ditë.

7. Bëni ushtrime rregullisht

Me anë të ushtrimeve shkaktohet prodhimi i endorfinës, një element natyral i eliminimit të dhembjeve në kokë. Për të bërë këtë preferohet 20 deri 30 minuta aerobi së paku tre herë në javë.

8. Menaxhoni me stresin

Stresi i madh mund të jetë shkak i shpeshtë i paraqitjes së dhembjes së kokës. Ekzistojnë teknika të shumta që mund të ndihmojnë në menaxhimin e stresit. Mund të provoni format e ndryshme të meditimit.

9. Akull i ftohtë

Ftohtësia mund të ndihmojë në zbutjen e dhembjes së kokës si një anestezues lokal. Mund të vendosni një peshqir të ftohtë apo ndonjë akull nga frigoriferi dhe provojeni ndoshta ndihmon në zbutjen e dhembjes së kokës.

DHEMBJA E KOKËS, MIGRENA JA SI QETËSOHET

Prek një ndër 4 gra dhe një ndër 12 burra dhe për shumë njerëz në botë është një arsye e fortë për t‘u takuar shpesh me neurologun. Kulmin e arrin mes moshës 30-39 vjeç, por pas nuk ngelen edhe fëmijët. Kur bëhet fjalë për migrenën, gjërat nuk janë aq të thjeshta sa duken.

Njerëzve që u dhemb koka në mënyrë kronike, ashtu si specialistët, e dinë shumë mirë se këto dhimbje nuk largohen kollaj, nëse për një kohë të gjatë është abuzuar me ilaçe të llojeve të ndryshme për të gjetur qetësi. Aq i madh është numri i atyre që vuajnë, sa në shumë vende të botës mjaft pacientë kanë krijuar edhe shoqatat e tyre, me qëllimin e vetëm për të sensibilizuar njerëzit për një sëmundje që shpesh nënvlerësohet, ose kurohet keq. E në fakt, shifrat janë vërtet alarmante. Dhimbja e rastësishme e kokës prek rreth 8 milionë evropianë çdo ditë, ku 3 milionë vuajnë nga ajo e formës kronike, që në pjesën më të madhe të rasteve e kërkojnë shpëtimin tek abuzimi me ilaçe, që ndikon drejtpërdrejt në shndërrimin kronik të problemit. Ndoshta jo rastësisht OBSH-ja e ka renditur dhimbjen e kokës, e sidomos migrenën, në listën e sëmundjeve që janë të vështira të shërohen. Kjo sëmundje prek zakonisht njerëzit që e kanë të trashëguar gjenetikisht, por jo vetëm ata. Stresi, tensioni, mënyrat jo korrekte të të jetuarit, ndryshimet klimatike, ushqime të caktuara, janë faktorë të rrezikshëm, që ndikojnë në shfaqjen e saj. Specialistët këshillojnë se duhet trajtuar mirë që në fillim, për të evituar që krizat të bëhen periodike.

Për lehtësimin e migrenës dhe cefaleas intensive:

Analgjezikët dhe anti-inflamatorët – Janë ilaçet më të përdorura, me të cilat abuzohet në shumicën e rasteve. Ato arrijnë të bllokojnë çlirimin e prostaglandinave, të cilat janë molekulat përgjegjëse të dhimbjes. Më të zakonshmit janë paracetamoli, ibuprofeni, aspirina dhe indometacina, që është më efikasja për migrenën, sepse është edhe ngushtuese e enëve të gjakut. Megjithatë, këto lloj tabletash janë të përshtatshme për dhimbjet sporadike dhe të lehta, por jo në rast se dhimbja e kokës është e vazhdueshme: në këtë rast, ka rrezik të mbytesh kot së koti me pilula.

Migrena dhe cefalea e përqendruar: triptanët.

Ato janë arma më e mirë sepse riekuilibrojnë nivelet e serotoninës, neurotransmetuesit që rregullon qarkullimin e gjakut dhe aktivitetin nervor. Triptanët veprojnë në harkun kohor prej dy orësh dhe mund të merren edhe në momentin kur dhimbja ka filluar.

Cefalea tensive: qetësuesit.

Ilaçe të vjetra si valiumi, të marra në doza të vogla, mund të shërbejnë për të qetësuar muskujt dhe për t’i dhënë fund dhimbjes.

SINOZITI, KURAT BIMORE QË E KUROJNË ATË

Sinoziti është një sëmundje që lidhet me pezmatimin e hapësirave kockore (sinuseve) në pjesën e kafkës së fytyrës. Sinoziti shkaktohet nga bllokimi i derdhjes së sinuseve. Për pasojë, kjo sëmundje shoqërohet me dhembje koke dhe kryesisht në pjesën ballore, aty ku është e përqendruar sëmundja, në varësi të sinusit të infektuar. Shpesh çdo dhimbje koke trajtohet thjesht me një aspirinë dhe sapo dhimbja kalon, ashtu bie edhe interesimi për diagnostikimin e saktë të saj. Sipas mjekëve, dhimbjet e kokës kanë shkaktarë të shumtë, duke filluar nga ftohja, nga sinoziti, deri te dhimbjet e forta të migrenës. Por disa mënyra të reja të trajtimit të dhimbjeve të kokës ofrojnë shpresa për të sëmurët. Një pamje e kompjuterizuar e trurit tregon reagimin e trurit kur njeriu provon dhimbje të migrenës, sëmundje e cila prek rreth 20 për qind të amerikanëve. Por problemi këtu sipas specialistëve të mjekësisë është se pacientë të tillë shpesh diagnostikohen gabim.

Shkaktarët

Më parë, njerëzit bënin shkaktarë të shfaqjes së sinozitit grumbullimin e një pjesë të gjakut në hundë, por ajo u hodh poshtë nga studiues të ndryshëm dhe mendohet se shkaktarë të shfaqjes së saj janë ngacmues të ndryshëm, si zhurmat e forta, drita e fortë, problemet e ndryshme, alkooli, uria, streset psikologjike, erërat e helmeve etj. Shkaktarët e kësaj sëmundjeje janë disa. Ndër ta përmenden mishi i huaj në hundë, shtrembërimi i kockës së hundës, ndryshimi i temperaturave, por edhe rrufa që mund të kalojë personi mund të çojë në sëmundjen e sinozitit. Veç këtyre, sinoziti mund të shkaktohet edhe si pasojë e sëmundjeve të tjera të organizmit dhe me anë të gjakut mund të infektohen edhe sinuset. Sinoziti mund të shfaqet edhe si pasojë i një inflamacioni të rrugëve të frymëmarrjes të hundëve, akut ose kronik, infeksioni dentar, grip, faktor alergjik. Por, sipas mjekëve, nga sinoziti mund të prekeni edhe nëse zhyteni në det me forcë. Vatra është energjia që aktivizon sistemin nervor dhe mund të ndryshohet lehtë nga stresi dhe ndryshimet klimatike. Kjo energji jo vetëm që ndikon në gjendjen shpirtërore, por shkakton sinozitin dhe dhimbje koke. Për të eliminuar shqetësime të tilla, kryhet dhara, një trajtim që konsiston në derdhjen shumë ngadalë, të vajit të nxehtë të sezamit në qendër të ballit të pacientit, i shtrirë në një shtrat të rehatshëm druri. Sipas disiplinës mjekësore, mesi i ballit është vendi i syrit të tretë, i cili është i lidhur me qendrat funksionale të trurit. Nëse ai stimulohet, rrit prodhimin e serotoninës dhe ndjesinë e kënaqësisë dhe relaksit.

Stresi

Zakonisht, sinoziti shkaktohet lehtësisht nga stresi, emocioni dhe tensioni dhe është i shpeshtë te njerëzit depresivë dhe me ankth. Për ketë arsye një nga metodat e kurimit të tij është edhe psikoterapia, pasi kjo sëmundje lidhet me emocionet intensive. Nga ana tjetër, dhembjet e kokës kanë edhe dy shfaqje të tjera, që janë dhembja e kokës, që shfaqet si pasojë e migrenës dhe spondiliatrozës. Këto janë dy nga shqetësimet me të shpeshta edhe pse në disa raste mund të jetë një shenjë e mirë për të kuptuar sinozitin. Shfaqja tjetër e dhimbjes së kokës është shfaqja e një lodhjeje ose një tensioni. Nëse kjo dhimbje është e fortë dhe e përsëritur është simptome e një sëmundjeje cerebrale, si: hematome, encefalite, meningjit ose ndonjë hipertension i rëndë.

Llojet e sinozitit

Sinoziti është një inflamacion akut ose kronik i një nga hapësirave (seno) të parahundës. Sipas vendndodhjes së tij dallohen 4 lloje sinozitesh: sinozit të maxiles, sinozit të frontales, sinozit të etmoidales, sinozit të sfenoidales. Sipas përhapjes, sëmundja mund të jetë mono ose bilaterale. Kur inflamacioni kap më shumë hapësira, quhet polisinozit. Nga ana klinike këto konsiderohen si bllokime të këtyre hapësirave duke mos lejuar daljen e lëngut që formohet gjatë infektimit që quhet Essadato (me një përbërje proteinike, i pasur me mucopolisakarid dhe qelizave ematike).

Kurimi

Diagnostikimi i saktë ka shumë rendësi, pasi vetëm kështu mjekët mund të ndërhyjnë në kohën e duhur për parandalimin e keqësimit të gjendjes shëndetësore. Pas diagnostikimit të saktë, ilaçi me i mirë kundër simptomave të sinozitit është provuar të jetë ai i grupit të ilaçeve triptan, që e largojnë menjëherë dhimbjen e kokës, por njëkohësisht shkaktojnë marrje mëndsh. Shkencëtarët tani janë duke kryer prova për përdorimin me sa me efektivitet të ilaçeve triptan, që mund të merren nga goja, por edhe nëpërmjet injeksioneve. Këto terapi të reja bëjnë të mundur jo vetëm trajtimin e simptomave në përgjithësi, por shpesh eliminojnë edhe dhimbjet e kokës të shkaktuara nga migrena. Mjeket thonë se ilaçet e llojit triptan janë të efektshme në më shumë se 80 për qind të rasteve, por ata rekomandojnë që personat që vuajnë nga sëmundje vaskulare duhet të shqyrtojnë përdorimin e alternativave të tjera të mundshme. Sipas mjekëve sinoziti nuk është një sëmundje e trashëgueshme. Por nëse sëmundja bëhet kronike dhe shoqërohet me komplikacione, atëherë nevojitet të bëhet ndërhyrja kirurgjikale. Sipas specialisteve të kësaj sëmundjeje, ndërhyrja kirurgjikale, nuk ka pasoja. Po sipas tyre, të tilla ndërhyrje në vendin tonë janë të pakta, pasi pacientët paraqiten te mjeku që në fazat e para të shfaqjes së sëmundjes.

Moshat më te prekura

Kjo sëmundje më shumë e përhapur është te moshat e reja. Problemet me sinozitin, shpesh fillojnë që në moshën e adoleshencës, më pas bëhen më të renda rreth moshës 25-vjeçare. Sipas specialistëve të shëndetësisë, është shumë e vështirë të kesh probleme me sinozitin, në rast se nuk ke pasur më parë, gjatë kësaj moshe. Por të prekur nga kjo sëmundje janë edhe fëmijët, tek të cilët më shumë është i përhapur sinoziti etnoidal. Shkak për ketë, sipas mjekëve, nuk është leximi. Por ky faktor mund te jetë një shtesë i faktorëve kryesorë që shkaktojnë sinozitin, dhe jo një faktor më vete për të shkaktuar ketë sëmundje.

Ushqime me fibra për të evituar sinozitin

Ushqime me fibra që në mëngjes. Kjo është një nga këshillat bazë që japin mjekët për të mbajtur sa më larg sinozitin. Sipas specialistëve, shumë nga ushqimet e veçanta ndikojnë në mirëqenien tonë, por një ndryshim i veçantë që rrit nivelin e energjive, ndodh kur njeriu ha për mëngjes një ushqim të pasur me fibra. Është provuar se fibra rrit nivelin e energjive, ka një efekt pozitiv ne funksionimin e organeve. Dhjete faktorë ndikojnë kryesisht në shkaktimin e sëmundjes së sinozitit, pjesa me e madhe e të cilave është e lidhur ngushtë me stresin, kushtet psikologjike dhe shkaqe arteriale dhe helmet e ndryshme. Tre janë medikamentet që përdoren për kurimin e sinozitit, medikamente që kryesisht përmbajnë kafeinë. Ato përdoren dhe janë të këshillueshme jo vetëm për pacientët në vendin tonë, por në të gjithë botën.

Uthulla e mollës qetëson sinozitin

Uthulla natyrale e mollës është jashtëzakonisht e mirë për një forcë magjike dhe vlerësohet shumë që të jetë pjesë përbërëse e jetës së përditshme. Për të gjithë ata që vuajnë nga sinoziti, këshillohet të pihet një gotë me ujë në te cilën është hedhur një lugë nga uthulla e mollës. Kjo kurë duhet të përdoret 7 herë në ditë për të pasur efektin e dëshiruar. Uthulla përdoret edhe për sytë që lotojnë. Një lugë uthull molle hidhet në një gotë ujë, në të cilën është hedhur dhe pak jod i holluar. Pihet një lugë gjelle para drekës. Kjo kurë është mirë të vazhdojë për 15 ditë. Përveç vetive kuruese, uthulla e mollës është shumë e preferuar të përdoret për sallata.

Këshilla

- Kini kujdes nga ndryshimi i temperaturave.

- Përdorni sa më shumë ushqime me fibra.

- Ne rast se ju fillojnë dhimbje është mirë që te konsumoni menjëherë kafe.

- Evitoni zhurmat e larta, të magnetofonit, televizorit.

- Për t’u qetësuar, qëndroni në qetësi të plote dhe në një ambient të mbyllur dhe në errësirë për të paktën 30 minuta.

- Kryeni vizita të herëpashershme te mjeku specialist, në veçanti kur pacienti vuan nga sëmundje të tjera dhe ka shpesh dhembje koke.

- Mbani gjithmonë syze edhe në dimër edhe në verë.

- Evitoni diellin në pikun e vapës.

- Në kohë plazhi kini kujdes nga zhytjet e menjëhershme në det.

SHKAQET E DHIMBJES SË KOKËS TË FEMRAT

Neurologjia regjistron këto tipe të dhimbjes së kokës:

- Psikogjen.

- Ndryshimet të numrit të syrit (anomalitë refractive, hipermetropia, astigmantizmi, miopia, etj).

- Dhembja adontogjene.

- Sëmundja e sinuzeve paranasalë.

- Hipertensioni arterial.

- Dhembja histaminike e kokës (sindromi i Hortonit).

- Dhembja traumatike e kokës.

- Dhembjet meningeale të kokës, të cilat janë të forta.

- Tumorët intrakranial.

- Gjakderdhja subarahnoidale.

- Migrena (hemikrania).

- Neurologjia e trigeminusit.

- Neurologjia vagale, etj.

Hemikrania

Migrena ose hemikrania (ndodh atëherë kur dhembja është periodike dhe kufizuar në njërën anë të kokës) shkaktohet nga mbyllja e enëve të gjakut (emboli) në tru. Një mbyllje e tillë është pasoje e rruazave të gjakut që përhapen me anë të qarkullimit të gjakut.

Simptomat specifike të migrenës janë:

-Rrahje pulsi të shpejta,

-Dhimbje në formë pulsimi të kokës,

-Dhembje e kokës me intesitet të lartë,

-Shtypje e lartë e gjakut.

Migrena është një ndër format më të përhapura të dhembjes së kokës dhe në 50% të rasteve, personat në cilat është e përhapur janë femra. Manifestohet edhe me një dhembje të fortë e pulsuese, që përgjithësisht godet vetëm gjysmën e kohës. Shumica e të sëmurëve trashëgojnë këtë sëmundje nga familja, te të cilat shumë pjesëtarë të saj kanë dhembje koke të njëjta. Një hipotezë, migrenën e shpjegon si vijon: fillimisht gjatë hipermisë reactive, serotonia lirohet nga trombocitet dhe i sensibilizon nociceptorët cranial, sistemin kininogjen.

Sot, përveç ilaçeve antimigrenë (Sandomigran, Avamigran, Cafergot, Ditamin, betabllokuesit, antidepresivët, magnesiumi etj.) pacientit i duhet shpjeguar roli i tendosjeve fizike, psikike dhe emocionale gjatë sulmit migrenoz.

Simptomat e tjerat të migrenës janë:

- Shqetësime nga drita dhe zhurmat të cilat shoqërohen zakonisht me të përziera dhe të vjella.
- Iritueshmëri.

- Nervozizëm.

- Shok emotiv.

KËSHILLA PËR TË LUFTUAT DHIMBJET E KOKËS

Dhimbja e kokës është një simptomë e përbashkët e shumë sëmundjeve. Ka mundësi të kemi vetëm dhimbje koke pa asnjë simptomë tjetër, dhe dhimbja në këto raste është pak domethënëse. Kur në kemi dhimbje koke, ndjesia mund të jetë e ndryshme si pulsuese ose edhe shpuese ose edhe djegie. Këto ndjesi mund të jenë të përqendruara në një zonë të caktuar apo edhe të shpërndarë në të gjithë kokën. Për të gjetur shkakun e cefaleas, duhet të lokalizojmë vendin e saj, momentin kur ajo fillon, natyrën e saj dhe në të njëjtën kohë të kërkojmë të kuptojmë nëse ajo vjen e vetme apo e shoqëruar me simptoma të tjera.

Kujdes: Konsulto mjekun në të gjitha rastet por sidomos në ato raste kur:

1- Dhimbja e kokës shoqërohet me ngurtësim të qafës, humbje e mundësomë e vetëdijes, paralizë apo humbje e ndjeshmërisë.

2- Dhimbje koke e shoqëruar me nauzea ose e vjellur në mëngjes.

Tipe të ndryshme dhimbje koke:

1- Dhimbja e kokës nga tensioni: Ajo shpesh përqendrohet në pjesën prapa kokës dhe rrezaton në drejtim të qafës. Mund të japë ndër të tjera dhe ndjesinë e një fashe tek balli. Ajo vjen prapa një stresi apo prapa një periudhe mbilodhjeje. Relaksimi apo analgjetikët e thjeshtë janë përgjithësi të mjaftueshëm në kurimin e saj.

2- Dhimbja e kokës me temperaturë: Ajo shpesh është simptomë e ftohjes apo gripit. Nëse dhimbja lokalizohet në ballë dhe rritet nëse përkulemi përpara apo është e përqendruar në pjesën e sipërme të mollëzave dhe rritet sa herë në mbyllim nofullën atëherë shkaku mund të jetë sinusiti. Nëse rezulton e vështirë përkulja e kokës përpara nga një ngurtësim i qafës dhe nga dhimbja e kokës e gjithashtu nuk durohet drita e fortë atëherë ekziston rreziku i një meningjiti për të cilin duhet një konsultë e shpejtë me mjekun.

3- Dhimbja e kokës si pasojë e një traumë cerebrale: Kjo lloj dhimbje koke është e shoqëruar mbi të gjitha me lodhje dhe nauzea dhe mund të jetë shenjë e një hemorragjie cerebrale.
4- Dhimbja e kokës me ulje të aftësisë për të ecur dhe humbje vetëdije: Nëse ka humbje të vetëdijes, mund të jetë shenjë e hemorragjisë cerebrale apo dhe embolie. Duhet konsultuar shumë shpejt mjeku.

5- Dhimbja e kokës periodike, vështirësi shikimi dhe nauzea apo të vjella: Cefalea në këtë rast mund të jetë migrenë. Shpesh shumë pjesëtarë të një familje janë subjekt i sulmit të migrenës, sepse kjo lloj dhimbje koke mund të jetë e trashëgueshme. Dhimbja shpesh është e limituar në një krah të kokës. Personi që është subjekt është me të vërtetë i sëmurë dhe shpesh nuk mundet madje edhe të punojë. Kriza mund të vazhdojë edhe 1 ose 2 ditë. Migrena në përgjithësi lehtësohet nëse personi shtrihet në një vend me errësirë, të qetë dhe të freskët. Migrena mund të provokohet edhe nga disa ushqime si psh: çokollata apo vëra.

6- Dhimbja e kokës rreth syve: Dhimbja e kokës e cila lokalizohet rreth syve, për shembull kur subjekti lexon, qep apo bën ndonjë aktivitet tjetër i cili kërkon një sforcim të të parit, mund të jetë rrjedhojë e një ulje të vëzhgimit apo një dritë të pamjaftueshme.

7- Dhimbje në sy apo prapa tij: Kjo lloj cefale mund të jetë shenjë e një glaukome të mundshme.
8- Cefalea, nauzea dhe të vjella në mëngjes: Kjo lloj dhimbje koke mund të jetë rrjedhojë e marrjes me tepricë të pijeve alkoolike një natë më parë, por nëse simptomat përsëriten pa shkak mund të jetë edhe një shenjë e një tumori cerebral.

Këshilla në rastët e dhimbjës së kokës

Dukë hequr rastet e cefaleas së rëndë, dhimbja e kokës mund të lehtësohet duke marrë antiinflamatorë apo analgjëzik nga goja. Në rastet kur personi vuan nga gastriti apo ulcera gastrike është më mirë të evitohen këto ilaçe dhe të preferohet paracetamoli i cili është më pak i dëmshëm për stomakun.

Fund

(1)