Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Shakti GAWAIN 

PARAFYTYRIMI KREATIV (1)

       Procesi i ndërrimeve nuk paraqitet në nivele sipërfaqësore, por në paramendime pozitive". Ky kërkon hulumtime, zbulime dhe ndërrime të qën­drimeve tona më të thella dhe më themelore ndaj jetës. Kjo është arsyeja e mësimit se si duhet shfry­tëzuar parafytyrimin kreativ për të mbetur procesi i thellë dhe përmbajtjesor i zhvillimit.

            Ç'është parafytyrimi kreativ?

            Parafytyrimi kreativ është teknikë e shfrytëzim­it të fantazisë suaj për të krijuar atë që e dëshironi në jetë. Nuk ka asgjë të re, të panjohur dhe të parën­domtë përkitazi me parafytyrimin kreativ. Ju atë e aplikoni çdo ditë, bile edhe në çdo moment. Kjo është aftësi e natyrshme e imagjinatës - e bazës së energjisë kreative të cilën gjithnjë e shfrytëzoni, pavarësisht se a jeni të vetëdijshëm apo jo.

            Shumë nga ne, parafytyrimin kreativ, e kemi shfrytëzuar relativisht në mënyrë të pavetëdijshme, bile, edhe negativisht. Për shkak të rrënjosjes së thellë të koncepteve negative në jetë, automatikisht kemi konkluduar se të metat, kufizimet, vështirësitë dhe problemet tona janë parapërcaktim i kismetit (fatit).

            Ky libër do t'ju mësojë se si, në mënyrë të vetëdijshme, ta shfrytëzoni parafytyrimin kreativ, kështu që me ndihmën e metodave të parafytyrimit kreativ, ju do të realizoni atë që në të vërtetë e dëshironi - dashurinë, kënaqësinë, fatin, marrëd­hëniet e mira, punën që ju shpërblehet, para­mendimin, bukurinë, prosperitetin, qetësinë e brendshme dhe harmoninë... dhe të gjitha ato që zemra ju dëshiron. Aplikimi i parafytyrimit kreativ na jep çelësin për t'u bashkuar me të mirat natyrore dhe me begatitë e jetës.

            Imagjinata është aftësi për të krijuar idenë a pasqyrën shqisore në intelektin tuaj. Në parafytyrim kreativ shfrytëzojeni imagjinatën për të krijuar fig­urën e qartë diçka që dëshironi të realizoni. Pastaj koncentrohuni për atë ide a figurë rregullisht, duke i dhënë asaj energji derisa të bëhet realitet objek­tiv..., me fjalë të tjera, derisa me të vërtetë nuk arri­ni atë që e keni paramenduar.

            Qëllimi juaj do të jetë: fizik, emocional, mendor a shpirtëror. Mund të paramendoni shtëpinë e re, të punoni në punë të re ose të përjetoni diçka të mrekullueshme, do të ndjeheni të qetë dhe të matur, do të keni kujtesë dhe aftësi të përmirësuar për mësim. Mund të paramendoni se si do ta zgjidhni situatën e rëndë pa mund apo, si qenie e hareshme, me shumë dritë dhe dashuri. Mund të punoni çfarë­do pune qoftë dhe rezultatet nuk do t'ju mungojnë... përmes përvojës do t'i konstatoni figurat dhe tak­tikat që më së shumti ju shërbejnë.

            Po e zëmë, si për shembull, keni vështirësi me ndokënd dhe do të dëshironit që të krijonit marrëd­hënie më të pajtueshme me atë person.

            Së pari vetveten bjereni në gjendje të thellë, të qetë dhe meditative, e, mandej, paramendoni se si ju dhe ai person reciprokisht komunikoni në mënyrë të hapur, me respekt dhe në harmoni. Tentoni që vetes t'ia rrënjosni ndjenjën e mundshme të pasqyrës shqisore; përjetojeni atë sikurse po ndodh.

            Përsëriteni shpesh këtë ushtrim të thjeshtë e të shkurtër, dy a tri herë në ditë, ose sa herë që ju duhet. Po qe se jeni të sinqertë ndaj dëshirës dhe qëllimit tuaj dhe po qe se do të jeni të gatshëm në ndërrime, së shpejti do të vëreni se marrëdhëniet do të jenë të qëndrueshme, të lehta dhe të përzemërta. Gjithashtu, edhe personi tjetër do t'ju bëhet më i dashur dhe se me të më lehtë do të komunikoni. Në fund do të vërtetoni se problemi do të zgjidhet plotë­sisht, në këtë a në atë mënyrë, me kënaqësi reci­proke.

            Duhet të theksojmë se kjo teknikë nuk mund të shfrytëzohet për "kontrollin" e sjelljes së të tjerëve, ose t'i detyroni të tjerët të veprojnë kundër dëshirës suaj. Efekti i tillë aplikohet për të mënjanuar penge­sat tona të brendshme të vetëdijes dhe të harmonisë së natyrshme, duke u lejuar të gjithëve që të shpre­hen në mënyrë më pozitive.

            Për të shfrytëzuar parafytyrimin kreativ nuk është e nevojshme të besoni në idetë metafizike dhe spirituale, edhe pse duhet të jeni të përgatitur për të pranuar koncepte të caktuara si të mundshme. Nuk është i nevojshëm "besimi" në cilëndo forcë jashtë vetes suaj.

            Pikërisht është e domosdoshme që dëshirat tuaja t'i pasuroni me dije dhe me përvojën tuaj, si dhe të mos ngurroni për të tentuar në diçka të re në kuptimin pozitiv,

            Mësojini parimet; përsosini metodat pa paragjykime; pastaj vlerësojini vetë se a thua ju janë të dobishme?!

            Po qe se janë, vazhdoni t'i aplikoni dhe t'i zhvil­loni, së shpejti ndërrimet në ju dhe në jetën tuaj do t'i kapërcejnë tërë ato që në fillim keni mundur t'i paramendoni...

            Parafytyrimi kreativ është magji në kuptimin më të lartë të këtyre fjalëve. Ajo përfshin të kup­tuarit dhe pajtueshmërinë me parimet natyrore të cilat e drejtojnë funksionimin e universit tonë, si dhe mësimin se si ato parime të shfrytëzohen në mënyrë sa më të vetëdijshme dhe më kreative.

            Se asnjëherë nuk keni parë lule të bukur a perëndim magjik të diellit, e ndokush këto ju ka përshkruar, do të mendoni se kjo është mrekulli (që në të vërtetë edhe ashtu është). Por, kur diç të tillë edhe keni parë dhe përjetuar, filloni të kuptoni se si ato fenomene ekzistojnë; çdo gjë ju duket e natyr­shme dhe asgjë e çuditshme.

            Po kështu vlen edhe për proceset e parafytyrim­it kreativ. Ajo që në fillim mund të na duket e pamundshme dhe e zhytur për mendjen tonë racionale, mbetet plotësisht e kuptueshme kur fillojmë t'i mësojmë dhe t'i ushtrojmë parimet themelore.

            Kur këtë e realizoni, do t'ju duket se po krijoni mrekulli në jetën tuaj... e këtë në të vërtetë ju po e bëni.

            Si vepron parafytyrimi kreativ?

            Për të kuptuar se si vepron parafytyrimi kreativ, duhet shikuar disa parime reciprokisht të lidhura.

            Universi fizik është energji

            Bota shkencore është duke zbuluar atë që mësuesit e metafizikës dhe të shkencave shpirtërore e kanë ditur me shekuj. Universi ynë fizik në të vërtetë nuk ekziston nga "materia"; komponenta e saj themelore është ndonjë fuqi a esencë (qenësi), të cilën mund ta quajmë energji.

            Sendet duhet të jenë të forta dhe të ndara nga njëra-tjetra në nivelin në të cilin shqisat tona fizike normalisht veprojnë. Mirëpo, në nivele të imta, atomike dhe ndëratomike, shihet se në të parë materia është e fortë dhe e përbërë nga të gjitha ato grimca dhe thermi në kuadër të grimcave, për të cilat në fund do të konstatohet se janë energji e pastër.

            Fizikisht ne jemi vetëm energji dhe të gjitha në ne (dhe rreth nesh) janë përbërë nga energjia. Të gjithë ne jemi pjesë e një fushe të madhe energjike. Sendet që i vrojtojmë si të forta dhe të ndara, në brendi janë forma të ndryshme të energjisë sonë themelore, e që për të gjithë ne është e përbashkët. Ne të gjithë jemi një, ashtu edhe në kuptimin buk­val fizik.

            Energjia vibron në shkallëzime të Llojllojshme të shpejtësisë dhe ashtu përfiton cilësi të ndryshueshme, nga e imta deri te dendësia. Kuptimi është relativisht i zgjedhur, i formës së lehtë të energjisë dhe për këtë mjaft lehtë dhe shpejt ndër­rohet. Materia relativisht është e dendur, energjia e formës kompakte; për këtë shkak me ngadalësi largohet dhe ndërrohet. Edhe në materie ekzistojnë vibracione të mëdha. Indi i gjallë relativisht është i imët dhe shpejt ndërrohet dhe në te mjaft lehtë ndikojnë shumë sende. Shkëmbi është i formës së dendur, më ngadalë ndërrohet, pra edhe më rëndë ndikojnë në te. Ndërkaq, edhe në shkëmb ndikon dhe ndërrohet uji i hollë dhe i lehtë i energjisë, si për shembull, të gjitha format e energjisë janë të varura ndër vete dhe mund të veprojnë në njëra-­tjetrën.

            Energjia ka veti magnetike

            Një ndër ligjet e energjisë është edhe energjia e cilësisë së caktuar, apo vibracioni tërheq energjinë e cilësisë përkatëse a të vibracionit.

            Mendimi dhe ndjesia kanë energjia vetjake magnetike, e cila tërheq energjinë përkatëse të natyrshme. Mund të shikojmë se si ky parim vepron kur, për shembull, "rastësisht" ta takojmë ndokënd të cilin mu në atë moment e kemi paramenduar, ose "rastësisht" të marrim në dorë mu atë libër i cili i ka të dhënat që në atë moment na janë të nevojshme.

            Forma përcjell idenë

            Mendimi është i shpejtë, i lehtë, i formës mobile të energjisë. Për ndryshim nga format e dendura, siç është materia, paraqitet në moment.

            Kur diçka krijojmë, paraprakisht atë e krijojmë në formë mendimi. Mendimi a ideja gjithnjë i para­prin realizimit . "Mendoj të përgatis darkën", është ideja ajo që i paraprin përgatitjes së racionit. "Dëshiroj fustan të ri'", do t'i prijë shkuarjes për të blerë fustan të ri. "Më është e nevojshme puna", do t'i prijë gjetjes së punës.

            Artisti së pari e ka idenë e frymëzimit, pastaj e krijon figurën. Ndërtimtari së pari e bënë projektin, pastaj me të e ndërton shtëpinë.

            Ideja është si plani themelor: e krijon figurën e formës, e cila pastaj magnetizohet dhe energjinë fizike e orienton për t'u hedhur në atë formë e që në fund manifestohet me energji të barabartë.

            I njëjti parim është i saktë bile edhe atëherë kur nuk e marrim drejtpërdrejt veprimin fizik për t'i realizuar idetë tona. Thjesht, idenë a mendimin që e mbajmë në vete është energji që tenton të tërheqë e të krijojë këtë formë në materialin e njëjtë. Po qe se gjithnjë mendoni në sëmundje, ju do të sëmureni; nëse beson se je i bukur, do të mbetesh i bukur.

            Ligji i ndriçimit dhe i tërheqjes

            Ky parim është parim që do t'ju kthejë tërë atë që e emitoni në univers ("Çka mbjell, korr").

            Nga aspekti praktik, kjo do të thotë se ne gjith­një në jetën tonë e tërheqim atë që më së shumti e paramendojmë, atë që më së shumti e besojmë, që presim ose më qartë atë që e paramendojmë.

            Kur jeni të frikësuar, të pasigurt dhe të shqetë­suar (të indisponuar), do të tërhiqni mu ato përvoja, situata apo ata njerëz që do të donit t'u shmangeshit. Po qe se jeni pozitivisht të disponuar, duke pritur dhe duke paramenduar kënaqësi, lum­turi dhe fat, do t'i tërhiqni njerëzit, situatat dhe ngjarjet që u përgjigjen pritjeve tuaja pozitive. Sa më tepër energji pozitive që jepni, aq më tepër energji do të fitoni.

            Përgatitja e parafytyrimit kreativ

            Procesi i ndërrimeve nuk paraqitet në nivele sipërfaqësore, por në paramendime pozitive". Ky kërkon hulumtime, zbulime dhe ndërrime të qën­drimeve tona më të thella dhe më themelore ndaj jetës. Kjo është arsyeja e mësimit se si duhet shfry­tëzuar parafytyrimin kreativ për të mbetur procesi i thellë dhe përmbajtjesor i zhvillimit. Në këtë proces shpesh zbulojmë mënyrat që në vetvete i kemi pen­guar dhe i kemi pamundësuar për të arritur kënaqësi dhe përmbajtësi në jetë, e gjithë kjo për shkak të frikësimeve dhe koncepteve tona negative. Kur njihen këto qëndrime të kufizuara, ato mund të mënjanohen me procesin e parafytyrimit kreativ, duke i liruar hapësirë gjendjes së natyrës sonë të lumtur, duke përmbushur edhe dashuri...

            Në fillim parafytyrimin mund ta ushtrojmë në kohën e caktuar dhe me qëllim të përcaktuar. Se si do të krijoni shprehi për ta aplikuar dhe për të filluar të besoni në rezultatet e mundshme, do të kon­statoni se ajo do të bëhet pjesë juaja e paramendim­it. Ekziston vetëdije e përhershme, gjendje e zgjuar, për të cilën gjë do të jeni të vetëdijshëm se jeni kreator i përhershëm i jetës suaj personale.

            Kjo është pika përfundimtare e parafytyrimit kreativ - që çdo moment të jetës sonë e bëjmë moment krijues çudibërës, ku ne natyrisht vetëm e zgjedhim jetën më të mirë, më të suksesshme dhe më të bukur paramenduese.

            Vazhdon...

       (2)      (3)      (4)