Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Shakti GAWAIN 

PARAFYTYRIMI KREATIV (3)      

         Mos u frikësoni, por fuqia e parafytyrimit mund të përdoret në qëllime të këqija. Parafytyrimi kreativ është mënyrë e zhbllokimit a e zhdukjes së pengesave, të cilat në raport me natyrën e pajtueshme, të pasur dhe mirëbërës të rrjedhës së universit, vetë i kemi krijuar. Ai është efektiv e real vetëm kur aplikohet në pajtim me qëllimet dhe paramendimet tona më të larta për të mirat më të larta të njerëzimit.

            Katër hapa themelorë për parafytyrim efektiv kreativ

            1. Parashtrojani vetes

            Vendosni për diçka që do të dëshironit të keni, që synoni të realizoni a të krijoni. Mund të jetë: puna, shtëpia, kontaktet ndëmjerëzore, ndërrimi në vete, standardi më i mirë i jetesës, gjendja e mirë psikike, shëndeti i mirë, bukuria ose forma më e mirë fizike, etj.

            Në fillim zgjedhini qëllimet për të cilat besoni ose ndjeni se do të mund t'i realizoni në një të ardhme të afërt. Në këtë mënyrë nuk do të duhej të kacafyteshit me aq mund të madh me vetveten, ju mund ta shtoni ndjesinë e suksesit se si po përparoni me parafytyrimin kreativ. Më vonë, kur përfi­toni përvoja të shumta, mund të pranoni probleme më të rënda dhe më provokuese.

            2 Krijojeni idenë a figurën e qartë!

            Krijojeni idenë a figurën e qartë mentale të lëndës a të situatës mu ashtu siç do të donit ta real­izonit. Duhet të mendoni në kohën e tashme sikurse ekzistojnë pikërisht ashtu siç dëshironi të jenë. Paramendojeni veten në atë situatë çfarë e dëshiron tash. Përfshini sa më shumë detaje të mundshme!

            Mund të kërkoni dhe të krijoni figurën e vërtetë, gjithashtu në përpilimin e kartelës për gjetjen e thesarit të fshehur (detajisht janë përshkruar tekstin e mëtejmë).

            Ky proces plotësues nuk është i domosdoshëm, por shumë herë na ndihmon (na ofron edhe kënaqësi).

            3. Paramendoni shpesh!

            Shpeshherë paramendoni për idenë a për pasqyrën tuaj shqisore (edhe në periudhat e meditimit të lehtë) edhe gjatë ditës kur rastësisht ju bie ndër mend. Kështu ajo mbetet pjesë integrale e jetës suaj, ju mbetet reale dhe paramendojeni sa më me sukses.

            Koncentrohuni qartë në te, po ashtu në mënyrë të lehtë e të butë. Është e qenësishme që të mos ndjeni se ia synoni fortësinë ose angazhoni shumë energji - kjo më parë do të ishte pengesë sesa ndihme.

            4. Jepini energji pozitive!

            Si të koncentroheni në qëllimin tuaj? Këtë ta bëni në një mënyrë të guximshme dhe pozitive. Jepini vetes deklarime pozitive: se qëllimi juaja ekziston, se e keni krijuar ose që tani e realizoni. Këto deklarime pozitive quhen "afirmime". Derisa i shfrytëzoni afirmimet, tentoni që përkohësisht të mënjanoni dyshimin a mosbesimin që ndoshta e keni, bile përkohësisht, si dhe ushtroni që të keni ndjesi për atë që dëshironi ta keni të mundshme dhe reale.

            Vazhdoni të shfrytëzoni këtë proces derisa ta arrini qëllimin, ose derisa nuk do ta humbni vull­netin për ta arritur. Kini parasysh se qëllimi shpesh­herë ndërrohet edhe para se të realizohet, që është plotësisht e natyrshme te ndërrimet e procesit njerë­zor dhe e pjekurisë së tij. Prandaj, nuk duhet tentu­ar të vazhdoni më tepër sesa keni energji, nëse e humbni interesin; kjo do të thoshte se koha është për pikëpamje në qëllim të ri.

            Po qe se konstatoni se e keni ndërruar qëllimin, pranojeni këtë në vetvete. Sqarojani vetes që të mos koncentroheni në qëllimin e mëparshëm. Parandalojeni ciklin për qëllim të vjetër, ndërsa fil­loni ciklin për qëllim të ri. Kjo do t'ju ndihmojë që t'i shmangeni ndjesisë së konfuzionit a ndjesisë së "mossuksesit", sepse në të vërtetë vetëm i kemi zëvendësuar qëllimet.

            Kur ta arrini qëllimin, të vetëdijshëm, pranoni se veprimi    përfunduar.

            Shpesh ia arrijmë  qëllimeve që i kemi dëshiruar dhe parafytyruar e të harrojmë të vërejmë  se kemi pasur sukses. Falënderojeni veten dhe, gjithsesi, falënderojeni universin për plotësimin e kërkesave tuaja.

            Parafytyrimi kreativ punon vetëm për te mirë

            Mos u frikësoni, por fuqia e parafytyrimit mund të përdoret në qëllime të këqija. Parafytyrimi kreativ është mënyrë e zhbllokimit a e zhdukjes së pengesave, të cilat në raport me natyrën e pajtueshme, të pasur dhe mirëbërës të rrjedhës së universit, vetë i kemi krijuar. Ai është efektiv e real vetëm kur aplikohet në pajtim me qëllimet dhe paramendimet tona më të larta për të mirat më të larta të njerëzimit.

            Po qe se ndokush këtë mjet të fuqishëm tenton ta aplikojë për qëllime të dëmshme e destruktive egoiste, ai do të tregojë mosdije të ligjit të karmës. Ky është parimi i njëjtë themelor sikurse te ligji radiacionit dhe i tërheqshmërisë (Çka mbjell, korr"). Gjithçka që tentoni t'ia krijoni tjetrit, do t'ju kthehet juve, përfshirë këtu edhe dashurinë, ndih­mën e shërimit, si dhe veprimet negative e destruk­tive. Kjo do të thotë se sa më shumë që ta aplikoni parafytyrimin kreativ me qëllime që t'i doni dhe t'u shërbeni të tjerëve, si dhe për qëllime tuaja të larta, ju në të vërtetë do të përjetoni më shumë dashuri, fat dhe suksese.

            Për të qenë të sigurt dhe të vetëdijshëm për atë që u tha, është mirë të shtoni strofën vijuese në çdo proces të parafytyrimit kreativ që do ta aplikoni:

            "Kjo a diçka tjetër më e mirë,

            tani realizohet për mua,

            për mënyrën plotësisht të pajtueshme dhe të kënaqshme,

            për të gjitha të mirat dhe për interesat e të gjithëve."

            Për shembull, nëse parafytyroni të keni për­parim në punë, mos e paramendoni shkarkimin e eprorit tuaj, porse paramendojani të mirën (pozitë a punë më të mirë), a të zgjidhni atë se si do të ndod­hë, ose të tentoni të vendosni se cila është mënyra më e mirë që kjo të zbatohet; thjesht, supozoni se gjërat do të zhvillohen në të mirë të të gjithëve, e t'i zgjidhë më tutje ato inteligjenca e universit.

             Afirmimet

            Afirmimet janë një ndër elementet më të rëndë­sishme të parafytyrimit kreativ. Afirmim do të thotë "përforcim". Afirmimi është i fortë, deklarim pozitiv se diçka veç është "ashtu". Kjo është mënyrë "e për­forcimit" të asaj që e paramendoni.

            Shumica prej nesh jemi të vetëdijshëm me fak­tin se po zhvillojmë "dialog" të pandërprerë në vetvete. Mendja jonë "bisedon" me vetveten, duke mbajtur koment të pandërprerë për jetën, për botën, për ndjenjat e për problemet tona, për njerëzit e tjerë, etj.

            Fjalët dhe idetë, që kalojnë nëpërmjet mendjes, janë mjaft të qenësishme. Në pjesën më të madhe të kohës, nuk jemi të vetëdijshëm për këtë lumë mendimesh, prandaj ajo që vetes i flasim në atë mënyrë është baza në të cilën ndërtojmë përvojën e realitetit tonë. Mentaliteti ynë komentues ndikon në ngjyrën e ndjenjave dhe vrojtimeve për atë se çka ngjan në jetën tonë, kjo mënyrë e të menduarit në fund tërheq dhe krijon tërë atë që na ndodh.

            Secili që e ka ushtruar meditimin e di se sa i vështirë mund të tregohet të qetësuarit a të "folurit e mendjes" së brendshme, për të rregulluar lidhjen me mendjen tonë intuite, të thellë e të mençur. Një ndër meditimet tradicionale në praktikë është të ushtruarit e thjeshtë i atij dialogu të brendshëm, mundësisht sa më objektiv.

            Kjo është përvojë mjaft e çmuar, sepse ju lejon të vetëdijesoheni ndaj mendimeve tuaja që zakonisht ju paraqiten. Shumë nga këto mendime janë si incizime magnetofonike që i përjetojmë gjatë tërë jetës. Ato paraqesin "programim" të vjetër që më parë i kemi përvetësuar dhe që ende ndikojnë në atë se ç'na ndodh sot.

            Përdorimi i afirmimit na lejon dhe na bën të mundur fillimin e zëvendësimit dhe të disa bisedave të brendshme të vjetruara, të harxhuara dhe nega­tive, me ide dhe koncepcione pozitive. Kjo është teknikë e fuqishme, teknikë që është në gjendje që për një kohë mjaft të shkurtër plotësisht t'i transfor­mojë qëndrimet dhe prirjet tona për jetën, e me këtë plotësisht të na i ndryshojë ato që i krijojmë për vete.

            Afirmimet mund të aplikohen duke i menduar, duke i folur zëshëm, si dhe duke i shkruar, bile edhe duke i kënduar. Aplikimi i vetëm dhjetë minutave në ditë të afirmimeve efikase mund t'u kundërvihet shprehive mentale të vjetruara. Natyrisht, sa më shumë që jeni të vetëdijshëm për atë që i flisni "vetvetes", si dhe sa më shumë që zgjedhni fjalë e koncepte pozitive e përmbajtjesore, me këtë vetes do krijoni realitetin pozitiv, Kjo mund të jetë mjaft
e përgjithësueshme ose mjaft konkrete. Ekzistojnë afirmime të panumërta; le t`i theksojmë disa sosh që t'jua nxisin mendjen:

            -Çdo ditë dhe në çdo moment po ndjehem gjithnjë e më mirë.

            -Çdo gjë e arrij me lehtësi dhe pa mund.

            -Unë jam person i jashtëzakonshëm, disponuar me dashuri.

            -Gjithë problemet më janë të zgjidhura.

            -Jeta po më zhvillohet me përsosmëri.

            -Kam gjithçka a të nevojshme për të gëzuar të tashmen.

            -Unë jam zotërues i jetës sime.

            -Gjithçka që më është e nevojshme është në brendinë time.

            -Mësimi i përsosur më është në zemër.

            -Jam i tërësishëm dhe i përsosur në vete.

            -E dua dhe e çmoj veten të tillë çfarë jam.

            -I pranoj gjithë ndjenjat e mia si pjesë të miat.

            -Dua të dashuroj dhe të jam i dashuruar.

            -Sa më shumë që e dua veten, aq më shumë kam dashuri për të tjerët.

            -Tashmë lirisht shfaq dhe pranoj dashuri.

            -Tashmë në jetën time tërheq raporte fatlume, kënaqësi e dashuri.

            -Raportet e mia me... gjithnjë e më shpesh po bëhen të lumtura.

            -Tash kam punë të përsosur, të kënaqshme dhe të paguar mirë.

            -E dua punën time dhe për këtë shpërblehem në mënyrë të pasur, kreative e financiare.

            -Jam kanal i hapur i energjisë.

            -Jam i vetëshprehur dinamik.

            -Gjithnjë komunikoj qartë dhe në mënyrë efek­tive.

            -Tash kam mjaft kohë, energji; dituri dhe para për 'i realizuar dëshirat e mija.

            -Përherë me kohë të duuhur jam në vendin e duhur dhe i angazhuar me sukses në veprimtarinë e drejtë.

            -Plotësisht është e drejtë që ti kem tërë ato që i dëshiroj.

            -Universi është i pasur dhe në të ka mjaft për të gjithë ne.

            -Pasuria është gjendje e natyrshme e imja, që tash e pranoj.

            -Pasuritë e pafundme tash po bëhen pjesë e jetës sime.

            -Për çdo ditë gjithnjë e më shumë po pasuro­hem.

            -Sa më shumë që u jap të tjerëve, aq më shumë marr, e për këtë po ndjehem gjithnjë e më i lumtur.

            -Është e drejtë ta kaloj kohën mirë, ashtu edhe veproj.

            -Jam i qetë dhe i drejtpeshuar. Kam mjaft kohë për të gjitha.

            -Jam i gëzuar për gjithë atë që e punoj

            -Ndjehem i kënaqshëm pikërisht se jam gjallë.

            -Jashtëzakonisht jam i shëndoshë dhe shndrisngaa bukuria.

            -Jam i gatshëm të pranoj gjithë mirëqenjet e këtij universi të pasur.

             -........................ (plotësojeni yetë) më vjen lehtë dhe pa mundim.

            -Kam punë të jashtëzakonshme me pagë shumë të kënaqshme.

            -Në mënyrë të jashtëzakonshme kryej shërbime të jashtëzakonshme.

            -Ndriçimi i pafund i brendisë sime tani më jep rezultate të përsosura në çdo fazë të jetës sime.

            -Që tash dhe këtu ndriçimi i brendisë sime kri­jon mrekulli në jetën time.

            -Falënderoj për përsëritjet e përsosura në mendime, në trup, në çështje financiare dhe në marrëdhëniet e mia.

            -Gjithnjë ajo që ekziston, tani vepron për mirëqenie të jetës sime.

            -Tani jam në pajtim me planet e mëdha të jetës sime.

            -Tani e marr, e pranoj dhe e respektoj planin e madh të jetës sime, siç po më zbulohet hap pas hapi.

            -Tash i jam mirënjohës jetës sime me plot shën­det, pasuri, lumturi e vetëshprehje të përsosur.

            Vazhdon...

(1)       (2)                   (4)