Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Hydajet BYTYÇI

RIBERTHINGU (2)

Teknikë terapeutike e rregullimit të frymimit dhe e çlirimit nga tendosja

          Edhe pse mënyra e vetme që të orientohen e të ndryshohen këto klishe të mendimit negativ, në radhë të parë është aplikimi i afirmacionit. Vetëm përmes përdorimit konstant të afirmacionit do të krijojmë përshtypjen në mendje, duke shlyer programet e vjetruara dhe do të krijojnë rezultate e dëshiruara afatgjata.

            Cili është qëllimi i frymimit të mirëfilltë?

            Qëllimi i frymimit të lidhur, i një frymimi të mirëfilltë sipas rregullave të riberthingut, është i thjeshtë: RELAKSIMI I PLOTË.

            Pas pesë apo dhjetë minutash me frymëmarrje të lidhur, ku klienti mësohet me ciklin kontinual dhe të pandërprerë të frymimit, energjia jetësore, të cilën joginët e quajnë prana, fillon të rrjedhë nëpër trupin e tij. Sakaq, pas kësaj trupin e përshkon një energji e veçantë jetësore, të cilin lehtësisht edhe mund ta ndiejmë që në seancën e parë, energji e cila manifestohet në formë lëvizjeje e xigëlimi nëpër trup, intensiteti i së cilës rritet gjithnjë e më shumë gjatë seancës, derisa përfundimisht nuk e kaplon gjithë trupin. Kjo ndodh si të thuash si kur një puhi e lehtë ta ledhaton trupin, apo në stilin “diçka po më lëviz nëpër trup”. Këto sensacione rëndom fillojnë nëpër shuplaka, shputa, abdomen, e ngandonjëherë nëpër kokë, derisa përfundimisht nuk e përfshijnë gjithë trupin. Kështu energjia arrin kulmin dhe pas një kohe të caktuar fillon të bie natyrshëm, duke u kompletuar kështu ajo që udhëheqësit e riberthingut e quajnë cikli energjetik. Seanca përgjithësisht zgjat në mes një dhe dy orë.

            Ç’ndodh gjatë ciklit energjetik?

            Ajo më e rëndësishmja që ndodh gjatë ciklit energjetik, është shkatërrimi i tendosjes si dhe i negativitetit të akumuluar në organizëm.

            Në këtë proces, të ashtuquajturat “hedhurina psikologjike” hidhen përjashta, pa pasur nevojë që personi ta kuptojë apo ta analizojë atë që del apo si del. Çdo dridhërimë e veçantë është një mendim  negativ i cili rrënohet shpirtërisht dhe, siç thotë Leonard Or, vetëm në një seancë, me fuqinë e frymimit, mund të shlyhen në mënyrë të qëndrueshme efektet e mijëra mendimeve negative. Pra, thjesht, bëhet pastrimi i trupit fizik, ashtu që energjia jetësore të mund lirisht të qarkullojë nëpër të, gjë që është edhe synimi i saj.

            Unë kam parë, thotë Or në një intervistë, se gjithë simptomat deri tash të njohura për njeriun, duke përfshirë këtu edhe kancerin, diabetin, madje edhe dhembjen e dhëmbit, pastrohen dhe zhduken me ndihmën e aplikimit të frymimit të lidhur, respektivisht Riberthingut. Frymimi sjell relaksimin, i cili përcillet me qarkullimin më të mirë të energjisë jetësore, e cila përfundimisht është forcë natyrore e pastrimit dhe shërimit.

            Përvojat negative nga e kaluara!

            Gjatë seancave të riberthingut mund të ndodhë që të shfaqen edhe përvoja negative nga e kaluara.

            Në këto raste, klienti gjen mbështetje tek udhëheqësi i riberthingut, i cili do ta udhëzojë klientin: “Në rregull është, këto janë vetëm kujtimet e së kaluarës, lejoja vetes t’i vëresh dhe lëri të shkojnë”. Qëllimi është që të mbetesh në harmoni me frymëmarrjen dhe të mos humbasësh në valët e emocioneve. Kur klienti relaksohet duke kaluar nëpër “dhembje”, dhembja demolohet duke u shndërruar në relaksim edhe më të thellë dhe në përjetim dhe më të fuqishëm.

            Frika të cilën njerëzit e përjetojnë duke kaluar nëpër këtë proces terapeutik relaksonjës, buron nga dëshira e tyre e ndërdijshme që t’i pastrojnë mendimet e tyre negative, të cilat ua bëjnë jetën mizore.

            Klishetë e mendimit negativ  

            Sipas Or-it, shpeshherë ndodh që njerëzit jetët e tyre t’i themelojnë mbi bazën e mendimeve negative të cilat i marrim herët në jetë, ndoshta gjatë lindjes, si për shembull: “mua s’më do kush”, “jeta është plot dhembje”, “unë jam i dobët dhe pa përkrahje”, “unë jam i shëmtuar”, “askush nuk më do” etj. Mbi këto mendime dominante, vihen pavetëdijshëm themelet e jetëve tona, në bazë të së cilave ndërtojmë konceptet themelore mbi Universin, dhe tash krijojmë ngjarje dhe rrethana të atilla, të cilat janë në harmoni me natyrën e atij mendimi. Nën mijëra e mijëra mendime sipërfaqësore, sjelljesh kompensimi dhe adaptim të tyre në botën e jashtme, ligjet negative e mbajnë përherë atë person në tendosje konstante.

            Madje, edhe po qe se i zëvendësojmë ato dhe i përvetësojmë parimet e të menduarit pozitiv, një pjesë e madhe e materialit të mëhershëm mbetet në ne i ndrydhur dhe i pazgjidhur. “Edhe pse është e saktë se tëra mendimet janë negative, njësoj është e saktë se mendimet e ndrydhura nga ndërdija mund t’i devijojnë mendimet tona të vetëdijshme. Ky është kurth i madh i të menduarit pozitiv dhe aplikim i afirmimit për ndrydhjen e negativitetit. Për këtë shkak ne duhet ta kemi guximin që të arrijmë deri tek këto, t’i vështrojmë dhe të lirohemi nga negativitetet e grumbulluara, që afirmacionet të cilat më vonë i përdorim, të jenë vërtet efektive.”

            Edhe pse mënyra e vetme që të orientohen e të ndryshohen këto klishe të mendimit negativ, në radhë të parë është aplikimi i afirmacionit. Vetëm përmes përdorimit konstant të afirmacionit do të krijojmë përshtypjen në mendje, duke shlyer programet e vjetruara dhe do të krijojnë rezultate e dëshiruara afatgjata. “Edhe pse, deklaron Or, në një fazë të jetë sime individuale e kam kuptuar se duke përdorur mendjen mund të krijoj lloj të Universit që dëshiroj, thjesht me ndërrimin e programeve personale. Kam vendosur ta krijoj ligjin personal, i cili do të më jep maksimumin e lirisë. E kam programuar lidhjen me Inteligjencën e pafund, përmes së cilës pranoj nivel optimal të diturisë, të lirisë dhe lumturisë. Qëllimi im ishte të mendoj mbi lidhjen time me inteligjencën e pafundme në intervalin midis çdo mendimi që më është lajmëruar, ngjashëm me përdorimin e mandrës, dhe unë jam koncentruar në atë afirmacion me vite, gjithnjë derisa nuk është bërë ligj imi personal.”  

            Burimet tjera të modeleve negative të mendimit

            Sipas themeluesit të Riberthingut, L. Or, pos traumave të lindjes të cilat, që me lindje, mund të shkaktojnë modelet negative të të menduarit, një shkaktar tjetër i modeleve negative të mendimit është edhe “sindromi prindëror i gjykimit”, siç e quan ai.

            Ç’ është sindromi prindëror i gjykimit?

            Ky është sindrom që zhvillohet si rezultat i gjykimeve prindërore, të cilat mbase ata i kanë pranuar nga prindërit e tyre, si dhe i prirjeve të tyre që fëmijët e vet t’i ngritin në të njëjtën mënyrë si ata vetë, domethënë në mënyrën e vet. Ky sindrom mund të jetë shkaku kryesor i programimit negativ.

            Ne të gjithë, thotë Or, dalim nga barku i nënës si krijesa të përsosura, por nga vetë fillimi prindërit fillojnë të na gjykojnë dhe të na gjymtojnë. Mënyra e vetme që fëmijët të jenë të barabartë me prindërit është që të vijojnë të bëjnë atë me të cilën ata nuk pajtohen, gjë që vetëm sjell deri te mospajtimi edhe më i thellë. Më së shpeshti ne e lëshojmë këtë lojë, në të cilën gjithsesi humbim në fund, heqim dorë nga natyra jonë e përsosur dhe vendosim t’i dëgjojmë institucionet. Shumica e njerëzve vazhdojnë t’i pasojnë instruksionet e të tjerëve deri në fund të jetës së vet.

            Zëvendësimi për prindërit

            Kur dashurohemi, ne shpesh ndërdijshëm shpresojmë se kemi gjetur zëvendësimin për prindërit. Jemi rritur të mësuar në gjykimin e caktuar prindëror, për ç’arsye, ndërdijshëm, tërheqim ata partnerë të cilët na e sigurojnë dozën e pritur të dënimit. Kur ne bëjmë fëmijë, ne ende posedojmë armiqësinë e pazgjidhur ndaj prindërve tanë dhe, natyrisht, ne bazohemi me ta në atë mënyrë që armiqësinë e pazgjidhur e zbrazim mbi fëmijët tanë. Baza e përgjithshme e këtij skenari të shëmtuar është dënimi fillestar të cilin ne e kemi përjetuar.

            Ua falni prindërve tuaj, falja shëron

            Nëse ua falim prindërve tanë dhe i injorojmë rrethanat e lindjes sonë, si dhe nëse çmojmë përsosmërinë tonë të vërtetë, mund të ndikojmë në shërimin e sindromit prindëror të dënimit.

            Afirmacionet të cilat Or i preferon të përsëriten janë: “Nëna ime, babai, familja dhe miqtë janë të gjithë të kënaqur që unë kam lindur”, “prindërit e mi më duan dhe më çmojnë”, “nuk po ndjehem më i padëshirueshëm, universi po gëzohet për shkak të pranisë sime në të”.

            Përfundimisht ne duhet të kuptojmë se nuk ka asgjë që na është dhënë nëpërmjet rrethanave reale ekzistuese në familje e çfarë nuk ka qenë çështje e zgjedhjes sonë personale.

            Riberthingu krijon njeriun e relaksuar dhe të liruar nga nevoja për luftë

            Pra, si rezultati përfundimtar i riberthingut dhe i të gjitha metodave tjera bashkëkohore të vetëdijesimit duhet të jetë formimi i njeriut të liruar nga tendosja dhe nga nevoja për luftë. Prandaj, synimi themelor i riberthingut thjesht është sjellja sa më e plotë e njeriut në harmoni me vetveten. Kurse njeriu që është në harmoni me vetveten, siç është fakt i njohur, është në harmoni me prindërit e vet, me familjen e vet, me fqinjët, shoqërinë dhe Universin. Pra, synimi themelor i riberthingut është krijimi i njeriut të shëndoshë.

            E sipas Leonard Orit, personi plotësisht i shëndoshë është i liruar nga tendosja e cila grumbullohet gjatë jetës. Atij i mbetet si detyrë të merret me tendosjen e përditshme, kur ajo lajmërohet. Përpos posedimit të trupit të shëndoshë dhe të relaksuar, personi i tillë posedon energji më të madhe fizike dhe ka nevojë më të vogël për të fjetur. Meqë energjia e cila më parë është shfrytëzuar për ndrydhjen e informacioneve nga e kaluara tash është në dispozicion për gjëra tjera; personi i tillë bëhet më i bukur, duket më i ri dhe shumë më i relaksuar. I çliruar nga tendosja, ai jeton në kohën e tashme, me komunikim dukshëm më të përmirësuar dhe ajo çfarë njerëzit i flasin, më nuk filtrohet nëpër membranat e pancirit të krijuar gjatë jetës, nuk mbrohet më prej tyre dhe i liruar është nga shumë strategji të gabuara komunikimi.

            Vazhdon... 

(1)            (3)