Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Neale Donald WALSCH

Shqipëruar nga: Hasan HAMËZBALA

Kapitulli i tretë

BISEDAT ME ZOTIN (1)

* një dialog i pazakonshëm *

Mendimi është energji e pastër. Çdo mendim që ke, të cilin ndonjëherë e ke pasur e të cilin ndonjëherë do ta kesh është kreativ. Energjia e mendimeve tuaja kurrë nuk ndalon. Kurrë. Ajo i lë qeniet tuaja dhe kokat dhe shkon në gjithësi, duke u vazhduar përgjithmonë. Mendimi është përgjithmonë.

Por unë nuk kam zgjedhur që të më godet kamioni! Unë nuk kam zgjedhur që të më sulmojë plaçkitësi apo të më dhunojë maniaku. Njerëzit kështu mund të thonë. Ka njerëz në botë që këtë e thonë.

Krejt ju në rrënjë jeni shkaktarë për kushtet që ekzistojnë e të cilat shkaktojnë në plaçkitësin dëshirën apo nevojën për të vjedhur. Krejt ju e keni krijuar vetëdijen e cila dhunimin e bën të mundshëm. Atëherë kur ju në vetvete e shihni atë që e ka shkaktuar krimin, ia filloni, më në fund, t’i shëroni konditat nga të cilat ka buruar ai.

Ushqejini të uriturit tuaj, jepuni dinjitet skamnorëve tuaj. Afrojuni shansin atyre midis jush të cilët kanë pasur më pak fat. Ndërprisni paragjykimet ndaj masave të cilat mbahen në nënçmim e hidhërim, me pak gjasa për të nesërmen më të mirë. Hidhni ndalesat tuaja absurde dhe kufizimet që i janë imponuar energjisë seksuale – në vend të kësaj ndihmojuni të tjerëve që vërtet ta njohin mrekullibërjen e asaj energjie dhe ta orientojnë drejt. Bëjeni këtë dhe do të bëni hap të madh kundrejt çrrënjosjes së plaçkitjes dhe të dhunimit për të gjitha kohët.

Kurse sa u përket të ashtuquajturave “raste fatkëqija” – kamioni i cili vjen nga përtej bërrylit, tulla e cila bie nga lartësitë – mësohu që çdo fatkeqësi të tillë ta shikosh si pjesë të vogël të mozaikut më të madh. Ke ardhur këndej që ta bësh planin personal për shpëtimin vetanak. Por, shpëtimi nuk do të thotë shpëtim i vetvetes nga kurthet e djallit. Realisht nuk ekziston diçka e tillë siç përfytyrimet tuaja mbi djallin, e as që ekziston ferri. Ti vetveten e shpëton nga harresa e mos-realizimit.

Në këtë betejë nuk mund të humbasësh. Nuk mund të dështosh. Kjo fare nuk është luftë, por thjesht proces. Porse, nëse këtë nuk e di, do ta përjetosh atë si luftë të përhershme. Madje mund të besosh në luftë mjaft gjatë saqë rreth saj të ndërtosh një religjion të tërë. Ai religjion do të mësojë se lufta është kuptimi i çdo gjëje. Ai është mësim i gabuar. Nuk është lufta ajo që e bën procesin. Dorëzimi është ai me të cilën sigurohet fitorja.

Fatkeqësitë ndodhin shkaku se ndodhin. Elementet e caktuara të procesit jetësor bashkohen në mënyrën e caktuar dhe në kohën e caktuar me rezultate të caktuara – rezultate të cilat ju sipas zgjedhjes suaj i quani fatkëqija, nga arsyet tuaja të caktuara. Megjithatë, ato fare nuk duhet të jenë fatkëqija, duke pasur parasysh programin e shpirtit tuaj.

Dëgjo: Nuk ekziston rastësia dhe asgjë nuk ndodh “rastësisht”. Secilën ngjarje e ndodhi tek ti e ka ftuar Uni yt për të mundur të krijojë përvojë mbi atë se Kush në të Vërtetë Je. Të gjithë Mësuesit e vërtetë këtë e dinë. Për këtë arsye Mësuesit mistikë mbeten indiferentë kundrejt përvojave më të hidhura jetësore (siç ju kishit për t’i definuar).

Mësuesit e mëdhenj të religjionit tuaj kristian këtë e kuptojnë. Ata e dinë se Jezui nuk ka qenë i befasuar me kryqëzimin, por se e ka pritur. Ka mundur të shkojë, por nuk e ka bërë. Ka mundur ta ndërpresë procesin në çfarëdo momenti. E ka pasur atë fuqi. E nuk e ka ndërprerë. Ai ka lejuar që ta gozhdojnë për të mundur të jetë shpëtimi i amshuar i njeriut. Shikoni, ka thënë, se çfarë mund të bëjë. Shikoni ç’është e vërteta. Dhe dijeni se këtë dhe shumëçka tjetër edhe ju keni për ta bërë. Se, vallë a nuk ju kam thënë se ju jeni zotër? Por, ju nuk besoni. Nëse nuk mund të besoni në veten, besoni në mua.

E këtillë ka qenë bashkëndjesia e Isait saqë është lutur për mënyrën – dhe e ka krijuar atë – që të ndikojë në botë, ashtu që të gjithë të mund të vijnë në qiell (vetërealizimi) – nëse jo tjetër ndryshe, atëherë përmes tij. Sepse, ai e ka mundur mjerimin dhe vdekjen. Ashtu kishit mundur edhe ju.

Mësimi më i madh i Krishtit nuk ka qenë ai se do të keni jetë të përjetshme, por se e keni; jo se do të keni vëllazëri në Zotin, por se e keni; jo se do të keni krejt çfarë kërkoni, por se atë e keni.

Krejt çfarë është e nevojshme është që këtë ta dini. Se, ju jeni krijues të realitetit tuaj, dhe jeta nuk mund t’ju shfaqet në asnjë mënyrë tjetër përveç asaj mënyre në të cilën mendoni se ka me u shfaqë.

Ju i jepni kuptim në ekzistencë. Ky është hapi i parë në krijim. Zoti Baba është i matur. Mendimi juaj është prindi i cili i lind të gjitha gjërat.

Ky është një nga ligjet të cilin duhet mbajtur mend.

Po.

A mund të m’i thuash të tjerët?

T’i kam thënë të tjerët. Të gjitha t’i kam thënë, që nga fillimi i kohës. T’i kam rrëfyer përsëri e përsëri. Ju kam dërguar mësues pas mësuesi. Ju nuk i dëgjoni mësuesit e mi. Ju i vrisni.

Po përse? Përse i vrasim më të shenjtit në mesin tonë? I vrasim ose i çnderojmë, që është e njëjta gjë. Përse?

Për atë se ata ngrihen kundër çdo mendimi tuajit me të cilin më mohoni Mua. E mund të më mohoni mua, nëse keni ndër mend ta mohoni vetë~Veten.

E përse unë do të doja të të mohoj Ty apo vetveten?

Sepse ke frikë. Dhe për atë se premtimet e mia janë së tepërmi të mira për të qenë të vërteta. Sepse ti nuk mund ta pranosh të vërtetën më të madhe. Dhe kështu duhet të katandisesh në shpirtëroren e cila ta mëson frikën, varësinë dhe jo~tolerancën, në vend se dashurinë dhe fuqinë e miratimin.

Ju jeni të mbushur frikë – kurse frika juaj më e madhja është ajo se premtimi Im më i madhi do të mund të ishte gënjeshtra më madhe jetësore. Dhe kështu e krijoni trillimin më të madh... Ju pohoni se çdo premtim i cili ju jep fuqi dhe ju garanton dashuri nga Zoti duhet të jetë premtim i rremë i djallit. Zoti kurrë nuk do të jepte premtim të tillë, i thoni vetes – ky do të mund të ishte vetëm demoni, për t’ju tunduar dhe për t’ju bërë ta mohonit vetinë e vërtetë të Zotit – të qenies mbi qeniet – i tmerrshëm, gjykues, xheloz, hakmarrës, qenie që ndëshkon.

Megjithëqë ky përshkrim më tepër u përgjigjet vetive të djallit (sikur ai të ekzistonte), ju vetitë djallëzore ia përshkruani Zotit dhe ashtu e bindni veten për të mos e pranuar Zotin – premtime të ngjashme Krijuesit tuaj apo Zotit – veti të ngjashme vetë~Vetes.

Kjo është fuqia e frikës.

Unë po provoj të çlirohem nga frika ime. A do vallë, përsëri, të më thuash diç më tepër mbi ligjet?

Ligji i parë është ai se mund të jesh, të bësh dhe të kesh krejt atë që mund ta mendosh. Ligji i dytë është ai se e tërheq atë gjë prej së cilës ke frikë.  

Pse është kështu?

Emocioni është forca që tërheqë. Atë prej së cilës më fort ke frikë, do ta provosh. Shtaza, të cilën e konsideroni trajtë më të ulët të jetës (megjithëqë shtazët sillen më ndershmërisht dhe konsekuent sesa njerëzit) reagon shumë më mirë ndaj njerëzve që e duan sesa ndaj atyre të cilët nuk e duan.

Kjo nuk është rastësisht. Në gjithësi nuk ka rastësi – vetëm plan të madh; një “fjollë bore” e pabesueshme.

Emocioni është energji në lëvizje. E kur e lëvizni energjinë, krijoni efekt. Nëse lëvizni energji të mjaftueshme, e fitoni materien. Secili Mësues e kupton këtë ligj. Kjo është alkimia e gjithësisë. Ky është sekreti i tërë jetës.

Mendimi është energji e pastër. Çdo mendim që ke, të cilin ndonjëherë e ke pasur e të cilin ndonjëherë do ta kesh është kreativ. Energjia e mendimeve tuaja kurrë nuk ndalon. Kurrë. Ajo i lë qeniet tuaja dhe kokat dhe shkon në gjithësi, duke u vazhduar përgjithmonë. Mendimi është përgjithmonë.

Të gjitha mendimet valëzojnë; të gjitha mendimet i takojnë mendimet tjerat duke u thurur në një labirint të pabesueshëm të energjisë, duke krijuar modelin e bukurisë së papërshkrueshme dhe të ndërlikueshmërisë së pabesueshme, i cili përherë ndryshon.

Energjia e ngjashme e tërheqë energjinë e ngjashme duke krijuar (thënë në mënyrë të thjeshtëzuar) “grumbullime” të energjisë të së njëjtit lloj. Kur të kryqëzohen mjaft “grumbullime” të ngjashme simotra, kur të ndeshen, ato “ngjiten” njëra për tjetrën (ta thjeshtojmë përsëri). E nevojshme është sasi pabesueshmërisht e madhe e energjisë së ngjashme ashtu “e ngjitur së bashku” për t’u krijuar materia. Por, materia do të krijohet prej energjisë së pastër. Në të vërtetë, kjo është e vetmja mënyrë në të cilën ajo mund të krijohet. Kur njëherë energjia bëhet materie, ajo mbetet materie për një kohë jashtëzakonisht të gjatë – përpos nëse konstruksionin e saj nuk e çrregullon ndonjë trajtë energjie e kundërt apo jo e njëjtë. Ajo energji jo e njëjtë e cila ndikon në materien, në të vërtetë e copëzon materien duke liruar energji të njomë prej së cilës ka qenë e përbërë.

Kjo është në vija themelore teoria e cila fshihet prapa bombës suaj atomike. Einstein më tepër se cilido njeri para apo pas tij i është ofruar zbulimit, sqarimit dhe veprimit të sekretit krijues të gjithësisë.

Tash, besoj, mund ta kuptosh më mirë sesi njerëzit e mendimit të njëjtë mund të punojnë bashkërisht për ta krijuar realitetin e dëshiruar. Thënia se “Kurdo që dy vetë apo më tepër bashkohen në emrin Tim” kështu bëhet shumë më e kuptueshme.

Natyrisht, kur shoqëri të tëra mendojnë në mënyrën e caktuar, shumë shpesh ndodhin gjëra të habitshme, prej të cilave të gjitha nuk janë domosdoshmërisht të dëshirueshme. Për shembull, shoqëria e cila jeton në frikë, shumë shpesh – në të vërtetë pashmangshëm – e krijon atë së cilës më së tepërmi i frikohet.

Ngjashëm me këtë, bashkësitë e mëdha apo kongregacionet shpeshherë zbulojnë fuqi çudibërëse në të menduarit e kombinuar (disa këtë e quajnë lutje të përbashkët).

Duhet të sqarohet ajo se madje edhe individët – po qe se mendimi i tyre (lutja, shpresa, dëshira, ëndrra, frika) është çuditërisht e fuqishme – munden në vete dhe për veten të prodhojnë rezultate të tilla. Jezui këtë rregullisht e ka bërë. Ai e ka kuptuar si përdoren energjia dhe materia, si transformohen ato, si ndahen, si mund të mbikëqyren. Shumë Mësues këtë e kanë ditur. Shumë këtë edhe sot e dinë.

Ju këtë mund ta dini. Pikërisht tash.

Kjo është njohja e së mirë dhe së keqes nga e cila janë nisur Adami dhe Eva. Derisa ata këtë nuk e kanë njohur, jeta nuk ka mundur të jetë siç ju e njihni. Adami dhe Eva – emra mitikë të cilët ju ua keni lënë për të shënuar Burrin e Parë dhe Gruan e Parë – kanë qenë Babai dhe Nëna e përvojës njerëzore.

Ajo që është përshkruar si rënia e Adamit, ka qenë në të vërtetë ngritja e tij – ngjarja më e madhe individuale në historinë e njerëzimit. Sepse pa këtë nuk do të ekzistonte bota e relativitetit. Akti i Adamit dhe Evës nuk ka qenë mëkat burimor, por në të vërtet urata e parë. Duhet që sinqerisht t’iu falënderoheni nga thellësitë e shpirtit, sepse me atë se kanë qenë të parët që kanë bërë “zgjedhje të gabuar”, Adami dhe Eva kanë krijuar mundësinë për çfarëdo zgjedhjeje.

Ju në mitologjinë tuaj Evën e keni bërë anën “e keqe” – grua tundonjëse e cila e ka kafshuar pemën e njohjes të së mirës e të së keqes dhe e cila thjeshtësisht e ka ftuar Adamin që t’i bashkohet. Ky trillim mitologjik jua ka mundësuar që prej atëherë e këndej, gruan ta karakterizoni si “shkatërrim” të mashkullit, gjë që ka prodhuar lloje të ndryshme realitetesh të shtrembëruara – e le të mos përmendim pikëpamjet e çoroditura seksuale dhe çrregullimin (si mund të ndjeheni aq mirë për diçka aq të keqe?).

Nëse do t’i frikësoheni asaj që për ju paraqet turp të madh, frika atë ka për ta tërhequr kah ju sikurse magneti. Të gjithë librat tuaj të shenjtë – të cilitdo besim fetar dhe tradite që keni krijuar – përmbajnë vërejtje të qartë: mos u frikësoni. A mendon vallë se kjo është rastësisht?

Ligjet janë shumë të thjeshta:

1. Mendimi është kreativ.

2. Frika e tërheqë energjinë e njëjtë.

3. Dashuria është çdo gjë që është.

            Vazhdon...

  (2)      (3)      (4)     (5)