Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (2)

Kapitulli i trembëdhjetë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Murgu xhain nuk mund ta prek një femër, në fakt femra nuk duhet t’i afrohet murgut xhain më tepër se tetë hapa. Murgu budist nuk guxon ta prekë femrën. Ka fe të cilat nuk lejojnë gratë të hyjnë në vendet e tyre fetare, apo ata kanë një pjesë të ndarë: mashkulli ka pjesën qendrore, gruaja ka një cep të vogël - por të ndarë. Burrat nuk mund t’i shohin ato, takim është i pamundur.

            Shumë religjione, si islami, kanë mbuluar fytyrat e grave të tyre. Fytyrat e grave të myslimanëve janë bërë të bardha, sepse ato kurrë nuk e shohin dritën e diellit. I gjithë trupi i tyre është i mbuluar; fytyra e tyre është e mbuluar. Në çdo mënyrë të mundshme… Gruaja nuk është e arsimuar, sepse arsimimi i jep njerëzve lloje të çuditshme të të menduarit. Njerëzit fillojnë të mendojnë, njerëzit fillojnë të argumentojnë.

            Femrës nuk iu lejua të ketë asnjë karrierë të paguar – sepse kjo nënkupton pavarësi. Kështu që ajo është e shkëputur nga çdo vend dhe kënd i sigurt: dhe vetëm për këtë arsye të thjesht që ju të jeni të sigurt se djali juaj me të vërtetë është djali juaj. Ata që ishin me të vërtetë të pushtetshëm – për shembull mbretërit – kishin nëpunës meshkuj të kastruar, sepse ata lëviznin nëpër pallat, punonin, shërbenin. Ata duhej të ishin të kastruar, përndryshe, ishte rrezik… Dhe ishte rrezik, sepse çdo perandor kishte njëmijë gra, shumë prej tyre ai kur s’i kishte parë. Natyrisht ato do të bien në dashuri me dikë… por vetëm burrave të kastruar iu është lejuar të hynë në pallat, kështu që edhe nëse ato janë dashuruar ato nuk kanë mundur të lindin fëmijë. Kjo ishte gjëja themelore.

            Familja duhet të zhduket dhe t’i jep vend komunës. Një komunë do të thotë se ne kemi grumbulluara të gjitha energjitë tona, të gjitha paratë tona, çdo gjë në një pishinë të vetme - e cilat ka për t’u kujdesur për të gjithë njerëzit. Fëmijët do t'i takojnë komunës, kështu që nuk ka pyetje të trashëgimisë individuale.

            Dhe është kaq ekonomike... Unë kam parë në komunat e mia: pesë mijë vetë ishin aty, që do të thotë se do të duheshin 2500 kuzhina në qoftë se ata do të kishin jetuar ndaras dhe 2500 gra do ta kishin shpenzuar jetën e tyre në kuzhinë.

            Aty ishte vetëm një kuzhinë për pesë mijë njerëz. Dhe vetëm pesëmbëdhjetë njerëz punonin aty. Dhe mos harroni, çdo grua nuk është një kuzhiniere e mirë! Në fakt, gjellëbërësit më të mira janë gjithmonë burrat. Të gjitha librat mbi gatimin janë shkruar nga burrat, dhe në të gjitha hotelet e njohur që ju do të gjeni, burrat janë gatuesit më të mirë.

            Dy mijë e pesëqind njerëz nuk janë në gjendje të bëjnë gatim të mirë veç e veç, por pesë kuzhinier për njëmijë njerëz në komunë janë në gjendje të bëjnë ushqime më të mira. Ajo mund t’i lejoj mjekët për të parë nëse ajo që ata hanë janë hedhurina apo ushqime - shumica e njerëzve hanë hedhurina.

            Për kualitetin e ushqimit duhet të vendosin mjekët. Në komunën time pesëmbëdhjetë njerëz e përgatisnin ushqimin, mjekët e kontrollonin atë, higjienën e tij, pastërtinë dhe vlerën kalorike të tij. Ai është ushqim që duhet të vlerësohej. Salca është një gjë e vogël, që mund t’i shtohet çdo lloj të ushqimit sa për shije të mirë. Ju nuk duhet të hani hedhurina veç sa për shije – dhe nëse hani hedhurina, herët a vonë ju do të bëheni hedhurinë. Ka aq shumë hedhurina rreth e përqark. Nëse shihni në kokat e tyre ju do të gjeni akullore, asgjë tjetër ... shpageta!

            Ju nevojitet një sasi proporcionale, bilanc i llogaritur i ushqimit për t’u plotësuar të gjitha nevojat e juaja plotësisht, ushqim që e ndihmon vetëdijen të rritet, ushqim që ju bën më të dashur, më të qetë, ushqim që shkatërron zemërimin tuaj, urrejtjen tuaj. Është kimi e juaj se ndryshimi i ushqimit, dhe të gjitha këto gjëra - zemërim, urrejtje, dashuri, dhembshuri - janë të lidhura me kiminë tuaj. Aty duhet të jetë një kimist ta shoh se çfarë lloj ushqimi është duke iu dhënë njerëzve.

            Nëse i grumbulloni të gjitha energjitë tuaja, të gjitha paratë tuaja dhe të gjitha burimet tuaja, çdo komunë mund të jetë e pasur dhe çdo komunë mund të kënaqet në jetë në mënyrë të barabartë.

            Me rritjen e individëve ritet edhe komuna krah për krah, shoqëria do të zhduket, dhe me shoqëri të gjitha të këqijat e shoqërisë janë krijuar.

            Unë do t’ju jap një shembull. Vetëm në Kinë ishte një hap revolucionar i jashtëzakonshme i bërë para dy mijë vjetësh. Mjeku duhej të paguhej nga pacienti vetëm nëse shërohej, nëse pacienti mbetej i sëmurë, atëherë mjeku nuk paguhej. Kjo duket shumë e çuditshme. Ne e paguajmë mjekun kur jemi të sëmurë, dhe ai na bën të shëndosh përsëri.

            Por kjo është e rrezikshme, për shkak se ju jeni duke bërë mjeku të varur nga sëmundjet e juaja. Sëmundja bëhet interes i tij: sa më shumë njerëz që janë të sëmurë, aq më shumë ai mund të fitojë. Interesi e tij nuk do të bëhet  shëndetit, por sëmundja. Nëse të gjithë mbeten të shëndosh, atëherë mjeku do të jetë i vetmi që do të jetë i sëmurë.

            Ata bënë një ide revolucionare, praktike, që çdo njeri ta ketë mjekun e tij, dhe ndërsa ai mbetet i shëndetshëm ai ka për të paguar mjekun çdo muaj. Është detyrë e mjekut për të mbajtur atë të shëndosh - dhe natyrisht ai do ta mbajë atë të shëndoshë, sepse ai është duke e paguar atë. Nëse ai bie i sëmurë, ai i humbë paratë. Kur ka epidemi mjeku falimenton.

            Tash për tash ajo është vetëm e kundërta. Mjeku – kam dëgjuar tregimin – kishte ardhë tek Nasradin Hoxha dhe i kishte thënë: “Ti nuk ke paguar e unë përsëri e përsëri po vij për ta përkujtuar se unë po e shëroj fëmijën tënd nga lija, e ti nuk po dëgjon.”

            Nasradini i thotë: “Ti dëgjo më mirë, përndryshe do të padisë në gjyq.”

            Mjeku i tha: “Kjo është e çuditshme…unë po e shëroj fëmijën tënd.”

            Nasradini i tha: “Po, e di këtë – por kush e përhapi epideminë nëpër tërë qytetin? Fëmija im – atëherë të gjitha parat që i ke fituar duhet t’i ndash me mua.”

            Ai kishte të drejtë. Fëmija e tij kishte bërë një punë të madhe, dhe që nga ajo ditë mjeku nuk u kthyen përsëri për të kërkuar të holla për trajtimin që ia kishte bërë fëmijës. Kjo ishte e drejtë, dhe argumenti i Nasradinit ishte i saktë. Mjeku kishte fituar mjaft nga epidemia.

            Por ky është një sistem shumë i gabuar. Komuna duhet ta paguaj mjekun për ta mbajtur komunën të shëndosh, dhe nëse dikush sëmuret në komunë paga e mjekut shkurtohet. Kështu shëndeti është biznes i doktorit, jo sëmundja. Dhe ju mund të shihni ndryshimin: në Perëndim biznesi i mjekut quhet medicinë, i cili lidhet me sëmundje. Në Lindje ajo quhet ayurveda, që do të thotë shkencë mbi jetën – jo mbi sëmundjen.

            Puna kryesore e mjekut duhet të jetë që njerëzit t’i bëj të jetojnë më gjatë, t’i bëj të jetojnë të shëndetshëm, të tërë, dhe ai duhet të paguhet për këtë. Pra, çdo komunë mund ta përballojë shumë lehtë mbajtjen e mjekut, hidraulikut, inxhinierit - çka është e nevojshme. Kjo është përgjegjësi e komunës të kujdeset për ta - dhe njerëzit që i shërbejnë komunës duhet të jenë rotativ kështu që nuk ka pushtet që lartësohet përsëri.

            Komiteti i komunës duhet të jetë rotativ, çdo vit njerëzit e ri vijnë dhe të vjetrit shkojnë, në këtë mënyrë askush nuk bëhet i droguar për pushtet. Pushteti është droga më e keqe për njerëzit kur iu bëhet varësi; ajo duhet të jepet, por në doza shumë të vogla dhe jo për një kohë të gjatë. Le të jetë rritja individuale dhe le të rritet komuna – dhe harroni të gjitha rreth shoqërisë; mos luftoni me të. Mos thuani asgjë, “Ne po krijojmë një shoqëri alternative…”

            Ne nuk kemi të bëjmë asgjë me shoqërinë, le të mbetet shoqëria ashtu siç është. Në qoftë se dëshiron të jetojë do të duhet ta ndryshojë mënyrën e vet, formën e saj, strukturën e saj, dhe ajo do të duhet të bëhet një komunë. Në qoftë se do të vdesë, le të vdesë. Nuk ka kurrfarë dëmi. Bota është e mbi populluar, ajo ka nevojë vetëm për një të katërtën e popullsisë së saj. Kështu që kokat e vjetra të kalbura të cilat nuk mund të konceptojnë asgjë të re, të cilët janë absolutisht të verbër dhe nuk mund të shohin se atë që ata bëjnë është e dëmshme dhe helmuese. Në qoftë se ata kanë vendosur të vdesin, atëherë le të vdesin në heshtje. Mos i shqetësoni ata.

            Unë nuk ju mësoj të bëheni rebel dhe revolucionarë. Unë dua që ju të bëheni shumë të heshtur, pothuajse transformues nëntokësorë. Për shkak se të gjitha revolucionet kanë dështuar ... tani e vetmja mënyrë e mundshme është që ne të bëjmë atë në mënyrë të heshtur dhe në mënyrë paqësore se kjo mund të ndodhë.

            Ka gjëra që ndodhin vetëm në heshtje. Për shembull, nëse i doni pemët, ju nuk duhet të shkulni shkurre trëndafili për çdo ditë për t’i parë rrënjët e saj, përndryshe ju do ta vrisni atë. Ato rrënjë duhet të mbeten të fshehura. Ato heshturazi vazhdojnë ta bëjnë punën e tyre.

            Njerëzit e mi kanë për të qenë vetëm si rrënjët: heshturazi do të vazhdojnë të bëjnë punë, duke ndryshuar veten tuaj, do të ndryshojë çdokush që është i interesuar; duke përhapë metoda të cilat mund t’ju ndryshojnë, krijoni oaza të vogla, grupe të vogla, komuna të vogla dhe komuna të mëdha kudo që ka mundësi për to. Por le të ndodhin të gjitha këto gjëra shumë heshtur, pa krijuar ndonjë përmbytje.

            Individualiteti mund të ekzistojë vetëm nëse shoqëria vdes, ata nuk mund të bashkëjetojnë. Është koha që shoqëria të vdes, dhe ne do të gjejmë mënyra të reja të bashkëjetesës e cila nuk do të jetë formale, e cila do të jetë më e përzemërt. Familja e pengon këtë, familjen e vizaton një vijë kufitare rreth çdo fëmije. Ai thotë: “Unë jam babai yt, kështu që duhet të më duash. Unë jam nëna jote, kështu që duhet të më duash. Nëse ka nevojë, sakrifikoje veten tënde për familje.”

            Ideja e njëjtë është projektuar në një shkallë më të madhe si komb: “Ky është populli yt. Nëse ai ka nevojë për ty, sakrifikoje veten.”Kjo është shoqëria, familja, kombi ... ajo është e njëjta ide që bëhet e madhe e më e madhe.

            Pra sulmi im themelor është në familje. Familja është rrënja e të gjitha problemeve tona. Varfëria jonë, sëmundja jonë, çmenduria jonë, zbrazëtia jonë, padashuria jonë - familja është shkaku. Dhe familja është shkaku i të gjitha sjelljeve tona, që nga fillimi. Ajo fillon ta instrumentalizojë mendjen tuaj: ju jeni çifut, ju jeni krishterë, ju jeni hindu, ju jeni ky e ju jeni ai - dhe fëmija i shkretë nuk e di se çfarë të pakuptimte jeni duke e thënë.

            Unë kam dëgjuar për një rabin dhe nje peshkop ...

            Ata banonin përballë njëri-tjetrit, dhe natyrisht ata ishin vazhdimisht në konkurrencë rreth çdo gjëje. Kjo ishte një çështje e prestigjit të fesë së tyre.

            Një mëngjes rabini pa peshkopin që kishte marrë një automobil të ri. Ai e pyeti: “Çfarë po bën?”

            Peshkopi e spërkate me ujë automobilin. Ai tha: “Unë po e pagëzoj. Kam një automobil të ri – një Kadillak.”

            Rabinit i plaste zemra. Me sytë e tij e shikonte se si para derës së tij automobili bëhej i krishterë!

            Të nesërmen, kur peshkopi doli jashtë, ai u befasua. Ai e pyeti rabinin: “Çfarë po bën?”

            Një Rolls Rojs i bukur qëndronte aty dhe rabini ia prente gypin e gazit. Ai tha: “Po e bëj synet Rolls Rojsin tim. Tash ai është çifut!”

            Kjo është ajo që ata janë duke bërë me çdo fëmijë. Dhe çdo fëmijë është aq i çiltër si një Kadillak dhe një Rolls Rojs, ai nuk e di se çfarë është bërë me të.

            Familja është bazë e të gjitha sjelljeve, kjo ju jep si trashëgimi të tërë të kaluarën dhe bartë, barrën e të gjitha atyre gjërave që janë dëshmuar si të gabuara për qindra vjet. Ju jeni të ngarkuar me të gjitha ato gjëra të gabuar, dhe mendja juaj është e mbyllur dhe e bllokuar dhe nuk mund të marrë ndonjë gjë të re që shkon kundër saj. Mendja juaj është thjesht e mbushur plot me gjëra të gabuara.

            Nëse fëmijët janë në duart e komunës ... Unë kam eksperimentuar me këtë dhe zbulova jashtëzakonisht suksesshëm. Fëmijët janë shumë të lumtur për shkak se ata janë shumë më të lirë. Nuk ka sjellje të vulosur mbi ta; ata piqeshin më herët, dhe për shkak se askush nuk është duke u përpjekur për t’i bërë ata të varur në mënyrë që ata të bëhen të pavarur. Askush nuk po kufizon nga rruga e tyre për t’i ndihmuar ata, në mënyrë që ata duhet të mësojnë se si ta ndihmojnë veten e tyre.

            Kjo sjell pjekuri, qartësi, një forcë të caktuara. Dhe ata janë të gjithë në meditim: meditimi nuk është një sjellje, por është thjesht qëndrim në heshtje, duke mos bërë asgjë, vetëm duke gëzuar qetësinë – qetësinë e natës, qetësinë e mëngjesit të hershëm... dhe ngadalë, ngadalë ju njiheni me heshtjen që përshkon qenien tuaj të brendshme. Pastaj për një çast i mbyllni sytë dhe bini në liqenin e heshtur, i cili është i pamatshëm. Dhe nga kjo heshtje ju jeni të rinuar çdo moment.

            Nga kjo qetësi buron dashuria juaj, buron bukuria juaj, shfaqet një thellësi e veçantë në sytë tuaj, një aureolë i veçantë i qenies suaj, një forcë e individualitetit tuaj, dhe një vetë-respekt.

            Vazhdon...

   (1)               (3)     (4)     (5)     (6)