|
KAPITULLI 6
Nëse mund ta merrni, merreni!
22 shkurt 1986
paradite
Pyetje nga televizion
NBC, Amerikë
Pyetja e parë
A mund ta portretizoni
veten shkurtimisht: kush jeni ju? Njerëzit thonë se jeni hajn! A jeni hajn?
Unë jam vetëm pasqyrë.
Kur hajni shikon në mua, ai e sheh hajnin në mua. E tëra varet nga ju.
Kur është çështja tek
unë, është e pamundur të më portretizoni… vetëm pasqyrë e pastër, e zbrazët.
Kjo është e tërë përpjekja ime, t’i mësoj njerëzit të meditojnë.
Meditimi është art i
pastrimit të pasqyrës suaj nga i tërë pluhuri të cilin e ka zbrazë mbi ju
shoqëria, religjioni, sistemi arsimor, të largohet gjithçka që nuk është
lindur me ju, t’ju çojë juve në çiltërsinë absolute të juajën, sikur kur
keni lindur si fëmijë.
Unë këtë e quaj
rilindje. Dhe pas rilindjes ju bëheni si pasqyrë. Ka njerëz që e shohin
zotin në mua, dhe ka njerëz që e shohin hajnin në mua, dhe ka njerëz që e
shohin majmunin në mua, dhe ka njerëz që e shohin gomarin në mua, dhe ka
njerëz që e shohin jankin në mua – kjo varet nga ata.
Ajo është fytyra e
tyre vetjake.
Unë thjesht pasqyroj.
Pyetja e dytë
Osho, a keni akoma
bashkëpunëtor të armatosur? A jeni kundër armëve? Çfarë është opinioni juaj
rreth garës në armatim?
Unë jam kundër çdo
lloji të dhunës. Gara në armatim e çon njerëzimin në shkatërrim total. Dhe
kjo është asisoj humbje në univers, saqë ne nuk mund as ta imagjinojmë. Ky
univers infinit, gjigant është i gjallë vetëm për neve. Ai është i
vetëdijshëm vetëm shkaku i njeriut, përndryshe, këto yje të mëdha, sistemet
diellore, janë vetëm të vdekura.
Kjo është kredi për
këtë planet, në të cilin ne jemi në gjendje të prodhojmë njerëz si Sokrati,
Gautam Buda, Lao Ce, Pitagora. Të shkatërrohet njerëzimi do të thotë të
shkatërrohet përpjekja miliona vjeçare e ekzistencës të cilën e ka bërë.
Ekzistenca po përpiqet të bëhet e qëllimshme përmes neve; po provon të bëhet
e vetëdijshme përmes neve.
Është udhëtim i gjatë
prej gurit të bëhet Gautam Buda, dhe të shkatërrohet e tërë kjo përpjekje
nga ana e politikanëve të marrë është e pafalshme. E tërë gara në armatim
duhet të ndërpritet menjëherë.
Kryeministri rus ka
thënë se prodhimi i armatimit nuklear do të përfundojë deri në fund të
shekullit. Nëse do ta përfundoni në fund të shekullit, atëherë përse jo
tash? Përse shpenzime të kota të parasë, të punës, të inteligjencës për
pesëmbëdhjetë vjet?
Dhe e tërë kjo energji
mund ta ndryshoj varfërinë në botë. Kemi aq shumë armë nukleare në Rusi dhe
Amerikë saqë botën mund ta shkatërrojmë shtatëqind herë. Tash, thjeshtë
është idiotizëm të prodhohen edhe më shumë. Për çka? A po mendoni se njeriu
mund të ringjallet shtatëqind herë? Madje as Jezusi nuk ka mund ta bëj një
herë. Ringjallja është e pamundur.
Unë jam kundër të
gjitha armëve, por kjo s’do të thotë se jam filozof demode i padhunshëm. Unë
nuk jam në favor të deklaratës së Jezu Krishtit, se nëse dikush ta jep një
shuplakë në fytyrë, ti ofroja faqen tjetër. Kjo është ofenduese – ofenduese
për personat tjerë. Ajo e bënë atë dehumanizues, kjo e ulë atë nën juve.
Bëheni zot, duke ja dhënë faqen tjetër.
Ofendim më i madh se
ky për njeriun nuk mund të ketë. Jo, unë dua që ju t’i jepni shuplak më të
fortë atij që ju ka rrah, ta ndiej ai se edhe ju gjithashtu jeni njeri dhe
se të gjithë ne jemi vëllezër: askush nuk është më i lartë, askush nuk është
më i ulët.
Por nuk ekziston
nevoja për armë. Njeriu ka krijuar armë në fillim sepse njeriu është shtaza
më e dobët në tërë ekzistencën. Asnjë shtazë nuk bartë armë. Ju akoma nuk
mund të luftoni me luanin apo tigrin, madje as me majmunin. Njeriu ka
krijuar armë për ta plotësuar mungesën e fuqisë së tij. Ka qenë i butë, dhe
ai ka qenë i rrethuar prej shtazëve të egra. Kjo ka qenë arsyeja për pasjen
e armëve – dhe për armët të cilat kanë mund të përdoren nga largësia, sepse
nëse ju jeni shumë afër luanit, madje edhe me armë, ju ndoshta më nuk do të
jetoni. Janë zbuluar shigjetat, kështu që nga largësia, duke qenë prapa
drurit, ju mund të vrisni. Pushkët janë zbuluar për të qenë në gjendje që
nga largësia, të fshehur, të vrisni.
Por tash nuk jeni të
rrethuar nga shtazët; ju i keni vra ato. Keni shkatërruar aq shumë natyrë
dhe shtazë të egra. Nuk ju nevojitet asnjë armë. Jeni të rrethuar nga
njerëzit. Bëhuni njeri për ta, mos provoni të bëheni zot për ta. Ky është
ofendim shumë i mprehtë, dhe johuman.
Ju më pyetët rreth
AIDS-it. Unë do të qëndroj gjithmonë kundër tij, sepse unë jam kundër
gjithçkahi që është perverse apo produkt i perversionit. AIDS është fund e
krye produkt i homoseksualitetit. Unë nuk jam vetëm kundër AIDS-it, unë jam
kundër homoseksualitetit. Unë nuk jam vetëm kundër homoseksualitetit, unë
jam kundër të gjithë atyre njerëzve të cilët e kanë krijuar
homoseksualitetin. Do të befasoheni kur ta mësoni se të gjitha religjionet e
juaja janë përgjegjëse për homoseksualitet për dy arsye.
E para, ata janë murgj
të ndarë që jetojnë bashkë me murgjit tjerë, murgeshat me murgeshat e tjera.
Tash, duke i mbajtur burrat vetë se bashku me vite, gratë bashkë me vite,
krijohet situata në të cilën homoseksualiteti mund të ngjaj.
Homoseksualiteti është kontribut i religjioneve tuaja.
Njeriu nuk është i
lindur homoseksual. Në natyrë, asnjë shtazë nuk është homoseksuale. Por në
kopshtin zoologjik, nëse femrat nuk janë në dispozicion, shtazët i kthehen
homoseksualitetit. Këtë e tregon inteligjenca – ata duhet të gjejnë mënyrë
për biologjinë e tyre. Dhe nëse në manastire, murgjit dhe murgeshat, bëhen
homoseksual dhe lesbike, kush është përgjegjës për këtë?
Religjionet i kanë
mësuar njerëzit të qëndrojnë në celibat (beqari). Celibati është kundër
natyrës. Vetëm betimi i dhënë për celibat s’do të thotë se ju do të mund të
qëndroni në celibat. Ju duhet të gjeni njëfarë mënyre për seksualitetin e
juaj për ta shprehur atë. Celibati krijon homoseksualitet, sepse beqari mund
të ketë miqësi me mashkull, por nuk mund të ketë shoqëri me femrën. Sepse ai
do të frikësohet se mos njerëzit do të fillojnë të dyshojnë në celibatin e
tij.
Të gjitha religjionet
e kanë ngritë celibatin në diçka shpirtërore. Kjo nuk është shpirtërore.
AIDS është rezultat përfundimtar i të gjitha këtyre mësimeve mbi celibatin,
ndarjes së mashkullit nga femra. Unë nuk jam vetëm kundër AIDS-it, por jam
kundër shkaktarëve themelor të cilët e kanë krijuar këtë. Tash ka shtete, si
për shembull Teksasi në Amerikë, ku kanë miratuar ligj kundër
homoseksualitetit. Tash homoseksualiteti është krim. Dhe ka qenë befasi e
madhe kur është mësuar se në vendet si Teksasi, miliona homoseksual kanë
protestuar kundër këtij ligji.
Ligjet nuk e
ndryshojnë njeriun. Këta homoseksual do të shkojnë në nëntokë – atje s’kanë
nevojë të thonë se janë homoseksual. Dhe homoseksualiteti i nëntokës është
shumë më i rrezikshëm.
Ju mund të infektoheni
prej AIDS pa kurrfarë kontakti seksual, vetëm me puthje të personit i cili e
ka AIDS-in, sepse pështyma bart virusin e AIDS-it. Ndoshta do të duhej i
tërë njerëzimi ta ndjekë shembullin e Eskimezëve. Ata janë njerëz shumë
primitiv, por sa i përket kësaj janë shumë më larg para nesh. Ata kurrë nuk
janë puthur; ata e urrejnë krejt këtë ide. Dhe kur i kanë parë njerëzit duke
u puthur ata kanë ndjerë neveritje. Është e shëmtuar të përzihen pështymat
me dikë tjetër, ta eksplorosh gojën e tjetrit me gjuhë tënde… Kjo duket se
është marrëzi e çuditshme franceze!
Eskimezët gjithashtu
kanë mënyrë ta shprehin dashurin e tyre, ata i fërkojnë hundët. Kjo është
shumë më higjienike, më e pastër – pa rreziqe, pa sëmundje. Në të shumtën
mund të ftoheni, e që nuk është sëmundje e madhe. Nëse nuk merrni kurrfarë
ilaçi, ajo kalon për shtatë ditë. Nëse merrni ilaç, ajo kalon për një javë!
Virusi i AIDS-it
bartet madje edhe me lot. Fëmija i vogël mund të qajë dhe të rënkojë dhe
vetëm nga mëshira ju ja fshini lotin fëmijës me duart e juaja, dhe ju nuk
jeni të vetëdijshëm se ndoshta jeni infektuar nga sëmundja vdekjeprurëse –
sëmundje e cila nuk do të duhej të quhej sëmundje sepse nuk ka shërim.
Shkencëtarët thuajse
të gjithë pajtohen se nuk ekziston mundësia për asnjë ilaç. Njeriu do të
vdes më së gjati brenda dy vitesh, por kryesisht brenda gjashtë muajsh. Kjo
është vdekje e ngadalshme.
Unë jam kundër kësaj.
Unë jam kundër celibatit. Unë jam kundër religjionit i cili i shtynë burrat
e gratë të jetojnë ndaras, duke e shkaktuar tërë këtë sëmundje. Lesbiket
akoma nuk janë në gjendje të prodhojnë asnjë sëmundje si AIDS – ndoshta
gratë janë më të qëndrueshme dhe ato marrin pak më tepër kohë. Por kjo është
e sigurt, se një ditë ato gjithashtu do të prodhojnë sëmundje e cila do të
jetë më fatale se vetë AIDS.
Të jesh kundër natyrës
nuk është mënyra ime e vështrimit të gjërave. Të shkohet me natyrën, duke e
shfrytëzuar natyrën si gur vau apo shteg. Kalimet më të larta se natyra
prapë nuk janë kundër natyrës. Natyra akoma është bazë, dhe ju mund të
shkoni përtej saj.
Njerëzit kanë shkuar
përtej saj, por jo duke e kundërshtuar. Ta kundërshtosh atë thjesht bëheni
të çoroditur.
Pyetja e tretë
Osho, a ka person të
cilin kishit dashur ta takoni që kurrë nuk e keni takuar? A mund të na
tregoni emrin e personit?
Këtu është personi të
cilin kam dashtë ta takoj. E kam takuar para tridhjetë e pesë vjetësh: vetën
time. Që nga atëherë s’kam pas dëshirë ta takoj askënd.
Pyetja e katërt
Gratë të cilat po ju
rrethojnë janë goxha të pashme! A e çmoni bukurinë në pasueset e juaja
femra?
Jam i neveritur nga
pyetja juaj. Ju thatë “goxha të pashme” – ato janë bukuroshe të vërteta! E
unë e dua bukurinë, pavarësisht se në çka është burrë apo grua, pavarësisht
se në çka është lule apo zogj, apo në rrezet e diellit apo yje. E dua
bukurinë.
Për mua, trini i
vërtetë nuk është Zoti, Shpirti i Shenjët, dhe i vetmi djalë i Zotit, Jezu
Krishti. Trini i vërtetë për jetën dhe ekzistencën është: e vërteta, mirësia
dhe bukuria, satyam, shivam, sundram. Ky është trini i vërtetë, kjo nuk
është hipotezë.
Njeriu i cili është në
gjurmim duhet të kalojë përmes tre fytyrat e realitetit: të vërtetës, të
bukurisë dhe të mirësisë.
Unë e dua bukurinë,
por nuk po them se ato janë goxha të bukura, ato janë me të vërtetë të
bukura. Ato janë aq të bukura sepse janë aq natyrale. Ato janë aq të bukura
sepse ato janë bërë aq të dëlira, aq meditative, aq të qeta, aq gjakftohtë,
aq të fokusuara. Bukuria e tyre nuk është vetëm fizike. Bukuria e tyre është
gjithashtu shpirtërore.
Pyetja e pestë
Osho, para tre muajsh
i keni thënë pasuesve tuaj se më nuk kanë nevojë të veshin rroba me ngjyra
agimi, sepse ju dëshironi që atyre t’i jepni liri të plotë. A do të thotë
kjo se ata më herët nuk kanë qenë totalisht të lirë?
Ata kanë qenë
totalisht të lirë edhe më herët, por ata mund të bëhen edhe më shumë
totalisht të lirë!
Pyetja e gjashtë
Osho, a keni indinjatë
ndaj Amerikës?
Jo, unë e dua
Amerikën. Unë e dua popullin amerikan, e dua tokën e Amerikës. Por natyrisht
se e urrej qeverinë amerikane, burokracinë. Ajo është qeveria më fashiste në
botë sot, që pretendon të jetë demokratike. Ajo po e gënjen tërë botën. Ajo
po e gënjen popullin e vet. Kisha dashtë që kjo qeveri të dështojë.
Por Amerikën e dua,
dhe do të vazhdoj ta dua. Dhe një ditë do të mund të hy në Amerikë…sepse
pikërisht tani qeveria amerikane ma ka ndaluar hyrjen për pesë vjet – pas
pesë vjetësh, nëse jam gjallë, e para të cilën do ta bëj do të hy në
Amerikë.
Kam aq shumë adhurues
atje, aq shumë miq, aq shumë simpatizues. Dhe çfarë ka bërë qeveria
amerikane për mua, ka krijuar dashuri dhe simpati të jashtëzakonshme tek
populli amerikan për mua.
Vazhdon...
(1)
(2)
(3)
(5)
(6)
|
