Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (4)

Kapitulli i gjashtëmbëdhjetë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

KAPITULLI 16

Vetëm idiotët janë konsistent!

            27 shkurt 1986 paradite

            Pyetja e parë

            Ju i keni befasuar dhe shokuar njerëzit me përgjigje të dhëna gjithmonë kontradiktore për gjermanët. Pse doni t’i studioni pyetjet tash para kohe?

            Vetëm në mënyrë që të mund t’ju befasoj.

            Pyetja e dytë

            Ju njëherë thatë se për pyetje të njëjta mund të jepni njëmijë përgjigje të ndryshme. Atëherë pse ju doni të përgatiteni për një intervistë?

            Unë kurrë nuk përgatitem për një intervistë. Unë thjesht dua t’i shoh pyetjet për t’ju shmangur ndjenjës suaj të zënë ngushtë nga përgjigjet e mia.

            Nëse shoh një pyetje budallaqe unë do ta quaj atë budallaki. Nuk dua t’ju lëndoj, nuk dua të bëj të ndiheni të zënë ngushtë. Për këtë arsye unë vetëm shikoj në pyetjet tuaja.

            Nuk kam nevojë për t’u përgatitur.

            Nëse i di do të përgjigjem; nëse nuk i di thjesht do të them: “Nuk i di.”

            Pyetja e tretë

            A ka ndonjë pyetje të cilës nuk jeni në gjendje t’i përgjigjeni? A ka ndonjë pyetje të cilës nuk doni t’i përgjigjeni?

            Nuk ka pyetje të cilës nuk dua t’i përgjigjem, por ka miliona pyetje në të cilat nuk mund të përgjigjem për arsyen e  thjesht se ato nuk më interesojnë, ato nuk vijnë në botën e mendimit tim. Për shembull, në qoftë se ju filloni të më pyesni në lidhje me biokiminë, fizikën, matematikën, unë nuk i di, unë nuk mund të përgjigjet atyre... por ato nuk janë interesim i mënyrës sime të jetës dhe mësimeve të mia.

            Çfarëdo që ka të bëjë me mësimet e mia, unë jam gjithmonë i gatshëm të përgjigjem sa më plotësisht që është e mundur.

            Pyetja e katërt

            Ju gjithmonë jeni kontradiktor, siç thoni ju. A do të thotë kjo se ju gjithmonë do ta ndryshoni mendjen?

            Po të kisha një mendje nuk do të isha kontradiktor. Mendja është një kompjuter. Asnjë kompjuter nuk është kontradiktor, por gjithmonë jep të njëjtën përgjigje, ai gjithmonë është konsistent.

            Gjendja ime është e jo-mendjes.

            Mendja është aty për qëllime utilitare, për shembull, unë jam duke e përdorur atë tani për t’ju përgjigjur pyetjeve tuaja. Por qenia ime është përtej mendjes, ajo është një gjendje e jo-mendjes.

            Unë jam kontradiktor sepse jeta vazhdon të ndryshojë. Nëse më pyetni në mëngjes unë do t’ju them: “Ky është mëngjesi”; nëse më pyetni në mbrëmje, dëshironi t’ju them se ky është mëngjesi vetëm për të qenë konsistent? Unë do të them: “Kjo është mbrëmje.”

            Unë them vetëm atë që është rrethanë. Nuk ka rëndësi nëse është në kundërshtim me çdo gjë që është thënë në të kaluarën. Kur u tha, ishte absolutisht e vërtetë për momentin, se çfarë jam duke thënë në këtë moment është absolutisht e vërtetë për këtë moment. Dhe nuk ka asnjë arsye pse ju duhet t'i sillni ato dy momente të ndryshme, dy situata të ndryshme së bashku, dhe të krijohet një dyshim i panevojshme se ato janë kontradiktore.

            A ju kujtohet fëmijëria juaj personale? A nuk keni qenë në kotradikt me vetveten duke i ndërruar rrobat për çdo vjet? Nëse ende jeni në të njëjtat rroba të cilat i keni pas kur keni qenë gjashtë muajsh ju me të vërtetë do të jeni joshës dhe shumë konsistent!

            Unë nuk mendoj se konsistenca është vlerë inteligjente. Vetëm idiotët janë konsistent, sepse ata nuk mund t’i shohin ndryshimet klimatike, sepse ata nuk mund t’i shohin ndryshimet e detajeve të jetës. Kjo ndryshon çdo moment. Sa më inteligjent që jeni, aq më shumë do të ndryshoni me të.

            Unë nuk jam një person logjik, unë jam ekzistencial.

            Ai i cili është ekzistencial është i detyrua në kontradikta në një mijë e një herë, tashmë kontradikta e tij thjesht tregon inteligjencën e tij.

            Pyetja e pestë

            A keni gabuar ndonjëherë?

            Vetëm këtë herë, duke t’u përgjigjur ty.

            Pyetja e gjashtë

            Sa seriozisht e merrni veten tuaj?

            Unë nuk e marr seriozisht as veten e as dikë tjetër - veçanërisht ty.

            Pyetja e shtatë

            Pse vetëm ju jeni të ndritur dhe për shembull jo unë, apo papa, apo e tërë bota?

            Pse vetëm ju jeni gazetar? pse unë jo? pse jo Papa? pse jo Ronald Regan? A mendoni se këto janë pyetje në të cilat ja vlen për t’u përgjigjur? Kjo është arsyeja pse më duhet t’i shoh ato. Të gjithë përreth janë idiotë. Një gjë më duhet të them: ishte një tjetër njeri i cili ishte i ndritur i cili vdiq para ca ditësh, ai ishte J.Krishnamurti. Pa të unë ndjehem i vetëm.

            Për pyetjen “Pse?”, ju duhet ta pyesni veten. Pse jeni të mjerë? Pse jeni në gjumë kur keni kapacitet të zgjoheni? Ndoshta ju jeni duke ëndërruar ëndërr të bukur: ndoshta jeni duke çuar dashuri me gruan e fqijut, dhe ju nuk doni të zgjoheni.

            Unë thjesht vendosa se në qoftë se gjumi do të vazhdojë jetë ekzistenca ime, kjo nuk është për mua, sepse është pothuajse afër vdekjes. Ose më duhet të jemë i zgjuar ose i vdekur, por unë nuk do të jem një  limbo (në harresë) të një ekzistence të përgjumur.

            Kur ju lëvizni si një robot, punoni si një robot, jetoni si një robot dhe një ditë vdisni si një robot, ju nuk e keni përcaktuar këtë. Është detyrë e juaja për ta dëshmuar se pse nuk keni vendosur të ndriteni.

            Dhe ju keni njëfarë guximi. Ju po kërkoni nga unë… kjo është vetëm një pyetje e vendimit, vendim për të qenë i lirë, vendim për të qenë i zgjuar, vendim për të qenë i hareshëm për çfarëdo çmimi. Ju nuk jeni të gatshëm ta paguani koston; kjo është arsyeja pse ju nuk jeni të ndritur.

            Kostoja do të thotë unë kam për të humbur familjen time, unë kam për të humbur popullin tim, unë kam për të humbur fenë time, unë kam për të humbur çdo gjë. Por unë kam qenë i gatshëm: për çfarëdo çmimi unë do të jem i ndritur. Kjo ndodhë vetëm në vetminë tuaj absolute, dhe për këtë vetmi ju duhet t’i hidhni shumë gjëra të cilat ju mendoni se janë shumë të vlefshme. Ju duhet ta hidhni respektin, ju duhet t’i hidhni ambiciet, ju duhet t’i hidhni njohuritë e rreme, ju duhet ta hidhni egon tuaj.

            Nëse jeni të gatshëm ta bëni këtë, ju mund të bëheni të ndritur në këtë moment. Nuk duhet edhe një moment i vetëm të shtyhet.

            Ndritja është natyra juaj.

            Ju veç e keni atë, vetëm ende nuk jeni të vetëdijshëm për këtë.

            Pyetja e tetë

            A keni ndonjëherë ndonjë ndjenjë të urrejtjes kundër dikujt apo diçkahi?

            Unë nuk kam ndonjë ndjenjë të urrejtjes ose zemërimit kundër askujt - dhe tani është e pamundur t’i kem ato. Njëherë kur të zgjoheni ju nuk mund të kthehemi mbrapa; përndryshe, vetëm për t’ju urryer mua do të më duhej të kthehem mbrapa!

            Pyetja e nëntë

            A ka ndonjë personalitet të shquar me të cilin dëshironi të takoheni?

            Jo, nuk ka askush. Ju jeni të vetmit personalitete të shquar që po ju takoj.

            Pyetja e dhjetë

            Kush, sipas mendimit tuaj është bashkëkohësi më i rëndësishëm?

            Veç thashë, J. Krishnamurti.

            Pyetja e njëmbëdhjetë

            Pse jeni aq të bindur se jeni në rrugën e drejtë?

            Sepse unë jam në rrugë të drejtë. Pse jeni të bindur se ju jeni një burrë apo një grua? Pse jeni të bindur se ju jeni të gjallë e nuk jeni të vdekur? Kur ju dhemb koka çfarë ju bëni të bindeni se ajo është në të vërtetë aty dhe se ju nuk jeni vetëm duke imagjinuar këtë?

            Unë thjesht jam në rrugë të drejtë.

            Sytë e mi janë të hapur, vizioni im është i qartë.

            Në tërë jetën time asnjëherë nuk kam pas një moment të vetëm, mendoj që nuk kam bërë asgjë të keqe. Gjysmë shekulli është e mjaftueshme për ta dëshmuar se unë patjetër jam në rrugë të drejtë.

            Njerëz të cilët nuk janë të sigurt se ata janë në rrugë të drejtë apo jo, me siguri nuk janë në rrugë të drejtë - pasiguri është një dëshmi. Drejtësi ka një autoritet autonom, ajo nuk varet nga asnjë arsye tjetër. Vetëm për të qenë në rrugë të drejtë... çdo gjë ju dëshmon se është e drejtë. Nuk ka asnjë dyshim i vetëm i cili ka lindë në mua në tërë jetën time rreth rrugës sime, për mënyrë time të jetesës. Edhe nëse e gjithë bota thotë se jam gabim, kjo nuk do ta bëj asnjë ndryshim në tërë këtë. Unë ende do të vazhdoj të jem i drejtë, sepse bëhet fjalë për vetë ndjenjën e brendshme timen, origjinalitetin tim të brendshëm, autoritetin tim të brendshëm.

            Pyetja e dymbëdhjetë

            Religjioni i raxhnishizmit ka vdekur. Çfarë ka mbijetuar?

            Çdo lule ka për të vdekur në qoftë se ajo nuk është një lule plastike. Vetëm lulet plastike jetojnë me shekuj.

            Të gjitha fetë që kanë jetuar për shekuj janë plastike. Lule e vërtetë mund të ketë qenë  Gautam Buda, por ajo vdiq, ajo kishte për të vdekur - dhe ajo që mbetet pas është aromë. Nëse keni ndjeshmëri të mjaftueshme ju ende mund ta ndjeni aromën në ajër e të gjithë atyre njerëz që kanë lulëzuar në tokë. Ata janë ende bashkëkohës tuaj.

            Personi i cili jeton në kohën tuaj mund të mos jetë bashkëkohës i juaj, por personi që ju e ndjeni, përvoja, personi i cili e shtynë zemrën tuaj në një vallëzim është një bashkëkohës i juaj. Për mua Buda është një bashkëkohës, Lao Ce është një bashkëkohës, Bodidarma është një bashkëkohës, Zaratustra është një bashkëkohës. Unë ende mund ta shijojë eksperiencën e tyre, sepse kjo është përvojë e ime personale gjithashtu.

            Raxhnishizmi është i vdekur. Kam kërkuar që ajo të jetë e vdekur para se të bjerë trupi im. Kjo ka ndodhur për herë të parë... dhe kam kërkuar që ajo të ndodhë, sepse kam kërkuar që të jem i sigurt se vetëm aromë mbetet, jo një strukturë e vdekur, sepse aroma nuk mund të përfaqësohet nga priftërinjtë dhe papat, dhe aromë nuk mund të krijojnë fetë. Kjo mund ndonjëherë derisa je në kontakt me njeriun dhe e vozitë makinë pothuajse i çmendur me gëzim…

            Por Gautam Buda nuk ka lejuar feja të vdes para syve të tij; ai ka harruar se atë të cilën ai e predikon, priftërinjtë do të shtrembërojnë. Ata do të krijojë një strukturë e cila do të jetë absolutisht kundër tij.

            Buda ka thënë, për shembull - fjalët e tij të fundit ishin: “Mos bëni asnjë statujë prej meje. Unë nuk jam zot. Dhe mos më adhuroni, sepse unë nuk dua që ju të jeni të nënshtruar në një status më të ulët. Ju mund të më doni, por ju nuk mund të më adhuroni. Dashuria nuk ka nevojë për statuja dhe tempuj.”

            Por vetëm një ditë pas që vdiq ai ndodhi e kundërta. Kjo është shumë befasuese: ai ishte i vetmi njeri në histori i cili tha: “Mos më bëni statuja” – dhe në botë ka ma shumë statuja të Gautam Buda se kujtdo tjetër. Dhe ishte një kohë kur kanë qenë vetëm statujat e Gautam Buda dhe në disa gjuhë si arabisht, urdu, persisht, fjala “buda” u bë sinonim për statujat. Vetëm statuja e tij ishte, kështu që në arabisht dhe gjuhën urdu BUD – kjo ishte mënyra e tyre e se si e quanin Budën – kuptimi i të cilës është statujë, dhe BUDAKANA do të thotë tempullit ku statuja e Budës është vendosur. Ky është vetëm një shembull.

            Çdo gjë ata e kanë quar keq. Buda kishe thënë: “Ju duhet të jeni vegjetarian - por në qoftë se një kafshë vdes nga një vdekje natyrore, ju mund ta hani mishin e saj, për shkak se ju nuk jeni vrasës i saj.” Dhe ai ishte shumë i logjike, por ai vetëm kishte harruar se qenia e tij e logjikshme do të  keqpërdoret nga priftërinjtë, nga pasuesit e tij.

            Tani ju do të gjeni në Kinë, në Kore, në Japoni, në Sri Lanka, në Birmani, në çdo hotel, një tabelë të madh me mbishkrim: Këtu shitet vetëm mishi i kafshëve të ngordhura. E tërë Azia është budiste përveç Indisë.

            Kafshët janë shumë të nderuara, dhe unë i kam pyetur priftërinjtë budist: “Nëse ju i hani vetëm kafshët që kanë vdekur nga vdekja natyrale, atëherë përse kaq shumë vende për vrasjen e kafshëve? Pse e gjithë kjo gjueti të vazhdoj? Të gjithë ju jeni budist, i tërë shteti është budist, kështu që asnjë kafshë nuk duhet të jetë e vrarë; ju duhet të pritni për një vdekje natyrale.” Buda logjikisht kishte të drejtë se nëse një kafshë vdes në mënyrë natyrale atëherë ajo pothuajse është perime, nuk ka asgjë të keqe në ngrënien e mishit të saj, ju jeni ende jo të dhunshëm.

            Por jeta nuk është logjike; jeta ka rrugën e saj personale shumë subtile duke i anashkaluar të gjitha sistemet logjike. Duke e parë situatën, kam deklaruar se, religjioni, Raxhnishizmi, ka vdekur para syve të mi. Tash nuk ka Rashnishizëm, por vetëm një aromë. Ju nuk mund ta mbani atë në grusht, ju nuk mund të bëni dogmë prej saj.

            Ju mund të kënaqeni në të, ju mund ta doni atë, ju mund të vallëzoni me të dhe ajo nuk do të jetë një skllavëri për ju; ajo do t’ju sjellë gjithnjë e më shumë liri.

            Në këtë mënyrë ajo kurrë s’do të vdes.

            Vazhdon...

(1)    (2)    (3)             (5)   (6)