Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (5)

Kapitulli i njëzetedytë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Në Indi ka qenë një i shenjt, Surdas, i cili i ka nxjerr sytë e vet. Emri i tij, Surdas është bërë ekuivalent për njeriun e verbër, për shkak se ta quash njeriun e verbër “qorr” duket çnjerëzore. Në Indi njeriu i verbër është quajtur surdas – emri i një shenjtori të madh. Kjo thjesht do të thotë njeri i verbër, por duket më e sofistikuar dhe nuk e dëmton njeriu i verbër. Surdas kishte nxjerr sytë e tij, sepse ai kishte frikë se në qoftë se sytë janë aty edhe gratë do të jenë gjithandej... dhe ka gjëra që janë përtej kontrollit tuaj. Nganjëherë ju e shihni një fytyrë dhe ju pëlqen, ju e doni atë. Kjo ndodh për një sekondë saqë ju nuk mund të kujtoheni se ju jeni një njeri fetar, ju keni hequr dorë nga bota. Është më mirë të çliroheni nga sytë kështu që ju nuk do të shihni kush është mashkull, kush është femër, kush është e bukur. Dhe kjo nuk është një përjashtim. Në Bashkimin Sovjetik para revolucionit, ka pasur mijëra burra dhe gra - një kult shumë fanatik i krishterë i cili kërkonte që ju t’i preni organet gjenitale. Dhe njerëzit i kishin prerë organet e tyre gjenitale për ta bindur kishën plotësisht për nderin e tyre, beqarinë. Gruaja e shkreta prapë ishin në humbje se nuk kishin çfarë për të prerë… derisa burrat shkonin shumë më të lartë në rritjen shpirtërore. Në fund ato filluan t’i prejnë gjinjtë e tyre. Kishte mijëra gra që kishin prerë gjinjtë e tyre dhe ato kanë menduar se janë shumë fetare. Njerëzit që kishin prerë organet gjenitale të tyre ishin të mendimit se janë shumë religjioz – se janë të shenjt.

            Të gjitha këto religjione kanë helmuar natyrën tuaj. Përpjekja ime është të largoj çdo kushtëzim të panatyrshëm nga ju, dhe t’ju prezantoj sërish në çiltërsinë tuaj, në natyrën tuaj.

            Para ca ditësh sekretarja im Anando më raportoi se në gazeta po shkruan se këtu ka orgji seksuale. Unë i thashë: “Por unë jam këtu, dhe askush nga ata nuk më ftoi. Gjërat e mëdha po ndodhin e unë jam prezent, dhe unë duhet të mësoj nga gazetat për gjërat e mëdha. Kjo nuk është e drejtë.”

            Ajo tha: “Por asnjë orgji nuk po ngjanë. Këto raporte janë të rreme.”

            Kam shikuar në raport dhe zbulova se çfarë ishte arsyeja. Kjo duhet të ketë ardhur nga hotelet dhe vendet ku qëndronin njerëzit e mi. Askund nuk ndodhte asnjë orgji, por kjo është pjesë e mësimit tim: çfarëdo që bëni, bëjeni totalisht. Kështu që kur njerëzit e mi kanë çuar dashuri, ata kanë dashuruar me të vërtetë. Ata rënkojnë, ata ofshajnë, ata ulurojnë, ata këndojnë, ata vallëzojnë. Dhe, ju e dini, muret e hoteleve nuk janë aq të trasha, kështu që të gjithë fqinjët i hapin veshët e tyre të dëgjojnë se çfarë po ndodhë… Kjo duhet të jetë një orgji! Dy persona të bëjnë kaq shumë zhurmë… kjo është e pamundur!

            Ata gjithashtu çojnë dashuri, por ata çojnë dashuri sipas traditës ku gruaja nuk duhet të lëvizë. Dhe për ta parandaluar lëvizjen e gruas burri hip mbi gruan. Tash është bisha mbi bukurinë - ai është muskulor, ai është më i madh, dhe gruaja e gjorë e njomë thjesht është thërrmuar nën të. Çfarë lloj dashurie ...? Dhe ai nxiton për ta përfunduar sa më shpejtë, sepse ky veprim është një mëkat – sa më shpejtë që e përfundon është më mirë! Ju nuk duhet të kënaqeni në këtë, ju nuk duhet të zgjasni me të, dhe fqinjët tuaj nuk duhet të dinë për këtë. Kështu që gruaja qëndron e qetë, e heshtur, pothuajse një kufomë. Që është definicion për një zonjë.

            Një zonjë nuk është një grua. Një zonjë është një grua e vdekur; një zonjë thjesht do të thotë të shtrihet mirë, ajo thjesht shtrihet poshtë dhe qëndron me sy të mbyllur.

            A e dini pse gratë i mbyllin sytë kur çoni dashuri, për t’’iu shmangur shikimit tuaj. Ju po iu bëni atyre një gjë shumë të pakëndshme, ato nuk duan të shohin, ato nuk duan dritë. Burri për disa sekonda e ka përfunduar. Sepse vetëm ai ka bërë lëvizje.

            As burri e as gruaja nuk e arrin orgazmën. Orgazma kërkon pak më shumë nyjëtim, pak më shumë mjeshtri. Së pari orgazma kërkon një puthje më të gjatë – derisa seksi nuk është i pranuar si i natyrshëm, kjo nuk është e mundur – një puthje nën aromën e shkopinjve të ndezur, dhe një muzikë nga pllaka e gramafonit duke kënduar Irena Pappas! Dhe para se të filloni të çoni dashuri – akti seksual nuk duhet të jetë një gjë e menjëhershme - ju duhet të vallëzoni, ju duhet të këndoni, ju duhet të përgatisni trupin tuaj për gëzim, ju duhet të përgatisni trupin tuaj për drithërimë. Vetë pritja është një rrëqethje.

            Ju duhet të çoni dashuri vetëm atëherë kur ajo të ndodhë natyrshëm, duke dëgjuar muzikën, duke vallëzuar, nën aromën e shkopinjve të ndezur, luleve… Dhoma juaj e dashurisë duhet të bëhet një tempull. Unë nuk mund ta përdorë fjalën “kishë”; ajo është shumë e shëmtuar. Kjo është arsyeja pse unë jam duke e përdorur fjalën “tempull”. 

            Dhe kur energjia juaj rrjedhë, lëvizë, kënaqet atëherë i tërë trupi juaj është i gatshëm, nuk është vetëm mendja juaj ajo që dëshiron të çoj dashuri… Dhe pikërisht gruaja është ajo të cilës i gjithë trupi i saj duhet të jetë i gatshëm, sepse i gjithë trupi i saj është orgazmik.

            Seksualiteti i mashkullit është lokal, gjenital; seksualiteti i femrës është nëpër gjithë trupin e saj. Kështu që duke vallëzuar dhe duke kënduar, i gjithë trupi i saj do të jetë i rrëqethur, do të jetë i gatshëm, do të jetë i zjarrtë. Zonja do të zhduket dhe gruaja do të kthehet prapa.

            Sigurisht se zonja duhet të jetë sipër, kurrë burri nuk duhet të jetë mbi të. Kjo është çnjerëzore. Dhe kjo është krejtësisht në bazë të shkencës seksuale, që burri duhet të jetë nën gruan, sepse atëherë ai nuk mund të lëvizë shumë, dhe në qoftë se ai nuk mund të lëvizë shumë ejakulimi i tij nuk do të jetë brenda tre sekondave, kjo do të marrë kohë. Le të lëvizë gruaja. Dhe kur jeni në kënaqësi, ju bërtitni, ju uluroni, rënkoni, ofshani, dhe ju nuk mërziteni për fqinjët tuaj. Vetëm atëherë është e mundur përnjëherë bashkë ta përjetoni orgazmën.

            Orgazma është një dhuratë e natyrës që ju çon në besimtari, sepse përmes orgazmës ju do të mund të njihni një unitet me ekzistencën. Për një moment ju zhdukeni, koha ndalet, mendja nuk funksionon më… çdo gjë është e qetë dhe çdo gjë është e mrekullueshme; por kjo është vetëm për disa çaste. Por njëherë kur ta shijoni këtë, ju do të dëshironi që kjo të qëndroj në juve për njëzet e katër orë.

            Duhet të jetë se njeriu i parë që ka zbuluar meditimin… Unë jam absolutisht i sigurt se zbulimin e ka bërë përmes orgazmës, sepse nuk ka asnjë mënyrë tjetër për të zbuluar meditimin. Në orgazëm të gjitha këto elemente themelore janë prezentë të cilat e bëjnë meditimin. Dhe disa aventurier, kërkojnë ta marrin vesh, duhet të kenë menduar: “Pse unë po ndjehem aq euforik, aq ekstatik?” Dhe ai duhet të ketë theksuar tri çështje: Unë zhdukem – një UNI i caktuar mbetet, një Jam mbetet, por nuk ka kurrfarë Unë jam. Koha zhduket – nuk ka të shkuar, nuk ka të ardhme, vetëm çasti, në të tashmen. Mendja zhduket, nuk ka mendime.

            Çdokush me një inteligjencë të vogël mund të motivohet nga ato, nëse këto tri gjëra mund të menaxhohen pa çuar dashuri, atëherë e njëjta përvojë do të ndodhë. Kjo është origjina e meditimit. Askush nuk e di sa mijë vjet më parë disa eksplorues të panjohur - eksplorues të mëdhenj në botë – kanë zbuluar këtë, por kjo ka funksionuar. Sepse me dashuri ju jeni gjithmonë të varur nga personi tjetër, dhe për dy persona është një lloj i caktuar i varësisë nga njëri-tjetri.

            Meditimi arrin t’ju bëj më pak egoist, t’ju sjell në momentin e tanishëm, dhe për të ndaluar procesin e mendimit – dhe ju fitoni një orgazëm shumë më të madh duke mos involvuar kurrfarë seksi në këtë. Njëherë kur ta keni çelësin në dorë ju mund të qëndroni për njëzet e katër orë në qenien tuaj të brendshme në bekim të njëjtë, në të njëjtën uratë.

            Kjo është arsyeja pse njerëzve mësimet e mia iu duken shumë kontradiktore – ato nuk janë. Unë ju mësoj të çoni dashuri sa ma totalisht që është e mundur në mënyrë që ju ta transcedentoni atë, kështu që ju mund ta zbuloni ne veten tuaj se është çuarja e dashurisë ngjarje aq e lumtur – por ky është vetëm një moment. Këta tre përbërës që e përbëjnë orgazmën ju mund t’i provoni ndaras, dhe kjo është se si unë e kam arrit meditimin. Këta tre përbërës mund t’i realizoni. Dhe një herë kur të keni vetëm një përvojë të orgazmës, ju do të jeni të lirë nga femrat, ju do të jeni të lirë nga meshkujt, ju do të jeni në kontakt të drejtpërdrejtë me ekzistencën – aty nuk ka ndërmjetës. Vetëm një person i tillë që është përtej seksit.

            Duke shkuar përtej seksit s’do të thotë se seksi është mëkat. Në fakt, seksi ishte shkaku i tërë spiritualitetit që u ngrit nga ajo. Kështu që edhe njeriu i cili ka shkuar përtej seksit mund t’i gëzojë marrëdhëniet seksuale vetëm për argëtim, herë pas herë. Seksi nuk është kundër shpirtërores.

            Pas përjetimit të orgazmës, mos e harroni paslojën. Siç ju ka sjellë paraloja në një gatishmëri drithëruese, pas orgazmës, nëse rrotulloheni në anën tjetër dhe thoni: “Tash po ndjehem i përgjumur”, kjo është ofenduese. Ju nuk i kuptoni femrat; seksi juaj është vetëm gjenital. Pas ejakulimit ju filloni të ndjeheni të përgjumur sepse ju keni humbur energji, jeni topitur. Gjumi do t’ju rinoj në këtë mënyrë funksionon cikli natyror duket se po bie në gjumë. Por trupi i femrës i tërë është i përfshirë – ajo akoma është e rrëqethur.

            Seksologjia moderne ka ardhur deri tek zbulimi se një grua është e aftë për më shumë orgazme – një pas një, minimum gjashtë orgazme – dhe ju i ofroni asaj vetëm një orgazëm. Ajo ende është e gatshme edhe për pesë orgazme tjera, dhe kjo është një situatë e zakonshme: burri bie të fle, e gruaja qanë e vajton.

            Nëse burri është më i kujdesshëm, dhe ai duhet të jetë shumë më i kujdesshëm ndaj një gruaje e cila i ka dhënë një përvojë kaq të mrekullueshme… Ai duhet të jetë i kujdesshëm: me paslojë, me pak më shumë muzikë, me pak ma shumë këngë, me pak më shumë lojë, ose vetëm të shtrihen bashkë. Ajo do të qetësohet, ajo do të bëhet sërish një zonjë. Derisa nuk bëhet zonjë, ju nuk duhet të shkoni për të fjetur; kur ajo bëhet zonjë ju mund t’i thoni lamtumirë dhe të shkoni për të fjetur.

            Kështu që unë e di se nga vijnë këto raporte. Njerëzit e mi qëndrojnë nëpër hotele dhe ata me siguri kanë bërë zhurmë. Por unë nuk dua t’jua ndaloj zhurmën – kjo është punë e juaja private; ajo është dhoma juaj private. Ju keni paguar për të. Tash se çfarë bëni ju aty është çështje e juaj; ajo nuk është punë për peshkopin.

            Në thelb, këmbëngulja ime është për totalitetin. Çfarëdo që ju bëni bëhuni total në të, të natyrshëm në të, dhe së shpejti ju do të zbuloni se qeshja dhe gëzimi janë të natyrshëm. Ndonjëherë ju mund të dëshironi vetëm të vallëzoni pa asnjë arsye, vetëm për shkak se jeni të mbushur plotë me energji dhe energjia e kërkon vallëzimin. Atëherë mos e ndalni atë, mos e shtypni atë, sepse çdo energji e shtypur do të bëhet helmuese.

            Shprehne atë, dhe mos u mërzitni për botën. Merrne këtë si dhuratë, që kur jeni me mua, bota e di se ju jeni të çmendur. Tash nuk ka problem. Ata e dinë se ju jeni të çmendur; ju nuk duhet të mërziten për ta. Ju duhet të jeni marrëzisht të dashuruar në jetën, në natyrën, në këtë mënyrë ju mund t’i transcedentoni të dyja së bashku jetën dhe natyrën. Dhe është një përsosuri, por kjo është për ata të cilët e jetojnë jetën totalisht.

            Në atë çast gjithashtu mund të vijnë lotët, por ato nuk do të jenë nga pikëllimi; ato do të jenë nga kënaqësia, ato do të jenë nga falënderimi, ato do të jenë nga hareja totale.

            Lotët janë gjuha e gjithçkahi të stërmbushur.

            Nëse ju jeni të stërmbushur me pikëllim atëherë lotët e juaj do të jenë të pikëllimit.

            Nëse jeni të stërmbushur me gëzim atëherë lotët do të jenë të gëzimit.

            Unë nuk po ju them t’i ndalni lotët; ato e kanë bukurinë e vet vetjake.

            Por ato duhet të jenë të gëzimit, të dashurisë, ato duhet të vijnë nga qetësia juaj, të vijnë nga paqja juaj, nga zemra juaj si falënderim i pakufishëm ndaj ekzistencës që ju ka dhënë jetën, që ju ka dhënë vetëdijen, dhe që ju ka dhënë miq të çmendur si unë.

            Pyetja e tretë

            I dashuri Osho,

            Çfarë është esenca e durimit?

            Durimin njerëzit e kanë eksplatuar.

            Ka pas varfëri për shekuj dhe atyre iu është thënë vetëm të jenë të durueshëm. “Ky është një test për besimin tuaj ndaj Zotit.” Atyre iu është thënë vetëm të jenë të durueshëm: “Kjo është vetëm çështje e disa viteve dhe ju do të hyni në parajsë.”

            Durimi është përdorur si pjesë e një shfrytëzimi të njerëzve në çdo fushë, por durimi vetvetiu është një cilësi e bukur.

            Ju nuk duhet të lejoni që durimi juaj të shfrytëzohet.

            Por të jesh i durueshëm, për mua do të thotë të besosh – të besosh në natyrë, të besosh në ekzistencë, të besosh në veten tënde. Gjërat vazhdojnë të bëhen për çdo ditë më të mira, çfarëdo që ndodhë, durimi juaj do të gjej diçka të mirë për ju. Kjo është një alkimi shumë e madhe; kjo e shndërron vuajtjen në bekim. Kjo është një vegël e madhe në duart tuaja, ju vetëm duhet ta kuptoni se kjo vegël do të përdoret vetëm nga ju, jo nga të tjerët për juve.

            Ka ndryshime të vazhdueshme në jetën - jeta është një fluks.

            Herakliti thotë: “Ju nuk mund të shkelni dy herë në të njëjtin lum.”

            Unë po ju them: “Ju madje asnjëherë nuk mund të shkelni në të njëjtin lum.”

            Lumi pandërprerë lëvizë… Bie e ngritët, ditë e natë.

            Durimi përbëhet nga këndvështrimi i gjërave në mënyrë që ato të bëhen më të lumtura për ju. Për shembull, ju mund të shihni se çdo ditë ka qenë sandviç në mes dy netëve të errëta. Kjo do t’ju jep mjerim të mirë dhe trishtim… vetëm një ditë e vogël në mes dy netëve të mëdha e të errëta.

            Njeriu i kuptueshëm do ta sheh se çdo natë është shumë e vogël në mes dy ditëve të bukura me diell. Ka njerëz që nuk do të shikojë në lulen e trëndafilit, ata do të shikojnë në ferra. Ata do të jenë në dëshpërim të thellë pse ekzistenca nuk mund të prodhojë edhe trëndafila pa gjemba, por ata janë duke i kushtuar vëmendje më tepër gjembave se sa trëndafilave.

            Njeriu i kuptueshëm do t’i dojë trëndafilat, dhe do t’i konsideroj gjembat si roje e trëndafilave. Kjo është një mbrojtje, shkurrja e trëndafilit i furnizon me lëng të dytë – edhe ferrën edhe trëndafilin. Ferra duhet të ketë disa funksione të natyrshme. Funksioni i saj është të mbrojë trëndafilin - kjo është një ushtar, një roje.

            Pasi ju e shikoni jetën vetëm nga një kënd tjetër, zemra juaj fillon të rrah në mënyrë të ndryshme. Çdo gjë mund të shihet me sy negativ, dhe ka njerëz që do të mendojnë për çdo gjë me sy negativ, ata mund të bëhen kritikë të mirë, por ata do të jenë dështimi më i madh në jetë. Është një mënyrë për të parë jetën me sy pozitiv.

            Vazhdon...

(1)    (2)    (3)    (4)            (6)