Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO  

SOKRATI EDHE PAS 25 SHEKUJSH PRAPË DO TË HELMOHEJ (5)

            Në shtetet e pasura femra këtë nuk e lejojnë. Ajo tash është e arsimuar; ajo tash kërkon liri. Dhe përse ato do të duhej ta shkatërronin trupin e tyre për prodhimin e fëmijëve, kur fëmijët mund të prodhohen në epruvetë. Përse të shkatërrohet femra e bukur, proporcionet e saja të trupit, gjinjtë e saj të bukur. Në asnjë vend të kulturuar femra nuk do të jetë e gatshme ta ushqej fëmijën me gjirin e saj.

            Pyetja e katërt

            Pikërisht tash nuk jeni larg nga Roma, a keni ndonjë plan të takoheni me Papën?

            Unë kurrë s’bëj plane, kjo është mënyrë e jetesës sime. Por ekzistenca mund të ketë plane. Nëse më ka sjellë aq afër Romës, ajo saktësisht mund të më çoj në Vatikan.

            Unë do të kisha dashtë të takohem me këtë papën fals, i cili përfaqëson hiçin sepse aty nuk është Zoti. Jezusi e ka përfaqësuar Zotin – ai ka qenë i krisur. Dhe papët e përfaqësojnë Jezusin – këta janë edhe më të krisur! E në veçanti ky papa i sotëm. Ai jo vetëm që është i krisur, por është polak së tepërmi!

            Unë kisha dashtë të diskutoj haptazi, publikisht në mesin e njerëzve të tij, sepse unë e di se nuk ka dëshmi për Zotin. Me shekuj njerëzit kanë punuar dhe nuk kanë qenë në gjendje të prodhojnë asnjë dëshmi. Ata nuk kanë fakte se Jezusi ka qenë i vetmi djalë i Zotit. Kur në Zot dyshohet, Jezusi bëhet i dyshimtë. Dhe pohimi se ai është i vetmi djalë i lindur i Zotit me të vërtetë është qëndrim egoist, megalomani. Dhe atë, para dymijë vjetësh, kur nuk ka ekzistuar kontrolli i lindjes!

            Përse Jezusi është i vetmi djalë i Zotit? A ka përdorë ai kontraceptiv? Sa i përket tabletave, kohëve të fundit që janë zbuluar, deri më tani ka pasur vetëm për femra. Nuk mendoj se tabletat për meshkuj kanë qenë në dispozicion për Zotin. Dhe aty nuk ka nënë. Trini i krishterë është i shëmtuar. Kjo është nënçmuese për femra.

            Do të kishte qenë shumë më natyrale: Zoti atë, Zoti nënë, Zoti bir – kjo do të dukej si një tërësi natyrale. Ky tipi, shpirti i shenjët, nuk ka vend në çdo familje. Çfarë është qëllimi i tij? Dhe cilës gjini ai i përket? A është mashkull apo femër?

            E Jezu Krishti është shumë fanatikë rreth kësaj. Kur kishte ardhur nëna e tij për ta takuar – ai kishte predikuar para masës – dikush nga masa i kishte thënë: “Jezus, nëna jote ka ardhur të të shoh.” Mënyra e përgjigjes së tij ka qenë aq e shëmtuar saqë i tërë predikimi i tij për dashurinë dhe paqen është rrënuar. Ai iu thotë: “I thoni asaj gruaje” – ai nuk e përdorë fjalën ‘nënë’ – “i thoni asaj gruaje se unë e njoh vetëm babin tim, i cili është në qiell. Unë nuk kam kurrfarë nëne, kurrfarë ati, tjetër përveç Zotit.”

            Papët e përfaqësojnë Jezusin. Papët e përfaqësojnë BIBLËN E SHENJËT – libër i cili është më i pashenjët në ekzistencë. Pesëqind faqe në BIBLËN E SHENJËT janë plotësisht pornografike. Do të doja të diskutoja me të nëse nuk është pornografi, atëherë çfarë është?

            Papa është menduar të jetë i pagabueshëm. Vetëm pesë minuta para zgjedhjes së tij ai ishte i rremë, ai ishte vetëm një kardinal. Dhe pas zgjedhjeve ndodhën disa mrekulli – dhe kjo është një zgjedhje! – dhe ai bëhet i pagabueshëm.

            Askush nuk mund ta zgjedhë një person të ndritur. Sistemi zgjedhor në thelb është politik.

            E vërteta nuk varet nga një palë zgjedhje. Nëse do të ishte varur e vërteta nga zgjedhjet, ju do të kishit qenë primitiv edhe në ditët e sotme. Galileo do të kishte pësuar disfatë. Ka qenë i vetmuar në pohimin e tij se toka rrotullohet rreth diellit, e jo e kundërta. Në moshën e tij të vjetër, i sëmur, në prag të vdekjes, e tërheqin zvarrë në pallatin e papës, dhe papa me force e detyron ta ndryshon shkencën në librin e tij. Galileo duhet të jetë se ka qenë person i cili ka pasur talent për humor. Ai i përgjigjet: “Nuk është vështirë. Unë do ta ndryshoj fjalinë, por dua t’ju përkujtoj se ndryshimi i fjalisë sime nuk do ta ndryshoj lëvizjen e tokës rreth diellit.”

            Ai e ka ndryshuar fjalinë në librin e tij, dhe në fusnotë e ka shkruar: “Unë e kam ndryshuar fjalinë sepse është në kundërshtim me BIBLËN, por toka ende rrotullohet rreth diellit. Toka nuk e ka obligim ta pasoj BIBLËN.”

            Nëse ishte zgjedhur e vërteta me shumicën e votave, atëherë Gautam Buda kurrë s’do të kishte qenë i zgjedhur, sepse ai ka qenë person rebelues në mesin e indusëve. Ai i ka kundërshtuar VEDET – të cilat ia vlen të gjykohen. Ai s’do të kishte marr asnjë votë. Atëherë Lao Ce nuk do të ishte zgjedhur si njeri shumë i ndritur, sepse ai ka qenë kundër Konfucies, i cili ka pasur pushtet shumë të madh mbi tërë Kinën dhe mbi gjithë politikanët.

            E vërteta qëndron në autoritetin e vet vetjak. Unë nuk e përfaqësoj askënd përpos vetes.

            E vërteta nuk është autoritative.

            Dëshiroj ta bëj një distancim në mes këtyre dy fjalëve. E vërteta ka autoritet; dhe është shumë prezentë në ndryshimin e diçkahi brenda jush. Ajo nuk është autoritative. Ajo nuk mund t’ju detyrojë të ndryshoni, të maskoheni, t’i pasoni ideologjitë tjera. Ajo nuk e ka fuqinë e kësaj bote materiale; ajo është fuqi shpirtërore.

            Unë me të vërtetë do t’ju dua, nëse ekzistojnë plane në këtë rrugë…sepse unë kurrë nuk e kam planifikuar jetën time, dhe unë e kam dashur artin e jo planifikimit të jetës. Kjo më ka ofruar lumturinë më të madhe, sepse asgjë nuk më ka dëshpëruar dhe çdo ditë kujdeset për vetvete.

            Unë e kam dorëzuar veten në duart e ekzistencës.

            Nëse ajo mund të udhëheqë me miliona yje, miliona planetë, me miliona sisteme diellore…unë jam vetëm një njeri i thjeshtë, ajo gjithashtu mund të udhëheqë me jetën time.

            Unë jam total - le të shkoj.

            Ngado që më çon ekzistenca, unë jam i gatshëm.

            Ekziston çdo mundësi të më gjeni në Vatikan. Ju lus të vini. Mos e humbni këtë shans!

            Pyetja e pestë

            Me vite popullsia gjermane po bie. siç duket gratë gjermane nuk dëshirojnë të kenë bebe me burrat e tyre. Çfarë po rekomandoni?

            Populli gjerman janë fatlum që popullsia e tyre po zvogëlohet. Problemi nuk qëndron në zvogëlimin e numrit të popullsisë. Para tridhjetë vjetësh kur kam filluar të ligjëroj mbi kontrollin e lindjeve dhe abortin në Indi kanë hedhur gurë mbi mua për të më vrarë sepse iu kam ligjëruar diçka të pamoralshme, kundër Zotit. Në atë kohë India i ka pasur katërqind milion banorë. Po të më kishin dëgjuar, sot nuk do të kishin qenë në telashe në të cilat janë. Sot popullsia e Indisë është nëntëqind milionëshe- dy herë më shumë se atëherë.

            Vlerësimet para pesë vjetësh thonë se India deri në fund të shekullit njëzet do t’i ketë një miliard banor. Kjo do të thotë se India do të jetë për të parën herë para të gjitha shteteve sa i përket numrit të popullsisë - madje edhe para Kinës.

            Tash, ky shtet do të vdes. Nuk i nevojitet bomba atomike, uria e vet, vdekja nga uria do ta vras atë.

            Kështu gjithmonë ndodhë: vendet e varfra e shtojnë popullsinë e tyre, shtetet e pasur e zvogëlojnë popullsinë. Ekziston një ligj fondamental prapa kësaj. Vendet e varfra e shtojnë popullsinë e tyre sepse ata nuk kanë zbavitje tjetër përveç seksit. Shtetet e pasura kanë shumë zbavitje tjera... po të ketë ma shumë eksplorime ekzistuese në dispozicion – seksi bëhet sekondar.

            E dyta, në shtetet e pasura, shumica e grave do të jenë më të çliruara nga robëria e zgjatur e burrave. Në shtetet e varfra gruaja thjesht është makinë për prodhimin e fëmijëve. Dymbëdhjetë fëmijë është normale, pesëmbëdhjetë, tetëmbëdhjetë, madje edhe njëzetë nuk është fenomen i rrallë. E tëra jeta e tyre kalon në prodhimin e fëmijëve. Pa edukim, pa muzikë, pa art, pa vallëzim – nuk kanë kohë – e tërë jeta e tyre kalon në rritjen e fëmijëve. Kjo e shkatërron bukurinë e tyre, dhe e bënë trupin e tyre të shëmtuar. dtiITE POPULLATA GJERMANE PO BIE

            Në shtetet e pasura femra këtë nuk e lejojnë. Ajo tash është e arsimuar; ajo tash kërkon liri. Dhe përse ato do të duhej ta shkatërronin trupin e tyre për prodhimin e fëmijëve, kur fëmijët mund të prodhohen në epruvetë. Përse të shkatërrohet femra e bukur, proporcionet e saja të trupit, gjinjtë e saj të bukur. Në asnjë vend të kulturuar femra nuk do të jetë e gatshme ta ushqej fëmijën me gjirin e saj.

            Gjinjtë nuk mund të mbesin të rrumbullakët nëse fëmija ushqehet prej tyre. Gjinjtë e rrumbullakët, siç i shihni në skulpturat e artistëve të mëdhenj. Nëse gjinjtë mbesin të rrumbullakët, fëmija do të mbytet duke thithë gji, sepse hundën e tij do ta mbyllë gjiri. Ai nuk mundet në të njëjtën kohë edhe të thithë edhe të merr frymë. Gjinjtë duhet të jenë të zgjatur për të qenë në gjendje fëmija të thithë dhe të merr frymë njëkohësisht. 

            Shkencëtarët thonë se njeriu ka kapacitet të shkojë në përtrirjën e jetës së tij për së paku treqind vjet, nëse ushqehet si duhet, ushtron si duhet, ka mjedis të mirë në dispozicion. Por njeriu vdes rreth të shtatëdhjetave; kjo është kohë tradicionale për vdekje.

            Gruaja, në vendet siç është Gjermania, duhet të insistojnë në atë se nuk duhet të shtohet popullsia. Ju mund t’i adoptoni fëmijët nga vendet e varfra. Kjo do të ndihmojë në dy mënyra: do t’i ndihmojë shtetet e pasura dhe njerëzit e tyre ta mbajnë shëndetin e tyre dhe trupin e tyre, gjithashtu do t’i ndihmojë shteteve të varfra.

            E treta, pyetja se gratë në Gjermani nuk janë të gatshme të bëjnë fëmijë me burrat e tyre. Kjo është shumë me rëndësi të kuptohet, tjetër është me qenë burrë e tjetër është me qenë baba. Funksionet janë plotësisht të ndryshme. Me qenë grua është tjetër gjë, e me qenë nënë është krejtësisht diçka tjetër.

            Ju mund të dashuroheni në gruan, kjo është në rregull. Ju mund të martoheni, por kur ka lidhje me fëmijët, këta janë më të mirë se shkencëtarët, bordi mjekësor, se cili burrë është me të vërtetë për grua, dhe cila grua është për burrë, t’i jep fëmijës jetë më të mirë, trup më të bukur, inteligjencë më të madhe. Kjo duhet të bëhet vetëm pjesë e jetës së njerëzve inteligjent. Përse të insistohet që fëmija juaj duhet të jetë fëmija JUAJ? Çka ka lidhje kjo? A mund ta njihni ju fëmijën tuaj kur është vetëm qelizë atomike? A mund ta njihni se cili është fëmija juaj?  

            Funksioni i burrit në prodhimin e fëmijëve nuk është hiq ma i madh se i një shiringe. Në çdo kontakt seksual njeriu gjithmonë nxjerr jashtë miliona spermatozoid të gjallë, dhe nga kjo fillon politika: gara e madhe – sepse vetëm një spermatozoid ja del të mbërri tek vezorja. Ky është kalim shumë i shkurtë për neve. Por për spermatozoidin proporcionalisht është dy mile i gjatë. Për dy mile një milion spermatozoid marrëzisht nxitojnë të vijnë në postin e kryeministrit! E ndjenja ime është, të qëndrohet anash nga rrëmuja.

            Njerëzit më të mirë nuk janë aq të marrë, nuk janë aq ambicioz. Njerëzit më të mirë dëshirojnë të lihen të qetë. Në çastet e tilla të nxitimit atyre iu pëlqen të presin pak: kurrë rrëmuja kalon, tek atëherë ata lëvizin – por atëherë ata e kanë humbur shansin. Vetëm një spermatozoid do të futet brenda në vezore, e mandej vezorja mbyllet. Nganjëherë ndodhë të mbërrijnë dy spermatozoid në të njëjtën kohë – kjo është arsye përse lindin binjakët. Nganjëherë tre, nganjëherë katër…rekordi është nëntë, por ky është fenomen i rrallë.

            Personi i cili do të mbërri i pari ndoshta nuk do të jetë personi më i mirë prej një milion spermatozoideve. Ai ndoshta nuk do të bëhet Albert Ajnshtajnë, ai ndoshta nuk do të bëhet Pikaso, ai ndoshta nuk do të bëhet Gautam Buda…dhe unë jam plotësisht i sigurt se nuk do të bëhet; përndryshe, bota nuk do të kishte qenë e stërmbushur me budallenj. Turma, masa, gati të retarduar.

            Në luftën e  parë botërore për të parën herë është testuar inteligjenca, është zbuluar IQ.   Dhe kjo ka qenë tronditëse: individi mesatar në botë ka pasur moshën mendore trembëdhjetëvjeçare. Ai ka mund të jetë shtatëmbëdhjetë vjeç fizikisht, por mentalisht ka qenë trembëdhjetë vjeç. Kjo është e çuditshme.

            Kjo është jashtëzakonisht mirë kur gruaja duhet të vendos – edhe burri duhet t’i ndihmoj të vendosin. Merrni këshilla prej ekspertëve rreth asaj se cili burrë është i vërtetë për femra. Përfundimisht, siç ekzistojnë transfuzionet e gjakut duhet të ekzistojnë edhe transfuzionet e spermës. Dhe njerëzit bujar duhet të shkojnë atje dhe ta dhurojnë spermën e tyre. Nga këta miliona spermatozoid, njerëzit më të mirë mund të zgjedhën. Mund ta mbushim tokën me gjeni.

            Kështu që unë nuk jam kundër asaj që po ngjanë në Gjermani, ky është vetëm fillimi, fillimi i asaj që do të ndodhë shumë ma shumë. Sperma mund të zgjedhet nga mjekët, dhe kjo mund të injektohet në femrën. Dhe duhet të jesh i lumtur të kesh një fëmijë të bukur; përse duhet të insistohet me qenë vetëm i juaji? Ky posesivitet është primitiv. Kjo do të duhej të ishte më e mira, kjo do të duhej të ishte më e shëndetshmja; kjo do të duhej të ishte kontribut për botën – bukuria e saj, madhështia e saj, aroma e saj.

            Tjetër është të jetohet me një person, dhe krejtësisht është diçka tjetër të krijohet fëmija. Për këtë nevojiten dy ligje të ndryshme. Dhe ky posesiviteti i marrë – “Fëmija duhet me qenë i imi” – duhet të jetë i tejkaluar. Nëse numri i popullsisë bie, kjo është shumë mirë. Nëse të gjitha shtetet e pasura e përcjellin shkaktarin e njëjtë dhe popullsia e tyre fillon të bie, të gjithë ata mund të adoptojnë fëmijë nga vendet e varfra, dhe ne mund ta balancojmë botën në mënyrë më të mirë.

            Dhe mos harroni, hibridizimi nuk i ndihmon vetëm shtazët, zogjtë dhe frutat. Hibridizimi është fenomen shumë i madh, por njeriu është aq antishkencor saqë as nuk ka provuar. Nëse ka njerëz shumë e ma shumë nga vendet e ndryshme, të largëta – Etiopi, Indi, Tajlandë, ku njerëzit vdesin nga varfëria – nëse fëmijët e tyre adoptohen nga shtetet e pasura, gjaku i tyre do të sjellë diçka të re për ju. Së shpejti ata do të jenë të gatshëm të prodhojnë fëmijë. Fëmijë e tyre do të jenë shumë më lartë në çdo mënyrë të mundshme. Kjo është e vërtetë shkencore të cilën po jua them.

            Rënia e numrit të popullsisë është bekim.

            Shtimi i numrit të popullsisë është mallkim.

            Vazhdon...

 (1)     (2)     (3)     (4)                (6)