Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO  

SOKRATI EDHE PAS 25 SHEKUJSH PRAPË DO TË HELMOHEJ (1)

Kapitulli i tretë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

  KAPITULLI  3

    Pusi shkon kah tharja

            20 shkurt 1986 paradite      

            Pyetjet nga “Tros” – Televizioni i Holandës

            Pyetja e parë

            Kjo është lloj parajse - ju e keni rizbuluar përsëri.

            Si ja keni dal t’i gjeni këto vende te mrekullueshme përsëri e përsëri?

            A është kjo pyetje e vështirë? Kemi menduar kohë të gjatë për këtë…

            Kjo është pyetje e vështirë, sepse unë kurrë s’kam provuar të gjej ndonjë vend. Kjo nuk është çështje e menaxhimit. Kjo ka qenë përvoja ime, se nëse përbrenda jeni në parajsë, e jashtmja automatikisht sinkronizohet me të. Nëse provoni ta menaxhoni, thjesht keq do ta menaxhoni. Nëse provoni ta gjeni parajsën, ju s’do të fitoni asgjë.

            Pyetja e dytë

            A është ishulli Kreta ishull i bekuar? – sepse së pari Zeusi e tash Osho.

            Unë nuk jam zot, as i pari i zotit. Zoti është thjesht trillim. Por besimi mund të përjetohet kudo, në cilëndo pjesë të botës. Kjo është një botë. Ky ishull nuk është i ndarë.

            Pyetja e tretë

            Në këtë ishull, ju ndoshta e dini, lëvizja “hippi” (hipi) ka startuar para shumë vitesh. Mandej i kemi pasur forcën e lules po ashtu edhe “beatles”(bitlls). A ju duhet bota si e “mick jagger” (mik xheger)?

            Jo, sepse ajo për të cilën unë flas nuk është modë e cila vjen e shkon. Kjo është diçka që i përket përjetësisë. Sokrati e ka bërë këtë, Gautam Buda e ka bërë këtë, Çuang Ce e ka bërë këtë. Sa më mbrapa që mund të shikoni do të gjeni njerëz të cilët kanë punuar për idenë e njëjtë të shndritjes. E kjo do të vazhdoj derisa edhe njeriu i fundit në këtë botë të shndritet. Kështu që kjo nuk është modë që shkon e vjen me Bitllsat e të tjerët.

            Pyetja e katërt

            Njëherë thatë se i eturi duhet të shkojë tek pusi, por tash pusi po vjen tek i eturi. Ju po bëni turne rreth botës. Kur do të vini në Holandë?

            Shumë shpejtë.

            Pyetja e pestë

            Ata atje a janë të etur - çka mendoni?

            Unë kur s’kam plan për të ardhmen, por unë kam shumë miq në Holandë kështu që unë nuk mund t’i shmangem vizitës edhe një kohë të gjatë.

            Pyetja e gjashtë

            Ju kujtohet intervista jonë, gushtin e shkuar, Osho? Kjo intervistë ka pasur vlerësime të larta që tregohen vetëm atëherë kur në televizion shfaqen filmat mbi katastrofat. A jeni ju lloj katastrofe?

            Unë jam! Unë jam katastrofë e të gjitha traditave, e të gjitha religjioneve, e të gjitha ideologjive politike, e të gjitha kufijve nacional, e i të gjithë asaj që i përket të shkuarës. Unë dua që njeriu të jetë i shkëputur me të shkuarën. E shkuara ka qenë çmenduri.

            Kështu unë jam katastrofë për të gjithë ata të cilët kanë interesa personale nga e shkuara.

            Pyetja e shtatë 

            Fjalët tuaja të fundit në TV intervistën tonë kanë qenë: “Fryti është i pjekur” pas asaj juve ju kanë arrestuar, shila (sheela) ka ikur, raxhnishpuram (rajneeshpuram) është mbyllur, të gjithë rolls rojsët (rolls royces) janë shitur, dhe ju po udhëtoni nëpër botë duke mos gjetur qetësi. Për çfarë lloj fryti ju po flisni?

            Kurdo që piqet fryti, ai bie poshtë!

            Pyetja e tetë

            A nuk do ta merrnit ju frytin nga pema, në vend se ta merrni nga toka?

            Unë i kam marrë ato fruta dhe kam shkuar nëpër botë për t’jua shpërndarë atyre. Unë nuk kam shkuar nëpër botë në kërkim të qetësisë. Qetësinë e kam pasur. Unë kam shkuar nëpër botë për t’jua dhënë ketë atyre të cilët kanë pasur nevojë.

            Pyetja e nëntë

            Cilat janë planet e juaja të ardhme?

            S’kam!

            Pyetja e dhjetë

            S’keni plane për të ardhmen?!

            Jo.

            Pyetja e njëmbëdhjetë

            A është e lehtë të mos keni plane për të ardhmen? Mendoj, çdo njeri brengoset për të ardhmen. Ju jo, sepse ju jeni ne gjendje ta mposhtni atë.

            Unë nuk kam qenë i brengosur madje edhe kur ende nuk kam ditur ta mposhti atë. Kjo nuk është gjithmonë ashtu. E kam braktisur familjen time kur kam qenë shtatëmbëdhjetëvjeçar sepse nuk kam qenë i gatshëm të shkoj në kolegjin shkencor siç ka dëshiruar familja ime. Ata nuk kane qenë të vullnetshëm të më përkrahin financiarisht në studimin e filozofisë. Dhe kishin të drejtë, sepse çfarë do të bëni kur bëheni filozof? Mund të bëheni vetëm lypës. Në këtë botë filozofia nuk ka vlerë.

            Kështu i kam thënë atyre: “Mos u brengosni; vetëm më leni të qetë" – nuk mendoj për të nesërmen.

            Pyetja e dymbëdhjetë

            Ju s’keni para ta paguani rentën nesër?

            Jo.

            Pyetja e trembëdhjetë

            Ju s’keni para ta paguani ushqimin nesër?

            Jo.

            Pyetja e katërmbëdhjetë

            Ju s’keni para të blini automobil nesër?

            Jo.

            Pyetja e pesëmbëdhjetë

            Mirë, atëherë qenka lehtë të mos brengosemi!

            Është e lehtë. Por edhe ekzistenca disi ja del në këtë.

            Pyetja e gjashtëmbëdhjetë

            Qenë disa pyetje të cilat nuk m’u lejuan t'i bëjë, sepse ju nuk i dëshironi ato. Pse është ajo që ju nuk dëshironi të përgjigjeni në çdo tje?NI N[UK I D[pyetje?

            Sepse ato i përkasin të shkuarës, të cilat janë kryer.

            Pyetja e shtatëmbëdhjetë

            Për të ardhmen ju s’po doni të flisni; për të shkuarën s’po doni të flisni – thuaj se s’ka mbetur asgjë!

            Vetëm e tashmja, që është i vetmi realitet.

            Pyetja e tetëmbëdhjetë

            Ne veç e mësuam se kjo është përgjigje e lehtë! Por, a ka pyetje të cilën unë s’ju kam pyetur e ju keni dashtë të përgjigjeni?

            Jo.

            Pyetja e nëntëmbëdhjetë

            Duket sikur të gjitha pyetjet veç janë pyetur, dhe ju duket se jeni të gatshëm të jepni edhe më tej përgjigje?

            Jo, nuk bëhet fjalë për të. Çështja është se unë s’kam asnjë pyetje, por s’kam as përgjigje. Unë jam si pasqyrë: ju parashtroni pyetje; vetëdija ime reflekton përgjigje. Kjo është spontanisht. Nëse ju s’keni asnjë pyetje për të pyetur, atëherë pasqyra mbetet e zbrazët. Aty nuk ka përgjigje, unë nuk mund të përgjigjem.

            Unë s’kam asnjë përgjigje t’jua jap. Ju duhet të krijoni pyetje, dhe situatën në të cilën qenia ime mund të përgjigjet në pyetje. Unë thjesht jam i heshtur.

            Pyetja e njëzetë

            Ne do të shihemi prapë në Holandë, shpresoj. Në ndërkohë ju kam sjellë një dhuratë. Është një kravatë nga stacioni ynë.

            Kjo është e mirë!

            Pyetja e njëzetenjëtë

            Unë nuk di se si do ta vendosni, por gjithsesi është kravatë e bukur!

            Do të provoj, s’ka problem!

            Vazhdon....

   (2)      (3)      (4)      (5)     (6)