Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (6)

Kapitulli i tetë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Pyetja e trembëdhjetë

            Pikërisht tash në Gjermani është një skandal i madh ku është i involvuar kancelari, Helmut Kohl. Dëshironi ta komentoni?

            Kancelarin gjerman duhet dërguar në çmendinë kështu vetëm ata mund t’ia rregullojnë bulonat e prishur dhe budallallëqet në mendjen e tij.

            Pyetja e katërmbëdhjetë

            Pse njerëzimit gjithmonë i duhen liderët: Pse nuk është e mundur për aq shumë qenie njerëzore vetëm të relaksohen kur janë së bashku, dhe të bëhen të vetëdijshëm se asnjë lider nuk është i nevojshëm?’HT[E NUK [DER[urgullojn[U ËSHTë

            Liderët janë absolutisht të panevojshëm, por për mijëra vjet ata kanë krijuar një situatë në të cilën ata janë bërë shumë të nevojshme. Për shembull, nëse doni të jeni fetar, ju duhet të shkoni në kishë. Unë nuk shoh kuptim. Ju duhet të shkoni në det, ju duhet të shkoni tek pema, ju duhet t’i afroheni diçkahi që është e gjallë dhe ekzistenciale. Në kishë çdo gjë është e vdekur.

            Por vetëm pak ditë më parë papa deklaroi se është mëkat në qoftë se ju i rrëfeheni drejtpërdrejtë Perëndisë, ju duhet t’i rrëfeheni priftit. Prifti duhet të jetë ndërmjetës midis jush dhe Perëndisë, ju nuk mund të keni një linjë komunikim të drejtpërdrejtë me Perëndinë.

            Këta njerëz nuk do t’i lejojnë njerëzimit të rritet. Ata e mbajnë njerëzimin në atë mënyrë që gjithmonë duhet dikush t’ju tregoj se çfarë të bëni, apo çfarë nuk duhet të bëni. Përndryshe, kush janë ata për të na dhënë dhjetë urdhëresat?

            Në luftën e parë botërore për të parë herë u mat inteligjenca dhe koeficienti i inteligjencës - IQ, u bë një nga zbulimet e rëndësishme. Por ajo u bë shokuese kur u zbulua se shumica e njerëzve në botë janë vetëm trembëdhjetë vjeç sa i përket interesimit të mendjeve të tyre. Ato mund të jenë shtatëdhjetë vjeçar fizikisht, por ata mentalisht janë vetëm trembëdhjetë vjeç.

            Me shekuj njeriu është mbajtur i retarduar - jo drejtpërsëdrejti, se për ndryshe njerëzit do të ishin revoltuar, por tërthorazi.

            Vetëm shikoni këtë tregim biblik: Zoti i thotë Adamit dhe Evës: “Mos hani nga pema e dijes.”

            Kjo i ndalon njerëzit të rriten. Ky është fillimi i robërisë së njeriut.

            Është e çuditshme: në qoftë se Zoti është një baba ... babai fëmijën e tij e do të jetë i mençur, të jetë një njeri i dijes. Por Perëndia e ndalon atë për të ngrënë nga dy pemët: njëra është pema e njohjes, dhe tjetra është pema e jetës së përjetshme.

            Më duket se djalli është mirëdashëse shumë më tepër se Perëndia. Ai vjen në formën e një gjarpër dhe e bindë Evën për të ngrënë fruta dhe i tregon të vërtetën. E vërteta është: “Zoti nuk do që ju të hani frutat nga pema e dijes dhe nga pema e jetës së përjetshme, sepse nëse ju i hani këto dy fruta, ju do të jeni ashtu si Perëndia. Dhe ai është një Zot xheloz, ai nuk dëshiron që të bëheni perëndi, ai dëshiron që të mbeteni të dëgjueshëm, fëmijë të retarduar.”

            Argumenti i tij është absolutisht valid. Ai është revolucionari i parë, ai është bekimi i parë për njerëzimin. Nëse djalli nuk e kishte bindur Evën, ndoshta ne ende do të kishim qenë në kopshtin e Edenit, të zhveshur, duke ngrënë barë. Çdo gjë që ne kemi - shkencë, teknologji - është sepse djalli e ka bindur Evën, dhe Eva e ka bindur Adamin.

            Të gjitha religjionet e botës janë përpjekur për t’i mbajtur njerëzit injorant. Për shembull, gjysma e njerëzimit, femra, është privuar nga çdo arsimim. Gruaja nuk mund të hyjë në shumë vende fetare, ajo nuk guxon t’i lexojë shkrimet e shenjta religjioze.

            Ju do të befasoheni me faktin se të gjitha shkrimet e shenjta fetare janë në gjuhët të cilat janë të vdekura. Hebraishtja është e vdekur; Sanskrishtja nuk është përdorur nga njerëzit, ajo kurrë nuk ka qenë një gjuhë e gjallë. Ajo është përdorur vetëm nga priftërinjtë, dhe ata nuk ia lejojnë askujt tjetër që ta mësojnë gjuhën. Kjo krijon një mister. Njerëzit ndihen se ata nuk e dinë, prifti e di. Ai s’di asgjë.

            Kur janë përkthyer VEDAT, u zbulua se pothuajse nëntëdhjetë e tetë për qind janë vetëm mbeturina. Priftërinjtë në Indi ishin kundër përkthimit të Vedave në ndonjë gjuhë tjetër, dhe ju mund ta kuptoni pse. Ata e dinin, se ajo që është shkruar është aq marrëzi dhe se nuk ka pyetje shpirtërore në të.

            Liderët politikë nuk duan që njerëzit të jenë inteligjent; kështu që, të gjitha sistemet arsimore në tërë botën janë krijuar të atilla që krijojnë nëpunës, shërbyes telekomunikacioni, shërbyes hekurudhe, jo - revolucionarë. I tërë sistemi arsimorë në gjithë botën është i orientuar në mënyrë të atillë ku nuk e rritë inteligjencën tuaj, ajo vetëm mbush sistemin e kujtesës suaj. Këto janë dy gjëra të ndryshme, dhe ju mund ta shihni këtë.

            Ka pasur njerëz me inteligjencë të madhe, si Albert Ainshtajn, - por ai nuk ishte një njeri i kujtesës. Ai kur ka shkuar në banjo i ka thënë gruas së tij: “Kthehem për dhjetë minuta” - dhe kishin kaluar gjashtë orë dhe ai ende kishte qenë në vaskën e tij!

            Një nga miqtë e mi, Dr Rammanohar Melia ishte për vizitë. Gruaja e Albert Ainshtajnit ishte zënë pak ngushtë, ajo kishte thënë: “Më falni. Më duhet ta ndërpresë atë, kjo është shumë. Ai tha për dhjetë minuta, e tash kaluan gjashtë orë ... dhe ju jeni duke pritur për gjashtë orë.”

            Ajo kishte trokitur në derë, dhe Ainshtajni i kishte thënë: “A kaluan dhjetë minuta? Pse po më shqetëson? Isha duke luajtur me fluska sapuni në vaskë.”

            Duke luajtur me fluska sapuni në vaskën e tij ai kishte zbuluar shumë teori të mëdha në lidhje me yjet, për shkak se ishte momenti më i relaksuar. Dhe kur ju jeni në relaksimin më të madh, inteligjenca është në kulmin e saj. Kur ka shumë kujtesë, inteligjenca shtypet.

            I tërë sistemi ynë arsimor është sistem për t’ju ushqyer, rrugë e një kompjuteri të ushqyer. Të gjitha provimet e juaja nuk janë ekzaminime të inteligjencës, ato janë kontrolle të kujtesës suaj, sa ju mbani mend.

            Njerëzit janë mbajtur nga fetë, nga politikanët, nga arsimtarët, duke mbetur fëmijëror. Kjo ndihmon që ata të robërohen me lehtësi, kjo ndihmon për t’u veshur interesat e tyre – dhe këtyre njerëzve gjithmonë iu duhen liderët. Ata nuk mund të shkojnë diku tjetër. Dhe askush nuk ndihet i ofenduar edhe kur një njeri si Jezusi iu thotë njerëzve: “Unë jam bariu juaj dhe ju jeni delet e mia.”

            Asnjë njeri i vetëm nuk është ngritur të thotë: “Ju lutemi mos na ofendoni. Ju jeni duke e proklamuar veten bari dhe ju jeni duke e poshtëruar qenien njerëzore në dele.” E jo vetëm në atë kohë, por për dy mijë vjet priftërinjtë krishterë, peshkopët, kardinalët, papa janë duke e përsëritur të njëjtën gjë: “Jezusi është bari dhe ju jeni delet e tij.” Askush nuk ka guxim për të thënë: “Unë jam njeri, unë nuk jam dele. Njeriu nuk kanë nevojë për barinj.”

            Absolutisht nuk ka nevojë për liderë në asnjë fushë - por për këtë ne duhet ta ndryshojmë tërë sistemin arsimor, të gjitha indoktrinimet fetare, të gjitha strukturat politike.

            Tani për tani, politika është i vetmi profesion ku nuk kërkohet kualifikimi i domosdoshëm. Çdo idiot i cili është mjaft kokëfortë, që nuk ka ndjenjë turpi, që nuk ka ndjenjë, se atë që ai është duke e thënë ai, nuk do të mund të përmbushë, mund të gënjen shumë lehtë, është një hipokrit, është mjaft karrierist ... do të bëhet një politikan, do të jetë në një post të lartë.

            Unë e di një njeri në Indi që u bë ministër i arsimit i qeverisë qendrore, dhe ai vetë ishte absolutisht e paarsimuar. Arsimin e tij i vetëm ka qenë se ka ditur ta nënshkruante emrin e tij.

            Në çdo profesion disa kualifikime janë të nevojshme. Nëse ne duam ta ndryshojmë botën dhe nëse ne duam që njerëzit të lirohen nga detyrimet e liderëve, kjo thjesht do të thotë që ne do të duhet të ndryshojmë çdo gjë nga e para.

            Unë jam në favor të meritokracisë. Një burrë i cili vetë është i paarsimuar bëhet në një shtet ministër i arsimit thjesht është për të qeshur. India ka më shumë se njëqind universitete, njëqind rektor universiteti, qindra studiues të mëdhenj dhe ekspertë, ligjërues, vetëm ata duhet të lejohen të qëndrojnë në një post i cili do të jetë në ministrinë për arsim.

            Unë kam parë ministra të cilët nuk dinë asgjë për ekonominë dhe ata janë ministra të financave. Këta njerëz nuk do të dëshironin që masa e përgjithshme të jetë mjaft inteligjent për të parë se çfarë po ndodh pas perdes, se si ata janë duke u shfrytëzuar, duke u mashtruar.

            Unë absolutisht pajtohem: nuk ka nevojë për ndonjë lider.

            Unë nuk jam lider.

            Unë nuk jam mjeshtër, askush nuk është dishepulli im.

            Unë nuk jam bari dhe askush nuk është dele për mua.

            Sanjasinët e mia janë miq të mi, përcjellës të udhëtimit tim. Unë i respektoj ata sa ata më respektojnë mua. Unë i dua ata ma shumë se që më donë ata mua. Dhe unë nuk shoh ndonjë ndryshim: ata janë potencialisht çdo gjë që është e mundur për qeniet njerëzore, potenciali i tyre ka qenë gjithmonë vetëm se nuk është shfrytëzuar.

            Kjo është hera e parë në botë që dikush është duke thënë: “njerëzit e mi janë miqtë e mi.” Unë nuk i detyroj sanjasinët e im, ata më obligojnë mua duke më pranuar si mik të tyre. Ata kanë të drejtë të më refuzojnë.

            Pyetja e pesëmbëdhjetë

            Dje ju e shpjeguat trininë e shenjët të vërtetë si ekzistencë reale. E bukura dhe e mira. Pse nuk është përfshirë dashuria? 

            Dashuria është përfshirë. Kjo është pjesë e bukurisë, kjo është arsyeja pse ajo nuk është emëruar më vete. Ajo është syri i dashurisë që e zbulon bukurinë, ajo është bukuria që provokon dashurinë në ju. Ata janë një fenomen.

            Pyetja e gjashtëmbëdhjetë

            A keni parë ndonjë ngjashmëri midis Helmut Kohl dhe Ronald Reagan?

            Nuk ka dy persona të janë të ngjashëm, se është kundër ligjit të natyrës. Natyra prodhon individë të vetëm unik. Ronald Reagan është Ronald Reagan. Kancelari gjerman është kancelar gjerman. Nuk ka asnjë ngjashmëri.

            Vetëm një lidhje unë mund të shoh: kancelari gjerman është vetëm një kukull e Ronald Regan.

            Pyetja e shtatëmbëdhjetë

            Ju thatë se Shtetet e Bashkuara kanë fashizmin më të madh. Çfarë ka Gjermania?

            Unë vetëm thash se kancelari gjerman është një kukull e Ronald Reagan, dhe qeveria gjermane po ndjek kursin e qeverisë amerikane. Kjo është fashiste.

            Por për shkak të luftës së dytë botërore dhe Adolf Hitlerit, fjala “fashizëm” ose “nacizëm” është bërë aq e dënuar sa që qeveria gjermane duhet të mbajnë maska në të njëjtën mënyrë si qeveria amerikane që është duke bërë, por ka pretendime të bëhet demokratike.

            Në fakt, kjo është shumë e vështirë për çdo qeveri të jetë demokratike, për arsye të thjeshtë se pushteti korrupton, dhe pushteti absolut korrupton absolutisht.

            Pyetja e tetëmbëdhjetë

            Gjermanët e njohin mirë dashurinë e tyre për udhëtim dhe bëjnë plane. Ata gjithashtu flasin shumë se si dëshirojnë, shumë ma shumë, ta jetojnë jetën e tyre, por kurrë nuk i realizojnë planet e tyre. A mund të komentoni rreth kësaj ju lutemi?

            Kjo është e vërtetë për të gjithë, jo vetëm për gjermanët. Të gjithë ëndërrojnë, planifikojnë për çastet e shpenzuara të cilat nuk kanë mundur t’i jetojnë. Shumë njerëz e realizojnë atë, që nuk e kanë bërë sa kanë qenë të gjallë, tek kur të vdesin – por atëherë bëhet vonë.

            Kështu që mos i dënoni panevojshëm gjermanët; ky është një fenomen njerëzor, njëjtë është në gjithë botën. Çdokush planifikon për vitin tjetër. Vetëm njerëzit e Lindjes janë ata të cilët planifikojnë për jetën e ardhshme! Por askush nuk brengoset për momentin e tashëm, i cili është i vetmi realitet.

            Nëse dëshironi të jetoni, jetoni tani dhe këtu.

            Nëse nuk dëshironi të jetoni, ju mund të vazhdoni të krijoni sa ma shumë ëndrra dhe fantazi që është e mundur. Të gjitha fantazitë, të gjitha ëndrrat, të gjitha planifikimet për të ardhmen s’janë asgjë tjetër përveçse vetëvrasje e ngadalshme.

            Pyetja e nëntëmbëdhjetë

            Si është e mundur të jesh impulsiv dhe t'i kesh ndjenjat si: zemërimi, pikëllimi apo xhelozia, duke mos i lënduar të tjerët dhe duke mos i shtypur këto ndjenja?

            Perëndimi absolutisht e injoron shkencën që quhet meditim; për këtë arsye këto probleme rrjedhin. Këto nuk janë probleme reale, këto janë vetëm simptome. Këto janë simptome të mendjes jo-meditative.

            Nëse ju mund të meditoni, nëse mund të krijoni distancë të vogël midis mendjes suaj dhe qenies suaj, nëse mund ta shihni dhe ta ndjeni dhe të keni përvojë se ju nuk jeni mendja juaj, do të ndodh një revolucion i hatashëm brenda jush. Nëse ju nuk jeni mendja juaj, atëherë ju nuk mund të jeni xhelozia juaj, atëherë ju nuk mund të jeni pikëllimi juaj, atëherë ju nuk mund të jeni zemërimi juaj.

            Atëherë ato mbesin vetëm atje, pa lidhje me ju, ju nuk jepni kurrfarë energjie për to. Ato janë me të vërtetë parazitë që jetojnë në gjakun tuaj, sepse ju jeni identifikuar me mendjen. Meditim do të thotë mosidentifikim me mendje.

            Kjo është një metodë e thjeshtë, jo diçka komplekse që vetëm disa njerëz mund të bëjnë. Vetëm qëndro në heshtje në çdo kohë, çdo moment, dhe  shiko. Mbyll sytë e tu dhe vrojto se çfarë po ndodh. Vetëm bëhu një vrojtues. Mos gjyko se çfarë është e mirë, çfarë është e keqe, kjo nuk duhet të jetë, kjo duhet të jetë ...

            Jo gjyqtar, ju thjesht jeni vrojtues.

            Kjo merr pak kohë për të arritur në vrojtim i plotë. Dhe në momentin që ju bëheni një vrojtues i pastër, ju do të mbeteni të habitur që mendja është zhdukur.

            Ekziston një proporcion: në qoftë se ju jeni vetëm një për qind vrojtues, atëherë nëntëdhjetë e nëntë për qind është mendje. Nëse jeni dhjetë për qind vrojtues, atëherë nëntëdhjetë për qind është mendje. Nëse jeni nëntëdhjetë për qind vrojtues, atëherë vetëm dhjetë për qind e mendjes mbetet.

            Nëse jeni njëqind për qind vrojtues, atëherë nuk ka mendje - nuk ka hidhërim, inat, xhelozi - vetëm qartësi, qetësi, bekim.

            Pyetja e njëzetë

            Në një intervistë që keni dhënë vitin e kaluar keni thënë se komunat janë dëshmi të mësimeve tuaja. A vlen kjo ende apo keni të shtoni diçka të re, pavarësisht nga fakti se komuna në Oregon është mbyllur dhe shumë ndryshime kanë ndodhur në komunat evropiane?

            Kjo është ende e vlefshme - por kjo nuk do të thotë se asnjë ndryshim nuk do të ndodh.

            Në fakt, ndryshimet ndodhin vetëm kur diçka është e vlefshme. Gjërat jo reale nuk ndryshojnë; vetëm gjërat e vërteta ndryshojnë. Një lule plastike mbetet gjithmonë e njëjtë, por një trëndafil i vërtetë ndryshon.

            Çfarëdo që unë kam thënë për komunë është e vërtetë, ende e vërtetë. Dhe ndryshimet që ndodhin janë duke bërë komunën më të gjerë, më të madhe, më të hapur.

            Tash përpjekjet e mia janë që komuna të mos jetë e hapur vetëm për sanjasinët. Ajo duhet të jetë e hapur për të gjithë që kanë një raport me mua - ai mund të mos jetë sanjasin, i cili ka një ndjenjë për mua - ai mund të mos jetë sanjasin.

            Përpjekje ime nuk është për të krijuar një shoqëri alternative; përpjekje im është për ta ndryshuar tërë shoqërinë në një komunë të madhe botërore. Në këtë mënyrë shumë ma shumë ndryshime do të ndodhin, shumë ma shumë dyer do të hapen dhe dalëngadalë unë do ta fus tërë botën brenda. Unë nuk dua që dikush të jetë i varfër dhe të lihet jashtë në të ftohtë, derisa komuna ime është aq e ngrohtë, aq e gjallë, aq e gëzuar. Unë nuk dua dikush ta humbë këtë mundësi.

            Pyetja e njëzet e një

            Një ditë ju thatë se jeni pasqyrë. Çfarë shihni kur e shikoni veten tuaj në pasqyrë në banjo në mëngjes?

            Asgjë!

            Pyetja e njëzetë e dy

            J. Krishnamurti vdiq të hënën e kaluar, në Oxhai, Kaliforni. Në të shkuarën keni folur për të si një qenie tjetër e ndritur. Ju lutem dëshironi ta komentoni vdekjen e tij?

            Vdekja e një të ndrituri si J. Krishnamurti s’ka asgjë për të qenë i pikëlluar rreth kësaj, kjo është diçka që duhet të festohet me këngë e valle. Ky është një moment gëzimi.

            Vdekja e tij nuk është një vdekje. Ai e di pavdekësi e tij. Vdekja e tij është vetëm vdekje e trupit. Por J. Krishnamurti do të vazhdojë të jetojnë në vetëdijen universale, përgjithmonë e përgjithmonë.

            Fund i kapitullit të  tetë

(1)    (2)    (3)    (4)    (5)