Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Nijazi BASHA

       USHQIMI OPTIMAL (6)

     Ushqimi i rëndomtë ose aktual zhvillon rreth 3000 sëmundje, të cilat kryesisht janë sëmundje të civilizimit bashkëkohor. Bujqit prodhojnë pemë dhe perime jo-biologjike që janë shumë më të varfra me materie ushqyese se ato prodhime që prodhohen nga bujqit biologjikë. Shumica e prodhimeve bujqësore që ne i hamë, jo vetëm që janë të tepërta, por ka prej tyre që nuk janë të domosdoshme për t’i ngrënë, madje janë të shtrenjta dhe me pak vlerë. Pra, shumë nga prodhimet bujqësore nuk janë cilësore për t’i ngrënë, por janë cilësore për t’i parë.

            TË USHQYERIT E GRAVE SHTATZËNA DHE  TË FËMIJËS

            Gruaja shtatzënë nuk është e thënë patjetër që ta ndërrojë dietën optimale. Mund ta rritë sasinë e ushqimit, por jo në masë të tepruar. Gruaja shtatzënë duhet ta ruajë gjendjen shëndetësore: të dhëmbëve, të veshkave si dhe peshën e trupit ta mbajë normale.

            3 - 4 javë para lindjes mund ta rrisë dozën e ushqimit të karbohidrateve prej 100 në 150 gramë në ditë.

            Edhe disa të dhëna të rëndësishme që duhet t’i kemi në mend:

            100 gramë albumina mund të shndërrohen në 52 gramë karbohidrate.

            Trupi i njeriut nuk i rezervon albuminat.

            Mishi edhe pse zihet nuk i humb aminoacidet.

            Acidet e albuminave treten brenda 6 orëve.

            Krejt organet e brendshme të njeriut përbëhen prej albuminave: truri, veshkat, zemra, mushkëritë, flokët, muskujt etj.

            Yndyrat e patretshme të bimëve lejohen të përdoren vetëm 1-2%.

            Ushqimi më i shëndosh është ai i cili ka shumë kolesterinë, kuptohet pra nga prodhimet biologjike.

            ATP - adenozintrefosfati është burimi i  energjisë kryesore që e furnizon trurin  e njeriut.

            ATP - ja gjatë kreativitetit dhe lëvizjes fizike aktivizohet dhe riparohet.

            Të gjitha llojet e karbohidrateve duhet të kufizohen në minimum.

            Krejt llojet e karbohidrateve dhe sheqernave të njëfishta apo të dyfishta kanë nevojë për prodhimin e lartë të insulinës.

            Sa ma shumë insulinë që organizmi detyrohet të prodhojë, aq më shumë njeriut i kanoset rreziku nga sëmundjet kancerogjene.

            Insulina e tepërt e rrezikon njeriun nga diabeti, arterioskleroza dhe shumë sëmundje tjera.

            Karbohidratet janë shkaktare shumë të rrezikshme të mosdjegies së yndyrave, sidomos në mbrëmje nuk bën të hamë karbohidrate.

            Kur hamë ushqim të dobët, siç janë karbohidratet, rriten kërkesat e nevojave për albumina. Nëse hamë ushqim me energji të pastër, siç janë yndyrat e shtazës, atëherë organizmi nuk ndjen nevojë për albumina të tepërta.

            Njeriut të shendosh i duhen në ditë nga 30 - 50 gramë albumina edhe atë nëse merren prej ushqimit biologjik.

            Për djegien e karbohidrateve trupit i duhen shumë vitamina tjera, minerale dhe enzime, kurse yndyra e shtazës i ka të gjitha me veti; dijeni, pra, sa të dëmshme janë karbohidratet e tepërta; mbi 50 gramë karbohidrate janë shumë të rrezikshme për shëndetin e njeriut.

            Duhet të hamë, sepse e ndjejmë urinë, dhe do të hamë derisa të ngopemi; albuminat na ngopin shpejt, kurse karbohidratet sa më shumë që hamë aq më shumë na bëjnë të uritur.

            Të ushqyerit me enzime i plotëson kërkesat e përgjithshme të materieve ushqyese; të ushqyerit me vitamina nuk i plotëson as për së afërmi nevojat e njeriut në krahasim me enzimat të cilat merren drejtpërsëdrejti nga yndyrat e shtazëve.

            Më e rëndësishme është të ushqehemi me enzime sesa me vitamina.

            Hemoglobina e transporton oksigjenin nëpër fijet indore-muskulore, hemoglobina është më e vlefshme sesa hekuri. Enzimat – hemoglobinën e gatshme mund ta marrin përmes ushqimit shtazor, si p.sh. nga mishi i mëlçisë së zezë; përse, atëherë, të përpijmë kokrra të industrisë farmaceutike të cilat na i preferojnë mjekët!?

            Nuk ka nevojë të marrim injeksione nga mjekët për mungesë të hekurit, por mjafton të hamë hemoglobinën e gatshme përmes suxhukut prej gjaku. Shumë popuj gjakun e shtazëve nuk e hedhin, por e ruajnë dhe e bëjnë suxhuk për shëndet natyror.

            Mëlçia e zezë nuk i duron albuminat e tepruara, nuk e do glukozën, nuk do që treglicoridet t’i shndërrojë në kolesterinë.

            Acidet janë 40 herë më të mira se glukozat.

            Yndyrat e shtazës aspak nuk e mundojnë mëlçinë e zezë, yndyrat thithen nga sistemi limfatik, dhe prej aty shpërndahen nëpër qeliza ku brenda 15 - 20 minutash ato largohen nga gjaku.

            Në të kuqtë e vezës nuk ka mundësi të zhvillohen qelizat e kancerit.

            Qelizat e kancerit zhvillohen vetëm në karbohidrate.

            Perimet lakërore janë të rëndësishme për mbrojtjen e organizmit nga sëmundjet kancerogjene.

            Ushqimi optimal i përmirëson dhe i shëron të gjitha sëmundjet e lehta dhe të rënda, pos atyre sëmundjeve që e kanë bërë të veten.

            Ushqimi i rëndomtë ose aktual zhvillon rreth 3000 sëmundje, të cilat kryesisht janë sëmundje të civilizimit bashkëkohor. Bujqit prodhojnë pemë dhe perime jo-biologjike që janë shumë më të varfra me materie ushqyese se ato prodhime që prodhohen nga bujqit biologjikë. Shumica e prodhimeve bujqësore që ne i hamë, jo vetëm që janë të tepërta, por ka prej tyre që nuk janë të domosdoshme për t’i ngrënë, madje janë të shtrenjta dhe me pak vlerë. Pra, shumë nga prodhimet bujqësore nuk janë cilësore për t’i ngrënë, por janë cilësore për t’i parë.

            EFEKTET ANËSORE TË MUNDSHME GJATË USHQIMIN OPTIMAL

            Tek ata të cilët dietën optimale e zbatojnë 100%, në organizmin e tyre do të bëhet një ndryshim i madh dhe shumë pozitiv; ndryshim i natyrshëm. Tek ata që janë të rinj dhe të shëndoshë, adaptimi i organizmit të tyre me këtë dietë do të ndodhë brenda muajit, kurse tek ata që janë të vjetër ose të sëmurë adaptimi me ushqimin optimal mund të zgjasë deri në tre muaj. Duhet theksuar se në këtë rast ndodh një proces shumë normal në organizëm, një ndryshim pozitiv i dobishëm, dhe në këtë rast nuk ka arsye që dikush të brengoset lidhur me ndryshimet që pasojnë; çdo gjë ka për të përfunduar mirë. Ndryshimet mund të jenë:

            Zvogëlimi i shijes në ushqim: Nuk bën të brengosemi, sepse organizmi ngopet nga yndyrat biologjike të shtazëve; ato kanë energji të pastër dhe të fortë, njerëzit e rëndomtë ushqehen shumë me karbohidrate, prandaj ata janë gjithmonë më të uritur.

            Ngërçi në këmbë: Organizmi është mësuar të marrë në vete shumë karbohidrate dhe në fillim paraqiten disa simptoma të ngërçit, por ato janë të kalueshme; për të mos u brengosur, bënë që gjatë drekës të hamë diçka nga karbohidratet dhe ai fenomen shpejt do të kalojë.

            Pengesat në jashtëqitje: Në fillim, derisa të adaptohet organizmi me ushqimin optimal, do të paraqiten pengesat në jashtëqitje. Ata të cilët hanë ushqimin e rëndomtë janë mësuar të hanë gjithçka shumë, ta ngarkojnë organizmin me mbeturina, mbeturina të cilat gjithmonë njeriun e detyrojnë të ketë jashtëqitje të shumta. Kurse me fillimin e ushqimit optimal, njeriut nuk i duhen shumë pemë, perime, brumëra, ëmbëlsira dhe shumë ushqime të panevojshme. Për këtë arsye nga ushqimi i rëndomtë na është dashur të hamë shumë dhe të bëjmë jashtëqitje të shumta, kurse tash hahet shumë më pak dhe ka jashtëqitje më pak. Tjetra është se yndyrat e shtazëve nuk përmbajnë pothuajse aspak mbeturina, ato kanë më shumë energji se sa mbeturina.

            Për ta lehtësuar jashtëqitjen bën të hamë ndonjë kumbull të terur ose më së miri, gjatë ushqimit, në drekë ose në mëngjes, në fillim mund të hamë diçka prej pemëve ose ndonjë nga perimet turshi, si p.sh.: tranguj, lakra ose lakra të ziera. Këto probleme bëhen të tejkalueshme, pasi të mësoheni me ushqimin optimal.

            Aroma e pakëndshme e gojës: Pas fillimit të ushqimit optimal ndodhin disa procese të domosdoshme ndryshimi në  organizëm. Nga të ushqyerit e mëhershëm fillojnë të lirohen disa helme, e pasi të kalojë një kohë disajavëshe organizmi zë të pastrohet nga këto helme dhe pastaj më nuk do t’i vijë era e pakëndshme gojës.

            Dhimbje e barkut: Nëse paraqitet dhimbja, normalisht duhet të kalojë brenda tri ditësh. Nëse nuk kalon brenda tri ditësh, atëherë duhet kërkuar tjetërkund shkakun e kësaj dhimbjeje.

Dhimbja e mëlçisë së zezë: Nëse dikush ka rastësisht zall ose, siç thuhet, gurë në idhëz, atëherë përmes ushqimit optimal organizmit i rikthehet normaliteti funksional. Prandaj, në njëfarë mënyre organizmi tenton të vetëpastrohet ose të rigjenerohet. Nëse gurët nuk janë të mëdhenj, që në fillim të ushqimit optimal ka mundësi të largohen nga mëlçia; e nëse gurët janë të mëdhenj, ata në këtë rast tentojnë të dalin, dhe dhimbja rritet. Për të mos e duruar dhimbjen, është mirë të kërkohet ndihma e mjekut që të lehtësohen dhimbjet ose t’i largojmë sa më shpejt gurët nga mëlçia.

            Ndjeshmëritë tjera mund të jenë edhe të kripës, sepse gjatë ushqimit optimal njeriut i duhet shumë më pak kripë. Shumë lloje të ushqimit që hahen kanë kripë të mjaftueshme për organizmin.

            Në Kosovë gjithkush e di se çfarë kuzhine përdoret. Fasule, patate, oriz, qepë, presh (purri), lakra, mish, vaj, sheqer, pije të llojllojshme me gazra e sheqer, bukë dhe brumëra me masë e pa masë, shpageta e makarona, pica e pite etj. Kuzhina e Kosovës e ka për traditë t’i përdorë ushqimet me sasi shumë të mëdha karbohidratesh (KH), vajrat e bimëve, po ashtu edhe shumë sheqer në kafe, çaj etj. Ushqimet e tilla janë bërë aktuale dhe normale, kurse sipas ushqimit optimal janë tepër të rrezikshme, shkatërruese dhe vdekjeprurëse. Mund të supozohet se shumëkush tek ne në Kosovë mund të mos e marr seriozisht metodën e ushqimit optimal, por unë e them me plot përgjegjësi se duhet të marrim masa urgjente dhe të hamë ushqime biologjike, t’i reduktojmë sheqernat e tepërta, kripërat, vajin e bimëve, pijet me gazra e të ëmbëlsuara me sheqerna kimike etj.

            Duam apo s’duam ne duhet t’i kushtojmë rëndësi shumë të madhe ushqimit biologjik dhe duhet patjetër të vetëdijesohet populli mbi bujqësinë biologjike. Bujqësia biologjike prodhimet e veta i ka biologjike, sepse ajo nuk i stërpik pemët dhe fushat e veta me preparate kimike, por nëse është nevoja vetëm me preparate biologjike. Plehrat artificiale nuk i përdor fare, përdoren vetëm plehrat biologjike të shtallës ose të prodhuara nga mbeturinat e gjelbra dhe kompostet e vetëpunuara.

            Vazhdon...

(1)   (2)   (3)   (4)   (5)           (7)