Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (5)

Kapitulli i njëzetekatërtë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

KAPITULLI 24

Shpirtërorja nuk është për shitje

            3 mars 1986 paradite

            Pyetja e parë

            A keni ndërmend të qëndroni në Greqi? Nëse po, a doni të krijoni një komunë të përhershme këtu? Nëse jo, a ka ndonjë vend të cilin ju do ta merrni në konsideratë?

            Greqia është e bukur. Unë do të doja të qëndroja këtu, dhe unë do të doja të krijojë një komunë shumë të madhe. Por e tëra varet se sa kurajo ka populli i Greqisë, nëse ata mund të më durojnë apo jo.

            Pyetja e dytë

            Unë e di se ende nuk ka itinerar të caktuar, por a mund të na flisni për ndonjë detaj rreth turnes botërore?

            Vështirë është të thuhet diçka rreth turnes botërore, për arsyen e thjesht se të gjitha qeveritë kanë aq shumë frikë nga unë. Unë kam aplikuar në të gjitha vendet, unë jam duke pritur për vizat e tyre, dhe ata po vazhdojnë ta shtyjnë afatin. Kjo është pothuajse dy muaj ... dhe ata as nuk kanë guxim të thonë jo, sepse ata e dinë shumë mirë se në qoftë se ata thonë jo, unë do t’i paraqes ato publikisht. Kështu që ata as nuk mund të thonë jo, por as nuk mund të thonë po, sepse ata kanë frikë nga kisha e tyre, e nga masa. Kështu që për dy muaj vazhdimisht, së paku dymbëdhjetë shtete kanë shtyer afatin të më japin vizë.

            Greqia ishte më e guximshmja dhe më pranoi menjëherë me mirësearrdhje.

            Kështu që unë nuk mund të them se ku do të shkojë në të ardhmen - me siguri në Itali. Mundësia tjetër është Zvicra, dhe mundësia e tretë është Franca - por këto janë vetëm mundësi, sepse kjo nuk është në duart e mia.

            Për herë të parë unë jam duke e kuptuar se ne jemi duke jetuar në një botë e cila përbëhet vetëm nga burgjet e mëdha të quajtur kombe. Njeri nuk ka as të drejtë themelore të lëvizjes së lirë. Kjo është tragjike, kjo është trishtuese dhe e shëmtuar. Dhe unë jam duke kërkuar vetëm një vizë turistike, për katër javë ose gjashtë javë ... e ata nuk duket se kanë edhe për këtë guxim.

            PYETJE NGA CARNIVAL NEWS, ZVICËR.

            Pyetja e tretë

            Gjatë karnevalit në Zvicër disa njerëz ishin veshur si ju dhe të tjerët si sannjasinët. Ata fituan çmimin e parë si vagoni më i mirë i karnevalit në paradën e karnevalit.

            Njerëzit duken të intriguar nga ju, por pse kaq shumë njerëz agresiv ndaj juve dhe sannjasinëve tuaj?

            Kjo është një nga kontradiktat e mendjes njerëzore: kur keni frikë mënyra më e mirë për t’u mbrojtur është të jeni agresiv. Agresiviteti i tyre është simbolik e frikës së tyre të thellë. Ata e dinë shumë mirë se në qoftë se ata nuk janë agresiv ata mund të jenë të mundur më tutje. Sfondi i tyre filozofik i kalbur, ideologjia e tyre fetare nuk ka themelet në të vërtetën, ata janë të vetëdijshëm për dobësitë e tyre.

            Njerëzit e mi e kanë sjellur dobësinë e tyre në sipërfaqe. Kjo është një shenjë e mirë që ata janë agresive; kjo thjesht tregon se ata kanë filluar të shkojnë poshtë në kanal. Sa gjatë ata mund të jenë agresiv? Ky agresivitet është vetëm fasadë për ta fshehur frikën e tyre, por kjo frikë është më e thellë se agresiviteti i tyre. Këtë agresivitet ata nuk mund ta mbajnë përgjithmonë; kjo kërkon energji për të qëndruar përndryshe ajo thahet menjëherë.

            Por frika e tyre nuk do të thahet menjëherë. Kjo do të jetë më e mirë për ta, në vend se të jenë agresiv, të jenë më të kuptueshëm – të kuptueshëm për frikën e tyre, për ta kuptuar pse njerëzit e mi luajnë rol për ta dhe pse ata po ndjehen aq të frikësuar. Ata duhet të jenë gabim; nëse ju nuk jeni gabim nuk ka nevojë të jeni agresiv.

            Njerëzit e mi nuk janë agresiv, çfarë të them për agresivitetin, ata madje nuk janë as mbrojtës. Ata thjesht janë të qetë në veten e tyre, përkryeshëm të zgjuar se çfarë po bëjnë që ka përkrahjen e tyre totale. Ky nuk është një personalitet i ndarë – gjysma e tyre e mbështet dhe gjysma tjetër është kundër kësaj.

            Por shoqëria në botë është e ndarë, ajo është skizofrenike, dhe ju thjesht po provokoheni nga ana e tyre tiranike. Mos harroni një gjë: ana e tyre tiranike është shumë më e fuqishme sepse ajo kurrë nuk është shpreh. Ana të cilën ata ia kanë treguar botës, është ajo ka humbur energji; ana të cilën ata e kanë mbajtur të fshehur brenda vetes ka tubuar energji. Ju thjesht i përkujtoni për veten e tyre reale – për rebelizmin e tyre personal, për rinin e tyre personale, për jetën e tyre personale të cilën ata nuk e kanë jetuar.

            Ata nuk janë agresive ndaj jush, me të vërtetë, ata janë penduar. Por ju jeni duke i bërë ata të penduar - pa juve ata ishin të tërhequr disi në drejtim të varreve të tyre. Papritmas ju vini në mes dhe krijoni një pikëpyetje të madhe në lidhje me mënyrën e jetesës së plotë të tyre,e që nuk është asgjë tjetër, përveç se mjerim dhe vuajtje. Kjo është e natyrshme...

            Bëhuni të mëshirshëm ndaj tyre. Kundër agresivitetit të tyre duhet të bëheni të dashur dhe të mëshirshëm. agresiviteti i tyre është shumë sipërfaqësor. Nëse dhembshuria dhe dashuria janë mjaftueshëm të thella, së shpejti ata do të jenë në anën tuaj, së shpejti ata do të bëhen njerëz të mi.

            Duke qenë agresiv një gjë është e sigurt: ata kanë treguar interesim për ju dhe për mua. Kjo është vetëm se ata nuk e dinë se si të tregojnë respekt në një mënyrë më të sjellshme.

            Pyetja e katërt

            Çfarë është dallimi në mes dashurisë suaj dhe dashurisë të një të krishteri?

            Është një dallim shumë i madh. Dashuria e një të krishteri është vetëm një ide në mendje. Dashuria ime është zemra ime; kjo nuk ka të bëj me mendimet e mia, kjo ka të bëj, apo i përket, qenies sime.

            Për shembull, Jezusi e definon Zotin si dashuri. Sipas mendimit tim, kjo është shumë fyese sa i përket dashurisë. Zoti është jo-ekzistues dhe ai po e bën dashurinë vetëm një aspekt të Zotit – “Zoti është dashuri”. Zoti mund të jetë në shumë e më shumë gjëra tjera.

            Nëse do ta kisha definuar me të njëjtat fjalë unë do të kisha thënë: “Dashuria është Zot.” Atëherë Zoti nuk është asgjë tjetër përpos dashuri, atëherë ai bëhet sinonim me dashuri - dhe nëse dashuria është Zoti, atëherë nuk ka nevojë për ta dëshmuar ekzistencën e Zotit. Kjo dëshmohet nga përvoja e dashurisë.

            Zoti nuk është më një person që krijon botën; ai është një energji e dashurisë që është kreative. I tërë ky univers është dashuri kreative. Unë thjesht nuk e pranoj idenë mbi Zotin.

            Dashuria është e gjitha.

            Sa më shumë që jeni të dashur aq më shumë jeni hyjnor.

            Kur e arrini majën më të lartë të dashurisë, ju fitoni përvojën e hyjnisë – jo të Zotit. Për mua, hyjnia është vetëm si një aromë: ju mund ta ndijeni atë por nuk mund të kapeni për të.

            Dallimi mund të shihet në realitetin objektiv. Për dy mijë vjet të krishterët kanë predikuar për dashurinë, dhe për dy mijë vjet ata kanë vrarë njerëz, kanë djegur njerëz të gjallë, kanë shkatërruar qytete, kanë djegur qytete. Ata e quajnë atë kryqëzat, xhihad, luftë fetare. Vetë termi luftë fetare është kontradiktore: nuk mund të ketë kurrfarë lufte fetare; çdo luftë është jofetare.

            Me qenë religjioz do të thotë me qenë përtej dhunës së marrë, vrasjeve, zjarrvënjeve. Por për këto dy mijë vjet është treguar dashuria e të krishterëve: në emër të dashurisë ata kanë vrarë aq shumë njerëz, kanë djegur aq shumë gra të gjalla, por duket absolutisht e çuditshme se ata ende nuk kanë nerva të flasim për dashuri.

            Dashuria ime nuk do t’ju çoj në luftë, nuk do të krijojë kryqëzata. Dashuria ime do t’ju ndihmojë të vallëzoni, të këndoni. Dashuria ime do t’ju ndihmojë ngrohtësisht të bisedoni me shumë më shumë qenie njerëzore, në mënyrë të thellë e më të thellë – përmes zemrës.

            Nëse dashuria do të ketë sukses nuk do të ketë luftë në botë. Nëse dashuria ime do të ketë sukses nuk do të ketë nevojë për asgjë tjetër – sepse kur është zemra juaj e mbushur me dashuri ju nuk mund të jeni zemëruar, ju nuk mund të jeni te frustruar, nuk mund të ndjeheni të pakuptimtë, nuk mund të ndjeheni të ankthshëm; ju nuk mund të mendoni me termet se ekzistenca është vetëm një rastësi. Dashuria është aq e gjithëpërfshirëse, një kënaqësi aq e thellë sa që çdo gjë tjetër zhduket larg. Ju bëheni dashuri e pastër… dhe lulëzimi i dashurisë së pastër është lulëzim i vetëdijes suaj, i qenies suaj, i ekzistimit tuaj, i fatit tuaj.

            Dashuria krishtere është vetëm fjalë. Dashuria ime është realitet. Po të kishte qenë dashuria e tyre gjithashtu realitet, gjërat do të kishin qenë krejtësisht ndryshe.

            Unë kam kërkuar nga Papa, me respekt dhe dashuri, një diskutim publik rreth fundamentit të religjionit. Ai është aq frikacak saqë nuk është i gatshëm. Këtu, vetëm si një shembull, kryepeshkopi i këtij ishulli të vogël i telefonon pronarit të shtëpisë, që është mikpritës i imi, dhe i thotë: “Nëse nuk e përzen nga shtëpia jote atë, ne do ta djegim shtëpinë.” Ju mund ta shihni dashurinë – dashurinë krishtere.

            Unë nuk jam duke i bërë asnjë të keqe ndokujt, dhe nëse ai mendon se unë jam gabim, ai është i ftuar dhe i mirëpritur për të diskutuar për çdo gjë që ai mendon se unë rreth saj jam gabim. Pse të digjet shtëpia e shkretë? – unë do të shkoj për disa ditë, dhe kjo shtëpi është e bukur.

            Por unë e kam informuar kryepeshkopin: “Nëse ju do ta digjni atë… të paktën në qoftë se nuk mund të jeni të krishterë bëhuni njeri i ndershëm: më tregoni që unë të kem mundësi të jem brenda. Në mënyrë që ju ta dëshmoni dashurinë tuaj.”

            Fjalimi është një gjë.

            Të jetohet është tërësisht ndryshe.

            Pyetja e pestë

            Kohën e fundit ju keni larguar zotin dhe religjionin nga sannjasinët tuaj. A do ta largoni edhe veten tuaj gjithashtu, mjeshtrin e tyre të dashur dhe mikun, nga ata?

            Unë nuk mund ta bëj këtë sepse ajo nuk është në duart e mia, përndryshe do ta kisha bërë atë. Nëse ata më donë, nëse ata ndjehen thellë të sinkronizuar me mua… ju duhet t’i pyesni ata sepse kjo është në duart e tyre.

            Sa më përket mua, të gjitha ishin të panevojshme, çfarëdo organizimi që ishte unë i kam larguar. Ajo ishte në duart e mia. Dashuria nuk është në duart e mia; unë jam në duart e dashurisë. Unë nuk mund ta largoj.

            Por njerëzit e mi janë të plotësisht të lirë ta largojnë dashurinë e tyre kur ata e ndjejnë. Dashuri im do të mbetet e njëjtë ndaj tyre, sepse ajo është e pakushtëzuar, por nuk ka të bëjë me faktin se a më donë ata mua apo jo. Unë do të vazhdoj t’i dua ata.

            Unë nuk mund, më falni pak – Unë nuk mund ta pranoj iden e juaj. Dashuria është e vetmja gjë që ka mbetur mes meje dhe njerëzve të mi,  dhe që duhet të jetë  e vetmja gjë në mes njerëzve. Çdo gjë tjetër mund të largohet, por jo dashuria – sepse dashuria është Zoti, dashuria është fe.

            Dashuria është e tërë rruga ime e jetës, dhe ata e kanë pranuar dashurinë si rrugë të tyre të jetës gjithashtu. Por ata janë absolutisht të lirë… sepse dashuria jep liri. Ajo nuk është një varësi të cilën unë mund ta largoj; ajo është liria tyre, dhe unë nuk mund ta largoj lirinë e tyre. Unë nuk do ta posedoj askënd.

            Dashuria nuk është posedim.

            Dashuria është liri e pastër për personin tjetër që të jetë vetja e tij.

            Si mund ta largoj unë këtë? Kjo është e pamundur.

            Vazhdon...

 (1)    (2)    (3)   (4)           (6)    (7)